ރ. އުނގޫފާރު: އެ ރަށު ނެރުމައްޗަށް ލޯންޗެއް ބަނޑުންޖަހާލައި، ތިން މީހުންނަށް އެކި ވަރުގެ އަނިޔާ ލިބިފައިވޭ
18 ޖޫން 2019 - 17:51
9 comments
ރ. އުނގޫފާރުން ޖޯލި މޯލްޑިވްސް ރިސޯޓަށް ފުރި ލޯންޗެއް އުނގޫފާޜުގެ ނެރު ކައިރި އަށް މިއަދު ބަންޑުން ޖަހާލައި ބައެއް މީހުންނަށް އަނިޔާވެއްޖެ އެވެ.
އުނގޫފާރު ކައުންސިލް މެމްބަރު ހުސައިން އާސިފް "މިހާރު" އަށް ވިދާޅުވީ އެ ހާދިސާގައި ތިން ފިރިހެނަކަށް އެކި ވަރުގެ އަނިޔާ ލިބިފައިވާ ކަމަށެވެ. އެ ރަށު ހޮސްޕިޓަލުގައި އެ މީހުންނަށް ފަރުވާ ދެމުން އަންނަ ކަމަށް ވެސް އޭނާ ވިދާޅުވި އެވެ. ފުލުހުން ބުނީ އެ މީހުންގެ ހާލު ބަލާފައިވާ ކަމަށާއި ބޮޑު އަނިޔާއެއް ވެފައި ނެތް ކަމަށެވެ.
މި ހާދިސާގައި އަނިޔާވީ "ކެރީ މީ" ނަމަކަށް ކިޔާ އެ ލޯންޗުގެ ދިވެހި ކައްޕި އާއި އޭގައި ދަތުރުކުރި ބިދޭސީ ދެ މީހަކަށް ކަމަށް އާސިފް ވިދާޅުވި އެވެ.
އޭނާ ވިދާޅުވި ގޮތުގައި، ލޯންޗު ބަންޑުން ޖަހާލީ އުނގޫފާރުގެ ފަޅުތެރެއިން ނުކުތްތަނާ އިންޖީނު ހުއްޓި، ރަށުގެ ނެރުމައްޗަށް އެރުމުންނެވެ.
ލޯންޗު ފުންކުރުމުގެ މަސައްކަތް އުނގޫފާރުގެ ރައްޔިތުން މިހާރު ކުރަމުން އަންނަ ކަމަށް އާސިފް ވިދާޅުވި އެވެ. އަދި ލޯންޗު ބަންޑުން ޖަހާލި ވަގުތު އެ ރަށު ނެރުތެރެއަށް ވަން އެހެން އުޅަނދެއް އެ މީހުންނަށް އެހީތެރިވި ކަން އޭނާ ފާހަގަކުރެއްވި އެވެ.
އުނގޫފާރުގެ ނެރު ކައިރީގައި މީގެ ކުރިން ވެސް ކަނޑުމަތީގެ ނުރައްކާތެރި ހާދިސާތައް ހިނގާފައިވާ ކަމަށް އާސިފް ވިދާޅުވި އެވެ. އަދި އެ މައްސަލަ ރައީސް އިބްރާހިމް މުހައްމަދުގެ ސޯލިހުގެ ސަމާލުކަމަށް އެ ރަށު ކައުންސިލުން ގެނެސްފައި ވާ ކަމަށާއި، ސަރުކާރުގެ ފުރަތަމަ 100 ދުވަހު ތެރޭގައި އެ ކަމަށް ހައްލެއް ގެނެސްދޭނެ ކަމަށް ރައީސް ވައުދުވެވަޑައިގަތް ކަމަށް އާސިފް ވިދާޅުި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހައްމަދު ނަސީހް
19 June 2019
ޖާބިރު އަޅާދޭކަހަލަ ތޮއްޓެއް އަޅާދީބަލަ، އާދޭސް ކޮށްފަ މިބުނީ
އަބްދުއްالله
19 June 2019
އޮޑިފަހަރު ބަންނަ އުގޫފަހަރު.
ކަޅުބެ
19 June 2019
އުނގޫފާރު ރައްޔިތުން ގޮތްދޫނުކޮށް ކުރިކަންތައް ދެން ސަރުކާރުގެ ބޮލުގައި އަޅުވާނެކަމެއް ނެތް .
ޙަސަން ޝަފީޤް
18 June 2019
ތިޔަ ލޯންޗް ލައްވި ނެރު ފައިކައްޓަށް އުނގޫފާރު މީހުން ކިޔަނީ “ އިންސުއަރެންސް ފައިކަށި” މިގޮތަށް ނަންދެވުނީ މާލެދަތުރުކުރާ ރ.އަލިފުށީ ބޯއްޓެއް ފައިސާ ހޯދުމަށް މާލެއިން މުދާ ބަރުކޮށްގެން އައިއިރު ނެރުފައިކަައްޓަށް އަރުވާލާ އިންސުއަރެންސް މެދުވެރިކޮށް ގިނަ އަސަދެއްގެ ފައިސާ ހޯދުމުން. މި ނެރުމަައްޗަށް ވަރަށް ގިނަ އޮޑި ދޯނިފަހަރު އަރާ. މިއީ މިހާރުން މިހާރަށް ބަދަލުކުރަންޖެހޭ ނެރެށް.
ދާސް
18 June 2019
100 ދުވަހުގެ ވައުދު ދޯ. އެއީ ހަމަ ޖާބިރު ދެއްކި ކަހަލަ ވާހަކަ ތަކެއް ކަަމަށް ބަލާ.
އަލީއަލީ
18 June 2019
100 ދުވަހުގެ ތެރޭ އެކަމަށް ހައްލެއް ހޯއްދަވައިދެއްވާނެ ކަމަށް ވައުދެއްނުވޭ! އެކަމަކު އެކަން ކޮށްދެއްވާނެކަމަށް ވިދާޅުވި! ސަރުކާރާއި ރައީސް ބަދުނާމު ނުކުރޭ ކައުންސިލް މެމްބަރު! ރައީސް އާއި ނައިބް ރައީސް ހުއްޓާ ތިމައުލޫމާތު ތިޔަމެމްބަރު ދިނުމުންވެސް ސުވާލު އުފެދޭ!
ބޫބެ
18 June 2019
އަވަހަށް މޯލޑިވިއަން ހެލިކޮޕްޓަރުގަ އަނިޔާވިކުދިން މާލެ ގެނޭ
ފަހުދު އަބުދުއް ސަމަދު
18 June 2019
ރައީސް އިބޫ އަށް އާދޭސްކޮށްފައި ބުނަން ވައުދު ވެފައިވާގޮތަށް ނެރު ބަދަލުކޮށްދީ. މިއީ ރައްޔިތުންގެ އާދޭސް
ހައިސަމް ނނ
19 June 2019
އިންޖީނު ނިވިގެން ލޯންޗް ރާޅު ދަށުވުމަކީ ނެރުގެ މައްސަލަތެއްތަ. ލޯންޗްގެ ރާކޯ ފިލްޓަރުތަކާއި އިންޖީނުގެ ސާވިސްތައްވެސް ކޮށްދޭން ރައީސް ޞާލިހުއަށް އެދެން ފެނޭ . އަމިއްލަ ޒިންމާ ނަގާބަލަ ޓްއަރިސްޓުން ގޮވައިގެން ދަތުރުކުރާއިރު ކޮންމެސް އުސޫލެއްގެ ދަށުން ޚިދުމަތް ދޭންވާނީ