ނެޝަނަލް ހެލްތު އެކައުންޓްސް ރިޕޯޓް ނެރުމުގެ ރަސްމިއްޔާތު. މި ސަރަހައްދުން ސިއްހަތަށް އެންމެ ބޮޑު ހަރަދެއް ކުރީ ރާއްޖޭން
12 ސެޕްޓެމްބަރ 2019 - 15:24
19 comments
ދެކުނު އިރުމަތީ އޭޝިއާ ސަރަހައްދުގެ ގައުމުތަކުން ސިއްހީ ހިދުމަތަށް ހޭދަކޮށްފައިވާ އަދަދަށް ބަލާއިރު، އާބަދީގެ ނިސްބަތުން 2017 ވަނަ އަހަރު އެންމެ ބޮޑު ހަރަދެއް ކޮށްފައި ވަނީ ރާއްޖެ އިން ކަމަށް ސާވޭއަކުން ދައްކައިފި އެވެ.
ޑަބްލިއެޗްއޯ އާއި ހެލްތު މިނިސްޓްރީ ގުޅިގެން 2015-2017 އަށް ކުރި "ނެޝަނަލް ހެލްތު އެކައުންޓްސް" ސާވޭ އިން ދެއްކި ގޮތުގައި 2017 ގައި ރާއްޖެ އިން ސިއްހީ ހިދުމަތަށް ހަ ބިލިޔަން ރުފިޔާ ހަރަދުކުރި އެވެ. އޭގެ ތެރެއިން 77 ޕަސެންޓް ހަރަދުކުރީ ސަރުކާރުންނެވެ. އަދި ސަރުކާރުން ކުރި ހަރަދުގެ 60 ޕަސެންޓް ހަރަދުކޮށްފައި ވަނީ މީހުން ޑޮކްޓަރަށް ދެއްކުމަށެވެ. ސާވޭ އިން އެނގިފައިވާ ގޮތުގައި އެ އަހަރު ދައުލަތުގެ ބަޖެޓްގެ 32.3 ޕަސެންޓް ހަރަދުކުރީ ސިއްހީ ދާއިރާއަށެވެ.
ނެޝަނަލް ހެލްތު އެކައުންޓްސް ސާވޭގެ ރިޕޯޓް ނެރުނީ ހޮޓެލް ޖެންގައި އެކަމަށް ޓަކައި މިއަދު ބޭއްވި ރަސްމިއްޔާތެއްގަ އެވެ. އެ ރަސްމިއްޔާތުގައި ވާހަކަ ދައްކަވަމުން ހެލްތު މިނިސްޓަރު އަބްދުﷲ އަމީން ވިދާޅުވީ ސިއްހަތަށް ގެއްލުންހުރި އާދަކާދައިގެ ސަބަބުން ސިއްހަތަށް ކުރަން ޖެހޭ ހޭދައިގެ ބޮޑުކަން އިހުސާސް ކުރެވެނީ އެތައް އަހަރެއްގެ ފަހުން ކަމަށެވެ. މިއަދު ނެރުނު ރިޕޯޓުން ހާމަވެފައި އެވަނީ އެފަދަ ހޭދައިގެ ބޮޑުކަން ކަމަށް އޭނާ ވިދާޅުވި އެވެ.
"މިއަދު އަޅުގަނޑުމެން ބޯ ސިނގިރެޓްގެ ސަބަބުން ސިއްހަތަށް ކުރަން ޖެހޭ ހޭދައިގެ ބޮޑުކަން އިހުސާސް ވަނީ މީގެ އެތައް އަހަރެއްގެ ފަހުން. މިއަދު ދުފާ ދުފުމުގެ ސަބަބުން އެތައް އަހަރެއް ފަހުން ގައުމާއި ރައްޔިތުން އަދި އެ ދުފުމުގެ ހިތްފަސޭހަކަން އިހުސާސް ކުރި މީހާ ކުރަން ޖެހޭ ހޭދަ އެތައް ހާސް ގުނަޔަކަށް އިތުރުވެގެން ދޭ،" އޭނާ ވިދާޅުވި އެވެ.
