ސަފާ: އޭނާ މަރުވީ ހޮސްޕިޓަލުން ދޫކޮށްލި ފަހުން
20 އޯގަސްޓް 2019 - 17:18
41 comments
ސަފާޒާ ހަސަން (ސަފާ) މަރުވުމުގައި ކޮންމެ ވެސް ބައެއްގެ އިހުމާލެއް އެބައޮތް ކަމަަށް އޭނާގެ ބައްޕަ، ހަސަން ނާސިރު މިއަދު ބުނެފި އެވެ.
ތެލެސީމިއާ ބަލީގެ 25 އަހަރުގެ އެ ޒުވާނާ މަރުވީ އައިޖީއެމްއެޗް ހޮސްޕިޓަލުން ފަރުވާ ދިނުމަށްފަހު ދޫކޮށްލިތާ އޭގެ އަނެއް ދުވަހެވެ. މި މަހުގެ 3 ވަނަ ދުވަހު އޭނާ މަރުވިއިރު ވަނީ ބޯންމެރޯ ވެސް ހަދައިފަ އެވެ.
ހުން އައިސްގެން އުޅޭތީ މިދިޔަ މަހު އޭނާ އެންމެ ފުރަތަމަ ދެއްކީ ހުޅުމާލެ ހޮސްޕިޓަލަށެވެ. ހުމަށާއި ރޯގާއަށް ބޭސް ދިނުމަށްފަހު އެތަނުން އެންގީ ތިން ދުވަސް ތެރޭ ރަނގަޅު ނުވެއްޖެނަމަ އަލުން ދެއްކުމަށެވެ. ހާލު ސީރިއަސްވާން ފެށުމުން ދެން ދެއްކީ އައިޖީއެމްއެޗަށެވެ.
"އައިޖީއެމްއެޗްގެ އައިސީޔޫގައި 15 ދުވަސްވަންދެން ބާއްވާފައި ދޫކޮށްލީ. އެތަނުން ބުނި އިންފްލުއެންޒާ އަށް ވެސް ކުޑަކޮށް ޕޮޒިޓިވް ވެފައި ހުރި ކަމަށް. އެކަމަކު އެއްވެސް މައްސަލައެއް ނެތޭ ކިޔާފައި ފަހުން ދޫކޮށްލީ،" ބައްޕަ ބުންޏެވެ.
ސަފާ ދޫކޮށްލީ މި މަހުގެ 2 ވަނަ ދުވަހެވެ. އޭގެ އަނެއް ދުވަހުގެ ހެނދުނު އޭނާ ވަނީ އުފަން ރަށް، ފުވައްމުލަކަށް ގޮސްފަ އެވެ. ރަށަށް ފޭބިތާ ގާތްގަނޑަކަށް ތިން ވަރަކަށް ގަޑިއިރުގެ ތެރޭގައި ނޭވާލާން އުނދަގޫވެ ހާލު ސީރިއަސް ވާން ފެށި އެވެ. އެހެންވެ ހޮސްޕިޓަލަށް ގެންގޮސް ވަގުތުން ފަރުވާދޭން ފެށި އެވެ.
"މެޝިނަށް ލައިގެން ފުރަތަމަ ފަރުވާދިނީ. ފަހުން މާލެ ގެންނަން ފްލައިޓަށް އަރުވާފައި ވެސް ތިން ހަތަރު ފުޅިއެއް ގުޅައިގެން ވެސް އޮކްސިޖަނެއް ނުލިބުނު. އެހެންވެ ފަހުން އަތުން ޕަމްޕުކޮށް އޮކްސިޖަން ދިނީ،" ނާސިރު ބުންޏެވެ.
އޭނާ އައިޖީއެމްއެޗަށް ގެންދިއުމުގެ 45 މިނެޓު ކުރިން މަރުވެފައިވާ ކަމަށް އައިޖީއެމްއެޗް ޑޮކްޓަރުންނާ ހަވާލާދީ އާއިލާއިން ބުނެ އެވެ. ނަމަވެސް ސަފާއާ އެކު މާލެ އައި ޑޮކްޓަރުން ބުނީ، އައިޖީއެމްއެޗަށް އޭނާ ގެންދިޔައިރު ވެސް ފުރާނަ ހުރި ކަމަށެވެ.
