އަފްޝަން ވާހަކަ ދައްކަވަނީ: އެމްޑީޕީގެ ކައުންސިލަރުންގެ ކޮންފަރެންސް ބުރާސްފަތި ދުވަހު ފަށަން ވަނީ ހަމަޖައްސާފައި -- މިހާރު ފޮޓޯ/ނިޝާން އަލީ
19 އޯގަސްޓް 2019 - 17:05
6 comments
އެމްޑީޕީގެ ކައުންސިލަރުންގެ ކޮންފަރެންސް އަންނަ ބުރާސްފަތި ދުވަހު ފަށަން ހަމަޖައްސައިފި އެވެ.
އެމްޑީޕީން މިއަދު ބޭއްވި ނޫސްވެރިންގެ ބައްދަލުވުމެއްގައި އެ ޕާޓީގެ ސެކެޓްރީ ޖެނެރަލްގެ ނައިބު އަފްޝަން ލަތީފް ވިދާޅުވީ އެ ކޮންފަރެންސަކީ ލާ މަރުކަޒީ ނިޒާމަށް ފުރިހަމަ ބާރުތައް ދިނުމަށް ސަރުކާރުން ކުރަމުންދާ މަސައްކަތާ ބެހޭ މައުލޫމާތު ކައުންސިލަރުންނަށް ދިނުމަށާއި އެ ބަދަލުތަކާ މެދު ކައުންސިލަރުންގެ ޚިޔާލު ހޯދުމަށް ބާއްވާ ކޮންފަރެންސެއް ކަމަށެވެ. އަދި ދައުލަތުގެ އެކި ވަޒީރުންނާ ކުރަން ބޭނުންވާ ސުވާލުތައް ވެސް އެ ކޮންފަރެންސްގެ ތެރެއިން ކައުންސިލަރުންނަށް ކުރެވޭނެ ކަމަށް އަފްޝަން ވިދާޅުވި އެވެ.
"އަޅުގަނޑުމެން ހަމަޖައްސައި މިދެނީ މިނިސްޓަރުންނާ ބައްދަލު ކުރައްވައި، އެ ބޭފުޅުންގެ ސުވާލުތަކާއި އެ ބޭފުޅުންގެ ދާއިރާގެ ރަށްތަކަށް ހުރި މަޝްރޫއުތަކާ ބެހޭ މައުލޫމާތަކާއި އަދި އެ މިނިސްޓްރީއަކާ ގުޅޭ ކަންބޮޑުވުމެއް ހުރި ނަމަ އެކަންކަމާ ޚިޔާލު ފާޅު ކުރައްވައި، ވާހަކަ ދައްކަވަން،" އަފްޝަން ވިދާޅުވި އެވެ.
އޭނާ ވިދާޅުވި ގޮތުގައި ބުރާސްފަތި ދުވަހުން ފެށިގެން ހުކުރު ދުވަހުގެ ނިޔަލަށް މާލޭގައި ކުރިއަށް ގެންދާ އެ ކޮންފަރެންސްގެ ފެށުމުގެ ރަސްމިއްޔާތުގައި ރައީސް އިބްރާހިމް މުހައްމަދު ސޯލިހާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވެސް ބައިވެރިވެ ވަޑައިގަންނަވާނެ އެވެ. އަދި ގިނަ އަދަދެއްގެ އެ ޕާޓީގެ ކައުންސިލަރުން އެ ކޮންފަރެންސްގައި ބައިވެރިވާނެ ކަމުގެ ޔަގީންކަން ލިބިފައިވާ ކަމަށް ވެސް އަފްޝަން ވިދާޅުވި އެވެ.
"ކައުންސިލަރުންނަށް އަޅުގަނޑުމެން ޕާޓީ އާއި އަދި ޚާއްސަކޮށް ސަރުކާރާ ގުޅުން ބަދަހިކުރަން ލިބޭ ރަނގަޅު ފުރުސަތެއް މިއީ. އެ ބޭފުޅުންގެ ކޮންސާންތައް ހިއްސާ ކުރައްވައި، ސުވާލު ކުރައްވަން ލިބޭ ވަރަށް ބޮޑު ފުރުސަތެއް." އަފްޝަން ވިދާޅުވި އެވެ.