އަމީން ވިދާޅުވީ ފާއިތުވި ފަސް އަހަރު ވެސް ރާއްޖޭގައި ސިއްހީ ހިދުމަތަށް ކުރާ ހަރަދު ބޮޑުވަމުން ގޮސްފައިވާ ކަމަށެވެ. ބޭހަށް ކުރާ ހަރަދު ވެސް އިންތިހާ އަށް ބޮޑުވެފައިވާ ކަމަށާއި ބޭހާއި ސިއްހީ ހިދުމަތަށް ނަގާ އަގާއި އެ ހިދުމަތްތަކުގެ ފެންވަރާ އެކަށީގެންވާ ކަން ކަށަވަރު ކުރަން، ކުރަން ޖެހާ ކަންތައްތައް ސަރުކާރުން ކުރާނެ ކަމަށް ވެސް ވިދާޅުވި އެވެ.
"އެހެންވީމާ ޑޮކްޓަރުންނަށް ވެސް ސިއްހީ ހިދުމަތް ފޯރުކޮށްދޭ ތަންތަނުގައި ތިއްބެވި އިސްވެރިންނަށް ވެސް އަދި ބޭހާ ގުޅޭ ކަންކަމުގައި އުޅުއްވާ ހުރިހާ ބޭފުޅުންނަށް ވެސް އަޅުގަނޑު ދަންނަވާލަން ބޭނުންވަނީ މިކަމަށް ތައްޔާރުވެވަޑައިގަންނަވާށޭ،" އަމީން ވިދާޅުވި އެވެ.
އަމީން ވިދާޅުވީ ރާއްޖޭގެ ސިއްހީ ހިދުމަތް އަލުން ބައްޓަން ކުރާ އިރު، ސިއްހީ ހިދުމަތަށް ކުރާ ހަރަދާ މެދު ފުންކޮށް ސަރުކާރުން ވަރަށް ފުންކޮށް ވިސްނާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހައިރާން
13 September 2019
1 ޕެނެޑޯލް ގުޅަ އާސަންދަ މެދުވެރިކޮށް ހޯދާއިރަށް ދައުލަތުގެ ބަޖެޓުގެ %20 ދާގޮތަށް ސިސްޓަމް އޮތީ. ޢާސަންދަތީ ބޮޑު އޮޅުވާލުމެއް. ކަމެއް ވެގެންތާ އޭގެއިން ތިމާއަށް ކުރާ ހަރަދު ބެލޭގޮތަށް ނޯންނަނީ. ވާނުވާގަ !
ފަރުދާގެ ފުރަގަސއ
13 September 2019
ޑޮކްޓަރުންނޭ ކިޔައިގެން ޓެކުމުން މަތީފާސް ނަގާފަތިބި ބަޔަކު ރައްޔިތުން ފެލާލަނީ
ވޯކަރު
13 September 2019
ރަނގަޅު . ޚަރަދުގެ ތެރެއިން 80 ޕަސެންޓް ވަނީ ކާލާފަކަން ޔަޤީން
ޒަމީރު
13 September 2019
ޚަރަދު ކުރެވިދާނެ..ޚަރަދުކުރީ ކޮންގޮތސކަށްތޯ.އައިޖީ އެމް އެޗްގެ 25 ބުރީގެ އިމާރާތަށް ޚަރަދުކުރީ ކިހިނެއްތޯ.ރަނަގަޅުގޮތުގަތޯ.100 ރުފިޔާ ދާތަނަކަށް 1000 ރުފިޔާވސް ޚަރަދު ކުރެވިދާނެ.އަދިވެސް ރާއްޖެތެރެ ތެރެމިއޮތީ ވަރަށް ހާލުގަ.ކިރިޔާ ކަމެއްވާއިރަށް މާލެ.
