ކުޅުދުއްފުށީ އެއާޕޯޓް: އެތަނުގައި ދޫނި ގިނަވުމުން ސިވިލް އޭވިއޭޝަނުން ވަނީ ކަންބޮޑުވުން ފާޅުކޮށްފައި--
23 ޖޫން 2019 - 12:13
22 comments
ކުޅި ހިއްކައިގެން ހދ. ކުޅުދުއްފުށީގައި ހަދާފައިވާ އެއާޕޯޓަށް ފްލައިޓް ޖެއްސުމަށް ހުރި ހުރަސްތައް ހައްލު ކުރެވޭނެ ކަމަށް އެންވަޔަރްމަންޓް މިނިސްޓަރު ޑރ. ހުސައިން ރަޝީދު މިއަދު ވިދާޅުވެއްޖެ އެވެ.
ކުޅުދުއްފުށީ އެއާޕޯޓު ހަދާފައިވަނީ ކުޅިއެއް އޮންނަ ސަރަހައްދެއްގައި ކަމަށް ވާތީ އެ ހިސާބުގައި ދޫނި ވަރަށް ގިނަ އެވެ. މިއީ ފްލައިޓްތަކަށް ނުރައްކާވެދާނެ ކަމަކަށް ވާތީ ސިވިލް އޭވިއޭޝަނުން ވަނީ ކަންބޮޑުވުން ފާޅުކޮށް ކަމާ ބެހޭ އިދާރާތަކަށް ސިޓީއެއް ފޮނުވާފަ އެވެ.
އެ ސިޓީއާ ގުޅޭ މައުލޫމާތު އެންވަޔަރްމަންޓް މިނިސްޓްރީން ކުޅުދުއްފުށީ ކައުންސިލާ ވެސް ވަނީ ހިއްސާކޮށްފަ އެވެ. އެއާ އެކު އެ ރަށު ބައެއް މީހުން އަންނަނީ ކަންބޮޑުވުން ފާޅު ކުރަމުންނެވެ. އެ މީހުން ބުނަމުން އަންނަނީ އެއީ އެ އެއާޕޯޓަށް ދަތުރުތައް ނުފަށަން ސަރުކާރުން ދައްކާ ބަހަނާއެއް ކަމަށެވެ.
އެކަމާ ގުޅޭގޮތުން މިނިސްޓަރު ހުސައިން "މިހާރު" އަށް ވިދާޅުވީ އެއާޕޯޓް ސަރަހައްދުގައި ދޫނި ގިނަވުމަކީ ދަތުރުތައް ފަށަން ބަލާއިރު ކަންބޮޑުވާ ކަމެއް ކަމަށާއި ނަމަވެސް އެކަން ހައްލުކުރެވޭނެ ކަމަށެވެ. ރާއްޖޭގެ ހުރިހާ އެއާޕޯޓަކަށް ވެސް ދޫނީގެ މައްސަލަ ކުރިމަތިވެފައިވާ ކަމަށާއި އެކަންކަމަކީ ހައްލު ކުރެވޭނެ ކަންކަން ކަމަށް މިނިސްޓަރު ވިދާޅުވި އެވެ.
އެންވަޔަރްމަންޓް މިނިސްޓަރު ޑރ. ހުސައިން ރަޝީދު: ވިދާޅުވީ ކުޅުދުއްފުށީ އެއާޕޯޓުގެ މައްސަލަ ހައްލު ކުރެވޭނެ ކަމަށް-- ފޮޓޯ: މިހާރު
"މިކަން ހައްލު ކުރެވޭނެ. އެއާޕޯޓް ބޭނުންކުރަން ސަރުކާރުގެ ވިސްނުން އޮތީ. ކުޅި އޮވެގެން އެއާޕޯޓް ބޭނުން ނުކުރެވޭ ހާލަތަކަށް ނުދޭ،" މިނިސްޓަރު ވިދާޅުވި އެވެ.
ހަމައެކަނި ރަންވޭއެއް ހަދައި ހުޅުވާފައިވާ ކުޅުދުއްފުށީ އެއާޕޯޓުގައި ޓާމިނަލް އެޅުމުގެ މަސައްކަތް މިހާރު ވަނީ ފަށައިފަ އެވެ. ވަރަށް އަވަހަށް އެއާޕޯޓަށް ދަތުރުތައް ފެށޭނެ ކަމަށް ޓްރާންސްޕޯޓުން ބުނެ އެވެ.
