ރައްޔިތުންގެ މަޖިލިހުގެ ޖަލްސާއެއްގައި މެމްބަރުން ބައިވެރިވެވަޑައިގަންނަވަނީ. މަޖިލިހުގެ ދައުރުތައް ކުރިން އޮތް ގޮތަށް ބާއްވަން ކޮމިޓީން ވަނީ ނިންމާފައި.--- ފޮޓޯ: މަޖިލިސް
18 ޖުލައި 2019 - 13:54
8 comments
ރައްޔިތުންގެ މަޖިލިހުގެ ދައުރު ކުރިން އޮތް ގޮތަށް ބާއްވަން، ގަވައިދު ދިރާސާކުރާ ކޮމިޓީން ނިންމައިފި އެވެ.
ގަވައިދުގައި މިހާރު އޮތް ގޮތުން ފުރަތަމަ ދައުރު ހިނގާނީ ފެބްރުއަރީ މަހުގެ ފުރަތަމަ ދުވަހުން ފެށިގެން އޭޕްރީލްގެ ނިޔަލަށެވެ. ދެ ވަނަ ދައުރު ހިނގާނީ ޖޫން މަހުގެ ފުރަތަމަ ދުވަހުން ފެށިގެން އޮގަސްޓް 16 ގެ ނިޔަލަށެވެ. ފަހު ދައުރު ހިނގާނީ އޮގަސްޓު މަހުގެ 27 އިން ފެށިގެން ނޮވެމްބަރުގެ ނިޔަލަށެވެ.
ގާނޫނުއަސާސީގައިވާ ގޮތުން މަޖިލިހުގެ ޖަލްސާތައް އަހަރެއްގެ ތެރޭގައި ބެހިގެން ވަނީ ތިން ދައުރުގެ މައްޗަށެވެ. ތިން ދައުރުގައި މަސައްކަތް ކުރާނެ ދުވަސްތައް ކަނޑައެޅުމުގެ ބާރު އޮތީ މެމްބަރުންނަށެވެ.
ގަވައިދުގައި މިހާރު އޮންނަ ގޮތުން އަހަރެއްގެ މައްޗަށް ހަތަރު މަސް ޗުއްޓީގެ ގޮތުގައި މެމްބަރުންނަށް ލިބިވަޑައިގަންނަވަ އެވެ. މަޖިލިހުގެ ޖަލްސާތައް އާންމުކޮށް އޮންނާނީ ހޯމަ، އަންގާރަ އަދި ބުދަ ދުވަހު އެވެ. އެކަމަކު، މުހިންމު ކަންކަން ފާސްކޮށްލުމަށް އެހެން ބައެއް ދުވަސްތަކުގައި ވެސް ޖަލްސާތައް ބާއްވަ އެވެ.
ގަވައިދު ދިރާސާކުރާ ކޮމިޓީން ވަނީ ދެ ވަނަ ދައުރާއި ތިން ވަނަ ދައުރު ކުރިން އޮތް ގޮތަށް ބަދަލު ގެނެސްފަ އެވެ. ފުރަތަމަ ދައުރަށް ކޮމިޓީން އެއްވެސް ބަދަލެއް ނުގެނެ އެވެ.
އެގޮތުން ފުރަތަމަ ދައުރު ހިނގާނީ ފެބްރުއަރީ މަހުން ފެށިގެން އޭޕްރީލް މަހުގެ ނިޔަލަށެވެ. އަދި މެއި މަސް އެއްކޮށް މެމްބަރުންނަށް ޗުއްޓީގެ ގޮތުގައި ލިބިވަޑައިގަންނަވާނެ އެވެ.
އެއަށް ފަހު، ދެ ވަނަ ދައުރުގެ ޖަލްސާތައް ފަށާނީ ޖޫން މަހުގަ އެވެ. އަދި އެ ދައުރުގެ ޖަލްސާތައް އޮގަސްޓްގެ ނިޔަލަށް ދެމިގެން ގޮސް، ސެޕްޓެމްބަރު މަސް އެއްކޮށް މެމްބަރުންނަށް ޗުއްޓީ ލިބިވަޑައިގަންނަވާނެ އެވެ. ފަހު ދައުރުގެ މަސައްކަތް ކުރާނީ އޮކްޓޯބަރާއި ނޮވެމްބަރު މަހުގަ އެވެ. އަދި ޑިސެމްބަރާއި ޖެނުއަރީ މަހު ހުރިހާ މެމްބަރުންނަށް އަނެއްކާ ވެސް ޗުއްޓީ ލިބިވަޑައިގަންނަވާނެ އެވެ.
މަޖިލިހުގެ ދައުރު ބެހިގެންދާ ގޮތަށް ބަދަލު ގެނައި ނަމަވެސް، ޖަލްސާތައް ކުރިއަށް ގެންދާ ދުވަސްތަކަށް އެއްވެސް ބަދަލެއް ގެނައުމަށް ގަވައިދު ދިރާސާ ކުރާ ކޮމިޓީން ނިންމާފައެއް ނުވެ އެވެ.
