ތޯހާ "މިހާރު" އަށް މީގެ ކުރިން ދެއްވި އިންޓަވިއުއެއްގައި.-- ފޮޓޯ: ހުސެއިން ވަހީދު/ މިހާރު
19 އޯގަސްޓް 2019 - 10:02
38 comments
ޣިޔާސުއްދީން އިންޓަނޭޝަނަލް ސްކޫލުގެ ޕްރިންސިޕަލްގެ މަގާމުން، 10 އަހަރަށް ފަހު ތޯހާ ސަލީމް އިސްތިއުފާ ދެއްވަން ނިންމަވައިފި އެވެ.
ތައުލީމީ ދާއިރާގައި 20 އަހަރަށް ވުރެ ގިނަ ދުވަހު ހިދުމަތްކުރައްވާ ތޯހާ "މިހާރު" އަށް ވިދާޅުވީ ރާއްޖޭގެ އެންމެ ފުރަތަމަ އިންޓަނޭޝަނަލް ސްކޫލުން ވަކިވަނީ އެހެން ބަޔަކަށް ފުރުސަތު ދެއްވުމަށް ކަމަށެވެ. ނަމަވެސް މި އަހަރުގެ ދިރާސީ އަހަރު ނިމެންދެން އެ މަގާމުގައި ދެމިހުންނަވާނެ ކަމަށް ވިދާޅުވި އެވެ.
އީޕީއެސްއެސް އިން ޖީސީއީ އޯ ލެވެލް ހެއްދެވުމަށް ފަހު ތޯހާ ތައުލީމީ ދާއިރާއަށް އެންމެ ފުރަތަމަ ވަދެވަޑައިގަތީ، އުފަން ރަށް، ހއ. ހޯރަފުށީގައި ހުންނަ އަތޮޅު މަދަރުސާގެ ޓީޗަރެއްގެ ގޮތުގަ އެވެ. އެ ސްކޫލުގައި ތިން އަހަރު މަސައްކަތްކުރެއްވުމަށް ފަހު ދެން ވަޑައިގެންނެވީ އިންޑިޔާއަށް ސްކޫލު މެނޭޖްމަންޓުން ޑިޕްލޮމާ ހާސިލްކުރެއްވުމަށެވެ. އޭނާ ވަނީ ޓީޗިންގެ ދާއިރާ އިން ފުރަތަމަ ޑިގްރީ އަދި މެލޭޝިޔާއިން އެޑިއުކޭޝަނަލް މެނޭޖްމަންޓް އިން މާސްޓާސްގެ އިތުރުން ސިންގަޕޫރުން ޑިޕާޓްމެންޓަލް މަނޭޖްމަންޓްގެ ދާއިރާ އިން ޑިޕްލޮމާ ވެސް ހާސިލްކުރައްވައިފަ އެވެ.
ޣިޔާސުއްދީންގެ ދަރިވަރުން: އަންނަ އަހަރު އެ ސްކޫލުން ފެންނާނީ އާ ޕްރިންސިޕަލެއް .-- ފޮޓޯ: ހުސެއިން ވަހީދު/ މިހާރު
ތޯހާ ޣިޔާސުއްދީން ސްކޫލާ ގުޅިވަޑައިގަތީ، އެ ސްކޫލު ޕްރައިވެޓައިޒް ކުރުމުގެ އަހަރެއް ކުރިން 2009 ގަ އެވެ. ފާއިތުވި 10 އަހަރުގެ ތެރޭގައި ކުރިމަތިވި ގޮންޖެހުންތަކުން، ގިނަ ބައެއްގެ އެހީތެރިކަމާ އެކު އަރައިގެންނެވިފައިވާ ކަމަށް އޭނާ ވިދާޅުވި އެވެ.
ސްކޫލް ހިންގެވުމުގައި ތޯހާގެ ތަޖުރިބާ
ޕްރިންސިޕަލް: ދ. އަތޮޅު ސްކޫލް
ޕްރިންސިޕަލް: ޏ. އަތޮޅު އެޑިޔުކޭޝަން ސެންޓަރު
ޕްރިންސިޕަލް: ޅ. އަތޮޅު އެޑިޔުކޭޝަން ސެންޓަރު
ޕްރިންސިޕަލް: ސ. ފޭދޫ ސްކޫލް
އެސިސްޓެންޓް ޕްރިންސިޕަލް: ބ. އަތޮޅު އެޑިޔުކޭޝަން ސެންޓަރު
އެސިސްޓެންޓް ޕްރިންސިޕަލް: ދަރުމަވަންތަ ސްކޫލް
ތޯހާ ވިދާޅުވި ގޮތުގައި އެންމެ ބޮޑު ދައްޗަކާ ކުރިމަތިވީ، އަމިއްލަ ކުންފުންޏަކުން ޣިޔާސުއްދީނާ ހަވާލުވެ، އެތަން އަމިއްލަ ސްކޫލަކަށް ބަދަލުވުމާ އެކު ބެލެނިވެރިންނަށް ވިސްނައިދިނުމުގަ އެވެ.
