ރިލްވާން
19 ސެޕްޓެމްބަރ 2019 - 13:04
14 comments
މިނިވަން ނިއުސްގެ ނޫސްވެރިޔާ އަހުމަދު ރިލްވާން ވަގަށް ނެގުމާ ގުޅިގެން ފުލުހުން ކުރި މަސައްކަތަށް ބަލާއިރު، ފުލުހުންގެ އިހުމާލެއް އޮތް ކަމުގެ އެއްވެސް ހެއްކެއް މިހާތަނަށް ލިބިފައި ނެތް ކަމަށް ނޭޝަނަލް އިންޓެގްރިޓީ ކޮމިޝަން (އެންއައިސީ) އިން ބުނެފި އެވެ.
ރިލްވާން ވަގަށް ނެގުމާ ގުޅިގެން ކުރި ތަހުގީގުގައި ފުލުހުން އަމަލުކުރި ގޮތް ބެލުމަށް ފަހު، މި މަހުގެ ދެވަނަ ދުވަހު އެންއައިސީން ދިން ޖަވާބުގައި ވަނީ އެކަމުގައި ފުލުހުން މިހާތަނަށް އެއްވެސް އިހުމާލެއް ވެފައިވާ ކަމުގެ ހެއްކެއް އަދި ގަރީނާއެއް ވެސް އެ ކޮމިޝަނަށް ލިބިފައި ނެތް ކަމަށެވެ.
ރިލްވާންގެ އާއިލާ އިން އެ މައްސަލަ އެންއައިސީ އަށް ހުށަހެޅީ އޮކްޓޯބަރު 29، 2014 ގަ އެވެ.
ރިލްވާންގެ މައްސަލަ ބެލުމަށް ފަހު، ރިޔާސީ ކޮމިޝަނުން ނެރުނު ވަގުތީ ރިޕޯޓުގައި ބުނެފައި ވަނީ އެ ކަމުގައި ފުލުހުން އަމަލުކުރި ގޮތާ މެދު ސުވާލު އުފެދޭ ކަންކަން އެބަހުރި ކަމަށެވެ.
ގެއްލުވާލާފައިވާ މީހުންނާއި ގޮތް ނޭނގޭ ގޮތަށް މަރާލާފައިވާ މީހުންގެ ކަންކަން ބެލުމަށް ރައީސް އިބްރާހިމް މުހައްމަދު ސޯލިހު އުފައްދާފައިވާ ރިޔާސީ ކޮމިޝަނުން މިހާތަނަށް ހޯދިފައިވާ ކަންކަމަށް ބަލާއިރު، ރިލްވާން މަރާލާފައި ވަނީ ދީނީ ހަރުކަށި ފިކުރުގެ ބަޔަކު ކަމަށް އެ ކޮމިޝަނުން ވަނީ ބުނެފަ އެވެ.
އެކަން ކުރި ކަމަށް ތުހުމަތު ކުރެވޭ މީހުން ދިރިއުޅޭ ތަންތަން ފުލުހުން މިދިޔަ ހަފުތާގައި ފާސްކުރި ނަމަވެސް އެ މައްސަލައިގައި މިހާތަނަށް އެއްވެސް މީހަކު ހައްޔަރެއް ނުކުރެ އެވެ. އެކަމަކު 15 މީހެއްގެ ޕާސްޕޯޓު ވަނީ ހިފަހައްޓައިފަ އެވެ.
ރިލްވާން އެންމެ ފަހުން ފެނިފައި ވަނީ ހުޅުމާލެ އަށް ދިއުމަށް ޓާމިނަލްގައި އުޅެނިކޮށް ނަގާފައިވާ ސީސީޓީވީ ފުޓޭޖަކުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައްޔިތުމީހާ
20 September 2019
މިހާރަކަށް އައިސް އެންއައިސީއަށް ފުލުހުންގެ ކުށެއް ފެންނަ ކަމަކަށްނުވޭ. މުޅިގައުމު މިގޮވަނީ ފުލުހުންގެ އިހުމާލޭ. އެކަމަކު އެންއައިސީއަކަށް އެއްޗެއް ނުފެނޭ.
ފިކުރުކު
19 September 2019
5 އަހަރުން ނިންމޭ ނިިންމުމެއްގައިި އެއްވެސް ހެއްކެއް ގަރީނާއެއް އަހުލިިއްޔަތެއްވެސް ނުހުންނާނެނޫންތޯ؟ އެން އައި ސީ އަށް ޝުކުރިިއްޔާ. ތި ޖަވާބު ރައްޔިތުން ގަބޫލުކުރާނެތޯއެވެ.
