ލާލޭ ސްކޫލް: މިތަން ހިންގުމަށް ތުރުކީގެ ބަޔަކާ އެކު ހަދާފައިވާ އެއްބަސްވުން އަންނަ މަހު ހަމަވާނެ.-- ފޮޓޯ/ ލާލޭ ސްކޫލު
09 ސެޕްޓެމްބަރ 2016 - 11:49
9 comments
ހުޅުމާލޭގެ ފަރީދިއްޔާ ސްކޫލުގައި ހިންގަމުންދާ ލާލޭ ޔޫތު އިންޓަނޭޝަނަލް ސްކޫލްގެ މުއްދަތު ހަމަވާތީ، އެތަން ހިންގާނެ ބަޔަކު ހޯދުމަށް ސަރުކާރުން ބީލަމަށް ހުޅުވާލައިފި އެވެ.
ރާއްޖޭގައި އެންމެ ފުރަތަމަ ހުޅުވި އިންޓަނޭޝަނަލް ސްކޫލް، ތުރުކީގެ ބަޔަކު ހިންގަމުން އަންނަތާ މިހާރު އަށް އަހަރު ވެއްޖެ އެވެ. އެކަމަކު މިހާތަނަށް އައި އިރު ވެސް ލާލޭ ސްކޫލު ހިންގަމުން އައީ، ހުޅުމާލޭގައި ސަރުކާރުން އިމާރާތްކުރި ފަރީދިއްޔާ ސްކޫލުގެ އިމާރާތުގަ އެވެ.
ލާލޭ ސްކޫލް ހިންގުމުގެ އެއްބަސްވުމުގެ މުއްދަތު އަންނަ މަހު ހަމަވާތީ، އަންނަ ބޮޑު އީދުގެ ބަންދަށް ފަހު ސްކޫލު އަލުން ބިޑަށް ލާނެ ކަމަށް އެޑިއުކޭޝަން މިނިސްޓްރީން ކުރިން ބުނެފައިވެ އެވެ.
އެކަމަކު، އެޑިއުކޭޝަން މިނިސްޓްރީން އިއްޔެ ނެރުނު އިއުލާނެއްގައި ބުނީ ފަރީދިއްޔާ ސްކޫލުގައި މެނޭޖްމަންޓް ކޮންޓްރެކްޓެއްގެ ދަށުން އިންޓަނޭޝަނަލް ސްކޫލެއް ހިންގައި ބަލަހައްޓައިދޭނެ ފަރާތެއް ހޯދުމަށް ބޭނުންވާ ކަމަށެވެ. އެކަމަށް ޝައުގުވެރިވާ ފަރާތްތަކުން އަންނަ އޮކްޓޯބަރު 20 ގެ ކުރިން އެޑިއުކޭޝަން މިނިސްޓްރީގެ ޕްރޮކިއުމަންޓް ސެކްޝަނަށް ބީލަން ހުށަހަޅަން އިއުލާނުގައި އެދިފައިވެ އެވެ.
އެޑިއުކޭޝަނުން ބުނި ގޮތުގައި ބީލަން ފޮތް އޮކްޓޯބަރު 16 ވަނަ ދުވަހުގެ ނިޔަލަށް، ބަންދު ނޫން ކޮންމެ ދުވަހެއްގެ ހެނދުނު 9:00 އިން މެންދުރު 12:00 އަށް، އެޑިއުކޭޝަން މިނިސްޓްރީގެ ފައިނޭންސް ޑިވިޝަނުން ލިބޭނެ އެވެ. އަދި ޕްރީބިޑް މީޓިން މި މަހުގެ 26 ވަނަ ދުވަހުގެ ހެނދުނު 11:00 ގައި ވެލާނާގޭ ނުވަ ވަނަ ބުރީގައި އޮންނާނެ ކަމަށް ވެސް އިއުލާނުގައިވެ އެވެ.
