ރައީސް ސަރުކާރު ހިއްސާވާ ކުންފުނިތަކުގެ މަހާސިންތާގައި ވާހަކަފުޅުދައްކަވަނީ-- ފޮޓޯ: ރައީސް އޮފީސް
27 ޖޫން 2019 - 18:38
60 comments
މި ސަރުކާރުން ކޮރަޕްޝަނަށް ގެންގުޅޭނީ "ޒީރޯ ޓޮލަރެންސްކަން" ސަރުކާރު ކުންފުނިތަކުގެ ވެރިން ހަނދާނުގައި ބަހައްޓަންޖެހޭނެ ކަމަށް ރައީސް އިބްރާހިިމް މުހައްމަދު ސޯލިހު މިއަދު ވިދާޅުވެއްޖެ އެވެ.
ސަރުކާރު ހިއްސާވާ ކުންފުނިތަކަށް ހާއްސަކޮށްގެން ފިނޭންސް މިނިސްޓްރިން ބޭއްވި މަހާސިންތާގައި ރައީސް މިހެން ވިދާޅުވީ ކުރީގެ ސަރުކާރުގައި ކުންފުނިތަކުން ހިންގި ކޮރަޕްޝަންގެ މައްސަލަތަކަށް އިޝާރާތްކުރައްވަމުންނެވެ.
ރައީސް ވިދާޅުވީ ސަރުކާރު ހިއްސާވާ ކުންފުނިތަކަކީި ރައްޔިތުންގެ ފައިސާއިން ހިންގާ ތަންތަނަށް ވާތީ ރައްޔިތުންގެ ފައިސާ އަށް އަމާނާތްތެރިވެ ތެދުވެރިވާން ޖެހޭނެ ކަމަށެވެ.
"ސަރުކާރުން ކޮންމެ ކުންފުންޏެެއް ވެސް އުފައްދާފައިވަނީ ސަރުކާރުން ރައްޔިތުންނަށް ފޯރުކޮށްދޭންޖެހޭ ހިދުމަތްތައް ފޯރުކޮށްދިނުުގެ މަގުސަދުގައި. އެހެންވީމާ ކޮންމެ ކުންފުންޏެއް ވެސް ވާން ޖެހޭނީ ވަރަށް ޒިންމާދާރު ޖަވާބުދާރީވާ ކުންފުންޏަކަށް. ސަބަބަކީ މި ކުންފުނިތަކަކީ ރައްޔިތުންގެ ހިއްސާ އޮންނަ ގޮތަށް އުފައްދާފައިވާ ކުންފުނިތަކަށް ވާތީ،" ރައީސް ވިދާޅުވި އެވެ.
ސަރުކާރު ހިއްސާވާ ކުންފުނިތަކުގެ މަހާސިންތާގައި ކުންފުނިތަކުގެ އިސް ބޭފުޅުން ބައިވެރިވެ ވަޑައިގެންނެވި. -- ފޮޓޯ: ރައީސް އޮފީސް
ރައީސް ވިދާޅުވީ މި ސަރުކާރަކީ ކޮރަޕްޝަނަށް ޒީރޯ ޓޮލަރެންސްގެ ސަރުކާރެއްކަން ކުންފުނިތަކުގެ ވެރިން ހަނދާނުގައި ބަހައްޓަން ޖެހޭނެ ކަމަށެވެ. އެ މަނިކުފާނު ވިދާޅުވީ މި ސަރުކާރުން އެއްވެސް މީހަކު ކޮރަޕްޝަންގެ އަމަލެއް ހިންގިޔަ ނުދޭނެ ކަމަށެވެ.