"އެންމެ ބޮޑު ކަމަކީ މީހުންނަށް ވިސްނައިދޭން ޖެހުން ޕްރައިވެޓް ސްކޫލެއްގައި ކިޔަވައިދިނުމާ ގުޅޭ ގޮތުން. އެންމެންގެ އިހްސާސްތަކަށް ބަލައިގެން ކަންކަން ކުރުމަށް ވެސް ހާއްސަ ސަމާލުކަމެއް ދޭން ޖެހުން،" ތޯހާ ވިދާޅުވި އެވެ.
"ކޮންމެ ބަދަލެއް ގެންނައިރު ވެސް މީހުންގެ ޝަކުވާއާ ކަންކަމަށް ބަލަން ޖެހޭނެ."
ޣިޔާސުއްދީން އިންޓަނޭޝަނަލް ސްކޫލުގައި ބޭއްވި އިންޓަނޭޝަނަލް ރޮބޮޓޯނިކްސް ކޮމްޕެޓިޝަން (އައިއާރުސީ) ގެ މުބާރާތުގައި ބައިވެރިވި ދަރިވަރަކު ގޭމެއް ފުރިހަމަ ކުރަނީ: ތޯހާގެ ބެލުމުގެ ދަށުން އެ ސްކޫލުން އަންނަނީ ކާމިޔާބީތައް ހޯދަމުން ---ފޮޓޯ: ހުސެއިން ވަހީދު/ މިހާރު
ޣިޔާސުއްދީނުން ވަކިވެވަޑައިގަތަސް އެހެން ސްކޫލަކާ ގުޅިވަޑައިގަތުމުގެ ވިސްނުމެއް ތޯހާގެ އަދި ނެތެވެ. އަދި ކުރިއަށް އޮތް ތަނުގައި އޭނާ ފެންނާނެ ދާއިރާއެއް ވެސް ނުނިންމަވާ ކަމަށް ވިދާޅުވި އެވެ. އެކަމަކު ގައުމަށް ފައިދާ ހުރި ކަންކަމުގައި އޭނާގެ އެ އެހީތެރިކަން ލިބޭނެކަމުގެ ޔަގީންކަން ދެއްވި އެވެ.
"އަބަދުވެސް ބެލީ، ތެދުވެރިކަމާއި ހަމަހަމަކަމާއި ވަފާތެރިކަމާ އެކު މަސައްކަތްކުރެވޭތޯ. އެގޮތުގައި ފާއިތުވި އަހަރުތަކުގައި މަސައްކަތްކުރެވުނީމަ ހިތްހަމަޖެހިއްޖެ،" ތޯހާ ވިދާޅުވި އެވެ.
އޭނާ ވަކިވެވަޑައިގަންނަވާތީ ޣިޔާސުއްދީނުން މިހާރު ވަނީ ޕްރިންސިޕަލެއް ހޯދަން އިއުލާންކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަރީއްކޮ
21 August 2019
ކޮންމެ އިންސާނެއްގެ ވެސް ރަނގަޅު ކުރަން ޖެހެޭ ކަންތައް ހުންނާނެ. ތޯހާ އަކީ ފާހަގަ ކޮށްލެވޭ މޮޅު ޕުރިންސިޕަލެއް. ކުދިންނަށް ފަރުވާތެރިވާން އަބަދު ހަނދުމަކޮށްދޭ ޕްރިންސިޕަލެއް. ޓެކޮނޮލޮޖީ ގެ އާ އީޖާދު ތަކަށް މުދައްރިސުންނާއި ކުދިން އަހުލުވެރި ކުރުވަން ހިތްމަތާއެކު މަސައްކަތް ކުރައްވާ ބޭފުޅެއް. ވިސްނުންތެރި ކެރޭ ބޭފުޅެއް.
އަލީ ވާފިރު
20 August 2019
ސްޓޭޓް މިނިސްޓަރަކަށް ވަނީ.
