ރައީސް އިބްރާހިމް މުހައްމަދު ސޯލިހު މިއަދު ނޫސްވެރިންނާ ވާހަކަފުޅު ދައްކަވަނީ.---ފޮޓޯ: ހުސައިން ވަހީދު/މިހާރު
04 ޖުލައި 2019 - 16:34
29 comments
މި އަހަރުގެ ތެރޭގައި ޓޫރިޒަމް ދާއިރާ އިން 17،000 ވަޒީފާގެ ފުރުސަތު އުފެއްދޭނެ ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ރައީސް ވިދާޅުވީ، ގިނަ އަދަދެއްގެ ވަޒީފާތަކެއް އުފެއްދުނު ނަމަވެސް އެ ވަޒީފާތަކަށް މީހުން ހޯދުމަކީ ދަތިކަމެއް ކަމަށެވެ. އެގޮތުން، އެ ދާއިރާ އަށް ގިނަ ބަޔަކު ތަމްރީން ވެފައި ނުވުމަކީ ދިމާވާ ދަތިކަމެއް ކަމަށް އެމަނިކުފާނު ވިދާޅުވި އެވެ.
"އަޅުގަނޑާ މި ދޭތެރެ އިން ދިމާވި ރާއްޖޭގައި އިންވެސްޓް ކޮށްގެން އުޅޭ ބޭރުގެ އިންވެސްޓަރަކާ. އޭނާ ބުނީ ތިމަންނާ މިހާރު އިއުލާން ކޮށްފީމޭ 450 ވަޒީފާ އަށް. ރާއްޖޭން ކުރިމަތިލީ އެންމެ 42 ފަރާތެކޭ. ބޭރުން އެބައޮތޭ 20،000 މީހުން ކުރިމަތިލާފައި. އެހެންވީމާ އަޅުގަނޑުމެންނަށް މި ފެންނަނީ ރާއްޖޭގެ ޓޫރިޒަމް ދާއިރާގައި މަސައްކަތް ކުރަން ބޭނުންވެފައިވާ މީހުންނަށް ދަތިތަކެއް ނުވަތަ އެކަމަށް ތަމްރީން ވެފައި ތިބި ބަޔަކު ނެތްކަން،" ރައީސް ވިދާޅުވި އެވެ.
އެމަނިކުފާނު ވިދާޅުވި ގޮތުގައި، ޓޫރިޒަމް ދާއިރާގައި މަސައްކަތް ކުރާ މީހުންނަށް ހުރި ދަތިތައް ނައްތާލުމަށް ކުރެވެން އޮތް ކަމަކީ މިނިމަމް ވޭޖެއް ކަނޑައެޅުމެވެ. މި ބިލް މި އަހަރުގެ ތެރޭގައި މަޖިލީހަށް ހުށަހެޅޭވަރު ވާނެ ކަމަށް ރައީސް ވިދާޅުވި އެވެ.
މީގެ އިތުރުން، ޓޫރިޒަމް ދާއިރާ އަށް މީހުން ތަމްރީން ކުރުމަކީ މުހިންމު ކަމެއް ކަން ފާހަގަ ކުރައްވައި، ރައީސް ވިދާޅުވީ އެ މަސައްކަތް މިހާރުގެ ސަރުކާރުން ކުރަމުން އަންނަ ކަމަށެވެ. އޭގެ ތެރޭގައި އެޑިއުކޭޝަން މިނިސްޓްރީ އާއި ޓޫރިޒަމް މިނިސްޓްރީއާ ގުޅިގެން ޓޫރިޒަމް ދާއިރާ އަށް ދިވެހިން ތަމްރީން ކުރުމުގެ ޕްރޮގްރާމްތައް ކުރިއަށް ގެންދިއުން ކަމަށް އެމަނިކުފާނު ވިދާޅުވި އެވެ.