ށ.އަތޮޅު މީހާ
19 September 2019
މަށެއް ނުކުރަން
އަނަތަރީސް
19 September 2019
ފުލުހުންގެ އިހުމާލެއް އެއްވެސް ކަމެއްގައި އޮންނަކަމަކަށް ނުވާނެ އެމީހުން ތަންކޮޅެއް ލަހީ. އަފްރާޝީން އަވަހާރަކޮއްލުމުގައިވެސް ކުޑަތަންކޮޅެއް ލަސްވެގެން އެކަމުގެ އަޑީގަ ތިބި މީހުން ގަރުނެއްވީއިރުވެސް ނޭގިގެން އުޅެނީދޯ؟!!
ބޯގަޅި
19 September 2019
ބަލަގަ ޑރ.ޢަފްރާސީމް އެއީ މަރާލާފައިވާ މީހަކަށް ނުވަނީތޯ... ނޫނީ މިމައްސަލަ ނުބަލަނީ ކޮން ސަބަބަކާ ހުރެތޯ...؟
ނެޑް
19 September 2019
އިހުމާލެއް ނެތޭ ވީ ބައިވެރިއޭ!
ވަގު ކަދުރު
19 September 2019
ވަގު ޕާސްޕޯޓު ހެދުމާއި ހަނގުރާމާގައި މީހަކު މަރުވިކަށް ދެންކުމަކީ އެކަށްކުރަށް އުޅުނުބައެއްގެ މޮޅުކަމާއި ކުޅަދާނަކަށްއޮތަ!!!!!!!
މައްސަލަ
19 September 2019
ފުލުހުންގެ މުއައްސަސާތެރޭގަ ބައިވަރުމައްސަލަތައް އެބަހުރި، ނެތީ މިމައްސަލްތައް ރަނގަޅުކޮއް ފުލުހުންގެ މުޅިމުއަައްސަސާ ޕްރޮފެޝަނަލްކޮއް ހިންގަންބޭނުންވާ ވެރިން. އެތައް ބައިވަރު އިހުމާލުތަކެއް ނުބަލާ، އަޅާނުލާ އޮއްބާލަިގެން ކުރިޔައްދާންއުޅެނީ، މުއައްސަސާގެ އަގުހިފަހެއްޓުމުގެނަމުގަ. ނަމަވެސް މުއައްސަސާގެ އަގަކައްވުރެ ރައްޔިތުންގެ އިތުބާރު މުހިންމުކަމައްފެނޭ. ކުއްކޮއްފައިވާ ވަކިވަކި ފުލުހުންނާދޭތެރޭ ފިޔަވަޅުއަޅާ ތިޔަތަން އިސްލާހްކުރަން ގޮވާލަން!!!
ޒައިކް
19 September 2019
ދެން ނަޝީދު މި އުޅެނީ މޮޔަވެގެންހޭ؟؟؟ ކޮބާ އޭނާގެ ބޭނުމަކީ؟؟ ފުލުހުން ރުޅިއަރުވާ ރައީސް ސޯލިހާ ދެކޮޅަށް ނެރުންތޯ؟؟
ސަލާހު
19 September 2019
ތިގޮތައް ބުނެގެން ތިބޭފުޅުން ހިންހަމަޖައްސާ ލައިގެންތިއްބަސް ރައްޔިތުން ތިވާހަކަ ގަބޫލު ނުކުރާނެ ބައިވަރު ސަބަބުތައް އެބަހުރި! ރައިސް ޔާމިނު ބުނި ފުލުހުންގެ މުއައްސަސާގަ އިންތިހާޔައް ކަރަފުސަން އޮތްވާހަކަ ވީމަ ރިލުވާނުގެ ކަންހިގާދިޔަ ގޮތައް ބެލީމަ އެވާހަކަ ގަބޫލު ކުރަން ބާރުލިބޭ
އިސްމާލްކަލޭފާނު
19 September 2019
އެކަމަކު މީސްމީހުން ފުލުހުންނާދިމާއަށް ހާދަ ހަޑިއެއްޗެއްސެއް ގޮވިއޭ. އަޅެ ހެޔޮވާނީ ކިހިނެއް؟