"ކޮންމެ ވެސް ބައެއްގެ އިހުމާލު އެބައޮތް މިކަމުގައި. ޒިންމާވާ ފަރާތެއް ބަލާފައި މައްސަލަ ހުށަހަޅާނަން،" ނާސިރު ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒިންމާ ބައްޕައައް!!!
22 September 2019
"ސަފާ ދޫކޮށްލީ މި މަހުގެ 2 ވަނަ ދުވަހެވެ. އޭގެ އަނެއް ދުވަހުގެ ހެނދުނު އޭނާ ވަނީ އުފަން ރަށް، ފުވައްމުލަކަށް ގޮސްފަ އެވެ." އައިސީޔޫގައި ބާއްވާފައި ދޫކޮށްލި ދުވަހު ނޫން އަނެއް ދުވަހު ރަށަށް ދިޔުމަކީ ސަފާއަށް ހެދުނު ގޯހެއް. އިންފުލުއެންޒާއަށް ކުޑަކޮށް ޕޮޒިޓިވްވި ވާހަކައަށް އަޅާނުލުމަކީވެސް ސަފާއަށް ހެދުނު ގޯހެއް. ޒިންމާ ނަގަން ޖެހޭނީ ހަމައެކަނި އައިޖީއެމްއެޗަކުން ނޫން. ސަފާއާއި އާއިލާއިންވެސް ތިކަމުގެ ޒިންމާ ނަގަން ޖެހޭނެ.
ދެން؟
14 September 2019
މަރުޙޫމާއައް ސުވަރުގޭގެ ދާއިމީ ނިއުމަތް ލައްވާޝި.... އާމީން...
ރިޔޯ
22 August 2019
ކިހިނެތް ކުޑަކޮށް ޕޮޒިޓިވް ވަނީ؟ "ކުޑަކޮށް"؟
އޮކްސިިޖަން.
22 August 2019
އެހާ ގިިނަފުޅި ގުޅައިިގެންވެސް ކަމެއް ނުވީ އޮކްސިިޖަން ހުސްވެފަ ހުރިި ފުޅިިތަކެއްވީމަ ކަންނޭންގެ
ބައްޕަގެ އިހުމާލުކޮބާ
21 August 2019
މިހާ ބަލި ކުއްޖަކު ނޭވާލުމުގައި އުދަގޫވާ ކުއްޖަކު އިންފުލުއެންޒާ އަށް ޕޮޒިޓިވް ވެފަ އިން ވާހަކަ ޑޮކްޓަރު ބުނެފަ އޮތްވާ އެއްގަޑި ދެގަޑު އިރުގެ ފްލައިޓެއްގައި ރަށައް ފޮނުވީ ކީއްވެ. އެހާ މަތީގަ ނޭވާލާން އުދަގޫވާނެ. އެފަދަ ހާލަތެއްގައި ފްލައިޓަށް އެރުވުމަކީ ހަމަ ޑެތް ސެންޓެންސެއް. މަރުވި ސަބަބު ވ ސާފު
އަހްޟަން
22 August 2019
ބަލަ ލިޔެފަހުންނަ އެއްޗެއް ރަގަލަކިޔާބަލަ. "އެއްވެސް މައްސަލައެއް ނެތޭ ކިޔާފައި ފަހުން ދޫކޮށްލީ." މިިއިންއެގެނީ ޑޮކްޓަރ ހޮސްޕިޓަލްއިން ސަފާ ދޫކުރީ އޭނާގެ ހުރިހާ ބައްޔެއް ރަގަޅުކަމަށް ބެލެވި ހޮސްޕިޓަލްއިން ހުއްދަލިބިގެންކަން. ހޮސްޕިޓަލްިއިން ދޫނުކުރާނެ އެއްކޮށް ރަގަޅުނުވަނިސް.
