ލ. ގަމުގައި ކުއްޖާ ވެއްޓުނު މަސް ފެންގަނޑު.
14 ސެޕްޓެމްބަރ 2019 - 20:20
6 comments
ލ. ގަމުގެ ގެއެއްގެ ތެރޭގައި ހުރި މަސް ފެން ގަނޑަކަށް ވެއްޓި ދެ އަހަރުގެ ފިރިހެން ކުއްޖެއްގެ ހާލު ސީރިއަސްވުމާ ގުޅިގެން އެ ކުއްޖާ އަށް މިއަދު ފަރުވާދޭން ފަށައިފި އެވެ.
ގަމު ކައުންސިލް މެމްބަރު އިސްމާއިލް ޒަކީ "މިހާރު" އަށް ވިދާޅުވީ އެ ކުއްޖާ ދިރިއުޅޭ ގޭގެ ގޯތި ތެރޭގައި ހުރި ޕޮންޑު ތެރޭގައި އޮއްވައި ނެގި އިރު، ވިންދު ވެސް ނެތް ކަމަށެވެ. އަދި ލ. ގަމު ރީޖަނަލް ހޮސްޕިޓަލަށް ގެންދިޔަ އިރު ވެސް އެ ކުއްޖާގެ ހާލު ސީރިއަސް ކަމަށް އޭނާ ވިދާޅުވި އެވެ.
ބެލެވޭ ގޮތުގައި އެ ކުއްޖާގެ ހާލު ސީރިއަސްވީ ފެން ބޮވި، ގިނަ އިރު، އެތަނުގައި އޮންނަން ޖެހުމުންނެވެ.
"އެ ގޭގައި މާމައާ އެއްކޮށް ކުއްޖާ ހުރި ކަމަށް ވަނީ ގޭގައި. އެ ކުއްޖާގެ މަންމަ އުޅުނީ ބޭރުގައި. ގެއްލިގެން އެ ކުއްޖާ ހޯދަނިކޮށް ފެނުނީ. އޭރު އެއްވެސް ވިންދެން ނެތް. ފެންގަނޑު ތެރެއިން ނެގި އިރުގައި ހޮޑު ވެސް އެ ކުއްޖާލި ކަމަށްވަނީ،" އިސްމާއިލް ވިދާޅުވި އެވެ.
އެނގިފައިވާ ގޮތުގައި އެ ކުއްޖާ އަށް ފަރުވާ ދެމުން ދަނީ ވެންޓިލޭޓަރެއްގެ އެހީގަ އެވެ. ހޮސްޕިޓަލަށް ގެންދިޔަ ފަހުން، އެ ކުއްޖާގެ ވިންދު ހުރި ކަމަށް ވެސް އިސްމާއިލް ވިދާޅުވި އެވެ. އެކަމަކު، ނޭވާލުމުގައި ކުއްޖާ އަށް ދަތިތަކެއް ދިމާވުމުން ވެންޓިލޭޓަރުގެ އެހީގައި ފަރުވާ ދެނީ ކަމަށް އޭނާ ވިދާޅުވި އެވެ.
އިސްމާއިލް ވިދާޅުވި ގޮތުގައި އެ ކުއްޖާ ވެއްޓުނު ފެންގަނޑުގެ ފުން މިނުގައި ގާތްގަނޑަކަށް ފަސް ފޫޓު ބައި ހުންނާނެ އެވެ.
"ދެ އަހަރުގެ ކުއްޖަކަސް އެއީ އިސްކޮޅުން ކުރު ކުއްޖެއް،" އިސްމާއިލް ވިދާޅުވި އެވެ.
