އެމްޑީޕީގެ ޕާލަމެންޓްރީ ގްރޫޕްގެ އިންތިހާބުގައި އަލީ އާޒިމް ވޯޓް ލައްވަނީ. ޕީޖީ ލީޑަރަކީ އޭނާ
02 ޖުލައި 2019 - 18:01
20 comments
މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ ޕާލަމެންޓްރީ ގްރޫޕްގެ ލީޑަރު ކަމަށް ވާދަކުރެއްވި ހަމައެކަނި މެމްބަރު، މެދު ހެންވޭރު ދާއިރާގެ މެމްބަރު އަލީ އާޒިމް އެ މަގާމަށް ހޮވަން ފެންނަ ކަމަށް އެ ޕާޓީގެ މެމްބަރުން ވޯޓް ދެއްވައިފި އެވެ.
އެމްޑީޕީގެ ޕާލަމެންޓްރީ ގްރޫޕްގެ އިންތިހާބު މިއަދު ބޭއްވި އިރު ލީޑަރުގެ އިތުރުން ދެ ނައިބު ލީޑަރުންނާއި އަމީން އާއްމުގެ މަގާމަށް ކުރިމަތިލެއްވީ އެންމެ މެމްބަރެކެވެ. އެގޮތުން ނައިބު ލީޑަރު ކަަމަށް ކުރިމަތިލެއްވި ހެންވޭރު ދެކުނު ދާއިރާގެ ހުސައިން ޝަހީމް އާއި ހުޅުދޫ ދާއިރާގެ މެމްބަރު އިލްޔާސް ލަބީބު ވެސް އިންތިހާބު ވި އެވެ. އަދި އަމީން އާއްމު ކަމުގެ މަގާމަށް ކުރިމަތިލެއްވި، އަލިފުށީ ދާއިރާގެ މެމްބަރު މުހައްމަދު ރަޝީދު ވެސް އެ މަގާމަށް އިންތިހާބު ވިއެވެ.
އެމްޑީޕީގެ ޕާލަމެންޓްރީ ގްރޫޕްގެ އިންތިހާބުގައި ހުސައިން ޝަމީމް ވޯޓް ދެއްވަނީ. ނައިބު ލީޑަރަކަށް އޭނާ އިންތިހާބުވި
އެމްޑީޕީ ޕީޖީ އިންތިހާބުގައި ވާދަކުރެއްވި މެމްބަރުންގެ ތެރެއިން ހުސައިން ޝަހީމް ފިޔަވާ އެހެން ބޭފުޅުން ހޮވިވަޑައިގަތީ ވޯޓްގައި ބައިވެރިވެވަޑައިގެންނެވި 57 މެމްބަރުންގެ އިއްތިފާގުންނެވެ. އެކަަމަކު ޝަހީމްއާ ދެކޮޅަށް ތިން މެމްބަރަކު ވޯޓް ދެއްވި އެވެ.
އެމްޑީޕީގެ ޗީފް ވިޕަކަށް އައްޔަންކޮށްފައި ވަނީ އައްޑޫ މީދޫ ދާއިރާގެ މެމްބަރު ރޮޒެއިނާ އާދަމެވެ. އެމްޑީޕީގެ ލީޑަޝިޕްގެ ބޭފުޅުން އަލަށް ކަނޑައެޅި އިރު، އެ ލީޑަޝިޕްގައި ހިމެނޭ ހަމައެކަނި އަންހެން ބޭފުޅަކީ ވެސް ރޮޒެއިނާ އެވެ.
ރޮޒެއިނާއަކީ ކުރިން އެމްޑީޕީގެ ޕާލަމެންޓްރީ ގްރޫޕްގެ ޑެޕިއުޓީ ލީޑަރެވެ. މީގެ ކުރިން އެމްޑީޕީގެ ޗީފް ވިޕަކަށް ހުންނެވީ މިހާރުގެ ޑިފެންސް މިނިސްޓަރު މާރިޔާ އަހުމަދު ދީދީ އެވެ.
ރައްޔިތުންގެ މަޖިލީހުގެ 65 ގޮނޑިއާ އެކު ސާފު އަޣުލަބިއްޔަތު އޮތީ އެމްޑީޕީ އަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިޔާނަ
04 July 2019
ބޮޑު ވަލީވެރިޔަކު ބުނީ ރާއްޖޭގެ ކާބަފައިންވަނީ ރާއްޖޭގެ ސަލާމަތާ ދީން ހިމާޔަތް ކުރުމަށް ވަރަށް ތެދުވެރި އިހްލާސްތެރި ކެކުޅުންބޮޑު ދުއާކޮށްފަ ކަމަށާއި މިސަބަބާ ހެދީ ރާއްޖެ އެއްވެސް ބަޔަކަށް ނުހިފޭނެ ކަމަށް. ނަމަވެސް ރާއްޖޭގެ ރައްޔިތުން ދީނަށް ކަމޭނުހިތާނަމަ ވަރަށް ގިނަ މުސީބާތްތަކާ ކުރިމަތިލާން ޖެހޭނެ ކަމަށް. އަދި ރާއްޖޭގަ މިއޮތް ކަލްޓް ފޮލޮވިން މައްސަލަ ހައްލުވާނީ ކަލްޓު ލީޑަރު ނިޔާވީމަ ކަމަށް
ބޭބެކޮއި
03 July 2019
އިރުހަނދު އަރައި، އޮއްސޭގޮތަށް ދުނިޔޭގެ ވައިތެރޭގަވާ ކޮންމެ އެއްޗަކީ، އަދި ކަމަކީވެސް އެކަމަށް ހުށަހެޅޭނެ ތަކެއްޗާއި ކަންކަމެވެ. އެމްޑީޕީއުފެދުނީ މަތިވެރި މަޤުޞަދެއްގަކަމާއި އެމިހުންގެ ސާބިތުކަން ކިތަންމެ ބަދަހިވެފަވީނަމަވެސް މިބުނާ ކަންތައް ޖެހޭނެ ބައެކެވެ. ޢަފީފު، އަސްލަމް، އިންތިފަދަ މެންބަރުން ކުރިމަތިނުލީ، ކީއްވެބާވައެވެ؟ އުޞޫލުތަކެއްގެ ވެރިންނަށްވެ، "ގޮޑިކޮއްކޮ" ނުވެދާނެތީބާވައެވެ؟ އެމްޑީޕީތެރެއަށް "މަމޮޅު" "މިނޫންގޮތެއް ނޯންނާނެ" ވަދެއްޖެ
ޒުވާނާ.