"ސަތާރަ ހާސް ވަޒީފާ ބާޒާރަށް ނެރެވިއްޖެ. ސުވާލަކީ މި ވަޒީފާތަކަށް ބޭނުންވާނެ މީހުން އެބަތިބިތޯ؟ މިއަދު ޓޫރިޒަމް މިނިސްޓްރީން މިވަނީ މިކަމާ ގުޅޭ ދިރާސާތައް ހަދައި މިދާއިރާ އަށް މީހުން ތަމްރީން ކުރުމަށް އެޑިއުކޭޝަން މިނިސްޓްރީއާ އެކު މަސައްކަތް ފަށާފައި،" ރައީސް ވިދާޅުވި އެވެ.
މި އަހަރުގެ މިހާތަނަށް ޓޫރިޒަމް ދާއިރާ އިން ލިބިފައިވާ ކުރިއެރުންތަކުގެ ތެރޭގައި 12 ރިސޯޓެއް ހުޅުވާފައިވާ ކަމަށް ރައީސް ވިދާޅުވި އެވެ. އަދި އިތުރު ނުވަ ރިސޯޓެއް ހުޅުވުމުގެ މަސައްކަތް ކުރަމުން އަންނަ ކަމަށް ވެސް ރައީސް ފާހަގަކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައްކަކާކޯ
07 July 2019
ބައްލަވަރައީސް. ތީ ބަސް ސްޓޮޕްވައުދުތައްފަދަ ކަމެއް. މަނިކުފާނު ވެރިކަމާ ޙަވާލުވިއިރު ރެޑީވެފަ ހުރި ރިސޯޓުތައް. ޢެކަމަކު ގޯހެއްނޫން. ސަރުކާރުން ....
ނެގުނުކަތީބު
07 July 2019
އެބުނާހެން! އެ ވަޒީފާތަކަށް ނެގި ދިވެއްސަކު މިރާއްޖެއަކު ނެތް. ހައްތާވެސް ނެގީ އިންޑިޔާމީހުންނާއި ބަންގާޅު މީހުން. ސިޔާސީ މަގާމުތަކަށް ވަޑައިގަންނަވަނީ އެމީހުންނަށް ވެރިކަން ކޮށްދޭން އެމީހުންނަށް ވަޢުދުވެގެން ވިއްޔާ.
ހޭބަލިމިތުރު
06 July 2019
ތިޔައީ ރާއްޖޭގަ އިއުލާނުކޮއްފައިވާ ވަޒީފާތަކެއްނޫން، ގިނައިންކުރަނީ އިންޑިޔާގެ ޖޮބްސައިޓްތަކުގަ އޭރުން އެޗްއާރއައް ކޮންމެމީހެއްގެއަތުން ދެހާސް ޑޮލަރ ލިބެނީ. އެންމެފަހަރަކުވެސް ތިޔަވަޒީފާތަކައް ރާއްޖޭގަ އިއުލާނުކުރިތޯ ޗެކްކޮއްލައްވާފަ ނޫސްބަޔާން ދިނުންރަގަޅުވާނެ.
