ޚަބަރު / އިބްރާހިމް ހޫދު، ކޮމިއުނިކޭޝަންސް ސްޓްރެޓެޖިސްޓް

ކޮރަޕްޝަން ބަލާ ކޮމިޝަންގެ މަސައްކަތް ލަސް: ތަރުޖަމާން

ކޮރަޕްޝަންގެ މައްސަލަތައް ބެލުމަށް އުފެއްދި ކޮމިޝަންގެ މެމްބަރުންނާ ރައީސް އިބްރާހިމް މުހައްމަދު ސޯލިހާ ބައްދަލު ކުރައްވަނީ. --- ފޮޓޯ: ރައީސް އޮފީސް

ފަޒީނާ އަހުމަދު، މިހާރު

13 ޖޫން 2019 - 15:12

11 comments

ދައުލަތުގެ ތެރޭގައި ހިންގާފައިވާ ޚިޔާނާތާއި މަނީ ލޯންޑްރިންގެ މައްސަލަތައް ބަލައި ގެއްލުނު ފައިސާ އަނބުރާ ހޯދަން މި ވެރިކަމުގެ ފުރަތަމަ ދުވަހު، ރައީސް އިބްރާހިމް މުހައްމަދު ސޯލިހް އުފެއްދެވި ކޮމިޝަންގެ މަސައްކަތްތައް ލަސް ކަމަށް ސަރުކާރުން މިއަދު އެއްބަސްވެއްޖެ އެވެ.

ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ސަރުކާރުގެ ތަރުޖަމާން އިބްރާހިމް ހޫދު ވިދާޅުވީ އެ ކޮމިޝަންގެ މަސައްކަތްތައް އޮތީ ހަ މަސް ދުވަހުގެ ތެރޭގައި ނިންމާ ގޮތަށެވެ. އެކަމަކު އެކަން ލަސްވި އެއް ސަބަބަކީ ކޮމިޝަނަށް ގާނޫނީ ބާރު ނުލިބުން ކަމަށް ވިދާޅުވި އެވެ.

ކޮރަޕްޝަން މައްސަލަތައް ބެލުން އޮންނަނީ އެންޓި ކޮރަޕްޝަން ކޮމިޝަން (އޭސީސީ)އަށް ކަމަށް ވިޔަސް އެ ކޮމިޝަންގެ އިތުބާރާ މެދު ސުވާލު އުފެއްދުމުން ރައީސްގެ ނިންމުމަކަށް ވީ ކޮމިޝަން އުފެއްދުމަށް ފަހު ގާނޫނީ ބާރުވެރިކަން ދިނުމެވެ. އެ ބިލް މަޖިލީހަށް ހުށަހެޅި ނަމަވެސް 18 ވަނަ މަޖިލީސް ނިންމާލީ ތަފާތު ސަބަބުތައް ދައްކައި ބިލް ފާސްނުކޮށެވެ.

ރިޔާސީ ކޮމިޝަންތަކަށް ބާރު ދިނުމާ ގުޅޭ ބިލް އަލުން މަޖިލީހަށް ހުށަހަޅާފައިވާ ކަން ފާހަގަކުރައްވައި ހޫދު ވިދާޅުވީ އެ ބިލް ފާސްވެ ގާނޫނީ ބާރުވެރިކަން ލިބުމާ އެކު ކޮމިޝަންގެ މަސައްކަތް އަވަސްވާނެ ކަމަށެވެ.

"ކޮމިޝަންގެ މަސައްކަތް ސްލޯ، އިނގޭތޯ. ރައީސް ވެސް ވިދާޅުވެފައި އޮތީ އެ މަސައްކަތް އޮތީ ހަ މަސް ދުވަހުން ނިންމާ ގޮތަށޭ،" ހޫދު ވިދާޅުވި އެވެ.

ބިލް ފާސްވުމާ އެކު، ހޫދު ވިދާޅުވި ގޮތުގައި، ކޮމިޝަންގެ މަސައްކަތްތައް ވެސް އާއްމުކުރާނެ އެވެ.

Corruption balaa commission ge masakkai las dhuvelee gai!

