ވޯލްޑު ބޭންކުން ވަނީ ރާއްޖެއަށް 20 މިލިއަން ޑޮލަރު ދިނުމަށް ނިންމާފައި-- ފޮޓޯ: ވޯލްޑު ބޭންކް
16 ޖޫން 2019 - 14:35
5 comments
ޒުވާނުންނަށް ވަޒީފާގެ ފުރުސަތުތައް އިތުރު ކުރުމުގެ ގޮތުން ރާއްޖެ އަށް 20 މިލިއަން ޑޮލަރު ދޭން ވޯލްޑް ބޭންކުން ނިންމައިފި އެވެ. މީގެ ތެރޭގައި ލޯނާއި ހިލޭ އެހީ ހިމެނެ އެވެ.
އެ ބޭންކުން މި އެހީ ދޭން ނިންމާފައި ވަނީ މިދިޔަ ހުކުރު ދުވަހު ބޭއްވި އެ ބޭންކުގެ ބޯޯޑް އޮފް ޑިރެކްޓަރުންގެ ބައްދަލުވުމުގަ އެވެ.
އެ ބޭންކުން ފަންޑުކޮށްގެން ކުރިއަށްގެންދާ ޕްރޮޖެކްޓަކީ މިނިސްޓްރީ އޮފް ހަޔާ އެޑިއުކޭޝަނާއި އިކޮނޮމިކް މިނިސްޓްރީގެ އިތުރުން އަތޮޅު ކައުންސިލާއި، ސިޓީ ކައުންސިލާއި ރަށު ކައުންސިލް އަދި އަންހެނުންގެ ކޮމިޓީތައް ގުޅިގެން ކުރިއަށްގެންދާ ޕްރޮޮޖެކްޓެކެވެ.
މި ޕްރޮޖެކްޓަށް 20 މިލިއަން ޑޮލަރު ހަރަދުވާނެ ކަމަށް ލަފާ ކުރެވޭއިރު 10 މިލިއަން ޑޮލަރަކީ ހިލޭ އެހީ އެވެ. ބާކީ 10 މިލިއަން ޑޮލަރަކީ އިންޓަނޭޝަނަލް ޑެވެލޮޕްމެންޓް އެސޯސިއޭޝަން (އައިޑީއޭ) އިން ކްރެޑިޓްގެ ގޮތުގައި ދޭ ފައިސާ އެވެ.
ވޯލްޑް ބޭންކުން ނެރުނު ބަޔާނެއްގައި ބުނީ ސަރުކާރާ ގުޅިގެން ކުރިއަށްގެންދާ މި ޕްރޮޖެކްޓުގެ ދަށުން ވަޒީފާގެ މާހައުލުގައި އަންހެނުން އިތުރު ކުރުމަށް މަސައްކަތް ކުރާނެ ކަމަށެވެ. އެގޮތުން އައިސީޓީގެ ދާއިރާއިން ބޫޓު ކޭމްޕު ފަދަ ހަރަކާތްތައް ކުރިއަށް ގެންދިއުމަށް ހަމަޖެހިފައިވާ ކަމަށް އެ ބަޔާނުގައި ވަނީ ބުނެފަ އެވެ.
ވޯލްޑު ބޭންކުން ބުނީ މި ޕްރޮޖެކްޓުގެ ސަބަބުން ދެމެހެއްޓެނިވި ގޮތެއްގައި އިގްތިސާދީ އަދި އިޖްތިމާއީ ކުރިއެރުން ހޯދުމަށް ސަރުކާރުން ކުރާ މަސައްކަތަށް އެހީތެރިކަން ލިބޭނެ ކަމަށެވެ. އަދި މީގެ ސަބަބުން މި ސަރުކާރުގެ ނޫ އިގްތިސާދު އެކުލަވާލުމުގައި ފަސޭހަ ވާނެ ކަމަށް ވެސް އެ ބަޔާނުގައި ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާބޮޑުމީހާ
16 June 2019
ތި 20 މިލިއަން ވެސް ގޮސް ހުސްވާނީ ރާއްޖެއިން ބޭރަށް. މުޅި ގައުމުގެ ރަގަޅު ވަޒީފާތަކުގަ ބޭރުމީހުން. ދިވެހިންނަށް ރޫމް ބޯއީސް ވެއިޓަރ، އޮފީސް އެސިސްޓަންޓް. ބޭރުމީހުންނަށް މެނޭޖަރ، އެކައުންޓަންޓް. ނުވިތާކަށް ފުޑް، ހެލްތް، އެކޮމަޑެޝަން ފްރީ.
ނާގަބާޑި
16 June 2019
މި ލާރި ލިބުވާހަކަ ސަރުކާރުން ނުބުނެ އުޅެނިކޮން އެންމެފަހު ވޯލްޑް ބޭންކުން އެބުނީ މިގޮތައް ކިހާ ހިލޭ އެހީއެއް ލިބިފަ ހުންނާނެ
ބޯގޯސް
16 June 2019
ކިތަންމެ ލޯނުތަކެއްދީގެން ކިތަންމެ ކަމެއްކުރިއަސް މިތާ ވަކިހިއްޕާފައިވާ ބޭރުމީހުންގެ އިލީގަލަ ވިޔަފާރިތައް ނުހުއްޓުވާހާ ހިދަކު ނޫ އިގްތުސޯދެއް ނުފެންނާނެ.
ރަދީފުއްދީނުލް އަކްބަރު
16 June 2019
ވަޒީފާ އިތުރުކުރާށެކޭ ކިޔާފާ ލާރިދޭނެކަމެއް ނެތް. މިގައުމުގާ ވަޒީފާ އެބައޮތް ހެސްކިޔާފާ. މިސާލަކަށް ބަލާ ރިސޯޓުތައް. ގާނޫނު ހެދިފާހުއްޓަސް އެއްކޮށްކަހަލަގޮތަކަށް އެގެންގުޅެނީ ބޭރުމީހުން. ދިވެހިމީހާއަކަށް ވަޒީފާއެއްނުދޭ. ބޭރުމީހާ ގުދަށް އޮންނާށޭ ބުންޏަސް އޮންނާނެވިއްޔަ. އެކަމަކު ދިވެހިމީހާ..........
ފީބީ ބުފޭ
16 June 2019
ތެދެއް. 96000 ވަޒީފާ އެބަހުރި، ކުރީ ސަރުކާރުން ދީފަ ހުރި. އޭރު ހުރި ބޭފުޅެއްގެ ހެޔޮފުޅުކަމުން، ދުރު ވިސްނޭތީ، ދެން ކިޔާނެ ކަމެއް ނެތް. އިކޮނޮމިސްޓު ދިޔަ އިރު ކޮންމެ މީހަކަށް 3-4 ވަޒީފާ ދީފަޔޯ ދިޔައީ.