03 July 2019
ޟަރުހަބާ އަލީއާޒިމް ދެންކުރަންވީ ކަމަކީ ރިސޯޓުތަކުގަ ފަންލުމަކީ ދިވެހިން ލައްވާ ކުރުވަންޖެހޭނެ ކަމެއް އެދިވެހި މީހާޔައް މަދުވެގެން 20.000 ރުފިޔާގެ މުސާރަ ދެވެންވާނެ ގެސްޓުރޫމް ވިއްކަނީ ދުވާލަކައް 900 ޑޮލަރައް މަދުވެގެން ފަންބަދަލުކުރަނީ ދެއަހަރުފަހުން ވީމާ ބިދޭސީންނައް މިފުރުސަތު ބަންދުކުރަންޖެހޭ ރިސޯޓު މުވައްޒަފަކައް މަދުވެގެން 12000 ރުފިޔާ ދެވެންވާނެ މިފަދަގާނޫނެއް ފާސްކޮއްފަ އިންކަމްޓެކްސްނަގާ
ކޮސްގޮވ
03 July 2019
ތިސޮރައްވެސް ޖިހޭނީ އިބްރޭ އަލްހާން ޑީޑީ މުނައްވަރު މެންނައް ޖެހު ހާލު
މޫޗީ/މީދޫ
03 July 2019
އަސްލަމް އަށް ލަޑުލިބުމުން ފިލީ ދޯ!
ސައިފު
03 July 2019
މިފަހަރު މަޖްލިސް ކުރިއަށްދަނީ 1980 ގެ އަހަރުތަކުގައި މަޖްލިސް ހިންގިގޮތަށް ރިޔާސަތުގެ ވިންދާއި ކެކުޅުމާއި އަދި އިހުސާސްތަކާއި އެއްގޮތަށް ނޫންތޯ.
އެލިބުނީ
02 July 2019
ޕީޖީ ލީޑަރުކަމަކީ މިފަހަރު ވަރަށް ވައި ގޮތަކަށް ދާނެ ކަމެއް. ކިތަންމެ މެމްބަރުން ގިނަ ފަހަރަކަސް މި ފަހަރަކީ ހަމަ އެންމެ މީހެއްގެ ދަށުގައި އެންމެން ތަތްވެ އެކައްޗެއް ކިޔައިގެން ތިބޭނެ ފަހަރެއް. އެމްޑީޕީ އެންމެ މެމްބަރެއްވެސް އިނގިއްޔެއްހާ ހިސާބުވެސް އުފުލާނުލާނެ އެމީހަކާ އިދިކޮޅަށް. އެންމެ ސްމޫތްކޮށް ހުރިހާކަމެއް ދާނެ ވަރުގެ ލީޑަރެއް މިފަހަރު ހުރީ. އެ ލީޑަރަކީ ޔަގީނުންވެސް އާޒިމެއްނޫން. ނަންވެ ކަންނުވާނެ ފަހަރެއްވީމަ ހޮވުމަކީ އަސްލު އުފަލެއްނޫން
ޗިޗަންޑާ19
02 July 2019
ކޮބާހޭ ބޮޑު މުސާރަ ނަގައި ފުލެޓް ކޮމިޓީ ގެ ހަބަރަކީ...
ކަޅުކަޅު ދޮނޭ
02 July 2019
ޑީއާރުޕީން އެމްޑީޕީއާ ގުޅުނު ހުރިހާ މެމްބަރުން އެމްޑީޕީއަށް، އެއްމެ ހައްސާސް ދަނޑިވަޅު ވ އިހްލާސްތެރި މަސައްކަތް ތަކެއް ކޮށްދެއްވި، މިއަދާހަމައަށްވެސް އެބޭފުޅުން ތިއްބެތިތަން ފެންނަނީ ހަމަ އެފިޔަވަޅު މަތީ.. ހާއްސަކޮށް އެމްޕީ އާޒިމާ އެމްޕީ ރޮޒޭނާ، އެހެން ޕާޓީއަކުން އައި ކަމުގެ ކުޑަވެސް އިހުސާސެއް އެމްޑީޕީ އެއްވެސް މެމްބަރަކަށް ވާނެހެން ހީނުވެ.. އެއީ ހަމަ ރަތްލާޖެހި އެމްޑީޕީން..
ދިހި
02 July 2019
އާޒިމަށް މަރްހަބާ... އިތުބާރު ކުރެވޭ ބޭފުޅެއް.. މިހާތަނަށް އެއްޕާޓީއަކަށް ނިސްބަތްވާ އެންމެނިނަ އެމްޕީންގެ އެއްމެ ފުރަތަމަލީޑަރ.. ތާރީހުގަ ލިޔެވޭނެ..