ހަޑިފުސްކުކުޅު
13 September 2019
މިއީ ފަޚުރެއް ނޫން ބަޔަކު އަތުން ވާރުނަގައިގެން އިޞްރާފު ބޮޑުކޮށް މޫބާލާފައިވާ ކަރަޕްޝަނަށްވެސް ފަހިވާގޮތަށް ކަންކަން ގެންގޮސް ޚަރަދުތައް ކުރެވިދާނެ އެކަމަކު ރާއްޖޭގައި ޢާއްމު ޞިއްޙަތަށް ދެވޭ ސަމާލުކަން ވަރަށް ކުޑަ ނަތީޖާއެއްގެ ގޮތުން ހުމާ އެކި ޒާތްޒާތުގެ ރޯގާ ހަމަ އިންތިހާއަށް އޭގެ ތެރޭގަ އެތައް އެތައް ބާވަތެއް ކުކުޅު ގުންޏާވެސް ހިމެނިގެން
ބީވާ
13 September 2019
ބަލި މީހުން ގިނަ ރާއްޖެ އިން ފަރުވާ ނުލިބުން އަސްލަކީ، މިކަން ނިންމަން އުޅޭ ސިޔާސީ މީހަކު ނެތް!
ރިޕޯޓް
12 September 2019
މި ރިޕޯޓް ކޮބާ؟ ވެބްސައިޓުން ނުފެނުނެ
ޝޮކްތެރަޕީ
12 September 2019
ރާއްޖޭގަ ސިއްޙީނިޒާމު ބަލިކަށިވީ ނަޝީދުގެ ސަބަބުން. ފުރަތަމަވެސް އާސަންދަ ނުދީ ކޮމްމެ އަތޮޅެއްގަ ހޮސްޕިޓަލެ އެޅިނަމަ އެލާރިން މިހާރު އެލާރި އެދަނީ ހަގީގީ ފަރުވާ ނުލިބި. ވަސީލައްތަ މި ރައްޖެއަކު ނެއް. ނަޝީދުގެޑިގު އެރުވޭތޯބެލީ.
ފާއިޒު - ހެލްތު ވޯކަރު
12 September 2019
ހުކުރެއް ހޮނިހިރެއް ނުބަލާ މިނިސްޓްރީ ކޮނޑުއަޅައިގެން ދިވެހި ރައްޔިތުންގެ ހިދުމަތުގައި ތިޔަ ކޮށްދެއްވާ އިހްލާސްތެރި މަސައްކަތުގެ ރާހަތު މާ ލަސްތަކެއް ނުވެ ދިވެހިންނަށް ލިބިގެންދާނެ. ދުވަހަކުވެސް ރާއްޖޭގެ ސިއްހީ ދާއިރާ ދަތުރުނުކުރާހާ ބާރު މިނުގައި މަނިކުފާނުގެ ކައްޕިތާނުކަމުގެ ދަށުން ސިއްހީ ދާއިރާ މިހާރު ދަތުރުކުރަމުންދަނީ. ދެން މަނިކުފާނާ އެއް ފިޔަވަޅެއްގައި ހިފަހައްޓާ ނުލެވޭ މީހުންވެސް ބޭރުކޮށް މިނިސްޓްރީ ސާފުކޮށްލާ. އޭރުން ހަމަ 1
ހުންކޮށި
13 September 2019
މިސަރުކާރުން އިމާރާތްތަކެއް އަޅަނެ ކޮބްޓްރެކްޓަރުންނަށް މަސައްކަތް ދިނީމަ ލިބޭ އެއްޗެއްވެސް އޮވެދާނެ އެކަމަކު އިމާރާތް ހުންނާނީ ހުސް ތޮށިގަނޑު ދެން ތަނުގައި އޮންނާނީ ހުންބަލާ ކަށިިގަނޑެއް އެކަނި ވަﷲ އަޢުލަމް
ފައުޒީ އަހުމަދު
12 September 2019
ކޮންމެ ކަމެއްވެސް ފުޅާ ވިސްނުމެއްގެ ދަށުން ކުރާ މީހުންނަށް ކާމިޔާބު ލިބޭނެ. އަމީންއަށް ތިކަންވެސް ވާނެ.
އައްބާ
12 September 2019
އެ ރިޕޯޓްގަ އޮތީ 2017 ވަނަ އަހަރުގެ ވާހަކަ. އޭރު ތިޔަ އަމީން ހުރީ ރާއްޖެއަށް ޓޫރިސްޓުން ނައުމަށް ގޮވުމުގެ މަސައްކަތުގަ ޔޫރަޕްގަ.