އިސްމާއިލް ވިދާޅުވީ އިތުރު ފަރުވާ އަށް މާލެ ގެންދިއުމަށް ޑޮކްޓަރުން ލަފާ ދެއްވުމާ ގުޅިގެން ޗާޓަރު ފްލައިޓެއްގައި އެ ކުއްޖާ މާލެ ގެންދިއުމުގެ މަސައްކަތް ކުރަމުންދާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުތާ
15 September 2019
ހިތާމަވެރި ޚަބަރެކެވެ. އަވަސްޝިފާއަކަށް އެދި ދުއާކުރަމެވެ. ގެއެއްގެ ތެރެއަކު ނޫނެވެ. ގޯއްޗެއްގެ ތެރޭގައެވެ. މަސްފެންގަނޑު ތިހާ ފުންވެދާނެކަމަށް ގަބޫލު ނުކުރެވެއެވެ. ތިޔަ ފުންމިނުގައި ހުންނަ ތަނެއް ހުންނަންޖެހޭނީ ވަޅުތައް ހުންނަންޖެހޭ ގޮތަށް އުސްކޮށްފައެވެ. ގޯތި ތެރޭގައި ތިލަކޮށް މަސްފެންގަޑު ހަދާފައި ހުންނަ ހުރުމަކީވެސް ކުޑަކުދިންނަށް ރައްކާތެރި ގޮތެއް ނޫނެވެ. ސަމާލުވުން މުހިންމު ކަމެކެވެ.
ވާލުސޮރު
15 September 2019
ފެންގަނޑުގެ ގަރަނބުކަމާ އަދި އެވަރު ކުދިން ވެއްޓޭ ގޮތުން ގެނބިގެން ނޫނަސް ފެން ބޮވި ގެއްލުންވާނެ. އެހެންވީމަ ފެންގަނޑުގެ ފުންމިނޭ ކިޔާނެކަމެއްނެތް، ނުބެލެހެއްޓޭ ވަރުން މަސް ފެންގަނޑާ ދޫނިކޮށްޓާއި ބުޅާތަކާ އެއްޗހިހި ނުގެންގުޅޭނީ
ރަދީފް
15 September 2019
ވަރަށް ޑެވަސްޓޭޓިންގް ނިއުސްއެއް.02 އަހަރުގެ ކުއްްޖެއްގެ ހުންނާނެ ސިޔާސަކަން އަހަރުމެން ބޮޑެތި މީހުންނަށް ނުވިސްނުނުކަން އެއީ ހިތާމައެއް.ރަދީފްގެ ދުޢާއަކީ ކުޑަކުއްޖާއަށް އަވަަސް ޝިފާއެއް މިންވަރުކުރެއްވުން.އާއިލާއަށް ލިބިފައިވާ ހިތާމައިގަ ބައިވެރިވަން.ވ.ވެދުން
ޢަލީ ހަމަދު
14 September 2019
އާނ ، ދެން 5 ފޫޓް ހަމަ ނުވާ 2 އަހަރުގެ ކުދިން ވަރަށް މަދު ވާނެ މިހާރު
ށ.އަތޮޅު މީހާ
14 September 2019
ތިހާ ފުން ފެންގަނޑެއް ކުޑަކުދިންނަށް ގާތްވެވޭގޮތަށް ހާމައަށް ބެހެއްޓުމަކީ ކޮންފަދަ ނުރައްކާތެރި ކަމެއް! އެކުއްޖާއަށް އަވަސް ޝިފާ ދެއްވާށި.
ތުނިޔަ
14 September 2019
ހާދަ ހިތްދަތި ޚަބަރެކޭ...ކުޑަކުއްޖާޔަށް އަވަސް ޝިފާއެއް މިންވަރު ކުރެއްވުންއެދި ދުޢާކުރަން! ފެންގަޑުގެ ފުންމިނުގައި ފަސްފޫޓްބައި؟ މިއީ ރަގަޅު މިންގަޑެއްބާ ...ވަރަށް ހީނުވޭ ޕޮންޑެއްގެ މިހާ ފުންމިން ހުރެދާނެހެން...ކިތަންމެ ތިލަޔަސް އެއުމުރެ ކުއްޖަކަށް ނުރައްކާހަމަ.