ކޮރަޕްޝަނަށް އެންމެ ބޮޑަށް މަގުފަހިވަނީ ޕްރޮކިއުމަންޓާއި ބިޑު ހުށަހެޅުމުގެ ތެރެއިންކަން ފާހަގަކުރައްވައި އެކަމަށް ހާއްސަ ސަމާލުކަމެއް ދިނުމަށް ކުންފުނިތަކުގެ ވެރިންނަށް ރައީސް ގޮވައިލެއްވި އެވެ. އެގޮތުން ބިޑާއި ޕްރޮކިއުމަންޓުގެ ކަންތައްތައް ދެފުށް ފެންނާނެހެން ހާމަކަންމަތީ ކުރުމަށް ރައީސް އިރުޝާދު ދެއްވި އެވެ.
"ސަރުކާރުގަ އާއި ކުންފުނިތަކުގައި ކޮރަޕްޝަނަށް މަގުފަހިވުމުގައި އޮތް އެންމެ ބޮޑު ދިމާލަކީ ޕްރޮކިއުމަންޓާއި ބިޑު ހުޅުވާލުމުގައި ދިމާވާ މައްސަލަތައް. އެހެންވީމާ މި ކަންތައްތައް ކުރިއަށްގެންދަން ވާނީ ކުރިއަށްވުރެ ހާމަކޮށް ދެފުށް ފެންނަގޮތަށް ނުފޫޒުން އެއްކިބާވެގެން،" ރައީސް ވިދާޅުވި އެވެ.
ރައީސް ވަނީ ކުންފުނިތަކަށް މުވައްޒަފުން އައްޔަން ކުރުމުގައި ގާބިލު މީހުންނަށް އިސްކަން ދިނުމަށް ވެސް އެދިވަޑައިގެންފަ އެވެ. އެއީ ކުންފުނީގެ މުސްތަގުބަލަށް ވެސް ކުރާނެ ފައިދާއެއް ކަމަށް ރައީސް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޙްމަދު/ އައްޑޫ
29 June 2019
"އެ މަނިކުފާނު ވިދާޅުވީ މި ސަރުކާރުން އެއްވެސް މީހަކު ކޮރަޕްޝަންގެ އަމަލެއް ހިންގިޔަ ނުދޭނެ ކަމަށެވެ." މިދެން ޖޯކެއްދޯ! ރޯމާދުވާލު މިފްކޯއިން އެހިންގާ ޖަރީމާތަކަށް މަނިކުފާނު ދެއްވަނީ ބީރުކަންފަތެއް. ކިޔަވައިގެން ތިބި އެތައް ބަޔަކަށް ގޮންޖައްސަވައި އަސާސީ ތައުލީމު ފެންވަރު މީހުން މެނޭޖަރުންގެގޮތުގައި ލުމާއި، ޕްރޮކިއުމަންޓް ތެރެއިން ބޮޑެތި ޖަރީމާތައް ހިންގަމުން ދާކަމުގެ ޝަކުވާ ކިތައްމެ ބަޔަކު ހުށަހަޅައިފި. ވައްﷲ އައުލަމް
ބާގިރު
28 June 2019
ހައްޖަށް މީހުންގެންދާ ކުންފުނިތަކާއި އިސްލާމިކް މިނިސްޓްރީއާ މެދުވެސް އޮތީ ވަރަށް މާތް ކޮރަޕްޝަނެއް ނެތް ގުޅުމެއް ދެއްތޯ!!
Juhaa
28 June 2019
އެމް.އެމް.ޕީ.އާރ.ސީގެ މައްސަލައިގައި ޕާޓީ ކުދިން ޑޮލަރު ގަތީ. މިހާރު އެގޮތަށް އަދީބުގެ އަޢުވާނުން ލައްވައި ލިޔުންތައް ތައްޔާރުކުރުވަން އެމީހުންނާއެކު އެއްބަސްވުމަކަށް އަންނަން ވާހަކަދައްކަނީ. ޔާމީނާއި ޔާމީނުގެ މީހުން ހިންގީ މަނީ ލޯންޑަރިންގ. އެކަމާމެދުވެސް އަދީބު ބުރޯގެ މީހުނާއެކު އެއްބަސްވުމަކަށް އައުމަށް ވާހަކަދެކެވެމުންދަނީ. އަދީބު ބުރޯއާއި އޭނާގެ މީހުން ކުރި ކުށްތަކަށް ލުއި ދޭގޮތަށް ޔާމީނުގެ ބޮލުގައި ހުރިހާ ކަމެއް އަޅުވާގޮތަށް.
