ކ-ވ ފަނޑިޔާރު ސަމީރު، ފަނޑިޔާރު ހަމީދު، ފަނޑިޔާރު ނިޔާޒް އަދި ފަނޑިޔާރު ޝުއައިބު: ހަތަރު ބޭފުޅުން ވެސް ސުޕްރީމް ކޯޓުގެ ފަނޑިޔާރު ކަމަށް ކުރިމަތިލެއްވި -- ފޮޓޯ/މިހާރު
25 އޯގަސްޓް 2019 - 11:51
14 comments
ސުޕްރީމް ކޯޓުގެ ފަނޑިޔާރު ކަމަށް ހައި ކޯޓުގެ ފަނޑިޔާރުންގެ ތެރެއިން ހަތަރު ބޭފުޅަކު މިއަދު ކުރިމަތިލައްވައިފި އެވެ.
ސުޕްރީމް ކޯޓުގެ ފަނޑިޔާރުންގެ އަދަދު ހަތަކަށް އިތުރު ކުރަން ކޯޓުތަކުގެ ގާނޫނަށް ގެނައި އިސްލާހުގެ ދަށުން އެ ކޯޓުގެ ބެންޗަށް އަލަށް އައްޔަންކުރާ ދެ މަގާމަށް ކުރިމަތިލުމުގެ ފުރުސަތު ޖުޑީޝަލް ސާވިސް ކޮމިޝަން (ޖޭއެސްސީ) އިން ވަނީ ހުޅުވާލައިފަ އެވެ. އޭގެކުރިން ރައީސް އިބްރާހިމް މުހައްމަދު ސޯލިހް ވެސް އެމަނިކުފާނަށް ފެނިވަޑައިގަންނަވާ ދެ ބޭފުޅެއްގެ ނަމާ މެދު ޖޭއެސްސީގެ ލަފައަކަށް އެދިވަޑައިގެންފަ އެވެ. ރައީސް ފޮނުއްވި ދެ ނަމަކީ، ހައި ކޯޓުގެ ކުރީގެ ފަނޑިޔާރު އަޒްމިރަލްދާ ޒާހިރާއި ސިވިލް ކޯޓުގެ ކުރީގެ ފަނޑިޔާރު އައިޝާ ޝުޖޫން އެވެ.
ޖޭއެސްސީން ހުޅުވާލި ފުރުސަތުގައި ހައި ކޯޓުގެ ފަނޑިޔާރުންގެ ތެރެއިން ސުޕްރީމް ކޯޓުގެ ފަނޑިޔާރު ކަމަށް ކުރިމަތިލެއްވީ ފަނޑިޔާރު އަލީ ސަމީރާއި ފަނޑިޔާރު އަބްދުﷲ ހަމީދާއި ފަނޑިޔާރު ޝުއައިބު ހުސައިން ޒަކަރިއްޔާގެ އިތުރުން ފަނޑިޔާރު މުހައްމަދު ނިޔާޒެވެ.
ފަނޑިޔާރު ސަމީރު 2011 ވަނަ އަހަރު ހައި ކޯޓަށް އައްޔަން ކުރެއްވުމުގެ ކުރިން އޭނާ ހުންނެވީ ސިވިލް ކޯޓުގެ އިސް ގާޒީގެ މަގާމުގަ އެވެ. ކޮމްޕަރޭޓިވް ލޯ އިން މާސްޓާސް ޑިގްރީ ހާސިލް ކުރައްވާފައިވާ ފަނޑިޔާރު ސަމީރު ވަނީ ހައި ކޯޓު ހިންގުމާ ހަވާލުވެ ހުންނެވި ފަނޑިޔާރެއްގެ ގޮތުގައި ވެސް ގިނަ ދުވަސްތަކެއް ވަންދެން ހުންނަވައިފަ އެވެ.
ފަނޑިޔާރު ހަމީދަކީ ހައި ކޯޓުގައި މިހާރު ތިއްބެވި ފަނޑިޔާރުންގެ ތެރެއިން އެ ކޯޓުގެ ބެންޗުގައި އެންމެ ގިނަ ދުވަސްވީ ފަނޑިޔާރެވެ. މަދަނީ ކޯޓުގެ ގާޒީކަން ކުރެއްވުމަށް ފަހު އޭނާ ހައި ކޯޓަށް އައްޔަންކުރީ 2007 ވަނަ އަހަރު އެވެ. އޭނާ ވަނީ ހައި ކޯޓުން ޖޭއެސްސީ އަށް ކަނޑައަޅާ މެމްބަރު ކަން ވެސް ކުރިން ކުރައްވައިފަ އެވެ.