ހުޅުމާލޭގައި އެންމެ ފުރަތަމަ އިމާރާތްކުރި ސްކޫލް އިމާރާތް، ލާލޭ ހިންގާ ކުންފުނި، ބިޒް އެޓޯލްއާ 2008 ގައި ހަވާލު ކުރީ އެ ކުންފުނިން އެ އަވަށުގައި ސްކޫލެއް ހެދެން ދެން ފަސް އަހަރުގެ މުއްދަތަކަށެވެ. އެކަމަކު އެންމެ ފުރަތަމަ އެއްބަސްވުމުގެ މުއްދަތު 2013 ގައި ހަމަވުމުން އަނެއްކާ ވެސް އެޑިއުކޭޝަނުން ވަނީ ޖެހިގެން އައި އަހަރު އެއްބަސްވުން އާކޮށް، ބިޒް އެޓޯލްއާ ސްކޫލުގެ ހިންގުން ހަވާލުކޮށްފަ އެވެ.
ލާލޭ ހިންގަން އެންމެ ފުރަތަމަ ހަވާލުކުރީ ވެސް ކޮރަޕްޝަނަށް މަގުފަހިވާ ގޮތަށް ކަމަށް ވާތީ އެންޓި ކޮރަޕްޝަން ކޮމިޝަން (އޭސީސީ) އިން މާ ކުރިން ވެސް ވަނީ އެތަން އަލުން ބިޑަށް ލައިގެން ބަޔަކާ ހަވާލުކުރުމަށް އަންގައިފަ އެވެ.
ފަރީދިއްޔާ ސްކޫލުގައި 2008 ވަނަ އަހަރު ކިޔަވަމުން ދިޔަ ދަރިވަރުން، އޭރު ހުސްކޮށް އޮތް ގާޒީ ސްކޫލަށް ބަދަލުކޮށް އެތަން ލާލޭއަށް ދިނީ، ބިޒް އެޓޯލްއިން ހުޅުމާލޭގައި އިންޓަނޭޝަނަލް ބޮޑު ސްކޫލެއް އަޅާނެ ކަމަށް ބުނުމުންނެވެ. އެކަމަކު 25 އަހަރުގެ މުއްދަތަށް އެ ކުންފުންޏާ ހަވާލު ކުރި ބިމުގައި މިހާތަނަށް އެއްވެސް މަސައްކަތެއް ކޮށްފައެއް ނެތެވެ.
އެޑިއުކޭޝަނުން ކުރިން ބުނެފައި ވަނީ އާ ސްކޫލް އެޅުމަށް ބިޒް އެޓޯލްއާ އެކު ވެފައިވާ އެއްބަސްވުން ކުރިއަށް ގެންދާނީތޯ ނުވަތަ ބާތިލް ކުރާނީތޯ އަދި ނުނިންމާ ކަމަށެވެ. އަދި އަލަށް ހުޅުވާލި ފުރުސަތުގައި ބިޑު ހުށަހަޅައި އެކަން ކާމިޔާބުކޮށްގެން ސްކޫލު ހިންގުމުގެ ފުރުސަތު މިހާރު އެ ސްކޫލް ހިންގަމުން އަންނަ ފަރާތަށް ލިބޭނެ ކަމަށް ވެސް އެ މިނިސްޓްރީން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖޫލިޔާ
20 September 2016
ލާލޭ ސްކޫލަކީ ރަނގަޅު ނިޒާމަކަށް ހިނގާ ތަނެއް. ނަމަވެސް ސަރުކާރާ އެކު ހަރުދަނާ އެއްބަސްވުމެއް ނެތުމުން އެތަނަށް އިންވެސްޓް ކުރުން މަޑުޖެހިފައި އޮތީ. އަސްލު ތަރައްގީ ނުދެއްކިއޮތީ. ލާލޭ ސްކޫލް ނެތިއްޔާ އަހަރެން ވަރަށް ދެރަވާނެ. ރައްކާތެރިކަމުގެ ޔަގީންކަމާ އެކީ ދަރިން ފޮނުވަން ކެރޭވަރުގެ އެހެން ސުކޫލެއް ނެތް މާލޭ ސަރަހައްދުން މަށަށް ފެނިފައި. މައިން ބަފައިންނަށްވުރެ ދަރިންނަށް ރަނގަޅު ޓީޗަރުން އުޅޭ ސުކޫލެއް އެއީ.