އަފްޝަން ވިދާޅުވީ ކޮންފަރެންސް ކުރިއަށް ދާ ދެ ދުވަހު ވެސް ކައުންސިލަރުންނަށް މާލޭގައި ދަތުރުފަތުރުގެ އިންތިޒާމް ހަމަޖައްސާފައިވާ ކަމަށާއި އެގޮތުން އެމްޕީއެލްގެ ބަސްތައް ކުއްޔަށް ހިފާފައިވާ ކަމަށް އޭނާ ވިދާޅުވި އެވެ. އަދި މާލޭގައި ހުންނަ ގްރޭޓާ މާލެ ބަސް ސްޓޭޝަނަށް ކައުންސިލަރުން ވަޑައިގަތުމުން އެ އިންތިޒާމް ހަމަޖެހޭނެ ކަމަށް އޭނާ ވިދާޅުވި އެވެ.
މީގެ އިތުރުން ކޮންފަރެންސް އޮބްޒާވް ކުރުމަށް މަދަނީ ޖަމްއިއްޔާތަކަށް ވެސް ފުރުސަތު އޮންނާނެ ކަމަށް އޭނާ ވިދާޅުވި އެވެ. އަދި އެ ކޮންފަރެންސާ ބެހޭ ރިޕޯޓެއް ވެސް އެކުލަވާލަން ހަމަޖެހިފައިވާ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖީމު
20 August 2019
އެމްޑީޕީ އިން ހެދި މެނިފެސްޓޯ ކޮބާއިތަ؟ ވެރިކަމަށް އައިސް އިގްތިސާދު ފުޅާކުރަން ކޮންކަމެއްތަ ތިކުރަނީ؟ އަލޯރާ ފާނިޗަރ ފިހާރަ ހިންގާހެން ޤައުމުގެ ވެރިކަމެއް ނުހިންގޭނެ! ރާއްޖޭގެ ރަށްރަށުގެ ވަޒީފާގެ ފުރުސަތުތައް ތަނަވަސްކުރުމަށް ކަނަކަން ކުރަންޖެހޭ!
މާރަނގާ - އައްޑޫ ސިޓީ
20 August 2019
ވޯޓްގެކުރިން އެމްޑީޕީއިން ސިޓީކައުންސިލަށްބާރުދިނުމަށާއި ޑިސެންޓްރަލައިޒްކޮށް Wealth Distribution އަދުލުވެރިކުރަންދައްކާވާހަކަ ހަދާންނައްތާލަނީކީއްވެ؟! * * އަހަރުމެން ކޯންޗެއްނުދީ ކޮންމެޖޯރިޓީއެއްނުދީގެން އައްޑޫސިޓީގެތަރައްޤީއަށްއެއްވެސްކަމެއްކޮށްނުދީ ގަމުގެއެއަރޕޯޓް ޓެނިސްކޯޓެއްހެން ރޮގުދަމާފައިބާއްވަނީ! * * ދިހަ 12 މިނިސްޓަރުންނަށް ދެންނެވުމުގެބަދަލުގައި އަހަރުމެންގެމޭޔަރު މުއާމަލާތްކުރުމަށް މާލޭސަރުކާރު ޤަވަރުނަރެއްއައްޔަންކުރައްވަންވީނޫންތޯ.
މެތުސް
21 August 2019
ތިހެން ވެގެންނޭ މަ މި ކިޔަނީ ރާއްޖެ ހިންގަން އެންމެ ރަނގަޅީ ފެޑެރަލް ސިސްޓަމަކަށޭ!
ދޭސީ
19 August 2019
އެމްޑީޕީ މޮޅުވާނީ މިކަހަލަ ކަންތަކަށް. ސަރުކާރު ހިންގަން ސުމެއް. މޮޅެތި މެނިފެސްޓޯ ހަދާނެ އެއްވެސް ވަރަކަށް އިމްޕްލިމެންޓް ނުކުރެވޭ
ޚލމހ
20 August 2019
ކުލަވަރު ފެނުނީމަ ތި ޖުމްލަ އިސްލާހުކޮށްލަންވާނެ.
ސައީ
20 August 2019
ކަލޭ ހީކުރީ އެމްޑީޕީ ވެރިކަމަށް އައީ އޯވަރ ނައިޓްއިން ކަންކަން ނިންމަންކަމަށްތަ.. ބަލަ އަހަރެމެން އެމީހުންނަށް ދިނީ 5 އަހަރުގެ ދައުރެކޭ.. ދައުރު ނިމުނީމަ ތި އަނގަ ތަޅަން މަޑުކޮށްލާ.. ކުރެވުނު ކަންތަކާ ނުކުރެވުނު ކަންތައް އޭރުން މަމެންވެސް އަޅާކިޔާނަން... އޯވަރ ނައިޓްއިން ވެރިކަން ހިންގާ ނިންމާކަށް ނޫން ވެރިކަންދިނީ..