ފަނޑިޔާރު ޝުއައިބު 2011 ގައި ހައި ކޯޓަށް އައްޔަން ކުރެއްވުމުގެ ކުރިން އޭނާ ހުންނެވީ ޖުވެނައިލް ކޯޓުގެ އިސްގާޒީގެ މަގާމުގަ އެވެ. އޭގެ ކުރިން އާއިލާއާ ބެހޭ ކޯޓުގެ ގާޒީ ކަމާއި މަދަނީ ކޯޓުގެ ގާޒީކަން ވެސް ކުރެއްވި އެވެ.
މިދިޔަ އަހަރުގެ ޖެނުއަރީ މަހު ހައި ކޯޓުގެ ފަނޑިޔާރު ކަމަށް އައްޔަން ކުރެއްވުމާ ހަމައަށް ފަނޑިޔާރު ނިޔާޒު ހުންނެވީ ހދ. ޖުޑީޝަލް ދާއިރާގެ އިސް މެޖިސްޓްރޭޓަކަށެވެ.
އެ ހަތަރު ފަނޑިޔާރުންނަކީ ވެސް ހައި ކޯޓުގައި ބޮޑެތި މަދަނީ އަދި ޖިނާއީ މައްސަލަތަކާއި ދުސްތޫރީ މައްސަލަތައް ވެސް ބެއްލެވި ފަނޑިޔާރުންނެވެ.
ސުޕްރީމް ކޯޓުގެ ފަނޑިޔާރު ކަމުގެ ޝަރުތަކީ ފަނޑިޔާރު ކަމުގައި ނުވަތަ ވަކީލް ކަމުގައި މަދުވެގެން ހަތް އަހަރުގެ ތަޖްރިބާ ލިބިފައި ވުމެވެ. ސުޕްރީމް ކޯޓަށް މިހާތަނަށް ގިނައިން އައްޔަންކުރީ ހައި ކޯޓުގެ ފަނޑިޔާރު ކަން ކުރެއްވި ބޭފުޅުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުރާ
25 August 2019
މީގެތެރެއިން އެއްބޭފުޅަކީ ދާދިފަހުން ހައިކޯޓަށް ހޮވުނު ބޭފުޅެއް. އޭނަ އައިގޮތުގެ ވާހަކަ ދައްކާކަށް ނެތިން. ނަމަވެސް ފުކެއް އަވަސް މައްޗަށް ފުންމައިގަންނަން.
ހަލީލު
25 August 2019
ރައީސު ހުށަހެޅުއްވި ދެ ނަމަކީ ހައިކޯޓުގައި ކުރިން މަސައްކަތްކޮށް އަމިއްލައަށް އިސްތިއުފާދީފައިވާ ފަރާތަކާއި، ސިވިލް ކޯޓުގައި މަސައްކަތްކޮށް އަމިއްލައަށް އިސްތިއުފާ ދީފައިވާ ފަރާތެއް. އެ 02 ބޭފުޅުންނަށްވުރެ ހުރިހާ ގޮތަކުންވެސް ސުޕްރީމް ކޯޓަށް ގެންނަން ރަނގަޅު 03 ފަރާތެއް، ތި 04 ބޭފުޅުންގެ ތެރޭގައި ހިމެނޭ. ޖޭއެސްސީއާއި މަޖްލީހުން ނިންމާގޮތެއް ބަލަން މިތިބީ.
ހަމަ ބުއްދި
25 August 2019
މި ތަނުން ކޮއްމެވެސް އެއް ބޭފުޅަށް ލިބޭނެ އެވެ.ދެން ލިބޭނީ އަންހެނަކަށެވެ.
ކޮވެލި
25 August 2019
އުސްތާޒް ސަމީރަކީ ވަރަށް ރަގަޅު ތެދުވެރި ބޭފުޅެއް.
ޙަސަން ރަޝީދު
25 August 2019
ތިއެއް އެނގޭނީ މައްސަލަތައް ނިންމާފައި ހުރި ގޮތް ބެލީމަ.