The most trusted news source in the Maldives

Mihaaru

ކޮރަޕްޝަނަށް މި ސަރުކާރުގައި އޮތީ "ޒީރޯ ޓޮލަރެންސް" ސިޔާސަތު ކަން ތަކުރާރު ކުރައްވައި ހޫދު ވިދާޅުވީ ޚިޔާނާތުގެ މައްސަލަތައް ހުށަހަޅަން ރައީސް އޮފީހުން ހުޅުވާލުމުން ވިސްލްބްލޯވާ ޕޯޓަލް އަށް 400 އަށް ވުރެ ގިނަ މައްސަލަ ހުށަހެޅި ކަމަށެވެ. އެ މައްސަލަތައް ކޮރަޕްޝަން ބަލާ ކޮމިޝަނުން ބެލުމަށް ފަހު ސުވާލު އުފެދޭ 18 މައްސަލަ އޭސީސީ އަށް ހުށަހަޅާފައިވާ ކަމަށް ވިދާޅުވި އެވެ.

ކޮރަޕްޝަން ބަލާ ކޮމިޝަނުން ތަހުގީގު ކުރާ އެންމެ ބޮޑު މައްސަލައަކީ އެމްއެމްޕީއާރުސީ މެދުވެރިކޮށް ހިންގި 1.3 ބިލިއަން ރުފިޔާގެ ޚިޔާނާތެވެ. އެ މައްސަލައިގެ ތަހުގީގު ފަށައި، އެކި މިނިސްޓްރީއާ ގުޅުން ހުރި ކަންކަމުގައި ބައެއް އެންގުންތައް ވެސް ވަނީ އަންގައިފަ އެވެ. އޭގެ ތެރޭގައި އެމްއެމްޕީއާރުސީން ދޫކުރި އެއްވެސް ރަށެއްގެ ހިއްސާ ބަދަލުކުރުން ފަދަ ކަމެއް ނުކުރަން ޓޫރިޒަމް މިނިސްޓްރީ އަށް އެންގުން ހިމެނެ އެވެ.

ރައީސް އޮފީސް އެންޓި ކޮރަޕްޝަން ކޮމިޝަން ކޮރަޕްޝަން ރައީސް އިބްރާހިމް މުހައްމަދު ސޯލިހް އެމްއެމްޕީއާރްސީގެ ކޮރަޕްޝަން އިބްރާހިމް ހޫދު، ކޮމިއުނިކޭޝަންސް ސްޓްރެޓެޖިސްޓް

11 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވާނު

13 June 2019

ފުލެޓް ކޮމެޓީ ކޮބާ ހޭ އެވެސް ބަހަނަ ޔަ ކަށް ފަހު ބަހަނަ ޔެ ދައްކަމުން ގޮސް ވައިން ތަނެއް ވެސް ނޭގެ. މި ކަމަ އުލޭނެ ބަޔަކު ހަމަ ނޭތީ ތަ..ބޮޑު ކުލީގަ އުޅޭ ބަޔަކަށް އިނގޭނި އުޅޭ ހަލެއް.ލިބެނި 5000 ކުލި 15000 ހާސް.ބަލަ އިހުލާސް ތެރިވެބަލަ ކޮންމެ ބަޔަކުވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޡުނޭރު

13 June 2019

ތިތާގަ ތިބި ލޯޔަރުންނާ އިންވެސްޓިގޭޓަރުންގެ ކިބައިގައި އެ ފެންވަރެއް ނުހުންނާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުއްޅަބޭ

13 June 2019

ޒީރޯޓޮލަރެންސް އަކީ އެމްޑީޕީ އެކްޓިވިސްޓުންނަށް އެކި ގޮތްގޮތަށް ބަދަލުގެ ގޮތުގައި ރައްޔިތުންގެ ރައުސްމާލު ބަހާލުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާގަބާޑި

13 June 2019

ހުރިހާ ކަމެއްވެސް ލަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު.

