އިންޑިއާ އަށް ހަނދަށް އުޅަނދެއް މިއަދު އުދުއްސާލަނީ. --ފޮޓޯ:އިސްރޯ
22 ޖުލައި 2019 - 15:48
17 comments
ނިއު ދިއްލީ (ޖުލައި 22) - އިންޑިއާ އިން ހަނދަށް ފޮނުވާ ޖައްވީ އުޅަނދު ކާމިޔާބުކަމާ އެކު މިއަދު އުދުއްސާލައިފި އެވެ.
ޗަންދުރަޔާން-2 އިންޑިއާ ގަޑިން މިއަދު 14:43 ގައި އުދުއްސާލީ ސްރިހަރިކޮޓާ ސްޕޭސް ސްޓޭޝަނުންނެވެ.
މީގެ ހަފުތާއެއް ކުރިން އިންޑިއާ އިން ހަނދަށް ފޮނުވަން އުޅުނު އުޅަނދު އެންމެ ފަހު ވަގުތު ކެންސަލް ކުރީ ޓެކްނިކަލް މައްސަލައެއް ދިމާވެގެންނެވެ.
އިންޑިއާގެ ސްޕޭސް އެޖެންސީ، އިންޑިއަން ސްޕޭސް ރިސާޗް އޮގަނައިޒޭޝަން (އިސްރޯ) ގެ ވެރިޔާ ވިދާޅުވީ ފުރަތަމަ މިޝަން ނާކާމިޔާބުވި ނަމަވެސް އެނބުރި އައީ "އުދުހޭ ކުލަތަކަކާ އެކު" ކަމަށެވެ. އުޅަނދު އުދުއްސާލާ މަންޒަރު ވަނި އިންޑިއާގެ ޓީވީތަކުން ވަގުތުން ދައްކައިފަ އެވެ. އަދި އުޅަނދު އުދުއްސާލުމާ އެކު ޖައްވީ އެޖެންސީގެ ކޮންޓްރޯލް ރޫމުން ފުޅާ ފާޅު ކުރަމުން ދިޔަ އެވެ.
"މިއީ ހަނދަށް ކުރާ ތާރީޚީ ދަތުރުގެ ފެށުމެއް،" އިސްރޯގެ ވެރިޔާ ކ. ސިވާން ވިދާޅުވި އެވެ.
އިންޑިއާ އިން އުއްމީދު ކުރަނީ ހަނދުގެ ސައުތު ޕޯލްގައި އުޅަނދެއް ޖައްސާ ފުރަތަމަ ގައުމަށްވުމަށެވެ. އެކަން ހާސިލް ކުރަން ފެށި 150 މިލިއަން ޑޮލަރުގެ މިޝަންގައި، ޖައްވީ އުޅަނދު ޗަންދްރަޔާން-2 ގެ ދަތުރު ކާމިޔާބުވެއްޖެ ނަމަ އިންޑިއާ ވެގެންދާނީ ހަނދަށް އުޅަނދެއް ފޮނުވާ ހަތަރު ވަނަ ގައުމަށެވެ. މިހާތަނަށް ހަނދަށް ދަތުރުކޮށްފައި ވަނީ އެމެރިކާ، ކުރީގެ ސޯވިއެޓް ޔޫނިއަން އަދި ޗައިނާ އެވެ.
އިންޑިއާގެ ފުރަތަމަ މޫން މިޝަން ކުރިއަށް ގެންދިޔައީ 2008 ގަ އެވެ. ޗަންދުރަޔާން-1 ގެ ހަނދުގައި ނުޖެއްސި ނަމަވެސް ރާޑަރު ބޭނުންކޮށްގެން ހަނދުގައި ފެންހުރިތޯ ބަލާފައިވެ އެވެ.
އިންޑިއާގެ މޫން މިޝަންގައި ގާތްގަނޑަކަށް 1،000 އިންޖިނޭރުންނާއި ސައެންސްވެރިން ބައިވެރިވެ އެވެ. އެކަމަކު އިސްރޯ އިން މި ފަހަރު ވަނީ މިޝަން ލީޑް ކުރަން އަންހެނުން ހަމަޖަސައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޯދީގެ މިތުރު
23 July 2019
މަރޭ މިތުރުވެސް ހަނދަށް ނައްޓާލީ ތޯއްޗެ. އެސޮރުގެ ޚަބަރެއް ނުވޭ
ހަންދު
22 July 2019
ކޮންމެ ބަޔަކު ވަކިން ޖެހޭތަ ފެން ހުރިތޯ ބަލަން ކުރިން ދިޔަމީހުންންގެ މިބައިން އޮޅުން ފިލުވަންވީނު.
ންންންން
22 July 2019
ޔަގީން ކުރަން ޖެހޭނެ، ބަޔަކު ދޮގުވެސް ހަދާފާންނު...
