16 ޖޫން 2019 - 18:54
7 comments
ރާއްޖެ އިން ޗައިނާ އާއި ސައޫދީ އަރަބިއްޔާ އަށް ކަނޑައެޅި އާ ދެ ސަފީރުންނަށް ރައީސް އިބްރާހިމް މުހައްމަދު ސޯލިހު މިއަދު މަގާމުގެ ފަތްކޮޅު ދެއްވައިފި އެވެ.
ރައީސް އޮފީހުން ބުނީ ޗައިނާ އަށް ކަނޑައަޅާފައި ހުންނަވާ ސަފީރަކަށް މ. ބީނާފުށި، އާއިޝަތު އާޒިމާ އަދި ސައުދީ އަރަބިއްޔާގައި ހުންނަވާ ސަފީރަކަށް ގ. އުތުރުގެއާގެ، މުހައްމަދު ހަލީލް ހަމަޖައްސަވައި އެ ދެ ބޭފުޅުންނަށް ރައީސް އިބްރާހިމް މުހައްމަދު ސޯލިހު މަގާމުގެ ފަތްކޮޅު އަރުއްވާފައިވާ ކަމަށެވެ.
މުހައްމަދު ހަލީލަކީ ފޮރިން މިނިސްޓްރީގެ ސްޓޭޓް މިނިސްޓަރު އަހުމަދު ހަލީލްގެ ކޮއްކޮ އެވެ.
އާޒިމާއި ހަލީލު ސަފީރަަކަށް އައްޔަންކުރުމަށް މިދިޔަ ފެބްރުއަރީ މަހު ވަނީ ރައްޔިތުންގެ މަޖިލީހުން ރުހުންދީފަ އެވެ.
ދެ ބޭފުޅުންނަށް މަގާމުގެ ފަތްކޮޅު އެރުވީ ރައީސް އޮފީހުގައި މެންދުރުފަހު ބޭއްވި ރަސްމިއްޔާތެއްގަ އެވެ.
ޗައިނާގެ ސަފީރަކަށް މިހާތަނަށް ހުންނެވީ މުހައްމަދު ފައިސަލެވެ. އޭނާ އެ މަގާމު އަދާކުރައްވަނީ ކުރީގެ ރައީސް މުހައްމަދު ވަހީދުގެ ވެރިކަމުގެ ދުވަސްވަރުން ފެށިގެންނެވެ.
އާޒިމާ ވަނީ 1988 ވަނަ އަހަރުން ފެށިގެން ސަރުކާރުގެ އެކި މިނިސްޓްރީތަކުގައި އެކި ފެންވަރުގެ މަގާމުތައް އަދާކުރައްވައިފަ އެވެ. އެގޮތުން ލަންޑަންގައި ހުންނަ ދިވެހި އެމްބަސީގެ ޑެޕިއުޓީ އެމްބެސެޑަރުކަމުގެ މަގާމާއި ފޮރިން މިނިސްޓްރީގެ އެޑިޝަނަލް ސެކްރެޓަރީގެ މަގާމާއި ޖޮއިންޓް ސެކްރެޓަރީގެ މަގާމު އަދާކުރެއްވި އެވެ.
އިންޑިޔާއިން އެންވަޔަރްމަންޓަލް ލޯ އެންޑް ޕޮލިސީގެ ދާއިރާއިން ޑިޕްލޮމާ ހާސިލްކުރައްވާފައިވާ ހަލީލަކީ ސިންގަޕޫރަށް ރާއްޖެއިން ކަނޑައަޅުއްވާފައި ހުންނަވާ ހައި ކޮމިޝަނަރުގެ މަގާމު އަދާކުރައްވާފައިވާ ބޭފުޅެކެވެ. އޭނާ ވަނީ 1983 ވަނަ އަހަރުން ފެށިގެން ސަރުކާރުގެ އެކިފަންތީގެ މަގާމުތައް ފުރުއްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރުއްގަލުބޭސް
17 June 2019
އަބަދުވެސް އެއް ބަޔަކަށް މަގާމުދެނީ. ހީވަނީ މިމީސް މީހުންނަކީ އޭރެއްގަ އޮއްނަ ސަރުކާރަކަށް ބަލަދު އަރާ ބައެއްހެން. މީތި ކަޑަ ދެއްތޯ؟
ކަތީބު3
16 June 2019
އުތުރު ގެ އައް ވަދެލައިފި މީހަކީ ވެސް ޙާރިޖީ ދާއިރާ އައް ވަރައް ގާތް މީހެކެވެ.
ޔޫޓުނޯ
16 June 2019
ޗައިނާ އަށް ކަނޑައެޅި ސަފީރު އެއީ ސަފީރަކީ މަމެން އުއްމީދު ކުރަމޭ އާޒިމާ ގޭމް ޗޭންޖް ކުރާނޭ ކަމަށް އެގޮތުން ޗައިނާ އިން އެބަޖެހޭ ލާރޖް ކޮށް އޮން ބޯރޑް ކުރަން ރާއްޖެ އަށް 2 ބިލިއަން ޑޮލަރުގެ ހިލޭ އެހީ އަދި އެ އެހީ އަމާޒު ކުރަންވީ ސީދާ މާލެ ސަރަހައްދަށް އެކަނި އެއިން ކުރަން ޖެހޭނީ މާލެ އާއި ވިލިގިލި އާއި ދެމެދު އޮތް ތިލަ ވިލު ހިއްކަިއގެން 1 ސެންޓިލިއަން އަކަފޫޓް ބިން ކުއްޔަށް ދިނުމޭ އަކަފޫޓަކަށް މަހަކު 1 ރުފިޔާ ސަރުކާރަށް ދައްކާ ގޮތަށް އައި ވޮނާ
ކުންނާރު
16 June 2019
ފައިސަލް އަށް ވަޒީފާދިނީ. ޔާމިނު.
ކޮރަލް
16 June 2019
ސިޔާސީ މަގާމެއްގަ 3 އަހަރު ހޭދަކޮށްލަނިކޮށް މާލެއިން ގެއެއް ގަނެވިދާނެއެވެ. ގެގަތް ގޮތް ބަލާނެ ބަޔަކު ނޫޅޭނެއެވެ.
ކަރީމުއްދީން ބާޝާ
16 June 2019
އަދިވެސް ކޭކުގަނޑު ބަހާ ހުސްނުވޭތޯ؟
ދޫވެހި
16 June 2019
ސަރުކާރުން ހެޔޮނިޔަތުގައި ކަމެއްކުރާނަމަ ދިވެހި ރާއްޖޭގައި އިތުބާރު ގެއްލިފައިވާ ޖުޑިޝަރީ ހަމަޔަކަށް އަޅުވައި ޤާނޫނީ އިތުބާރު ކުރެވޭ ތަނަކަށް ސްޕްރީމް ކޯޓު ހަދައިދީ.