ފިނޭންސް މިނިސްޓަރު އިބްރާހިމް އަމީރު--ފޮޓޯ:ހުސައިން ވަހީދު/މިހާރު
29 ޖުލައި 2019 - 13:43
5 comments
ރިޒާވް ބޭންކް އޮފް އިންޑިޔާ (އާރްބީއައި) އިން ރާއްޖެ އަށް ކަރެންސީ ސްވޮޕް ލިބުނު ނަމަވެސް އެ ބޭނުން ކުރުމުގެ ވިސްނުން ނުގެންގުޅޭ ކަމަށް ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެ އެވެ.
މިދިޔަ ހަފުތާގައި "މިހާރު" އަށް ދެއްވި ހާއްސަ އިންޓަވިއުގައި އަމީރު ވިދާޅުވީ، ސްވޮޕް އެގްރީމެންޓުން ލިބޭ ފައިސާ ބޭނުން ކުރާކަށް ނުޖެހޭނެ ކަމަށާއި އެކަން ކުރަން ޖެހުނަސް ކުރާނީ ވަރަށް މުހިއްމު ހާލަތެއްގައި ކަމަށެވެ.
ރާއްޖެ އާއި އިންޑިއާ އިން ވެފައިވާ އެއްބަސްވުމުގެ ދަށުން 400 މިލިއަން އެމެރިކާ ޑޮލަރާ ހަމައަށް ކަނޑައަޅާފައިވާ ސްވޮޕް ފެސިލިޓީއެއް ނެގުމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އަށް ފުރުސަތު ލިބޭނެ އެވެ. މި ސްވޮޕް ފެސިލިޓީ ހަމަޖެހޭނީ މިހާރު ވެސް އަމަލުކުރަމުން އަންނަ 'ފްރޭމްވޯކް އޮން ކަރަންސީ ސްވޮޕް އެރޭންޖްމަންޓް ފޮ ސާކް ކަންޓްރީސް'ގެ ދަށުން އަމަލުކުރާ 'ސްޓޭންޑް ބައި ސްވޮޕް އެރޭންޖްމަންޓް' ގެ ތެރެއިންނެވެ.
"އެހެންވީމާ އެއިން އަޅުގަނޑުމެންގެ ދަރަންޏަށް އެއްވެސް އަސަރެއް ނުކުރާނެ. އެ އަދަދު ލިބޭނީ ސަރުކާރުން ބޭނުން ވެއްޖެ ހިނދެއްގައި،" އަމީރު ވިދާޅުވި އެވެ.
އޭނާ ވިދާޅުވި ގޮތުގައި، ދައުލަތުގެ ކަންކަން މިހާރު ކުރިއަށް ގެންދާ ގޮތުން އެ ފައިސާ ހޯދާކަށް ނުޖެހޭނެ އެވެ. އަދި ވިދާޅުވީ، އެ ފައިސާ ބޭނުންކުރަން ޖެހޭ ފަދަ ހާލަތެއް ވެސް ކުރިމަތި ނުވާނެ ކަމަށެވެ.
ކަރެންސީ ސްވޮޕް ފެސިލިޓީއާ އެކު ރާއްޖޭގެ ރިޒާވް އިތުރުވާނެ އެވެ. މިއީ ރިޒާވް ބޮޑު ކުރުމަށް އޮތް ވަގުތީ ހައްލެއް ނަމަވެސް، މިއާއެކު ރާއްޖޭގައި އިންވެސްޓްކުރާނެ އިންވެސްޓަރުން ހޯދުމަށް ފަސޭހަ ވާނެ އެވެ. ކަރެންސީ ސްވެޕް ގައި ހިމެނޭ ފައިސާ، ލޯނު ނަގާ އުސޫލުން އަނބުރާ ދައްކަންޖެހެ އެވެ.
ދައުލަތުގެ ޔޫޒަބަލް ރިޒާވްގައި 249 މިލިއަން ޑޮލަރު ހުރި އިރު މުޅި ރިޒާވްގެ މިހާރުގެ އަދަދަކީ 766 މިލިއަން ޑޮލަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސުނާނު
29 July 2019
އެކައްްޗެއް ސުވޮޕް ނުކުރިޔަސް މިގައުމުގެ އިގްތިސާދާއި ވަޒީފާގެ މާކެޓް އިންޑިޔާއިން ހިސާރު ނުކުރާނެ ގޮތަކީ ފެންނަން ހުރި ހެކިތަކުން ނެތްގޮތެއް. އިތުރު ލޯނު ތަކެއް ބޮލުގައި ނާޅާ އާންމު މީހުނަށް ވަޒީފާއާއި ވިޔަފާރި އަމިއްލަ ގައުމުގައި ތަރައްގީ ކުރެވިއްޖެޔާ މިނިސްޓަރަށް ސަނާ ކިޔުމުގައި އުމުރު ދުވަހު އަޅުގަނޑު ދެމި ހުންނާނަން.
މާދަމާދެކޭމީހާ
21 September 2020
އާންމު ވިޔަފާރި ތަރައްގީ ކުރަން ބޭނުން ނަމައެންމެ ފުރުތަމަ ބޭރުގައުމު ތަކުން ރާއްޖެ އައިސް ތިބި ފްރައިޓް ފޯވާޑްންތައް ބޭރުކޮއްފަ ރާއްޖެޔައް އެތެރެ ކުރާ މުދަލުން ޑެލިވެރީ އޯޑައޭކިޔާފަ ރާއްޖޭގެ ވިޔަފާރި ވެރިންގެ އަތުން އަހަރަކު އަތުލާ އެތައް މިލިޔަން ޑޮލަރެއް އަތުލާ އެޑޮލަރުތައް ރާއްޖޭން ބޭރުކުރާ މީހުން ރާއްޖޭން ބޭރުކޮއް ލާށެވެ. މިކަން ނުކުރެވޭ ސަރުކާރެއް އޮވެގެން އިންޕޯޓް ޑިޔުޓީ ކިތަންމެ ވަރަކައް ކުޑަކުރިޔަސް ރާއްޖޭގެ ވިޔަފާރި ތަރައްގީ ނުކުރެވޭނެ
ނަރީމާ
29 July 2019
ބޭނުންނުކުރިޔަސް، އަތްނުލިޔަސް، އިންޓްރެސްޓާ އެކު ނަގަންޖެހޭ. ދެން ފިތްކަނޑައިގެންދާވަރުގެ ބިޔަ ޕްރޮޖެކްޓްތައް ހިންދުސްތާނު ކަނޑުން ފެންވަރައިގެން ރާއްޖެ އަންނާނެ.
މަހުދީ
29 July 2019
އިންޑިޔާގެ ފައިބުޑަށް ވެއްޓެން ނުޖެހޭ.
އަމީފު
29 July 2019
ފައިސާ ޗާޕްކުރަން އުޅެނީ! އެހާހިސާބުން ދެން ޑޮލަރުގެ ދަތިކަން ކުރިމަތިލާންޖެހޭނެ! ވަރައްމޮޅުތަކެއްވާނެ ކަމަށްގެނައި ސަރުކާރުން މިރާއްޖެ އިގްދިސާދީ ވަޅުގަޑަކަށްވައްޓާލާނެ! ބަލަންތިބޭތި ނޫސްވެރިން!