ހައުސިން މިނިސްޓަރު އާތިފާ މިއަދު މަޖިލިހުގައި ވާހަކަ ދައްކަވަނީ. --- ފޮޓޯ: މަޖިލިސް
22 ޖުލައި 2019 - 10:27
18 comments
ސަރުކާރާ ހަވާލުވި އިރު، ރާއްޖޭގެ އެކި ކަންކޮޅުތަކުގައި ހިނގަމުންދިޔަ 1،450 އަށް ވުރެ ގިނަ ހައުސިން ޔުނިޓުގެ މަސައްކަތް އޮތީ ހުއްޓިފައި ކަމަށް ހައުސިން މިނިސްޓަރު އައިމިނަތު އާތިފާ ވިދާޅުވެއްޖެ އެވެ.
ތ. ވިލުފުށީގައި އަޅަން ހަމަޖެހިފައިވާ ހައުސިން ޔުނިޓުތަކުގެ މަސައްކަތް ނުހިނގާތީ އެ ދާއިރާގެ މެމްބަރު ހަސަން އަފީފު ކުރެއްވި ސުވާލުގެ ޖަވާބުގައި އާތިފާ ވިދާޅުވީ ބައެއް ހައުސިން ޔުނިޓުތައް އިމާރާތް ކުރުމުގެ މަސައްކަތް ނިންމިޔަސް، ދިރިއުޅެވޭނެ ހާލަތަށް ގެންނަން ބޭނުންވާ އަސާސީ ހިދުމަތްތައް ހުރީ ފޯރުކޮށް ނުދެވި ކަމަށެވެ. އަދި ބައެއް ތަންތަން ހުރީ ބަލަހައްޓާނެ ފަރާތެއް ނެތި ދޫކޮށްލާފައި ކަމަށް އޭނާ ވިދާޅުވި އެވެ.
"ބައެއް ތަންތަނަކީ ބަލަހައްޓާނެ ފަރާތެއް ނެތި ދޫކޮށްލާފައިވާ ތަންތަން ކަމަށްވާތީ، ވަރަށް ގިނަ ތަންތަން ހުރީ ވަރަށް ބޮޑަށް ވީރާނާވެފައި،" މަޖިލިހުގެ ޖަލްސާގައި އާތިފާ ވިދާޅުވި އެވެ.
އާތިފާ ވިދާޅުވި ގޮތުގައި މިކަން ރައީސް އިބްރާހިމް މުހައްމަދު ސޯލިހުގެ ސަރުކާރުގެ ސަމާލު ކަމަށް އައުމާ އެކު އަވަސް ހައްލެއް ހޯދުމަށް، ރަށްރަށުގައި ގިނަ ދުވަސް ވަންދެން މަސައްކަތް ހުއްޓާލާފައި ހުރި ބޯހިޔާވަހިކަމުގެ މަޝްރޫއުތައް މި އަހަރުގެ ބަޖެޓުގެ ތެރެއިން ނިންމަން ދަނީ މަސައްކަތް ކުރަމުންނެވެ.
ވިލުފުށީ ދާއިރާގެ މެމްބަރު ހަސަން އަފީފް މިއަދު މަޖިލިހުގައި ވާހަކަ ދައްކަވަނީ. --- ފޮޓޯ: މަޖިލިސް
ބައެއް ހައުސިން ޔުނިޓްތަކުގައި މީހުން ދިރިއުޅެވޭ ފެންވަރަށް ހަދައި ދިނުމުގެ ގޮތުން 127 މިލިއަން ރުފިޔާގެ ހައުސިން މިނިސްޓްރީގެ ބަޖެޓަށް އިތުރުކޮށްދީފައިވާ ކަމަށް އާތިފާ ވިދާޅުވި އެވެ. އަދި ބާކީ ހުރި ތަންތަން ނިންމަން އަންނަ އަހަރުގެ ބަޖެޓުގައި ފައިސާ ހިމަނާނެ ކަމަށް ވެސް އޭނާ ވިދާޅުވި އެވެ.
މަސައްކަތް ހުއްޓިފައި ހުރީ އާތިފާ ވިދާޅުވި ގޮތުގައި، ހދ. ހަނިމާދޫ، ހދ. ކުޅުދުއްފުށި، ހދ. ނޮޅިވަރަންފަރު އަދި ތ. ވިލުފުށީގައި އަޅަން ފެށި ހައުސިން ޔުނިޓްތަކެވެ.