މުހުސިން
20 September 2016
ލާލޭ އަކީ ރަނގަޅު ކޮންސެޕްޓަކަށް ހިންގާ ސުކޫލެއް. އަހަރެންގެ ދަރިން ފޮނުވަނީ އެހެންވެ. މި ކޮންސެޕްޓްގެ ސްކޫލް ރާއްޖެއަށް ވަރަށް ބޭނުން. އިސްލާމް ދީނާއި ރީތި އަޚުލާގާއި ހެޔޮ ވިސްނުމާއި ކުދިންނަށް ރައްކާތެރިކަން ދިނުމާއި އިހުތިރާމް ކުރުމާއި، ބެލެނިވެރިންގެ ޝަކުވާއަޑުއަހައި ހެޔޮމަގުން ކަންކަން ކުރުމުގެ ފުރިހަމަ އާދައޮވޭ. ނިސްބަތުން އަގުވެސް ހެޔޮ. ލާލޭ ރާއްޖެއިން ދިއުމަކީ ވަރަށް ބޮޑު ގެއްލުމެއް. ވަރަށް ބޮޑު ހިތާމައެއް. ލާލޭ މީހުންނަށް އަލުން ނުދޭން ނިންމާފައި އޮތް ކަމަށް ގަބޫލުކުރެވޭ. ސަބަބަކީ ރަނގަޅު ޕްރޮޕޯޒަލެއް ހަދައި ހުށަހެޅޭހައި ވަގުތު ދީފައި ނުވާކަން އަލުން ކުރި އިއުލާނުގައި. ސަރުކާރުތެރޭގައި އުޅޭ ބަޔަކު ދޭން ބޭނުންވާ މީހުން ތިބޭނީ ދުރާލާ ޕްރޮޕޯޒަލް ހަދައިގެން. ހިތާމައާއި ހިތްދަތިކަން ވަރަށް ބޮޑު ކުދިންގެ މުސްތަގުބަލާ މެދު. މާތް ﷲ އަޅުގަނޑުމެންގެ ދަރިންނަށް ހެޔޮގޮތް މިންވަރު ކުރައްވާށި
ކުރާނަން
09 September 2016
ސިންގަޕޫރުގެ ގަދަފަދަ ޔުނިވަރސިޓީ އަކަށް ދޭންވީ ދެން ލާލޭއިންޓަރނޭޝަނަލް ސްކޫލް. އަދި އެ ސްކޫލް ހިންގި މީހުންނަށް ދިން ބިން ވެސް އެމީހުން އަތުން އަތުލުމަށް ފަހު ދޭންވީ ސިންގަޕޫރުގެ އެފަދަ ޔުނިވަރސިޓީ އަކަށެވެ. އެއިރުން ތިކަން ދާނީ ދުނިޔޭގެ ފެންވަރުގައި ތަރައްގީ ވަމުންނެވެ. ރަންރީނދޫ ކުދިން ނަށް ކިތަންމެ އަސަރެއް ކުރި ނަމަވެސް މިކަން މިމަގުން ކުރާނަން މަމެން. މިހާރު މިގައުމުގައި މިއޮތީ މަމެންގެ ސަރުކާރު އަދި މީ މަމެންގެ ގައުމު އިނގޭ.
ސޮނި
10 September 2016
ޜަގަޅު ވާހަކައެއްވެސް ސިޔާސީ ނުވެ ނީނި ބުނެވޭ ކަމަކަށް ނުވޭ ދޯ. ޙިޔާލު ހަމަ ވަރަށް ރަގަޅު. ޢެކަމް އިހްލާސްތެރިކަމާއެކު ސިޔާސީ ނުކިށ ބުނިނަމަ
ސުވާލަކީ
09 September 2016
ރަނގަޅު ބަޔަކަށް ވިއްޔާ ހަމަ ދޭންވީ އެވެ. ނަމަވެސް ސުވާލަކީ ސިންގަޕޫރު ފަދަ ޤަވާޢިދު ތަކަށް ބޯލަނބާ، ޑިސިޕްލިން ބަޔަކު ރާއްޖެ ފަދަ ނިސްބަޔުން ކުށްގިނަ، ގޮތެއް ފޮތެއް ނެތް، އެހެން މީހުންނަށް އިޙްތިރާމް ނުކޮށް، އެހެން މީހުންގެ މުދަލުގައި ހުޅުޖަހަން ޖެހިލުމެއް ނުވާ ގިނަ ޢަދަދެއްގެ ބަޔަކު ތިބި ތަނަކަށް ތިފަދަ ކަމަކާއިގެން އަތުވެދާނެ ހެއްޔެވެ؟
މީނާ
09 September 2016
2008 ގައި ސްކޫލެއް އެޅުމަށް ބިމެއް ދިމުމަށް އެއްބަސްވެފައި ސަރުކާރަށް ބިން ދެވުނީ އޭގެ 6 އަހަރު ފަހުން 2014 އޮކްޓޯބަރ ގައި. ބިން ހަވާލުކުރަން ވެވުނު އެއްބަސްވުމުގައި ހުރި ޤާނޫނީ މައްސަލަތަކެއް ހައްލު ނުކުރެވިގެން ސްކޫލް އެޅުން ލަސްވެގެން ދިޔައީ.
