ޓީޗަރުންގެ ދުވަސް ފާހަގަކުރަން ތާޖުއްދީން ސްކޫލުގައި މީގެ ކުރިން ބޭއްވި އެސެމްބަލީއެއްގައި، ޓީޗަރުންތަކެއް ބައިވެރިވަނީ.-- ފޮޓޯ: ހުސެން ވަހީދު/ މިހާރު
14 ޖުލައި 2019 - 15:30
113 comments
ސްކޫލުތަކުގެ ޕްރައިމަރީ ގްރޭޑުތަކަށް ދިވެހި ޓީޗަރުން ނުލިބޭތީ ބޭރުން ޓީޗަރުން ގެންނަން އެޑިއުކޭޝަން މިނިސްޓްރީން އިއުލާނުކޮށްފި އެވެ.
އެ މިނިސްޓްރީގެ ޕާމަނަންޓް ސެކްރެޓަރީ (ޕީއެސް) އަހުމަދު އަލީ މިއަދު ވިދާޅުވީ ވިހެއުމުން ދޭ ހަ މަހުގެ ޗުއްޓީ އާއި އެހެނިހެން ސަބަަބުތަކާ ހެދި ބިދޭސީ ޓީޗަރުން ހޯދަން އިއުލާނުކޮށްފައިވާ ކަމަށެވެ. އެގޮތަށް އިއުލާނުކުރީ ވެސް އެ މަގާމުތަކަށް ދިވެހީން ނުލިބުމުގެ ސަބަބުން ކަމަށް ވިދާޅުވި އެވެ.
ސިވިލް ސާވިސް ކޮމިޝަން (ސީއެސްސީ) އިން ވަނީ، ވިހެއުމުން ދޭ ހަ މަހުގެ ޗުއްޓީ އަށް، ބަދަލުގައި ވަގުތީ މުވައްޒަފުން ނަގަން ނިންމައިފަ އެވެ. އެއާ އެއްގޮތަށް އެހެން އިދާރާތަކުން ވެސް މިހާރު ވަނީ އިއުލާނުކޮށްފަ އެވެ.
ޕްރައިމަރީ ގްރޭޑުތަކަށް ބިދޭސީ ޓީޗަރުން ގެނައުން މަޑުޖައްސާލާފައި އޮންނަތާ މިހާރު ވަރަށް ގިނަ އަހަރުވެއްޖެ އެވެ.
އަހުމަދު އަލީ ވިދާޅުވީ ދިވެހި ޓީޗަރުން ލިބުމުގައި އެއް އަހަރުން އަނެއް އަހަރަށް ދަތިތަކާ ދިމާވާ ކަމަށެވެ. އެއީ ކަންބޮޑުވުމެއްކަން ފާހަގަކުރައްވައި އެ މައްސަލަ ހައްލުކުރަން މިނިސްޓްރީން މަސައްކަތް ކުރަމުން އަންނަ ކަމަށް ވިދާޅުވި އެވެ.
ދިވެހި ޓީޗަރުން ނުލިބުމުގެ ކަންބޮޑުވުން ފާޅުކުރައްވައި މާލޭގެ ސްކޫލެއްގެ ޕްރިންސިޕަލަކު ވިދާޅުވީ ޕްރައިމަރީ ގްރޭޑުތަކުގައި ތިބޭ ޓީޗަރުން ވަކިވުމުން، އެ ޖާގަ އަށް އަލުން ދިވެހިން ހޯދުމަކީ ވަރަށް ދަތިކަމެއް ކަމަށެވެ. އޭނާ ދެކެވަޑައިގަންނަވާ ގޮތުގައި މައިގަނޑު ސަބަބަކީ ޓީޗަރުންނަށް ކުރާ އިހުތިިރާމް ކުޑަވުމާއި މުސާރައިގެ މައްސަލަތަކެވެ.
"ޓީޗިންނަކީ މީގެ ކުރިން މުސާރަ އެންމެ ރަނގަޅަށް ލިބުނު އެއް ދާއިރާ. ވަރަށް ރަނގަޅަށް އިހުތިރާމްކުރާ ބައެއް. ވަރަށް ގަދަރުވެރި މަގާމެއްގެ ގޮތުގައި އޭރު ފާހަގަކުރެވުނީ ވެސް. ނަމަވެސް މިހާރު އެއީ ވަރަށް ދަށްކަމެއްގެ ގޮތުގައި ބަލަނީ،" އޭނާ ވިދާޅުވި އެވެ.
މި އަހަރުގެ ކިޔެވުން ފެށިއިރު އެޑިއުކޭޝަނުން ހިއްސާކުރި މައުލޫމާތުތަކަށް ބަލާއިރު، ސަރުކާރުގެ 212 ސްކޫލުގައި 7900 ދިވެހި ޓީޗަރުން މަސައްކަތްކުރެ އެވެ. ބޭރު މީހުންގެ އަދަދު އުޅެނީ 1900ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ށ.އަތޮޅު މީހާ
15 July 2019
ތިމީހުންނަށް ވުރެ ދިވެހި ރިލީފް ޓީޗަރުންވެސް މާ ރަނގަޅުވާނެ ޕްރައިމަރީ ގްރޭޑްތަކަށް.