އެގޮތުން ވިލުފުށީގައި އިމާރާތް ކުރަން ނިންމި 100 ގޭގެ ތެރެއިން 64 ގެއެއްގެ ސްޓްރަކްޗަ މަސައްކަތް ނިމިފައިވާ ކަމަށް ވެސް އާތިފާ ވިދާޅުވި އެވެ. އަދި 64 ގޭގެ ތެރެއިން 33 ގޭގެ ފުރާޅުގެ މަސައްކަތް ނިންމި އިރު، 36 ގޭގެ މަސައްކަތް އެއްވެސް ވަރަކަށް ކުރެވިފައި ނުވާ ކަމަށް އޭނާ ވިދާޅުވި އެވެ.
ވިލުފުށީގައި އަޅަން ނިންމި ހައުސިން ޔުނިޓްތަކުގެ މަސައްކަތް ނިންމުމަށް އަންނަ އަހަރުގެ ބަޖެޓުގައި ފައިސާ ހިމަނަން ނިންމާފައިވާ ކަމަށް ވެސް އާތިފާ ވިދާޅުވި އެވެ.
ވިލުފުށީގައި ހައުސިން ޔުނިޓުތައް ފަރުމާ ކުރާ ގޮތާ މެދު ރައްޔިތުން ކަންބޮޑުވާތީ އެކަމަށް ހައްލެއް ހޯއްދަވައި ދެއްވާނަންތޯ އަފީފް ކުރެއްވި ސުވާލުގެ ޖަވާބުގައި އާތިފާ ވިދާޅުވީ ވިލުފުށީގައި އަޅަމުން ދަނީ އެހެން މަޝްރޫއުތަކުގައި ވެސް ހައުސިން ޔުނިޓް އެޅުމަށް ބޭނުން ކުރާ ފަރުމާ ކަމަށެވެ. އަދި މިހާތަނަށް އެ ފަރުމާއާ ގުޅޭ ގޮތުން އެއްވެސް ޝަކުވާއެއް ހުށަހަޅާފައި ނުވާ ކަމަށް އޭނާ ވިދާޅުވި އެވެ.
ވިލުފުށީގައި އަޅަން ނިންމި ހައުސިން ޔުނިޓުތަކުގެ ބޮޑު ބައެއް ނިމިފައިވާތީ، ފަރުމާ އަށް ބަދަލު ގެނައުމަކީ އިތުރު ހަރަދުތަކެއް ހިނގައި، ވިސްނަން ޖެހޭނެ ކަމެއް ކަމަށް އޭނާ ވިދާޅުވި އެވެ. އާންމުންގެ ކަންބޮޑުވުންތަކެއް ހުރި ނަމަ، ފަރުމާތަކަށް ބަދަލު ގެންނާނެ ކަމަށް އާތިފާ ވިދާޅުވި އެވެ.
މިއީ ހައުސިން މިނިސްޓަރު މަޖިލިހުގެ ތަޅުމަށް ހާޒިރުކޮށް ސުވާލުތައް އަމާޒު ކުރި ދެ ވަނަ ފަހަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒުންނޫރާން
22 July 2019
ދުނިޔޭގަ ކަންހިނގާގޮތް ރާއްޖޭގަ ކަންހިނގާ ގޮތް ވިލުފުށީގަ ހައުސިންގ ޔުނިޓްތަށް އަޅަންފަށާފައި ހުންނަތާ 3 އަހަރުވީފަހުން ސަރުކާރު ބަދަލުވީ ދެން ޔާމީނޭ ކުރީގެ ސަރުކާރޭ ކިޔާނެދޯ ހަޖަމް ނުވިއަސް!!
އޭޝިޔާއިން
22 July 2019
މިސަރުކާރަށް އެ ޕުރޮޖެކްތައް ނުގެންދެވިފައި. ވެރިކަން ބަދަލުވުމާއެކު ދެންއަންނަ ސަރުކާރަުން ގެންދަންޖެހެނީ.