އަލީ
06 July 2019
ދުލުން ނުބައިއެއްޗިހި ކޔުއްވަން އުޅޭ ސޯލިހެއްމީ.. އަދި މި އުޑުދަށަކު ނުހުންނާނެ މިވެރިކަން އައިފަހުން ފަށައިގެން ހުޅުވި ރިސޯޓެއް. ހައްތހާވެސް އެއްކަލަ ތަރައްޤީގެ ބާނީ ދައުރުގަ ފަށާފަ ނިންމި ރިސޯޓް..އަދި އެތައްރިސޯޓް އެއްގެ މަސައްކަތް ދަނީ ކިރެވެމުން ކަމަށް ކަރާބެވެސް އެއްބަސްވެފަ ވަނީ.. މިކަމާ ސޯލިހް އާ ބެހޭވެސް ކަމެއްނޫން
ވާލުސޮރު
05 July 2019
ހަގީގަތުގައިވެސް ރިސޯޓުތަކުގެ ވަޒީފާތަކަށް ގިނަ ދިވެހިން އެއްގޮތަކަށްވެސް ފިޓެއްނޫން، ގިނަ މީހުންގެ ޝަކުވާ އެހާބޮޑު. ބިދޭސީން ގެންނަނީވެސް ދިވެހިންގެ ފޮނިކަމާ ޝަކުވާތައް ބޮޑުވީމާ. ރަށުގަ ނުވަތަ ގޭގަ 3 އިރު ރަނގަޅަށް ނުކާ މީހުންވެސް ރިސޯޓުތަކުގަ ކާ އެއްޗެއްސަށް ފާޑުކިޔާ ދިވެހިން އުޅޭ. މުސާރަ ކުޑައޭ ބުނާއިރު އެންމެ ސަރވިސްޗާޖު ބޮޑު ވެލާ ރިސޯޓުންވެސް ދިވެހިން ކެނޑެނީ ކޯޗެއް މަދުވެގެންތޯ
އެކޮއި
05 July 2019
17،000 ވަޒީފާގެ ފުރުސަތު އުފެއްދޭނެ ކަމާއިމެދު އެއްވެސް ޝައްކެއްނުކުރަން. އެކަމަކު ތީމުޅިންވެސް އަވައްޓެރިގައުމުތަކުގެ މީހުންނަށް އޮތްއުއްމީދެއް. ދިވެއްސަކަށް ވަޒީފާލިބޭނީވެސް އެމީހުންދިނިއްޔާ.
ޝަރިން
05 July 2019
މަރްޚަބާ ރައީސް ޔާމީން. މަނިކްފާނުގެ ޚިދުމަތުގެ މޭވާ އަދިވެސް މިފެންނަނީ.. އަލައް ހުޅުވޭ ރިސޯޓުތަކަކީ މަނިކްފާނުގެ ދައުރުގައި ނެގި ހިކުމަތްތެރި ރޭވުންތެރި ފިޔަވަޅުތަކުގެ ނަތީޖާ..
ޝޮކްތެރަޕީ
05 July 2019
ރައިސް ޔާމިންގެ ދުރުވިސްނުން މިފެންނަނީ.
އުއްމީދެއޮތީތީ ދިރުމެ ލިބިއްޖެ
05 July 2019
އޯ ގަދަ 8މަސްދުވަހުން 17ރިސޯޓު ނިންމާ ހުޅުވަނީޔޯ. އަދިއެވެސް ބަންދު ދުވަސްތަކަޑާއިފަ. ގަދައޭ. ރޮކެޓްވެސްނޫން އަލިކަމާ އަދިރިކަމަށްވުރެވެސް އަވަސް ސްޕީޑްގަ. ޝުކުރިއްޔާ ތަރައްގީގެ ބާނީ ރޔާމީން. ދިރުމެއޮތިއްޔާ އުއްމީދެ އޮންނާނެ. އިންޝާﷲ އަލުން ޙިދުމަތުގަވާތަށް ފެނުމަށްއެދެން.
އަބްދޫ
04 July 2019
ބައްލަވަ ތިޔަ ވިދާޅުވާ 17000 ވަޒީފާ ނިސްބަތް ވަނީ ޔާމީނަށް އެއް އެ ރިސޯޓް ތަކަކީ ވަޒީފާ އުފެއްދުމުގެ މަގުސަދުގަ ޔާމީނު ސަރުކާރުން ފެއްޓެވިރެސޯޓް ތަކަށް ވާތީ ، އަދި މިސަރުކާރުން ރިސޯޓް ހަދަން އެއްވެސް ރަށެއްވެސް ފަޅެއްވެސް ދިނީކީ ނޫން. ވަޒީފާ އުފެދޭނީ އެހެންނަމަތާ ، މިސަރުކާރު އައި ފަހުން ހުޅުވި ވަޒީފާ އަށް މީހުންވަކަސް އުފެދުނީ މިސަރުކާރު އައުމުގެ މާކުރިން ދޯ.