ފަތުހީ
15 July 2019
ބަންގާޅީން ގެންނަން ފެންނަނީ
މިއަދު
15 July 2019
މިސަރުކާރު އައިމަ ނުލިބުނީ މިގެކުރިން މިވޭތުވެދިޔަ ދިގު މުއްދަތު ޓީޗަރުންލިބުނު އަމިއްލަ ހިލާލުމަކުން ހިލާލަނީ
އަލީ ވާފިރު
15 July 2019
މިއީ އެޖެންޑާ 19 ގެ ދަށުން ކުރިއްސުރެ ރޭވިފައި އޮތް ކަމެއް. ޢެޖެންޑާ 19 ތަފާތުވާނެ.
ދޮންސަންފަ
15 July 2019
ހުސް ދޮގުތީ؟ އަޅުގަނޑަކީ ޕްރައިމަރީ ޓީޗަރުކަމަށް ދެތިން ސްކޫލަށް އެޕްލައި ކުރި ޓީޗަރެއް. ވަޒީފާއެއް ނުދިން. އިންޓަނޭޝަނަލް ސްކޫލްތަކަށް ވެސް ބޭނުންވަނީ ދިވެހިންނަށް ވުރެ ބޮޑަށް ބޭރު މީހުން. ތަޖުރިބާކޮށްފަ މި ބުނަނީ. ތީ މުޅިން ތެދު ވާހަކައެއްނޫން. މިހާރު ވީ ފޫހިން މި އުޅެނީ އެހެން ވަޒީފާއެއްގަ. މިކަމުގެ އިހުމާލު ނަގާނީ ކާކުތޯ؟ ތީ ޙަޤީޤަތެއްނޫން.
ނަރީމާ
15 July 2019
ޕައިލޮޓް ޕްރޮގްރާމެއްގެ ދަށުން ޕްރައިމަރީ އާއި ސެކެންޑްރީ ޓީޗަރުންގެ މުސާރަ ބޮޑުކޮށްލަ ދެއްވާށެވެ!!! ބޭރުން ގެންނަ ޓީޗަރުންނަށް އެހާ ޅަ ކުދިން ބައްޓަންކުރަން ކަމުދާނެކަމަށް ނުބެލެވެއެވެ. އަމުދުން އެއީ ޤައުމުން ބޭރުވެގެންދާ ފައިސާއެވެ. ހީގަނެގެން ތިބީ އިންޑިޔާ މީހުންނެވެ.
ދިވެހިމީހާ1
15 July 2019
މިއޮތީ މޮޅު ސަރުކާރު. ލޮލް
އުސްތާޛްޒަކީ
15 July 2019
މޮޅެތި ގަވައިދުތަކާއި ސިސްޓަމް ތައް ހެދޭތޯ އަދިވެސް ބަލާ! ކީއްތޯ ވާނީ ހުނަރުވެރި ޓީޗަރުން މަގާމުގައި ދެމި ތިބޭނެ މުސާރައެއް އަދި ވަޒީފާގެ ރައްކާތެރިކަމާއި އިޙްތިރާމް ލިބޭނެ ގޮތެއް، މަގެއް ފެނޭތޯ ބެލިއްޔާ! ސިއްޙީމަރުކަޒެއްގައި އުޅޭ އެޓެންޑެންޓަކަށް ވެސް ލިބޭ، މުދައްރިސަކަށް ވުރެ ބޮޑު މުސާރައެއް! ދެން ކިޔާ އިންސާފޭ! ހަމަ ހަމަ ކަމޭ! އޭއްޗެކޭ މީއްޗެކޭ!
ވަކައޮޅިތުއްތު
15 July 2019
ސާބަހޭ އުސްތާޛްޒަކީ؛ ތިޔަ ވިދާޅުވީ ވަރަށް ބޮޑު ތެދުފުޅެއް. ޤައުމެއް ބިނާކުރެވޭނީ އަޅުގަނޑުމެންގެ ތުއްތު ދަރިންނަށް ރަނގަޅު ތަޢުލީމަކާއި ތަރުބިއްޔަތެއްދެވިގެން، މިކަން ކުރެވޭނީ ޓީޗަރުންގެ އަގުވަޒަންކޮށް އެމީހުންނަށް ހިންދަމާލެވޭވަރުކޮށްދީގެން.
ފެކްސް
15 July 2019
ޓީޗަރުންނަށް ކުރާ އިހްތިރާމް ކުޑަވެގެން ޓީޗަރުންނުވާކަން އެހެން ހަމަ ބުނެލިއަކަށް ގަބޫލުކުރެވޭތަ؟ އެއްވެސް ދިރާސާއެއް އެއްޗެއް ނެތި ސަބަބުތަކެއް ދައްކާލުމުން ފުދޭތަ؟ މުސާރައިގެ މައްސަލަ އެންމެންވެސް ގަބޫލުކުރާއިރު، މުސާރަ ބޮޑުކޮށްފަ އިއްލާންކޮށްގެން ޓީޗަރުން ނުލިބޭތޯ އެއް ފަހަރުވެސް ބަލައިލިތަ؟
އަދު
15 July 2019
ދުވާލުދާ ހަތަރުދަމު މަސައްކަތްކޮށްގެން އެ ލިބޭ މަދު މުސާރަ ކޮޅަށްވުރެ، އަހަރެމެން ހިތްހަމަ ޖެހޭ، އަންހެނުން ދަރިން ކައިރީގައި ބަހަށްޓާފައި، ރެޔާ ދުވާލު މަސައްކަތުގަ ތެޅެންވެސް