ދީމާހު
22 July 2019
ކަންކުރެވޭ ގާބިލު މީހުން މަގާމުތަކުގައި ބައިތިއްބާ. އޭރުން ފަތު އަޑުކިޔާފައި ކަންކަން ހިންގައިގަންނާނެ. ސަރުކާރު ސްލޯ ވުމާއި ކަންކަން ނުހިގަނީ ވަޒީރުކަމުގެ މަގާމުގައި ތިބި ބައެއް ވަޒީރުން މަގާމުގެ މަސްއޫލިއްޔަތު އުފުލޭވަރަށް ވުރެ ނާގާބިލުކަން ބޮޑީ. ކޯލިޝަން ވިޔަސް ބުނޭ ރަނގަޅު ހިންގޭ މީހަކު ދައްކާށޭ. ކޯލިޝަނޭ ކިޔާފައި ކޯލިޝަނުގެ ބޮޑުން ރުއްސަން ރައްޔިތުން ގުރުބާން ކުރާކަށް ނުޖެހޭ ދެއްތޯ؟
ބަނާނާ ސަރުކާ
22 July 2019
މިނިސްޓަރު އެހެދީ ދޮގެ ފިޔަވަޅުއަޅާދީ މަޖުލިހު ރައީސް.. ހަނިމާދޫގެ ހައުސިންގ މަޝްރޫއަކީ މޑޕ ކުރީގެ ވެރިކަމުގަ ފެށި މަޝްރޫއެ އެމަޝްރޫ ހުއްޓުނީ އެދައުރުގަ މަޝްރޫ ހަވާލުވި ދެ ގްރޫޕްގަ މައްސަލަޖެހި އެގްރިމަންޓާ ހިލާފުވީ މޑޕ އިން އެވެރިކަމުގަ އެގްރިމަންޓެހެދި ކޮއްމެ ކަމެއްގަ މިގޮތަށް މައްސަލަ ނުޖެހޭ ކަމެނެތް މަޝްރޫ އަލުން ފަށާ ނަމަ އާމަޝްރޫއަކަށް ދާވަރަށް ހަރަދު ނުދާނެތޯ ވަޒީރާ ކުރެން އަހާބަލަ މިދިޔަ ސަރުކާރުން ވަޒީރުކަން ނުދިނީމަތަ މިހާ ރުޅިއަންނަނީ
ބުރަހް
22 July 2019
މި ސަރުކާރުން ބޭނުންވަނީ ލަގްޒަރީ ފުލެޓް ގެ ސަތޭކައެއް ފުލެޓް ކޮންމެ އަހަރަކު ނިންމާފައި މުއްސަނދިންނަށް ވިއްކަން ، ސޯޝަލް ހައުސިން ޔުނިޓް ހާހުން އިމާރާތް ކޮއް ނިންމާ ރައްޔިތުންނާ ހަވާލު ކުރާކަށް ބޭނުމެއް ނުވޭ.
ނަޒުމާ
22 July 2019
މާލޭގަ އެކަނިތަ ރއްޔިތުން ތިބީ
ހާދާލު
22 July 2019
ހަނިމާދޫޫގަ 2013 ވަނަ އަހަރު އަޅަންފަށާފަ މިހާރު ވީރާނާ ވާން ދޫކޮށްލެވިފަ ހުރި 100 ހައުސިން ޔުނިޓް އާއި ގުޅޭގޮތުން އެމް ޕީ ގަފޫރުގެ ކަންބޮޑުވުމެއް ނެތުމަކީ ހިތާމަ ކުރާ ކަމެއް.....
ސޮބުރީ
22 July 2019
ކުރީ ސަރުކާރު ޔާމީނު ކުރީ ސަރުކާރު ޔާމީނު ކުރީ ސަރުކާރު ޔާމީނު ކުރީ ސަރުކާރު ޔާމީނު މިހެން ކިޔާލަ ކިޔާލަ
ރަދީފުގެދަރި ކުމާރު
22 July 2019
ގާހަކަސަރުކާރެއް އައިމާ ހުރިހާކަމެއްވެސް ހުއްޓޭނެ. ދެން ދާންޖެހޭނީ އަތިރިޔަށް. އެއީ ޖަޒީރާ ކޮންސެޕްޓުގެ ދަށުން.
މުޖުތަބާ ހާރޫން
22 July 2019
5 މާޗް 2019 ގައި، އާތިފާ މަޖްލިހަށް މައުލޫމާތު ދެމުންބުނި، ހިޔާގެ ފްލެޓްތަކުގެ އަދަދު 3850 އަށް މަދު ކުރީއޭ. އެކަމަކު، އެޗްޑީސީން ބުނި، 6850 ފްލެޓް ހިޔާގައި ހުންނާނެކަމަށް. އާތިފާވެސް މަޖްލިހަށް ދޮގުމަޢުލޫމާތު ދީފަ ނޫންތަ އެއޮތީ!!! ވަކި މީހެއްވީމަތަ، ދޮގުހެދީމަ ޕޮލިހަށް މައްސަލަ ހުށަހަޅަންއެނގެނީ!!