ޝޮކްތެރަޕީ
22 July 2019
އިންޑިޔާގަ ފަގީރުން ވަރައްގިނަ ބޭކާރުހަރަދު ނުކޮއް އެމީހުންގެ ޒަރޫރީ ބޭނުންތަ ފުއްދާދިނީޔާ މާ ރަގަޅުވާނެ.
ދަރިޔާ
22 July 2019
އެމެރިކާގަވެސް ޗައިނާގަވެސް ފަގީރުން އުޅޭ. މިފަދަ މިށަން ތަކުން ލިބޭ ތަޖުރިބާ އަކީ ގައުމު އާރާސްތުކުރުމަށް ވެސް ލިބޭ އުނގެނުންތަކެއް.
1234
22 July 2019
ޗަންދުރަޔާން 2 ހަނދުގަ ޖައްސާނެކަމަށް ބެލެވެނީ 7 ސެޕްޓެމްބަރ 2019.
ހަންދު
22 July 2019
60 އަހަރު ތަކުގަ މާއަވަހަށް ދެވިފަ މިހާރު މިޒަމާނުގައި ލަހުން ދެވެނީ ކީއްވެ؟
ބަންކޭލާ
23 July 2019
އެދަތުރު ކުރަނީ މަޑުމަޑުން ގޮސް އެކި ހޯދުންތައް ހޯދުމަށް. ހަނދުގެ ޖައްވަށް ވަދެ ހަނދުގައި ބަނދަރު ކުރަނީ 7 ސެޕްޓެމްބަރުގައި.
ނެތީމޭ
22 July 2019
އިންޑިއާ އިން ހަނދަށް ގޮސްފިނަމަ ދިވެހިން ވޯލްޑް ކަޕް ފުޓް ބޯޅަ މުބާރާތުގެ ތަށިވެސް ގެންނާނެއޭ މަމެން ބުނަން ނެތީމޭ...
ޖިނާޙް
22 July 2019
ދިވެހިންނަށް ކަޑަވި އިންޑިޔާގެ ޓެކްނޮލޮޖީ އާއި އިލްމީ ފެންވަރު ދުނެޔޭގެ ހަތަރު ވަނައިގައި
ޑޯން
23 July 2019
ދިވެހިން ނޫޅޭކަމަށް ކުރާކަށް މާކަށްނެބަޔެ.، އަބަދުވެސްބަލަނީ ބަންގާޅިން އެތެރެކުރެވޭތޯ.
އެމާ
22 July 2019
އަވައްޓެރި ޤައުމަކުން މިހާ ބޮޑެތި ކާމިޔާބީތައް ހޯދާތީވެ ވަރަށް އުފާވޭ. އިންޑިއާ އަކީ ހުރިހާ ގޮތަކުންވެސް ކުރިއަރާފައިވާ ގައުމެއް. އެކަން ދިވެހިން އެބަޖެހޭ ބަލައިގަންނަން، ދިވެހިންގެ ތެރޭން ގިނަބަޔަކު އިންޑިޔާއާއި ދޭތެރޭގައި ހަސަދަވެރިކަމެއްއޮވޭ.
ބުނުއްވަބަލަ
23 July 2019
ރޭޕްކުރުން ނުވަތަ ޢިއްފަތް ފޭރުމުން އިންޑިޔާ އޮތީ ކިހާ ކުރިއެއްގައި ތޯ؟
ބޮންޖޯވީ
22 July 2019
މިމީހުން ހާދަ ގައްޑާއޭ އަހަރުމެން މިއުޅެނީ ކަނޑުގަދަވެއްޖެއްޔާ އެއްރަށުން އަނެއް ރަށަށް ނުދެވިގެން.
ބަލާމީހާ
22 July 2019
ޙަނދުގެ މާހައުލު ޚަރާބު ނުކޮށްފިއްޔާ ރަނގަޅު.
މުހައްމަދުު
22 July 2019
ހަތަރު ގައުމުން ހަނދަށް ގޮސް ނުވަތަ ރޮބޮޓު ފޮނުވި އިރުވެސް ހަނދަށް ދާ ވާހަކަ ގަބޫލު ނުކުރާ މޮޔައިން މި ދިވެހި ރާއްޖޭގައިވެސް އުޅޭ. ގަބޫލު ނުކުރާ ބައެއް މީހުން ބުނަނީ އެމެރިކާ ވީމަ އެމީހުން އޮޅުވާލައިގެން ދައްކާ ވާހާކަ އެކޭ. އިތުބާރެއް ނުކުރެވޭ އެމީހުންގެ އަމަލު ތަކާއި ހެދި. މިހެން ދިވެހިންގެ ބަޔަކު ކިޔާލަ ކިޔާލަ ތިއްބާ އެމެރިކާ އާއި އެންމެ ދެކޮޅު ދެ ގައުމު ކަމަށްވާ ރަޝިޔާ އަދި ޗައިނާއިންވެސް މިޔޮތީ އިންޑިޔާއަށް ވުރެ ކުރިން ހަނދަށް ގޮސްފަ.