ލުކްވެލް
09 September 2016
ލާލޭ ސްކޫލް ހިންގަން ދޭންވީ ދެން ސިންގަޕޯރގެ މެނޭޖްމަންޓް ޔުނިވަރސިޓީ އަށެވެެ. ސިންގަޕޯރ އަށް ވެސް ރާއްޖޭގައި އެޑިއުކޭޝަނަށް އޮތް ޑިމާންޑް އެނގޭނަމަ ސިންގަޕޯރ މެނޭޖްމަންޓް ޔުނިވަރސިޓީ ފަދަ ތަނެއްގެ ކޮލެޖްސް ތައް ރާއްޖޭގައި ހަދަން ޝައުގު ވެރިވާނެއެވެ. ސިންގަޕޯރ މެނޭޖްމަންޓް ޔުނިވަރސިޓީގެ ކޮލެޖެއްގެ ގޮތުގައި ލާލޭ އިންޓަރނޭޝަނަލް ސްކޫލް ހަދާ އެ ސްކޫލް ގައި ދިހަ އަހަރު ކިޔެވުމުން ދެން ސިންގަޕޫރުގެ މެނޭޖްމަންޓް ޔުނިވަރސިޓީ ގައި ސިންގަޕޯރ އަށް ގޮސް ފަސް އަހަރު ދުވަހު ކިޔެވުމުން ދެން އެފަދަ ކުއްޖަކު ވާނީ ބައިނަލް އަގްވާމީ ފެންވަރު ގަބޫލު ކުރާ ސެރޓިފައިޑް ކުއްޖަކަށް ނޫންތޯއެވެ. މިއުސޫލުން މިކަން ކުރެވޭތޯ މިފަހަރު ސަަރުކާރުން ވަކިން ޚާއްސަކޮށް ރައީސް އޮފީހުން ބައްލަވަންވީ އެވެ.
މުހައްމާ
09 September 2016
ތި ޚިޔާލު ގޯހެއް ނޫން. ސިންގަޕޫރުން އައިސައްޔާ މާރަނގަޅުތާ، މިހާރުވެސް ސްކޫލްގަ ކިޔަވައިދެނީ ސިންގަޕޯ ކަރިކިއުލަމް ވިއްޔަ
މައިގްރޭޓް
09 September 2016
ލާލޭ ސްކޫލް ހިންގަން މިފަހަރު ދޭން ޖެހޭނީ ސިންގަޕޫރުގެ ޕޮލިޓެކްނިކް ފަދަ ތަނަަކަށެވެ. އެއިރުން އެތަނުގައި ސިންގަޕޫރުގެ ޕޮލިޓެކްނިކް ހަދައިގެން އަދި އެތަނަށް ދީފައިވާ ބިމުގައި 20 ބުރިއަށް ޕޮލިޓެކްނިކް ހަދައިގެން އެތަނުގައި ސިންގަޕޫރުގެ ސްޓޭންޑަރޑް އަށް ކިޔަވާ ދޭން ފެށުމުން ދެން ރާއްޖޭން ބޭރަށް ކިޔަވަން ދާ ކުދިންގެ އަދަދު އިންތިހާ އަށް މަދުވެގެން ދާނެއެވެ. އެއިރުން މިހާރު ލަންގާއި އޮތް ދިވެހި ބޮޑު އާބާދީ މާލެ އަށް ހިޖްރަ ކޮށްފާނެއެވެ.