ދަނބިދޫގެ އިންޖީނު ގޭގައި އަލިފާން ރޯވެއްޖެ

ދަނބިދޫގެ އިންޖީން ގޭގައި އަލިފާން ރޯވެ އިންޖީނަކަށް ގެއްލުން ލިބިފައި.

ލަމްޔާ އަބްދުﷲ، މިހާރު

09 އޯގަސްޓް 2019 - 23:29

ލ. ދަނބިދޫގެ އިންޖީނު ގޭގައި އަލިފާން ރޯވެ އެ ރަށަށް ކަރަންޓް ދޭން ބޭނުންކުރާ ތިން އިންޖީނުގެ ތެރޭން ދެ އިންޖީނު އަނދައިފި އެވެ.

ނަމަވެސް މި ހާދިސާގައި އެއްވެސް މީހަކަށް ގެއްލުމެއް ނުލިބެ އެވެ.

އެ ރަށު ކައުންސިލުގެ މެމްބަރު ހުސެއިން ފަޒީލް "މިހާރު" އަށް ވިދާޅުވީ މި ހާދިސާ ހިނގީ މިރޭ 8:30 ހާކަން ހާ އިރު ކަމަށެވެ. އަދި އޭގެ ވިއްސަކަށް މިނިޓް ފަހުން އަލިފާން ނިއްވާލެވުނު ކަމަށް އޭނާ ވިދާޅުވި އެވެ.

"ފެނަކަ މުވައްޒަފުންނާއި ރަށު ރައްޔިތުން ގުޅިގެން އެ އަލިފާންގަނޑު [އެހާ އަވަހަށް] ނިއްވާލެވުނީ،" ފަޒީލް ވިދާޅުވި އެވެ.

ދަނބިދޫގައި ހިނގި އަލިފާނުގެ ހާދިސާއެއްގައި އެނދި އިންޖީނެއް

ފަޒީލް ވިދާޅުވި ގޮތުގައި އަލިފާން ފުރަތަމަ ރޯވީ އެއް އިންޖީނުގަ އެވެ. އަދި އެ އިންޖީނުގައި ރޯވުމުން އެއާ ޖެހިގެން ހުރި އިންޖީނުގައި ވެސް އަލިފާން ރޯވީ ކަމަށް އޭނާ ވިދާޅުވި އެވެ. އަލިފާން ފުރަތަމަ ރޯވީ މަރާމާތަކަށް ފަހު މިއަދު އަލުން ބޭނުންކުރަން ފެށި އިންޖީނެއް ކަމަށް ވެސް އޭނާ ވިދާޅުވި އެވެ. އެ ދެ އިންޖީނު ވެސް ވަނީ ބޭނުން ނުކުރެވޭ ވަރަށް އަނދައިފަ އެވެ.

ފެނަކައިން ކަރަންޓު ދެމުން އަންނަ އެ ރަށުގައި 1،000 އަށް ވުރެ ގިނަ މީހުން ދިރިއުޅެއެވެ.

ދަނބިދޫ އިންޖީނު ގޭގައި އަލިފާން ރޯވި މައްސަލަ ފުލުހުން ގެންދަނީ ތަހުގީގު ކުރަމުންނެވެ.

އަލިފާނުގެ ހާދިސާ ކަރަންޓު ލ. ދަނބިދޫ ލ. ދަނބިދޫ ކައުންސިލް ފެނަކަ ކޯޕަރޭޝަން

3 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަށްޑޫ ކަތީބު

11 August 2019

އިންޖީނުގެ އަމިއްލަ މީހުން ހިންގި އިރުގަ އެމީހުން މާރަންގަޅަށްވަނީ އިންޖީނުގެތަށް ހިންގަދީފަ. ނަމަވެސް މިހާރު މިފެންނަނީ އަމާބުނީތީ ފަރަށްދާހެން ގައުމުގެ ސަރުކާރުން އިންޖީނުގެ ހިންގާ މަންޒަރު. ހަމަ ހަލާކުވާއިރަށް އިންޖީނެއް. ލޯޑް ނުހިފަހައްޓާކަން އެގޭއިރަށް އަނެއްކާވެސް އިންޖީނެއް. އާބާދީ އިތުރުވާވަރަރެއްބަލާ އަދި ރައްޔިތުން ބޭނުންކުރާ ސާމާނަކަށް ބެލުމެއްނެތި ކުރާ ބޮޑެތި ހަރަދު ހުއްޓާލާ ދުރުވިސްނުމަށް ކަންތަށް ކުރުމަށް ގޮވާލަން.