ކުޅުދުއްފުށީ އެއާޕޯޓްގެ މަސައްކަތް އާ ސަރުކާރުން ވެސް ކުރިއަށް ގެންދަން މި އަހަރުގެ ބަޖެޓުގައި 5.7 މިލިއަން ރުފިޔާ ވަނީ ހިމަނައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުޅި ސަރަހައްދު
24 June 2019
އަހަރުން ވެސް މުޅި ރާއްޖޭގައި އުތުރުން ދެކުނަށް ދަތުރުކޮށްފިން އެކަމަކު ކުޅުދުއްފުށި ހާއި ކާޅު އަދި ވާ ގިނަރަށެއް ނުދެކެމު އެކަމަކު އެންމެގިނައީ ކުނިކޮށި ސަރަހައްދުގައި ކުޅީގައި އުޅުން ދޫނިތައްވެސް ތިބެނީ މިހާރު ކާންލިބޭތީ ކުނިކޮށީގައި
ސަކީނާ މަންޒިލް
23 June 2019
ޤަބޫލު ކުރިއަސް ނުކުރިއަސް އާބާދީ އިތުރުވާ މިންވަރަށް ބަލާއިރު ކުޅުދުއްފުއްޓަކީ ތަރައްޤީކުރަން އެންމެ އެކަށީގެންވާ ރަށެއްނޫން! މިހެންމިބުނީ މެދުސައިޒުގެ ރަށަކަށްވެފަ، ބޮޑުކުރެވެންނެތިފަ، އިންތިހާއަށް އާބާދީ އިތުރުވުވެފައިވުން! ކުރުކޮށް ބުނާނަމަ ހަމަ މާލެ! ކުޅުދުއްފުއްޓަށް އެންމެފައިދާހުރިގޮތަކީ ކުޅި އެކީ ހިއްކުން! އެއާޕޯޓްވިއްޔާ އެއާޕޯޓް ކުޅިވިއްޔާ ކުޅި! އެއާޕޯޓް އެޅުމަށްފަހު ދުރުމުސްތަޤްބަލަކަށް އެހެންރަށެއްވެސް ތަރައްޤީކުރުން ބުއްދިވެރި!
ފާގަ
23 June 2019
ދަތުރު ކުރުމުގެ ޚަރަދު މާލެ އަކަށް ބޮޑެއްނޫން! ޢިސްތަށިބުޑުގާ ބިއްސެއް ނެގިޔަސް ރައްރަށުން އަންނަން ޖެހެނީ މާލެ! ޙުރިހާމުދަލެއްވެސް ބާލަން ޖެހެނީ މާލޭ ބަދަރާށް! ޢެމުދާ ރައްކާ ކުރަންޖެހެނީ މާލޭގެ ގޭގޭގައި! މާލޭ ޖަޒީރާ އަކަށް ބަދަލު ކުރަާ ވާހަކަ ނުދައްކާ ރަށްރަށް ޖަޒީރާ ! މާލޭ ކޮންމެ އިމާރާތެއް 25 ބުރިޔަށް! ކީކޭތަ މިކިޔަނީ! ޙަސަދަ ނޫންބާ!
ޙަބީބު
23 June 2019
ތީވަރައް މޮޅުއުޒުރެއް ހދ އަތޮޅައް ފަތުރުވެރިކަން ނުގެންގޮސްއޮތީ ދޫނީގެ ސަބަބުންބާ ދޫނިފެނިދާނެތީ ހދ ހޮސްޕިޓާ ޒަމާނީ ހޮސްޕިޓަލަކައް ނުވަނީ ދޫނީގެ ސަބަބުންބާ މީހުން ދިރިއުޅެން ފެށީއްސުރެ ދައުލަތުގެ ދަތުރުފަތުރުގެ ހިދުމަތެއް މަރުގެ ހާލަތެއްގަވެސް ނުދިނީ ދޫނީގެ ސަބަބުންބާ މިއަންނަ ބޮޑުއީދު ފުޅަނދު ބުރުގަ ތިޔަދޫނި ފެންނާނެ ސަރުކާރު ވަފުދުތައް ދާތިބަލަން ނިކަން ރީތިވާނެ
900 ޑިގުރީ
23 June 2019