މައިދަންޑާ
25 August 2019
ތިޔަކޯޓަށް ގެންނަން އުޅޭބަޔެއް ފަނޑިޔާރުން އެމެރިކާގެ ރައްޔަތުކަން ހޯދާފަޔޯ ކިޔާތީ މަގުމަތިން އަޑުއިވޭ ހީވަނީ ދޮގަކައް ވުރެ ތެދަކާ
މުރާދު
25 August 2019
އެކަކަކީ މަޖިލީހުގަ އިން މީހެއްގެ ކޮއްކޮއެއް. ސީނާ ޒާހިރުގެ އަރިސް މީހެއް އެކަކަކީ ކިޔަވައިގެން އައި ތަނުން ސިފަ ރީތިކަމުން އެމަގާމް ލިބުނު މީހެއް އަނެކަކަކީ ސިވިލްކޯޓުގާ ތަޖުރިބާ ލިބިގެން ހުރި ރަގަޅު ގާޒީއެއް އަނެކަކަކީ ކުޑަ ދުވަސްކޮޅަކަށް ހައިކޯޓުގަ އުޅުނު މީހެއް.
ޢެޓޮމް
25 August 2019
މިއާޓިކަލްގަ އެއްބޭފުޅަކު މާސްޓާޒް ހައްދަވާފަކަމަށް ލިޔުނުއިރު އެހެންބޭފުޅުންގެތަޢުލީމީ ފެނަވަރު ނުލިޔުނީކީއްވެތޯ
IZMEER
25 August 2019
ހާދަ ރުޅި އައިސް ތިބި ފޮޓޯތަކެއް. ނޫނީ ހަމަ ފަނޑިޔާރުން ތިބެން ޖެހޭ ގޮތްތަ މީ؟
90877
25 August 2019
ރައީސް މީހާ އަންހެނެއް ހޮވިއެއް ކަމަކު ހަމަ ހުރެފަ ހޮވުން ރަގަޅެއް ނޫން. އެކަމަށް އެދޭ ހުރިހާ އެންމެން ކުރިމަތިލާން ނުދީ. އެސަގާފަތް ދޫކޮށްލާށޭ ކުންފުނިތަކަށް އައްޔަން ކުރުމުގައިވެސް ބޮޑެތި މަގާމްތަކަށް. އެމްޑީކަމަށް. ރައީސް މީހާވެސް ތިޔަ ހޮވެނީ ސިޓީލަިއގެން ބޮޑު ސިންގާ ވާދައެއް ކޮށްގެން. އެއްވާދައެއްވެސް ނޫން ޕާޓީގަޔާ ގައުމުގަޔާ އެތައް ވާދައެއް. އެންމެ މަތީ ފަނޑިޔާޜު ހޮވުމުގައިވެސް މިގޮތް އޮންނަންވާނެ. ވާދަވެރިކަމުގެ ތެރެއިން ހޮވާ!
އިންސާފް
25 August 2019
ތިޔަ މަގާމަކީ 2 އަންހެނަކަށް ދޭން ނިންމާފައޮތް މަގާމަކާ ވައްތަރީ. ނަމަވެސް މިވެެރިން އިދިކޮޅުގައި ތިބެ ކުނޫޒުގައި ބޭއްވި އެއްވުމެއްގައި މަރުހޫމް މަޖީދު ވަނީ ވަރަށް ސާފުކޮށް އަންހެނުން ފަނޑިޔާރުކަމަށް އިސްކުރުމަކީ ގޯހެއްކަން ބަޔާން ކޮށްފައި. އެ އެއްވުމުގައި މައުމޫނާއި ޝިދާތާވެސް ބައިވެެރިވެ އަތްޖެހި. މިއަދު މި ހުއްދަވީއޯ؟؟؟!!!!
ބަތޮލް
25 August 2019
ހަމަ ތިޔަ ބައްދަލުވުމުގައި މައުމޫނު ބުނި (އަދި ޓްވީޓްވެސް ކުރި) މަޖީދުގެ ވިސްނުމާއި އިދިކޮޅަށް. މާނައަކީ އެއީ ޚިލާފު އުފެދިފައިވާ ކަމެކޭ. ހުއްދަ ނޫންކަންކަމަކީ ޚިލާފު އުފެދޭ ކަންކަމެއްނޫން. ޑރ. އިޔާޒް މިފަހުން ކުރި ޓްވީޓްތަކުންވެސް އެކަން ސާފު.