އިންޑިއާގެ ބޮޑުވަޒީރު މޯދީ ރާއްޖެއަށް ކުރެއްވި ދަތުރުފުޅު ނިންމަވައި، ފުރާވަޑައިގަތުމުގެ ކުރިން ރައީސާ އެކު އެެއާޕޯޓްގައި-- ފޮޓޯ: ރައީސް އޮފީސް
03 ޖުލައި 2019 - 22:01
36 comments
ރާއްޖެ އާއި އިންޑިއާއާ ދެމެދު ފެރީގެ ޚިދުމަތް ފަށަން މަސްކަތް ކުރުމަށް ދެ ގައުމުން ސޮއިކުރި އެއްބަސްވުމަށް އިންޑިއާގެ ކެބިނެޓުން ރުހުން ދީފި އެވެ.
އިންޑިއާގެ ޕްރެސް އިންފޮމޭޝަން ބިއުރޯ އިން މިއަދު އާއްމުކުރި ނޫސްބަޔާނެއްގައި ބުނީ އެ ގައުމުގެ ބޮޑުވަޒީރު ނަރެންދުރަ މޯދީ މިދިޔަ މަހު ރާއްޖެ އަށް ކުރެއްވި ރަސްމީ ދަތުރުފުޅުގައި ދެ ގައުމުން ސޮއިކުރި އެެމްއޯޔޫ، ކުރިން އެއްބަސްވެފައިވާ ގޮތަށް ކުރިއަށް ގެންދަން ކެބިނެޓުން ރުހުން ދީފައިވާ ކަމަށެވެ.
އެ އެމްއޯޔޫގައި އެއްބަސްވެފައި ވަނީ ކޮޗިން އާއި ހދ. ކުޅުދުއްފުއްޓާ ދެމެދު ފަސިންޖަރުންނާއި ކާގޯ އުފުލާ ފެރީގެ ނިޒާމެއް ގާއިމް ކުރަން މަަސައްކަތް ކުރުމަށެވެ. އެ ނިޒާމު ގާއިމް ކުރަން ކުރީގެ ރައީސް މުހައްމަދު ނަޝީދުގެ ވެރިކަމުގައި ވެސް އިންޑިއާއާ މަޝްވަރާ ކުރި އެވެ.
ކޮޗިން ފެރީ ރާއްޖެ އަށް ފެށުމާ މެދު އިދިކޮޅު ފަރާތްތަކުން ދަނީ ކަންބޮޑުވުން ފާޅުކުރަމުންނެވެ. އެެކަމާ ދެކޮޅު ހަދާ ފަރާތްތަކުން ދެކޭ ގޮތުގައި އެއީ ގަވައިދާ ހިލާފަށް ރާއްޖެ އަށް މަސައްކަތްތެރިން އެތެރެވުމަށް ހުޅުވޭ ދޮރަކަށް ވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަތުރު ބޯޓް
04 July 2019
ތިޔައިގެ ބޭނުމަކީ އިރުން ހުޅަގަށް ދަތުރުތައް ކުރާ އާގުބޯޓް ފަހަރުތަކަށް ޖެއްސުން ކުރުން އެއީ ޗައިނާއިން އެފްރިކާއަށް މުދާ ހިފައިގެން އިހަވަންދިއްޕޮޅުކައިރިން ކަޑުމަގުން ދަތުރު ކުރާ (އަހަރަކު 15 ހާސް) ބޯޓަށް ފާރަލުން ދިވެހި ރައްޔިތުންނަށް އެގިސާފުވެގެންވޭ ތިޔަކަން
ޒިލް
04 July 2019
މި މަޝްރޫއުގެ ސަބަބުން އުތުރުގެ އިގްތިސާދަށް ހެެޔޮ ބަދަލުތަކެއް އަންނާނެ. ޚާއްސަކޮށް ކުޅުދުއްފުށީގައި
އައްމަޑޭ1
04 July 2019
ކޮންބައެއްތަ މިތާ މިކޮމެންޓްކުރަނީ. އަޖައިބު ހީވޭ. ބަލަ ކަލޭމެން ބޭނުންވި ބަދަލެއްނޫންތަމީ. ޖަޒީރާ ރާއްޖޭގައި އޮންނާނީ ފެރީކަން ނޭނގޭތަ ވެރިކަން ބަދަލުކުރިއިރު.