ބައްޕަގެ ޒިންމާ
21 August 2019
ބައްޕަގެ ޒިންމާ އަދާ ކުރެވުނު ތަ؟ އެއްކޮށް ރަނގަޅު ނުވަނީސް ޑިސްޗާރޖު ކުރުވައިގެން ހަމަ ޖެހިގެން އައި ދުހު ފްލައިޓަކަށްލާ ރަށައް ގެނައީ ކީއްކުރަން. ހަމަ ރަނގަޅަށް އިނގޭދޯ އެކުއްޖާ މުޅިން އޯކޭ ނޫންކަން ފުލައިޓަށްލީ އިރުވެސް
ސާބިހު
21 August 2019
އައި ޖީ އެމް ހޮސްޕިޓަލް ގެ ވާހަކަ ނުދައްކާ ، ކުރެހޭ ވެސް ކަމަކީ ސްޓާފުން ގެ މައްސަލަ ބެލުން އެހެން ސްޓާފުން ގޮސް ވަހަކަ ދައްކައިގެން ، އެއްވެސް ގާބިލިޔަތު ހުރި ބައެއް ނޫން ތިބެނީ
ރަނގަޅުނުވި ސިއްޚީ ދާއިރާ
21 August 2019
ކިތައްމެ ވަރަކަށް މައްސަލަ ޖެއްސިކަމުގައިވިޔަސް އެންމެ ފަހު ވަގުތު ޒިންމާވާނެ އަދި ޒިންމާނަގަންޖެހޭ މީހެއްނުވެ އެންމެ ފަހުން ކުށްވެރިވާނީ އެކުއްޖާފުޅު. މީ މި ޤައުމުގެ ހާލަތު. ރަށްރަށުގެ ސިއްޚީ މަރުކަޒުތަކުގައި އޮކްސިޖެން ފުޅިއެއްހާ ހިސާބު ނެތިގެން މީހުން މަރުވަމުންދާއިރުވެސް އެކަން ދަންނަ މީހަކުނުވޭ. ސިއްޚީ ނިޒާމު ފެއިލްވެފައި އޮތް މިންވަރު.
ބައްޕަ ތި ކިޔަނީ ކީކޭތަ؟
21 August 2019
އެހާ ބަލިވެފަ ވަނިކޮށް އައި ސީ ޔޫ ގަ 15 ދުވަހު ފަރުވާދީ ދޫކޮށްލި ދުވަހުގެ ފަހު ދުވަހު ފްލައިޓަށް އެރުވީ ކީއްވެގެން ހެއްޔެވެ؟ ވާނުވާ ބަލާލަން އިތުރު ދެތިން ދުވަހަށް މާލޭގައި މަޑު ނުކުރީ ކީއްވެގެން ހެއްޔެވެ؟
އަހްޟަން
22 August 2019
ރަގަލުވަންދެން އަދި ހަކުރުުު އަދި ނޭވާލުމަށް އުނދަގޫވުމުން އެކަން ރަގަޅުކުރުމަށް. 15ދުވަސް ފަހުން ޝަފާ ޕުރައިވެޓް ވޯޑް އަކަށް ލުމަށް ޑޮކްޓަރ ނިމީ، ޝަފާގެގައިގަހުރި އިންފުލުއެންޒާ ރަގަޅުވެ، ނޭވާލުމުގެބައި ރަގަޅުކަމަށް ފާހަގަކުރެވުމުން. ޝަފާ ޕުރައިވެޓް ވޯޑްއަށްލީތާ 7ދުވަސް ފަހުން އެތަނުން ދޫކުރި އެއްވެސް މައްސަލައެއް ނެތްކަމަށް، ޑޮކްޓަރގެ ލިއުމަކުން ދެއްކުމަށްފަހު.
ބޮލި މުލައް
21 August 2019
ގޮތްނޭންގޭ މަރުކޮމިޓީން ސޫދާ ތިކަން ހަވާލުކުރަންއުޅޭ. އޭރުން ނިންމާނެ ކުރީސަރުކާރުގެ އިހުމާލުންކަން.