13 June 2019

މަސައްކަތް 6 މަސްދުވަހުން ނިންމާގޮތަށޭ ރައީސް ވިދާޅުވީމަ ނިމޭތޯ؟ ތިޔަ ބުނާ ކޮމިޝަނެއް އުފެއްދިތާ މިހާރު 7 މަސްވީ، އަދި ތަހުގީގީ ބާރު ނުލިބޭ. ތަހުގީގުގެ އެންމެ އަސާސީ ބާރަކީ ތުހުމަތު ކުރެވޭ މީހުން ހާޒިރުކޮށް ބަޔާންނެގުން. އެ ބާރެއް ނެތް. ތުހުމަތު ބަޔާންނެތީސް ޖިނާއީ ތަހުގީގެއް ފުރިހަމައެއްނުވޭ.. ދެން ކިހިނެތްތޯ 6 މަސްދުވަހުން ތަހުގީގު ނިންމަނީ؟ ހޫދުއެއް ކަމަކު ތަންކޮޅެއް ބަލާލައިގެން ވާހަކަ ދައްކަވަން ވެއްޖެނޫންތޯ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޛުނެޖޮ

13 June 2019

ޢޭސީސީ ބާރުވެރިކުރުވާ ދާއުލަތުން ބަޔަކަށް ބޭކާރު މުސާރަ ދޭކަށް ނުޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯލްޓް

13 June 2019

ކަަރަޕްޝަން ބަލާ ކޮމެޓީގެ މެންޑޭޓް ތެރޭ 2008 އިން ފެށިގެން ދައުލަތުގެ ފައިސާއަށް ހިޔާނާތްތެރިވި ހުރިހާ ބަޔެއްގެ މައްސަލަ ބެލެންވާނެ. އަދި ހާއްސަކޮއް އޯޑިޓް ރިޕޯރޓް ތަކުގައިވާ މައްސަލަތަށް. ތިކަމިޝަން ގައި މަސައްކަތްކުރާ އަސްވަދު ފިނޭންސް ގައި މަސައްކަތްކުރި ދުވަސް ވަރު ނުގަވާއިދުން ދޫކުރި ފައިސާގެ މައްސަލަވެސް ބަލަން ޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާބޮޑުމީހާ

13 June 2019

5 މީހުންނަށް ކިހިނެތް ބޮޑެތި މުއައްސަސާތަކުން ކުރާ ކަންތައްތައްކުރާނީ. ކުއްލި މައްސަލަވައްދައި ތި އޭސީސީ އޮޑިޓަރޖެނަރަލް ވަކިކޮށްގެން ވެސް ތިމައްސަލަތައްބެލިނަމަ ކޮޅެއްގެ ޖެހިފަ ހުންނާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާހަކަ ކިޔާސޮރު

13 June 2019

ހޫދު ކޮން ކޮމިސަނެއްގެ މަސައްކަތް ތޯ އަވަހީ؟ 2023 ގަ ކެމްޕޭން ގަ ބުނާނެ އަދި 5 އަހަރު ދެއްވާސޭ އޭރުން ކޮރަފްސަން ގެ މައްސަލަ ތައް ނިންމާނަމޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންނިި

13 June 2019

ދެން ބާރުވެރިކަން ނެތި 7މަސް ދުވަސް ވަންދެން ސްލޯކޮށް، މަސައްކަތެއް ނުކޮށް، ދިވެހި ރައްްޔިތުންގެ ފައިސާއިން ހިނގި ޚަރަދޯ؟ މިކަހަލަ ރިޔާސީ ކޮމިޝަނެއް އެމްޑީޕީ ވެރިކަމުގައި 2008ގައިވެސް އުފައްދާ 3 އަހަރު މަސައްކަތްކުރި. ރައްޔިތުންގެ ފައިސާ ކެއުން ފިޔަވާ އިތުރު އެއްވެސް ކަމެއް ނުކުރެވޭ. މި 7 މަސްދުވަހު ބޭކާރުވި ރައްޔިތުންގެ ފައިސާ އަނބުރާ ހޯދެންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަމީރު

13 June 2019

ޕޮލިސްކޮމިޝަނަރގެ ވެސް ބާރެއްނެތްތަ..ކޮމިޝަނަށް ބާރު ލިބުމުން ޕޮލިހުންނާއި ކޮމިޝަނުންވެސް ބަލާނެތަ މިފަދަ ކަންކަން..ނުނީ ޕޮލިހުން މިފަދަ ކަންކަން ބެލުމުން އެކަހެރި ކުރާނީތަ..