ދެ އަހަރުގެ ކުއްޖާ ވެއްޓުނު މަސް ފެންގަނޑު
15 ސެޕްޓެމްބަރ 2019 - 12:40
3 comments
ލ. ގަމުގެ ގެއެއްގައި އޮތް މަސް ފެންގަނޑަކަށް އިއްޔެ ވެއްޓި ހާލު ސީރިއަސްވި ދެ އަހަރުގެ ފިރިހެން ކުއްޖާ މާލެ ގެނެސް، އައިޖީއެމްއެޗް އައިސީޔޫގައި ބާއްވައިގެން ރޭ ފަރުވާދޭން ފަށައިފި އެވެ.
އައިޖީއެމްއެޗުގެ މީޑިއާ އޮފިޝަލް އިސްމާއިލް އަހުމަދު "މިހާރު" އަށް ވިދާޅުވީ އެ ކުއްޖާ އެ ހޮސްޕިޓަލަށް ގެނައީ ރޭ 12 ޖަހާކަން ހާ އިރު ކަމަށެވެ. އަދި ފަރުވާ ދެމުން އަންނަނީ ވެންޓިލޭޓަރުގެ އެހީގައި ކަމަށް ވެސް އޭނާ ވިދާޅުވި އެވެ.
ކުއްޖާގެ ގޭގައި ހަދާފައި އޮތް މަސް ފެންގަނޑުގެ ފުން މިނުގައި ގާތްގަނޑަކަށް ދެ ފޫޓުވަރު ހުންނަ ކަމަށްވެ އެވެ.
ގަމު ކައުންސިލް މެމްބަރު އިސްމާއިލް ޒަކީ އިއްޔެ ވިދާޅުވީ ފެންގަނޑުން ކުއްޖާ ނެގި އިރު ވެސް ހާލު ސީރިއަސް ކަމަށެވެ.
ބެލެވޭ ގޮތުގައި ފެންގަނޑަށް ވެއްޓުނު ގޮތަށް މީހަކަށް ނުފެނި ގިނަ އިރުތަކެއް ވި އެވެ.
ގަމު ރީޖަނަލް ހޮސްޕިޓަލަށް ގެންގޮސް ވެސް ކުއްޖާ އަށް ފަރުވާ ދިނީ ވެންޓިލޭޓަރުގައި ބާއްވައިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާޓިން ބަޝީރު
15 September 2019
މިފަދަ ފެންގަޑެއް ކުޑަކުދިންނަށް އެކްސެސް ވެވޭ ހިސާބުގަ އޮތުމަކީ މައްސަލައެއް. ކޮބާ ކައުންސިލް. މިތަނުގެ ވަށާ ފާރު އޮސްކޮށް ރޭނުމަށް ގޮވާލަން.
ވޯލް
17 September 2019
ބަލަ އެއީ އެގޭގެ ގޯތީގައި އޮތް ފެންގަނޑެކޭ. ލިޔުން ކިޔާފަ ކޮމެންޓް ކޮށްބަލަ.
ރަދީފް
15 September 2019
ހާދާ ހިތާމަވެރިކަމެކޭ މައުސޫމް ދަރިއަށް މިދިމާވީ.ބެލެހެއްޓުންތެރިންވެސް ތަންކޮޅެއް ބޮޑަށް ފަރުވާތެރިވާންޖެހޭ.އަވަސް ޝިފާއަކަށް އެދެން.ވ.ވެދުން