ލަގަން
04 July 2019
ތިފޭރީގައި ގެންނަ ތަކެތިބެލޭނެބާ، އެމީހުން ދިވެހިންނަށް ޖާސޫސު ކުރަންބޭނުންވާ ސާމާނު ގެންނަންފަސޭހަވީ.
މަރޭމިތުރު
04 July 2019
ފެރީ ކޮޗިންގައޭ ދެންއަންނާނީ! ފެރީނިޒާމު އވަސްކުރަންއެދޭނީ!............ ކޮޗިން ފެރީނިޒާމު އވަަސްކުރަން އެދެނީ ދެންދާނީ އިންޑިއާއަށް ފެރީން.
މަރޭމިތުރު
04 July 2019
ހިތްއުފާ ކުރުވި ހަބަރެއްތާމިއީ! ހިތް ފަސޭހަ ދަތުރު ފެށުމޭމިއީ!................ އުފާވެރިހަބަރެއް!
ނުކި
04 July 2019
ހަކުރު ދެން އޮބިނޯންނާނެ ދޯ! ހިޖުރަ ކުރަންވީކަންނޭގެ ކުޅުދުއްފުއްޓަށް!
މުޙުއްމާ
04 July 2019
ދިވެހިންނޭ މިއޮއްގެން އިންޑިއާގެ ސްޓޭޓަކަށް އަޅުގަދުމެންގެ ޤައުމު ބަދަލުވެގެންދަނީ. ދެން އުޅެންޖެހޭނީ މަލިކު މީހުނަށްވުރެންވެސް ޙާލުގަ. އަންނި ކިޔާ މީހަކު ފާޅުވި ހިސާބުން މި ރާއްޖެ އަޅުވެތިކަމާއި ދިމާލަށް ދަތުރު ފަށައިފި. މިހާރު މިއއގެން ދަތުރު ނިމެނީ އަޅުގަދުމެންގެ މިނިވަންކަން އިންޑިއާއަށް ތަބަކަށްއަރުވާފަ ދީގެން. ރައީސް އާއި މަޖްލިސް މިކަމާ ދެކޮޅަށް ފިޔަވަޅު އަޅުއްވާ ނޫނީ ދިވެހި ރައްޔިތުން ދުވަހަކުވެސް މަޢާފެއް ނުކުރާނެ.
ބަނާނާ ސަރުކާރު
04 July 2019
ޕާޓީ ލޯބީގާ ގައުމު ނެތިދާއިރުވެސް ބައެއް ރައްޔިތުންނަށް ފަހުމްނުވޭ ތިމާމެން މިގައުމަށް މިގެންނަނީ ކޮންފަދަ މުސީބާތެކަމެ. ސްމާޓް ފޯނަކާ އިންޓަނެޓާ ކޮފީ ޝޮޕް ހުރެއްޖެނަމަ ދިވެހިންނަފުދޭ. މިއަދުގެހާލަތު. ގައުމު ދިފާއުކުރަންތިބި މީހުންނަވެސް ޕަބްޖީ ކުޅެވެންޏާ އޯކޭ ގައުމަށް ވާނުވާވާ ނޭގިތިއްބާ ފޭރޭމީހުން ގައުމު ލޫޓުވާ ނިންމާއިފި. ތާރީހްކިޔެވިމީހެނެތް އިބުރަތެލިބުނުމީހެއްނެތް. ލީޑަރުން ދެއްކި ކޮއްމެކުލައެއް ރީތިވެ ފާސިގުންނަވެގެން އަތްޖަހަނީ.
މަ މިއު މަ
04 July 2019
މިކަން ނުކުރާށޭ!!!!!