ލޯކަލް މާރުކޭޓު: އެގްރީމަންޓާއި ހިލާފުވުމުގެ ސަބަބުން ގިނަ ގޮޅިތަކެއް ވަނީ ބަންދުކޮށްފައި-- ފޮޓޯ: ނިޝާން އަލީ/ މިހާރު
18 ޖުލައި 2019 - 19:37
18 comments
މާލޭގެ ލޯކަލް މާރުކޭޓުގައި ހިންގާ 15 ގޮޅިއެއް، އެއްބަސްވުމާ ޚިލާފުވެގެން މާލޭ ސިޓީ ކައުންސިލުން ބަންދުކޮށްފި އެވެ. އެކަމަކު، ފާހަގަ ކުރެވުނު މައްސަލަތައް ހައްލު ކުރުމުން ތިން ގޮޅިއަކަށް އަލުން ވަނީ ހުއްދަ ދީފަ އެވެ.
ގޮޅިތައް ބަންދުކުރީ، ލޯކަލް މާރުކޭޓުގައި ހުރި މައްސަލަތައް ބެލުމަށް ސިޓީ ކައުންސިލުން މި އަހަރު ކުރިއަށްގެންދިޔަ ސާވޭ އަށް ފަހު އެވެ.
މާލޭ ސިޓީ ކައުންސިލްގެ މެމްބަރު މުހައްމަދު ފަޒީން "މިހާރު" އަށް މިއަދު ވިދާޅުވީ، ގިނަ ގޮޅިތަކެއް ހިންގަމުން ދަނީ އެއްބަސްވުމާ ޚިލާފަށް ކަން ސާވޭ އިން ފާހަގަވި ކަމަށެވެ.
އޭނާ ވިދާޅުވީ ބައެއް ގޮޅިތަކުގައި ބިދޭސީން ބައިތިއްބައިގެން ވިޔަފާރި ކުރަމުން ގެންދާއިރު އަނެއްބައި ތަންތަނުގެ ވެރިފަރާތްތަކުން އެހެން މީހުންނަށް ގޮޅި ކުއްޔަށް ދީފައިވާ ކަމަށެވެ. އެފަދަ ތަންތަން، އެއްބަސްވުމާ ހިލާފުވުމުން ނޯޓިސް ފޮނުވުމުން ވެސް، އެ މައްސަލަތައް ހައްލު ނުކުރުމުން ބަންދުކުރީ ކަމަށް ފަޒީން ވިދާޅުވި އެވެ.
އޭނާ ވިދާޅުވި ގޮތުގައި، ބައެއް ގޮޅިތަކުން ކުލި ވެސް ނުދައްކަ އެވެ. އެގޮތުން މިހާތަނަށް ބައެއް ތަންތަނުން އެއް ލައްކަ ރުފިޔާއާ ގާތް ކުރާ އަދަދަށް ކުލި ނުދައްކާ ކަމަށް ވިދާޅުވި އެވެ.
"މީރާ މެދުވެރިކޮށް ބެލިއިރު، ބައެއް ގޮޅިތަކުން ކުލި ނުދައްކާ ހުރި ކަން ވެސް ފާހަގަ ކުރެވުނު. ހަ މަސް ދުވަހާއި އަހަރަކާ ދެމެދު މުއްދަތެއްގެ ކުލި އެބަހުރޭ ނުދައްކާ. ބައެއް މީހުން ނުދައްކާ ކުލި އެބަހުރި އެއްލައްކަ އަށް އަރާފަ ވެސް." ފަޒީން ވިދާޅުވި އެވެ.
އެއްބަސްވުމާ ހިލާފުވާ ބައެއް ގޮޅިތައް ބަންދުކުރަމުން ދާއިރު އެ ގޮޅިތަކުގައި ހުރި މައްސަލަތައް ހައްލުކޮށް ސިޓީ ކައުންސިލަށް އެންގުމުން އަލުން އެ ގޮޅިތައް ހުޅުވުމަށް ހުއްދަ ދޭނެ ކަމަށް އޭނާ ވިދާޅުވި އެވެ.