ހުރިހާ ސަރުކާރަކުންވެސް ކަންތަށްކޮށްދީ އަޅާލަނީ ބޮޑަރިރަށްރަށާއި އެރަށްރަށުގެ މީހުންނަށް ކުދިއާބާދީތކަށައި އެއާބާދީރަކުގެ ރައްޔަތުންނަށް ވޯޓުކައިރިވީމާ ގުނބޯހައްދާނީ މިގައުމުގައި މިއަދު އެންމެ ނިކަމެތި ހާލޔގައި އުޅޭނީ ވ. އަތޮޅު ރަކީދޫ އާއި މ. އަތޮޅު ރަތްމަންދޫގެ ރައްޔަތުން މިރަށްރަށުގެ މީހުންކިޔަވައިގެންތިއްބަސް ރަގަޅުވާޒީފާއެއްވެސް ނުދޭނެ އެއީ އެމީހުންގެ އާއިލާކުޑަވެފައި ލިބޭނެ ވޯޓު މަދުވީމާ ހުރިހާވެރިންވެސް ކަންތަށް ކުރަނީ މިގޮތަށް
ކަރުކެހި
23 June 2019
ތި ކުޅިއަކީ ބޭކާރު އިންސާނުންނައް ގެއްލުންދޭ މަދިރިއާލާވާ ބޮޑު ސަރަހައްދެއް ތިތަނަކުންކުރާނެ އެއްވެސް ފައިދާއެއްނެއް ތިކުޅިންލިބުނު ފައިދާއެއްގެވާހަކައެއް އަދިމިވީހާތަނައް ނެއް ރިޕޯޓުތަކުންއެގިފަކާ ވީމާ ތިކުޅީގެ ކަންތައް ނިމުމަކައްގެނެސް ރައްޔިތުންނައް ފައިދާވާނެގޮތަކައް ތިކަންކުރުން ރަގަޅު.. އަމިއްލަޖީބުުން ބޮޑުހަރަދުކޮއްގެން ރަށުންފުރައިގެން އެއޮތްގަދަކަޑުގަ ފަތާފަދާންބޭނުންވާނީ ކާކު އަމިއްލަރަށުން ކާރުކޮޅުގަގޮސް ބޯޓައްއަރައިގެން ދެވެންއޮތިއްޔ
އެޑްމުންޑޯ
23 June 2019
ކުޅުދުއްފުށި އެއަރޕޯޓަށް ފްލައިޓް ނުޖެއްސޭނެއޭ ބުނަން ކެރޭވަރުގެ މިނިސްޓަރެއް އެބަހުރިތަ ، އެންމެ ޅަކުއްޖާ އަށްވެސް އެގޭނެ ކުޅުދުއްފުށި އެއަރޕޯޓަށް ފްލައިޓްޖެއްސޭނެކަން . މިމީހުން ދައްކާ ވާހަކައިން ހިނިއަންނަނީ
ކޮންޓްރޯޅި
23 June 2019
ކޮންމެ ރަށަކަށް އެއަރ ޕޯރޓެއް ބޭނުމެއް ނުވޭ.. ދިރިއުޅެން ބިންކޮޅެއްދީ... ފުލެޓުބަރި އެއްނޫން ބޭނުމީ... މިހާރު ވެސް މިތާކައިރީ އެއަރޕޯރޓެއް އެބައޮތް...
މެދުމިން
23 June 2019
ބަލަ އިންސާނުން ހަދާފަ ހުންނަ ބޮޑެތި ދޫނި (މަތިންދާބޯޓު) ޖައްވުގައި އުދުހެވޭނީ މިހާރު ޤުދުރަތުން ޖައްވުގައި ލައްވާފައިވާ ދޫނިތަށް ނައްތާލައިގެންބާ ؟ މިބުނީ އެއްފަހަރާ ދެ ބާވަތުގެ ދޫނި އުދުހޭނެހާ ޖާގަ އެބައޮތްހޭ ޖައްވުގަ ! އެހެން ޤައުމުތަކުގައިވެސް ދޫނި ދުރުކުރުމަށް އެކި ވަސީލަތްބޭނުންކުރޭ! މިހާރު އެންމެ ރަނގަޅުގޮތަކީ ދިޔަ ކުޅި ދެންހިއްކާލުން! ހިއްކެން ނެތް އަދި ރާއްޖޭގެ ނިސްބަތުން މެދުމިން ސައިޒުގެ ރަށެއްގަ 10000 މީހުން އުޅެންވީމަ ވާނީމިހެން!
އިބުރާ
23 June 2019
އޯވަރނައިޓަކުން ކަންތައްކުރަންޏާ ވާނީ ތިޔަހެން. އީޕީއެއް އެހެން ތަަކުން ނެރޭ ރިޕޯޓެއް އެއްޗެއްބެލުމެއް ނެތި ވައުދެއް ވެވުނީތީ ފުއްދަން ހިފީމަ ވާނީ ތިހެން. އަވަސް ކަމަކީ ހަމަ ބިލާހެއް