ކްރިމިނަލް ކޯޓުގައި ބޭއްވި ޝަރީއަތަށް ފަހު، އަދީބު މީހަކާ ސަލާމް ކުރައްވަން އަތް ދިއްކުރައްވަނީ.---މިހާރު ފޮޓޯ: ހުސެއިން ވަހީދު
14 ޖުލައި 2019 - 14:14
46 comments
އެމްއެމްޕީއާރުސީގެ 1.3 ބިލިއަން ރުފިޔާގެ ޚިޔާނާތުގައި އިސްކޮށް އުޅުއްވި ކަމަށް ތުހުމަތުކުރާ ކުރީގެ ނައިބު ރައީސް އަހްމަދު އަހްމަދު އަދީބުގެ މައްޗަށް އިއްވާފައިވާ 15 ދުވަހުގެ ގޭ ބަންދު ހުކުމް މިދިޔަ ހަފުތާގައި ތަންފީޒުކޮށް ނިމިފައިވާތީ އޭނާ މިނިވަންވެއްޖެ އެވެ.
އެކަމަކު އަދީބުގެ ޕާސްޕޯޓް ހިފަހައްޓަން ސުޕްރީމް ކޯޓުން އަމުރުކޮށްފައިވާތީ އޭނާ އަށް ރަށުން ބޭރަށް ވަޑައެއް ނުގެންނެވޭނެ އެވެ.
ގޭ ބަންދު ހުކުމެއް އަދީބަށް އައީ ރިޔާސީ ލޯންޗްކޮޅުގައި އެއްޗެއް ގޮއްވާލި މައްސަލައިގެ ޝަރީއަތުގެ މަޖިލީހެއްގައި ކޯޓުގެ ހުރުމަތް ކަނޑާލުމާ ގުޅިގެންނެވެ. ބޭސްފަރުވާ މިދިޔަ މަހުގެ ތެރޭގައި އިންޑިއާ އަށް ވަޑައިގަތުމުގެ ހުއްދަ އޭނާ އަށް ދިނީ ވެސް އެ ހުކުމް ތަންފީޒުކުރަމުން ދަނިކޮށެވެ.
މޯލްޑިވްސް ކަރެކްޝަނަލް ސާވިސްގެ މީޑިއާ އޮފިޝަލަކު މިއަދު ވިދާޅުވީ އަދީބު މިހާރު ހުންނެވީ އެ ތަނުގެ ބެލުމުގެ ދަށުގައި ނޫން ކަމަށެވެ.
"އަދީބު ތަންފީޒުކުރަން ޖެހޭ އެއްވެސް ހުކުމެއް ނެތް. އެހެންވެ އަޅުގަނޑުމެންގެ ބެލުމުގެ ދަށަކު ނޫން ހުރީ،" އޮފިޝަލް ވިދާޅުވި އެވެ.
ތިން މައްސަލައެއްގައި އަދީބުގެ މައްޗަށް އިއްވި 33 އަހަރުގެ ޖަލު ހުކުމްތައް މީގެކުރިން ވަނީ ބާތިލްކޮށްފަ އެވެ. އަދި ޚިޔާނާތުގެ މައްސަލަ ވެސް ހިމެނޭ ގޮތުން، އޭގެ ތެރެއިން ދެ މައްސަލައެއް އަލުން ބަލަން ހައި ކޯޓުން އެންގިޔަސް ކްރިމިނަލް ކޯޓުން ވަނީ އެ މައްސަލަތައް މިހާރު ހުރި ގޮތަށް އިތުރަށް ކުރިއަށް ނުގެންދެވޭނެ ކަމަށް ކަނޑައަޅައި، އަނބުރާ ފޮނުވާލައިފަ އެވެ. އެހެންކަމުން އަދީބުގެ މައްޗަށް މިހާރު އެއްވެސް ދައުވާއެއް ނެތެވެ.