"ބަންދު ކުރާ ކޮންމެ ގޮޅިއެއް ވެސް އެ ގޮޅިއެއްގައި ހުރި މައްސަލަ ހައްލުކޮށް އެކަން އަޅުގަނޑުމެންނަށް އެންގުމުން އަލުން އެތަނެއް ހުޅުވައިދޭނެ. މިސާލަކަށް ކުލި ނުދައްކާ ހުރި ފަރާތްތަކުން ކުލި ދެއްކުމުންނާއި ބިދޭސީން ލައްވައި ވިޔަފާރި ކުރުވާ ތަންތަނުން އެތަނަށް ދިވެއްސަކު ގެނެސް ޖޫރިމަނާ ދެއްކުމުން، އަލުން އެ ތަން ހުޅުވައިދޭނެ. އެގޮތައް މިހާރު ވެސް އެބަހުރި ތިން ތަނެއް ހުޅުވާފައި،" ފަޒީން ވިދާޅުވި އެވެ.
މީގެ އިތުރުން ދަތުރުވެރިންގެ މާރުކޭޓު އަލުން މަރާމާތު ކުރުމަށް އެތަން ހުސްކުރުމަށް އަންނަ މަހުގެ އެއްވަނަ ދުވަހު ނޯޓިސް ފޮނުވުމަށް ސިޓީ ކައުންސިލުން ވަނީ ނިންމައިފަ އެވެ. އަދި އަންނަ މަހުގެ 31 ގައި މުޅި މާރުކޭޓު ހުސްކޮށް، އަލުން މަރާމާތުކޮށް ހުޅުވުމަށް ވަނީ ހަމަޖެހިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނާޖާއިޒު ފައިދާ
20 July 2019
ބޭރު މީހުން ތިގޮތަށް ޓެކްސް ނުދައްކާ ހިންގާ ގެސްޓް ހައުސްތަކާ، ކަންމަތީ ފިހާރަތަކާ އަދި ކާބޯތަކެތީގެ ޚިދުމަތް ދޭ ތަންތަން ބަންދުކޮށް ދީބަލަ! ގައުމުން ބޭރުވެގެން އެދަނީ މިލިއަނުން ރައްޔިތުން ގެ ފައިސާ އެވެ. ފިހާރައަކަށް ވަދެފައި ޖީއެސްޓީ ނުނަގާ އެއްޗަކަށް ޖީއެސްޓީ ނެގިޔަސް އެއްޗެކޭ ބުނެފައްޔާ ބޭރު މީހާ ބަވައިގަންނަނީ! އަނެއްކޮޅުން އެއްޗެހި ވިއްކާފައި ބިލުކޮޅުވެސް ނުދޭ އޭރުންތާ ޖީއެސްޓީއަށް މަކަރު ހެދޭނީ! މީގައި ދިވެހިން ވެސް ހިމެނޭ!
ވަހީދު
20 July 2019
މާރުކޭޓު ކައިރީގައި ބާސްޓް ބަހައްޓައިގެން ވިޔަފާރި ކުރާ ބިދޭސީން ވެސް ވަރަށް ގިނަ. އެމީހުންނަށް ރާއްޖޭގެ ގާނޫނު ނުހިނގަނީކަންނޭނގެ. ދިވެއްސަކު އެގޮތަށް ގޮޅިން ބޭރުގައި އެއްޗެހި ބަހައްޓަންޏާ ޖޫރިމަނާ ކުރާނެ.
ރަދީފް
20 July 2019
މާލޭގެ މަސްމާރުކޭޓްގެ ފެންވަރުވެސް ތިގޮތަށް ޗެކްކޮށްލަދިނުން އެދެން.
ކަނޑު ދާއްބަ
20 July 2019
ގަވައިދާހިލާފައް ބިދޭސީން ނޫޅެނީ ކޮންތާކުބާ
ޙަމަ
20 July 2019
ޙުޅުމާލޭ މާރުކޭޓް ގެ ހުރިހާ ގޮޅިއެއްގައިވެސް ވިޔަފާރިކުރަން ތިބެނީ ހުސް ބިދޭސީމީހުން.. އެކަމު ހުރިހާގޮޅި ތަކަކީވެސްދިވެހިންއަށް ވިޔަފާރިކުރުމަށް ދޫކޮށްފައިވާ ގޮޅިތައް...މިތަންވެސް ސިޓީ ކައުންސިލް އިން ސާރވޭކޮށް ބަލާ ފިޔަވަޅު އަޅައް އެބަޖެހޭ...