ރޫޔާ
28 June 2019
ފުލެޓު ކޮމިޓީގެ ލިސްޓް އިޢުލާން ކުރަންވީ.. ވަގުތު ކުޑަތަން ވަނީ... ފުލެޓު ތަށް ފޭރުމާ ދެކޮޅަށް ބުރާސްފަތި ދުވަހު އަޑު އުފުލަން ނިކުންނާނަން.. ވަގުތު ދެވިއްޖެ #ފޭރުމާދެކޮޅަށް
އިލާސްތެރި ކަމާއެކު ދިން ވޯޓް
28 June 2019
ފިސަރީޒް މިނިސްޓްރީން ފަޅުރަށް ދިނުމުގަ ކަރެޕްސަންހިގާ މިކަމުގައި ސިޔާސީ މީހުން އުޅެނީ
ބުއްޅަބޭ
28 June 2019
އެމްއެމްޕީއާރސީ ގެ ބޮޑު ވައްކަމުން އެންމެ ބޮޑުފައިދާއެއް ލިބުނު އެއްބަޔަކީ އެމްޑީޕީ. ބޭންކް އިހުމާލޭކިޔާފަ މައްސަލަ ނިންމާލަން ތިއުޅެނީ. ވައްކަންކުރިމީހުން ހެވިފަ.
ރައްޔިތުމީހުން
28 June 2019
އަމިއްލަ ޕާޓީ މީހުންނަށް ބޮޑު މުސާރަ ދީ ވަޒީފާތަކަށް ލުމަކީ ކޮރަޕްޝަން އެއްނޫންބާ
ހެޔޮބަސް
28 June 2019
ދީނީިގޮތުން މީހުން އިސްލާހުކުރުން ރަނގަޅުވާނެ.ޙުރިހާކަމަކަށްވުރެކުރިން.މިސާލަކަށް ނަމާދުވަގުތުޖެހުމުން އަރިސްމީހުނާއިއެކު ރައީސްމީހާވެސް ކޮޓަރިކޮލުގެ ބަދަލުގަ މިސްކިތަށްގޮސް ނަމާދުކޮށްލުން. ބަދަަލުހިފުމަކަށްގޮސްގެން މިގައުމު ސާފެއްނުވާނެ.ރަނގަޅުމީހުންގޯސްވާތަން އަތުވެދާނެ.
މިއޮށްކަމެއްދޯ
28 June 2019
ބޮޑު ޚިޔާނާތް އެމްއެމްޕީއާރުސީ ޚިޔާނާތުގެ ފައިސާ ލިބުނު ފަރާތްތަށް ތިގެންގުޅެނީނުންތޯ މަނިކުފާނުގެ ސަރުކާރުގަ. ކީއްވެތޯ މިހާރު އެމްއެމްޕީއާރުސީ ޚިޔާނާތުގެ ވާހަކަ ނުދެއްކެނީ؟ ޕާޓީކުދިން މިފައިސާގެ ބޭނުން ހިފާފަވީމަތޯ؟ ނޫނީ މަނިކުފާނަށްވެސް އަނެއްކާ މިފައިސާ އެނގިގެންވިޔަސް ނޭގިވިޔަސް ލިބިފަވަނީތޯ؟ ޙައްޖު ކޯޓާގަ ކޮރަޕްޝަނެއް ނެތްތޯ؟ ދިއްދޫ ފުލެޓުތައް ޕާޓީގެ މެންބަރުން ތިއްބަވާ ކައުންސިލުން މަސްބަހާހެން ބަހާލޯ ހަމަ ނޯކޮރަޕްޝަންގެ ދަށުންތޯ؟
މަޖިލިސް
28 June 2019
ނެކުސްޓް ޖޯކު ޕުލީސް