އެކަމަކު، ޚިޔާނާތުގެ ކުށުގައި އިއްވި ޖަލު ހުކުމް ބާތިލްކޮށް، އަލުން ބަލަން ހައި ކޯޓުން އެންގި މައްސަލަ އިސްތިއުނާފް ކުރުމަށް ދައުލަތުން ވަނީ ސުޕްރީމް ކޯޓަށް ހުށަހަޅައިފަ އެވެ. ޕާސްޕޯޓް ހިފަހައްޓާފައި ވަނީ ވެސް މި މައްސަލައިގަ އެވެ.
ޖަލު ހުކުމްތަކުން އަދީބު މިނިވަންވި މައްސަލައިގައި ސަރުކާރަށް އަމާޒުކުރާ ފާޑުކިއުންތަކަށް ޖަވާބު ދެއްވަމުން ހޯމް މިނިސްޓަރު އިމްރާން އަބްދުﷲ ވިދާޅުވެފައިވާ ގޮތުގައި ކޯޓުތަކުގެ ނިންމުމުގައި ސަރުކާރުގެ އެއްވެސް މުއައްސަސާއެއްގެ އިހުމާލެއް ނެތެވެ.
އޭނާއާ ގުޅޭ ތަހުގީގުތައް ފުޅާދާއިރާއެއްގައި އަދިވެސް ކުރިއަށް އެބަދާ ކަމަށް މިނިސްޓަރު ވަނީ ވިދާޅުވެފަ އެވެ. އެ މައްސަލަތަކުގައި، މިނިސްޓަރު ވިދާޅުވި ގޮތުގައި، ވޭތުވެދިޔަ ހަތަރު ވަރަކަށް މަސް ދުވަހުގެ ތެރޭގައި ފުލުހުން ވަނީ ވަރަށް ގިނަ ކުރިއެރުންތަކެއް ވެސް ހޯދައިފަ އެވެ. އެއީ، އަދީބަށް ތުހުމަތު ކުރެވޭ މާލީ އަދި އެ ނޫން ކުށްތަކުގައި ވެސް ވޭތުވެދިޔަ ހަތަރު އަހަރުގެ ތެރޭގައި ވެސް ހޯދިފައި ނުވާ ވަރުގެ ބޮޑު ކުރިއެރުންތަކެއް ކަމަށް މަޖިލީހުގެ ކޮމިޓީގައި އިމްރާން ވަނީ ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޗެއިން
15 July 2019
މީހަކު ވަރަށް ސާފުކޮށް ބުނި އަދީބަކީ އޭނާ ޔާމީން ސަރުކާރުގައި އެޅުވި ފަންޏެކޭ. އަދީބު ކުރަމުން ގެންދިއަހާ ކަމެއް އެނގި ތިބެ އެކަން ކުރުވި މީހުންނަކީވެސް ކޮރަޕްޝަންގެ ހިއްސާދާރުން. ޔާމީން ބޮލުގައި އެކަނި ހުރިހާ ކަމެއް އަޅުވާފަ ޖަލަށްލުމަކީ ވަރަށް ބޭއިންސާފުން އަމިއްލަ އެދުމާހެދި ކުރެވޭނެ ކަމެއް.
ފޫހި
15 July 2019
ރާއްޖޭގެ ކޯޓުތަކާއި ތަންފީޒީ އިދާރާތަކުގެ އަދުލުވެރިކަމުގެ ލާމަސީ މިސާލެއް. ވެރިކަން ބަދަލުވުމުން ތިމާމެން އިއްވި ހުކުމް ޞައްޙަ ނޫންކަމަށް ތިމާމެއް ކަނޑައަޅާ. 33 އަހަރުގެ ހުކުމް ފެންފޮދެއް ބޯލުންހާ ފަސޭހައިން ކެންސަލްކޮށް ނިންމީ. ހުރިހިތާމައެއްގެ ބޮޑުކަމާއޭ. އެކަމަކު އަދި ވެސް މަ ދެކެނީ އަދީބަކީ ކުއްވެރިއެއްކަމަށް.