މަޖިލިހުގެ ދައުރަށް ބަދަލު ގެނައީ މިދިޔަ އަހަރު ޕީޕީއެމުން ކޮންޓްރޯލް ކުރަމުން ދިޔަ މަޖިލިހުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮން ބަބުރު ސޮރު
19 July 2019
އަހަންނަށް ފެންނަނީ ތިޔަމަޖލިސް އަލުން އިންތިޚާބު ނުކުރާގޮތަށް ދާއިމީ ކުރަން.
ލީން
19 July 2019
އަދި ނުވިތާކަށް އަހަރީ ޗުއްޓީނަގާނެ،. ހަފްތާގެ މެދުތެރެއިން ތިންދުވަސް މަސައްކަތް ކޮށްފަ ބުރާސްފަތި ދުވަހު ނައްޓާލަނެ ބެންގްކޮކް، ސިންގަޕޫރު ނުވަތަ ލަންކާއަށް މަސާޖުކުރަން. ހަރާންވާނެ ދާއިރާގެ މީހުން އުޅޭގޮތްބަލާލާ އެމީހުން ކައިރިއަށް ދާނަމެވެސް. ތި މީހުންނަށް ބޮޑު މުސާރަދީފަ ކުރާކަމެއް ހަރާމް. ދިސް އިސް ސަޗްއަ ޑިސްގުރޭސް ޓުދަ ޕީޕަލް އޮފް މޯލްޑިވްސް
ހާރުހާ
18 July 2019
ހަފްތާއަކު 3 ދުވަހު މަސައްކަތްކޮށްފަ އަހަރަކު 4 މަހުގެ ޗުއްޓީ. އެކަމު އެންމެ ބޮޑު މުސާރައާ އިނާޔަތްތައް. އެކަމު ދާއިރާގެ ރައްޔިތުންގެ ހާލު ބަލަން ރަށްތަކަށް ނުދެވޭ.
މޮޑަފްް
18 July 2019
މިހާރު މަޖްލިހުގަ މަސައްކަތްހުރި ވަރަށް ބަލާއިރު ޗުއްޓީ މާގިނަ ކަމަށް ފެނޭ. ޖެނުއަރީގަ ރިސެސްއަށް ގޮސްފަ ދެން ޖޫން ހިސާބުގަ އެއް މަސް، ޖުމްލަ ދެމަސް ދުވަސް ޗުއްޓީއަށް ދޭން ފެންނަނީ. ތިބުނާ ގާނޫނުއަސާސީ ހެދި ޒަމާނުގަ ތިތާކު ކުރާނެ މަސައްކަތެއް ނުހުރޭ. ދައުރަކު އެންމެ ޖަލްސާއެއް ބާއްވާފަވެސް އެބަހުރި. އެހެންވީމަ ތިން ދައުރޭކިޔާފަ ލިއުނީ. ދެން ހަފްތާޔަކު ފަސްދުވަހު ޖަލްސާ ބާއްވަންޖެހޭނެ.
މާރަނގާ - އައްޑޫ ސިޓީ
18 July 2019
އަހަރުތެރޭފެ ކްއަރޓަރ ތައް ބެހިގެންވާގޮތަށް ބަދަލުގެނައުމަކުން މައްސަލައެއްނެތް. * * އެހެން ނަމަވެސް އިއްޒަތްތެރި މެންބަރުންނާއި ރައީސް ހަނދުމަފުޅުގައި ބަހައްޓަވާންވާނެ “މަޖިލީހުގެ ހުރިހާކަމެއް ހިގާންވާނީ ޑިމޮކްރެޓިކް ހަމަތަކަށް ދެފުށްފެންނަ އުސޫލުން” ކަމާއި މިފަދަ ބަދަލު ގެންނައިރުވެސް ބޭނުމާއި މަޤުސަދު އާންމުކުރައްވަންވާނެކަން.
ތުނިޔަ
18 July 2019
ހާދަ ޗުއްޓީއެކޭ! ބޮޑު މުސާރަ ނަގާފަ ލަދެއްވެސް ނުގަނެޔޭ މިއިއްޒަތްތެރިން.
ޓަސްބެ
18 July 2019
ނަޒާހާތްތެެރި މަޖްލިސް ސޭމް ސޭމް ނޯޑިފަރެންޓް
ނެތީމޭ
18 July 2019
މަޖިލިހުގެ ދައުރުތައް ކުރިން އޮތް ގޮތަށް ބާއްވަނީ ނަމަ ދެން ތިޔާއިން ކެއްކޭނެ ޑޮންޑޮނެއް އެބަހުރިތޭ މަމެން ތަމެން ގާތުން ސާފުކޮށްލަން ބޭނުންވެއޭ ބުނަން މަމެން ނެތީމޭ...