މިލަންދޫ ހެލްތު ސެންޓަރު ހޮސްޕިޓަލަކަށް ބަދަލުކުރަނީ

ހެލްތު މިނިސްޓަރު އަބްދުﷲ އަމީން މިއަދު ނޫސްވެރިންނާ ވާހަކަ ދައްކަވަނީ. ށ.މިލަންދޫ ހެލްތު ސެންޓަރު ހޮސްޕިޓަލަކަށް ބަދަލުކުރާނެކަން އިއުލާނު ކުރެއްވި

މުހައްމަދު ނަސީމް، މިހާރު

11 ޖުލައި 2019 - 18:57

20 comments

ށ. މިލަންދޫ ހެލްތު ސެންޓަރު ހޮސްޕިޓަލަކަށް ބަދަލުކުރަން ނިންމާފައިވާކަން ހެލްތު މިނިސްޓްރީން މިއަދު އިއުލާނުކޮށްފި އެވެ.

އެ މިނިސްޓްރީގައި މިއަދު ބޭއްވި ނޫސް ކޮންފަރެންސެއްގައި މިނިސްޓަރު އަބްދުﷲ އަމީން ވިދާޅުވީ މިލަންދު ހެލްތު ސެންޓަރު ހޮސްޕިޓަލަކަށް ބަދަލުކުރުމަށް ފަހު އެތަނުން ގިނަ ހިދުމަތްތަކެއް ދޭން ހަމަޖެހިފައިވާ ކަމަށާއި އެކަމަށް ޓަކައި އާ އިމާރާތެއް އަޅާނެ ކަަމަށެވެ. އޭރުން އެ ސިއްހީ މަރުކަޒު ބަދަލުވެގެން ދާނީ ދަރަޖަ އެކެއްގެ ހޮސްޕިޓަލަކަށް ކަމަށް ވެސް އޭނާ ވިދާޅުވި އެވެ.

މިލަންދޫ ސިއްހީ މަރުކަޒު ހޮސްޕިޓަލަކަށް ބަދަލުކުރުމުގެ މަސައްކަތް ނިމުމުން އެތަނުގައި ޖުމްލަ 35 އެނދާ އެކު ފަސް ވޯޑް ހުންނާނެ އެވެ. އޭގެ އިތުރުން ހަ ޕްރައިވެޓް ރޫމް ވެސް އެތަނުގައި ހުންނާނެ ކަަމަށް ހެލްތު މިނިސްޓްރީން ބުންޏެވެ.

މިލަންދޫ ސިއްހީ މަރުކަޒު ހޮސްޕިޓަލަކަށް ބަދަލުވުމުން ލިބޭނެ ހިދުމަތްތައް

- އަންހެނުންގެ ހާއްސަ ޑޮކްޓަރުގެ ހިދުމަތް.

- ކުޑަކުދިންގެ ޑޮކްޓަރުގެ ހިދުމަތް.

- އޮޕަރޭޝަން ޑޮކްޓަރުގެ ހިދުމަތް އަދި އެތެރެހަށީގެ ޑޮކްޓަރުގެ ހިދުމަތް.

- ޑަޔަލިސިސްގެ ހިދުމަތް.

- އެމެންޖެންސީ ރޫމް، އެކްސްރޭ، ލޭބާ ރޫމް އަދި އަލްޓްރާ ސައުންޑް ސްކޭންގެ ހިދުމަތް.

- ދަތުގެ ހާއްސަ ފަރުވާ

މިލަންދޫ ސިއްހީ މަރުކަޒު ހޮސްޕިޓަލަކަށް ބަދަލުކުރުމަކީ ރައީސް އިބްރާހީމް މުހައްމަދު ސޯލިހުގެ ރިޔާސީ ވައުދެކެވެ. އެ ރަށުގެ ސިއްހީ މަރުކަޒު ހޮސްޕިޓަލަކަށް ބަދަލުކޮށްދެއްވަން ރައީސް ވައުދުވެވަޑައިގެންނެވީ ރިޔާސީ ކެންޑިޑޭޓްގެ ހައިސިއްޔަތުން އެ ރަށަށް ކުރެއްވި ދަތުުރުފުޅުގައި މިދިޔަ އަހަރު އެވެ.

މިލަންދޫ ސިއްހީ މަރުކަޒަކީ 24 ގަޑި އިރު ހިދުމަތް ދޭ ތިން ވަނަ ދަރަޖައިގެ ސިއްހީ މަރުކަޒެކެވެ. އެތަނުގައި އަށް އެނދު ހުންނަ އިރު ލެބޯޓްރީގެ ހިދުމަތާއި އަންހެނުންގެ ބަލިތަކަށް ހާއްސަ ޑޮކްޓަރެއްގެ ހިދުމަތް ލިބެ އެވެ.

ސިއްހަތު ހޮސްޕިޓަލް ސިއްހީ ޚިދުމަތް ހެލްތު މިނިސްޓްރީ އަބްދުﷲ އަމީން، ކުރީގެ ހެލްތު މިނިސްޓަރު

20 ކޮމެންޓް, 29 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މާޝާ

12 July 2019

ބަޔަކު ތިބިއްޔާ ހެލްތު ސެކުޓަރވެސް އައިސީޔޫ އަށް ލާންވީ ހަރަކާތް ހުއްޓި ކޯމާގަ އޮންނަތާ މަދަކަ ދުވަހެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާދާލު

12 July 2019

ހޮސްޕިޓަލް ލިސްޓުގަ ކޮބާތޯ ހަނިމާދޫ ؟؟؟؟؟ އިންޓަނޭޝަނަލް އެއަރޕޯޓެއް + ސިޓީ ހަޓަލެއް އޮވެ ކީއްވެބާ ހޮސަޕިޓަލަކަށް ނުވާންވީ؟؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮއިލޭ

12 July 2019

ހަނިމާދޫގައި އަޅާކަށް ނުޖެހޭ އެގިއްޖެ ކުޅުއްފުއްޓަށް ބޭސްކޮއްލަން ދޭބަލަ އެވަރު ކަމެއްތަ އެއީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބީރައްޓެހިމީހާ

12 July 2019

މިލަންދޫ ހެލްތް ސެންޓަރ ހޮސްޕިޓަލަކަށް ބަދަލުކުރުމުގައި އެދާއިރާގެ މަޖިލިސް މެންބަރު މިއިންނެވީ. މިކަހަލަ ކަންކަން މިހެންވާތީ، ދެން ހުރިހާ މެނަބރުން ހެލްތް މިނިސްޓްރީ ތެރެއިން ނުނުކުންނާނެ އެދާއިރާގެ ހެލްތް ޕޯސްޓް ހޮސްޕޓަލަކަށް ހަދައިނުދެނީސް. މިދިޔަ ސަރުކާރުގައި ވެސް އަދި މިހާރު ވެސް މިކަން އެބަހިނގާ. މިހާރު ނޫހުގެ މިރިޕޯރޓް https://mihaaru.com/report/57924 ގައި ވެސް މިވާފަދައިން ސަރުކާރުގެ ހިންގުމުގެ ތެރެއަށް އެމްޕީން ވަނުމަކީ ގޯހެއް.