ބަރޯ
20 August 2019
ރަނގަޅު. ދެންއާދޭ ޕޮލިހަށް
ހުތާނި
20 August 2019
ތާހާ މަސައްކަތް ފެއްޓެވީ ޣިޔާސުއްދީނަކު ނޫނެވެ. ތާހާގެމަސައްކަތް އޭގެ ކުރިން ފެނުނު ކޮންމެ މީހަކުވެސް އޭނަގެފޮނި ބޮޑާ ކިބުރުވެރި މިޒާޖު ދަންނާނެއެވެ. ޣިޔާސުއްދީނަކީ ވަރަށް އެލީޓް އާއިލާތަކުގެކުދިން އުޅޭތަނަކަށްވާތީ ގޮތްގަނޑު ފަހުން ބަދަލުކުރަން މަޖުބޫރުވީ ކަމަށް ވެދާނެއެވެ.
ޢަނީ
19 August 2019
ޢިޔާސުއްދީނަކީ އަގުބޮޑުކޮށް ފީއެއްނަގައިގެން ހިނގާ ސަރުކާރު ސްކޫލެއް. ޕްރައިމަރީއިން ސެކަންޑަރީއަށް ސަރުކާރެކޭ އެއް ކަރިކިއުލަމްއެއް. ޢެއް ފޮތްތަކެއް. ޢިތުރީ ބައެއް ހަރަކާތްތަށް. އިންޓަނޭޝަނަލް އޭ ހަމަ ކިޔާފައި މިވަރު ފީއަކާއި ޑޮޕޮސިޓު ދައްކައިގެން ދާވަރުތަނެއް ނޫން. މި ސްކޫލު މޮޅުމިވަނީ ސަރުކާރު ސްކޫލުތައް ދައްކަމުން. އިންޓަނޭޝަނަލް ސްކޫލަކަށް ރާއްޖޭގައި ވުމަކީ ޕަބްލިކު ސްކޫލު ތަކުގައި ކިޔަވައިނުދޭ ކަރިކިއުލަމްއެއް ކިޔަވައިދިނީމައެއް ނޫންބާ؟
ޙަސަންޓޭ
20 August 2019
ޢަނީ އަށް ޢިޔާސުއްދީނާ ބެހޭ އެއްވެސް މަޢްލޫމާތެއް ނެތްކަން އެގި ހާމަވެއްޖެ އެތަނުގައި ކިޔާވައިދޭ ކަރިކިއުލަމާއި ބެހޭ މަޢްލޫމާތު ހޯދަން ފެނޭ އަދި ޑިޕޮޒިޓެއް ނަގާތޯ ބެލުންވެސް ރަގަޅު
ޖަނާން
20 August 2019
ތިއީ ރަގަޅުވާހަކައެއް ނޫނޭ. ލޯކަލް ކަރިކިޔުލަމް އަށް ކިޔަވާދޭން ޖެހޭ މާއްދާތައް (މިސާލަކަށް ދިވެހި، އިސްލާމް އަދި ސޯޝަލް ސްޓަޑީސް) އެކަނި ކިޔަވާދެނީ ސަރުކާރުގެ ކަރިކިޔުލަމްއަށް..އެއީ އެކަން އޮންނަންވެސް ވާނެގޮތް..މިކުދިން ވެސް ރާއްޖޭގެ އޯލެވެލް ދިވެހި އިސްލާމް ކަމަށްވާތީ ތައްޔާރުވާން ޖެހޭނީ ލޯކަލް މުގައްރަރަށް..އިގިރޭސި ހިސާބު ފަދަމާއްދާއްތައް އެއީ އިންޓަނޭޝަނަލް ކަރިކިޔުލަމް..އަދި ކޮބާ ހިންގާ އޮންލައިން ރިސޯސަތައް؟މައިއައިމެތް، ލައިބްރަރީ ފަދަ؟
ހުސާމް
20 August 2019
ސަރުކާރު އިސްކޫލަށް ވުރެ މޮޅީ ކޮންކަމަކަށް.
ޙަސަންދީ
19 August 2019
ސްކޫލް ވުޖޫދުގައިއޮތީ ތޯހާގެ ވިސްނުންތެރިކަމާއި ހިންގުންތެރިކަމުގެ ސަބަބުންކަން އެސްކޫލްގެ ކޮންމެ ބެލެނިވެރިއެއް ހެޔޮހިތުން ޤަބޫލު ކުރާނެ، އެހެނީ ސްކޫލް އިންޓަރނޭޝަލް ސްކޫލަކައް އުފަންވި އިރު ސްކޫލުން ކިޔަވައިދޭނީ ބުދުދީން ކަމައް އަޑުގަދަ އެތައް ބަޔަކު ބުނެދެމުން ދިޔައިރު ތޯހާގެ ދުރު ވިސްނުމާއި ހިންގުމުގެ އާދަޔާ ޚިލާފް ހުނަރުގެ ސަބަބުން ބުދުދީނޭ ބުނެ ހަރު އަޑުން ގޮވި އެންމެ ބޭފުޅުންގެ ދަރިންނަކީ މިއަދު އެ ފަޚުރުވެރި ސްކޫލްގެ ފަޚުރުވެރި ދަރިން!