ޕަންޗަޅޭ
19 July 2019
ފަލަސުރުޚީއަޅަން މާލޭސިޓީ ކައުންސިލަށް ކޮންމެއެއްޗެކޭވެސް ކިއިދާނެއެވެ. މިއަދު މެންދުރުފަހުން ދެމާރުކޭޓަށްވެސް ދިޔައިން. ގިނަގޮޅިތަކުގަތިބެ އެތާނގެ ރަސްކަންކުރަނީ ބަންގާޅީން. އިނިސްޕެކްޓަރުން ފޮނުވައިގެން ބަލާބަލަ! މާދަމާވެސް ދާންނަން. އެނގިދާނެތާ! މިނޫސް ހުޅުވާލާއިރު ސުރުޚީ ފެންނަންއިންނަނަމަ، އެތާތެރޭގައި ކަންހިނގާގޮތް ބުނެލަދޭނަން.
ޕަންޗަޅޭ
19 July 2019
ތިކަން ރޭންޑަމްކޮށް ތާއަބަދު ކޮށްގެންނޫނީ ތިކަމަށް ދާއިމީޙައްލެއް ނުލިބޭނެ. ދުލެއްދީފިއްޔާ ބޮމައެއް ދަމައިގަންނާނެ. ވަކިމީހަކަށް، ފަރާތަކަށް، ކަމަކަށްނުބަލާ އެއްވާމެއްގައި ކޮރަޕްޝަންނުހިމެނޭގޮތަށް ތިކަން ހިންފައިފިއްޔާނޫނީ ތިކަމަށް ޙައްލެއްނުލިބޭނެ. ގޮޅީބަންގާޅީން ދެންކުރާނެކަމަކީ އިނިސްޕެކްޓަރުން ގަނެލާނީ. އޭރުންއެނިމުނީ! އިނިސްޕެކްޓަރުންނަށް ފާރަލާނެބަޔަކުވެސް ބައިތިއްބަންވާނެ.
މަޖިލިސްެ
19 July 2019
އިންސްޕެކްޓަރުންނަށް ފާރަލާމީހުންނަށް ފާރަލާނެބަޔަކުވެސް ބޭނުންވާނެ...
ބޮރޯ
19 July 2019
ދެން މޭޔަރު ގެ ކޮންމެސް ފުރެންޑަކަށް ގޮޅިދީ ބޮޑު ކަޓު ނަގާފަ ގޮޅި..އަންނަ ކައުންސިލް އިންތިހާބު ވިންކުރުމަށް މޮޅު ގޮތެއް ތީ ކެންޕޭނަށް ލާރި ހޯދަން. ހެޔޮނިޔަތުގަ ކަމެއް ކުރީމަ ކަމެއް ރަނގަޅު ވާނި.
ބްރިގެޓް
19 July 2019
ކުރީރެއެއްގަ މާރުކޭޓަށްވަންއިރު ގޮޅިބަންދުކުރަނީ. ގޮޅިއެއްގަ ބަރިބަރިޔަށް ޖަހާފަހުރީ މުރަނގަތޮޅީގެ 2 ފޫޓުހުންނަވެރުގެ ބަންޑެލި، ބޭރުގަ ދުރަށްފެންނަހެން ބޮޑުއަކުރުން ޖަހާފައިން "ކަންޓްރީ އޮފް އޮރިޖިން އިންޑިއާ".
އިބްރާ
18 July 2019
ނަމަކަށް ލޯކަލް މާރުކޭޓް ކިޔާފަ ވިއްކަނީ އިމްޕޯޓް މުދާ. ދަތުރުވެރިންނަށް ވިޔާފާރިކުރުމަށް ހެދި ތަނުގަ ބިދޭސީން އިމްޕޯރޓް މުދާ ވިއްކާއިރު ކައުންސިލަށް ނޫނީ ޓްރޭޑް މިނިސްޓްރީ އަށް ރޭކާނުލާ. މީރާ އަށް ޓެކްސް ގެ ގޮތުން ލޯލާރިއެއްނުދައްކާ. މުޅި ޤައުމުގެ ވިޔާފާރި ބޭރުމީހުން ބޭރު ކުރާއިރު ސަރުކާރުވާނުވާ ނޭނގޭ ހާލުގަ. ލަދެއް ނުގަނޭ ރައްޔިތު މީހާގެ ފައިދާގެ ފައިދާ ހޯދައި ދޭނަމޭ ކިޔާފަ ވޯޓް ހޯދަން އަންނާކަށް. ސަހަރޯހީވޭ
އެމްސް
19 July 2019
ތަރުކާރިއާއި މޭވާ އިމްޕޯޓް ނުކުރާނަމަ މިހާރު އެތަކެތި ހުރިއަގު އޭގެ 10 ގުނައަށް އަރާނެކަންނޭގޭ!