އެމްއެންޔޫއިން މިއަހަރު ދަސްވެނިވުނު ބައެއް ދަރިވަރުން: އަންނަ ޓާމުގައި ފަށާ ކޯސްތަކާއި ގުޅޭ މައުލޫމާތު ދިނުމުގެ ހަރަކާތެއް އެމްއެންޔޫއިން ބާއްވަނީ -- ފޮޓޯތައް: ރައީސް އޮފީސް
11 ޖުލައި 2019 - 17:14
6 comments
ދިވެހިރާއްޖޭގެ ގައުމީ ޔުނިވާސިޓީ (އެމްއެންޔޫ) އިން މަތީ ތައުލީމު ހާސިލްކުރަން ހުރި ފުރުސަތުތައް އަންގައިދޭ "ވަން ސްޓޮޕް އެޑްމިޝަން" ހަރަކާތެއް އަންނަ ހޮނިހިރު ދުވަހު ކުރިއަށް ގެންދަން އެ ޔުނިވާސިޓީން ނިންމައިފި އެވެ.
އެމްއެންޔޫގައި ހަވީރު 4:00 އިން 6:00 އަށް އަދި ރޭގަނޑު 8:00 އިން 10:00 އަށް ކުރިއަށް ގެންދާ މި ހަރަކާތުގައި އޯލެވެލް އަދި އޭލެވެލް ފުރިހަމަކޮށްފައިވާ ދަރިވަރުންނަށް ހުރި މަތީ ތައުލީމުގެ ފުރުސަތުތައް އަންގައިދޭނެ އެވެ.
މި ހަރަކާތުގައި އެ ޔުނިވާސިޓީގައި އަންނަ މަހު ފަށާ ކޯސްތަކަށް ފޯމު ހުށަހެޅުމާއި ބަލައިގަތުން ވެސް ކުރިއަށް ދާނެ އެވެ. އަދި ޝަރުތު ހަމަވާ ދަރިވަރުންނަށް ޖާގަ ކަށަވަރުކޮށްދިނުމުގެ ކަންތައްތަކާއި، ފޯމާއެކު ހުށަހަޅަން ޖެހޭ ސެޓްފިކެޓްތައް އެޓެސްޓު ކުރުމުގެ މަސައްކަތް ވެސް ކުރިއަށް ދާނެ ކަމަށް އެމްއެންޔޫ އިން ބުންޏެވެ.
އެމްއެންޔޫއިން ބުނި ގޮތުގައި އެ ޔުނިވާސިޓީގެ ގަމު ކެމްޕަހުގަ އާއި ތިނަދޫ ކެމްޕަހުގައި ވެސް ވަން ސްޓޮޕް އެޑްމިޝަންގެ ހަރަކާތްތައް އެ ދުވަހު ކުރިއަށް ދާނެ އެވެ. ނަމަވެސް އެ ކެމްޕަސްތަކުގައި މި ހަރަކާތް ކުރިއަށް ދާނީ ހަވީރު 4:00 އިން 6:00 އަށް އެކަނި އެވެ. އެ ކެމްޕަސްތަކުގައި ވެސް މާލޭގެ ކެމްޕަހުގައި އޮންނަ ހަރަކާތުން ލިބޭ ހުރިހާ ހިދުމަތްތަކެއް ލިބޭނެ އެވެ.
މި އަހަރުގެ ދެވަނަ ޓާމުގެ ކިޔެވުން އަންނަ މަހުގެ ހަތަރެއްގައި އެމްއެންޔޫގައި ފަށާ އިރު، ކޯހަށް ހޮވިފައިވާ ދަރިވަރުންގެ އޮރިއެންޓޭޝަން މި މަހުގެ 28 ގައި ފަށާނެ އެވެ. އެ ޔުނިވާސިޓީގައި 7000 އަށް ވުރެ ގިނަ ދަރިވަރުން މިހާރު ވެސް އެކި ދާއިރާތަކުން މަތީ ތައުލީމު ހާސިލްކުރެއެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޑޫ ބެއްޔާ
14 July 2019
އަދި މާ އަވަސް ތިކަމާ އުޅެގަންނަން. އަދިވެސް 32 ސަފްޙާގެ އެޕްލިކޭޝަން ފޯމް ހިފައިގެން ސްޓޫޑަންޓް ސާރވިސްގެ ގަޑިއަކު 3 ނަމްބަރު ނުހިނގާ ކިއުގަ މީހުން ޖައްސާ. ހުވާ މިބުނީ ތިޔަ ކޮލެޖްގެ އެޕްލިކޭޝަން ފޯމެއް ސަބްމިޓް ކުރުމެކޭ، ނުވިހާ ދަރިއެއްގެ ފޫޅު ހޯދުމާ ނުބައްދަލު.
ކާފާފެ އަލީ
12 July 2019
ކޮބާ އައްޑޫ ކެމްޕަސް. އެތާ ކީއްވެ ނުބާއްވަނީ. ލިބުނު ވޯޓު މަދުވީތޯ
ބަކުރުބޭ
14 July 2019
އެއީ ހިންގާ ކެމްޕަސް އެއްނޫން. އެއީ ހިނގާ ކެމްޕަސް އެއް. ހިނގަނީ ވިލާ، މައި ކޮލެޖް، ކްލިކް އަދި ޒިކުރާ. އެއިން ތަނަކަށް ދާ ކުދިންގެ %10 ތި ބުނާ އައްޑޫ ކެމްޕަސް އަކަށް ނުދޭ. އަނެއްކާ އެހާ ކުދިންނަށް ދުއްތުރާ ކުރޭ. ކިހިނެއް ކުއްޖަކު ދާނީވެސް.
ހަސަދު
12 July 2019
އެމް.އެން.ޔޫ އަކީ ވަރަށް ރަނގަޅު ފެށުމެއް. ނަމަވެސް މިދިޔަ ސަރުކާރުން އެތަން އެއްކޮށް ހަލާކު ކޮށްލީ. ގާނޫނު އެއްމިނެއްޓުން ބަދަލު ކޮށްލީ. ވަރަށް ފަރުވާތެރިކަމާ އެކީ ތަން ހިންގިމީހާ އެއްލާލީ، ހުރިހާ އިމާރާތް ނެގީ. މިހާރު ކިޔަވާދޭނެ ޖާގައެއްނެތް، ދެން މިހާރު މިއުޅެނީ ދެން ތިބިމީހުންވެސް އެއްލާ ލެވޭތޯ. އަދިވެސް އިމާރާތް ތައްވެސް އަތުލަމުން ދަނީ. ރަނގަޅަށް އުފެދިފައިހުންނަ މިކަހަލަ ތަންތަން ސިޔާސީ ހަސަދައިގައި ހަލާކު ކޮށްލީމާ ގައުމަށް ވާނީ ގެއްލުން.
333223
11 July 2019
އެއްބުރުން ލައިސެންސް ކަހަލަ ކަމެއްތަ މީ؟
ޖިއްދާ
12 July 2019
އެކަމާ އެހާ ތަފާތު ކަމެއް އެހެން ބަޔަކު ނުކުރޭ