ސަލާމަތްވި
19 August 2019
ނުދައްކާ ވާހަކަ ވަރަށް ގިނަ ވާނެ. ހަނު
އިހްލާސް
19 August 2019
ވަރަށް ގިނަ އަހަރުތަކަކަށް ފަހު ތާހާއާއި ދިމާވީ ޢީދު ބަންދުގައި މޫދަށް ކުޑަކުދިން ތަކަކާއި އެކު މޫދުގައި އުޅެނިކޮށް، މަޑުމައިތިރި ކަމާ ހިތްހެޔޮކަމާއެކު ހާލު އަހުވާލުއަހާލި، ތާހާ ސަލީމް އަކީ ބަސްމަދު ހިތްތިރި ބޭފުޅެއް، މުސްތަގްބަލުގައި އިތުރު ކާމިޔާބީއަށް އެދެން.
މަދެކުސް
19 August 2019
ތާހާ ސަރ އަކީ ވަރަށް ޕްރޮފެޝަނަލް ބޭފުޅެއް. އައުޓް އޮފް ދި ބޮކްސް ތިންކަރ އެއް. އަބަދުވެސް އައު ކަންތައްތައް ތައާރަފް ކޮށް ސްކޫލް އައުޓް އޮފް ދި އޯޑިނަރީ ގަ ގެންގުޅެން މަސައްކަތްކުރެއްވެވި. އެޑިއުކޭޝަން މިނިސްޓަރ އަކަށް ގޯހެއް ނުވާނެ. ކާމިޔާބަށް އެދެން.
ާއަލީ ާ
19 August 2019
ތޯހާއަކީ ބޮޑާ ވެރިއެއް. ކިބުރުވެރި މީހެއް. ތިޔަ ސުކޫލުގެ ނަތީޖާ މިކަމަށް ހެކިވާނެ.
ހަޖަމޭ
19 August 2019
ނަތީޖާއާ ކުރިއެރުން ފެންނަނީ ވަރަށް ފޮނިކޮށް.. ސުލޫލުގެ ހުރިހާ ބެލެނިވެރިން ހެކިވާނެ.. އަޅުގަނޑުމެން ޤަބޫލުކުރާ ގޮތުގަ ތޯހާއަކީ ބަތަލެއް މި ސުކޫލު އަސްލުފެންވަރަށް ގެނައި ހިންގުންތެރި ލީޑަރެއް..ހިތް ތިރި އޯގާވއރި އެކުވެރި ބޭފުޅެއް.. ތިޔަ ކަހަލަ ހަސަދަވެރި ހަސީދަށް ނިބައި މީހުންނަށް އެންމެންވެސް ފެންނާނި ބޮޑާ ނޫނީ ނުބައި ގޮތްގޮތަށް.. ދެން ހަޖަމއކޮށްލާ
މަޖްދާން
20 August 2019
ތިހެންކިޔަނީ ބޭނުންހާ ގޮތަކަށް ކަންކަން ބަދަލު ނުގެންނަވާތީ ..އެބޭފުޅާ އަށް ވަކި ސިޔާސީ ނުވަތަ މަތީ މަގާމުގަ ތިބޭ ބޭފުޅުންގެ އިންފްލުއެންސް ނުކުރެވޭނެ..އިންޓަގްރިޓީ ހިފަހައްޓާނެ...އެއީ ކިބުރުވެރިކަމަށްވާނަމަ އަޅުގަނޑަށް ރަގަޅީ އެހެންވުން. ނަތީޖާއަކީ އޯލެވެލްއަށް ވުރެ ދަރިވަރަށް އަންނަ ކުރިއެރުން،، ސެލްފް ކޮންފިޑެންސް، ގާބިލު ކަން އަށަގެންނެވުން.. މިކަންތައް ކިތަންމެހާވެސް ފުރިހަމަ ޢިޔާސުއްދީންގަ. ތޯހާ މީ ހަމަ ނަމޫނާ ބޭފުޅެއް.