އަލީ އަހުމަދު
15 July 2019
ރަށުންތޯ ގައުމުން ތޯ؟
މިނިވަންކަން
15 July 2019
ކޮންމެ ދިވެއްސަކީވެސް ފުރިހަމަ މިނިވަނެއް. އެއްބަޔަކު ރަށުންބޭރަށް ނުދެވޭގޮތަށް މިނިވަންކަން އޮންނައިރު އަނެއްބަޔަކަށް ގޮޅިންބޭރަށް ނުނިކުމެވޭ ގޮތަށް މިނިވަންކަން އޮވޭ.
އަލީ އަލީ
15 July 2019
ނަސީބެންނު ޖަލުން ނުނިކުމެވޭ ގޮތަށް މިނިވަން ނުވިކަން!
އަޒްހާ
15 July 2019
ދެންވެސް ޝޭޚު އިމްރާނުމެންނަކީ އިންސާފުގާއިމު ކޮއްދޭން ފައުޅުވެފަތިބި ސިއްދީގުންތަކެއް ކަމުގައިތޯވާނީ..؟
ފިލާވަޅު
14 July 2019
ތިޔައިން ދޭހަވަނީ ދިވެހިންގެ ދެފުއް ދެގޮތްކަން އިންސާފެއް ނެތްކަން ރިހާކުރުފުޅި ބަނޑާރަ ރުކު ކުރުބާ މިޔައް އުމުރު ދުވަހުގެ ހުކުމް. ދަޢުލަތް ބަނޑުއަޅާލީމަ ސިޔާސީ ލީޑަރަކައް. ނިކަމެއްޗެއް ވައްކަމެއް ކޮއްފިއްޔާ ގަންހިންގާ ތަޅާމަރ.. ދަޢުލަތުގެ ޚަޒާނާއިން ވައްކަންކުރީމަ ސެލިއުޓްކޮތް ވެރިޔަކައްވެ ބޭފުޅެއް ދެން އެއީ.. ކޮންކަހަލަ އިބްރަތެއްބާ މިކަމުން ހާސިލް ކުރަންވީ ވީ!މުޅިގަޢުމު ތިޔަގޮތައް އަމަލުކުރަން ވީތޯ ؟ ތިޔަގޮތައް މުއްސަދިވެ ބާރު ހޯދިޔައް އޯކޭތޯ
މުއާޒު
14 July 2019
الشيخ އިމްރާން މިހާރު ތިޔަތަނުން ސަލާމަތް ހޯދަންޖެހޭ ވަގުތު ފާއިތުވުމުގެ ކުރުރިން ނޫނީ ދީނީ ވާހަކަ ދެން ދެއްކުމުގެ މޯރަލް ގުރައުންޑް ގެއްލުނީ އަދި ހަލާކުވެސްވީ ނުބައި ބެނާއެއްގެ ފަހަތުގައި ހަގުރާމަކޮށް މޮޅެއްނުވާނެ. ތިޔައީ ސިޔާސީ މީހެއްކަމައް އެއިރަކުން ދަޢުވާއެއް ނުކުރެވޭނެ. ގަޢުމެއްގެ ސަލާމަތާ ރައްކާތެރިކަން ނޭންގި ނުވާނެ ކުޅޭކައް ނުވާނެ އެޔައް އަސްލު ކިޔަނީ ގައްދާރުވުން ނުވަތަ ބާޣާވާތްކުރުން. އަދުލު އިންސާފުގެ ވާހަކަ ދައްކާ މުނާފިގުންނައް
ލެއްގި ކޮމިޝަނަރ
14 July 2019
ރިޔާސީ އިންތިޚާބުތެރޭ ވެފައިވާ ބޮޑުބިޔަ ވައުދެއް މިއަދު މިފުދުނީ. ޝުކުރިއްޔާ ހިއްނަވަރު އިބުރާހިމަށް. އެމްޑީޕީ ކުދިން ތިބޭހެވިފަ މިގައުމު އޮޔާލާދިޔަސް
ހުއްބުއްވަތަން
14 July 2019
އަދީބަށްވެސް އިންސާފު ލިބެންޖެހޭނެ ވެރިކަން ބަދަލުވީ އަދީބުގެވެސް މީންނެތް މަސައްކަތުން ޙުދު ކާފޫރަށް އެތިބީ އަންނިމެން އިމްރާނު މެންވެސް ބަދަލުވެފައި