ބައިނަލްއަގުވާމީ ފެންވަރުގެ ސްޓޭޑިއަމެއް ހުޅުމާލޭގައި އެޅުމަށް ޗައިނާގެ ސީއެމްއީސީ އާއި ދިވެހި ސަރުކާރާ ދެމެދު އެއްބަސްވުމެއްގައި ސޮއި ކުރަނީ. --- ފޮޓޯ: ފޮރިން މިނިސްޓްރީ
20 ސެޕްޓެމްބަރ 2019 - 18:04
31 comments
ހުޅުމާލޭގައި ބައިނަލްއަގްވާމީ ފެންވަރުގެ ސްޓޭޑިއަމް މަޝްރޫއުގެ މަސައްކަތްތައް ފެށުމާ ގުޅޭ އެއްބަސްވުމެއްގައި ރާއްޖެ އާއި ޗައިނާ އިން މިއަދު ސޮއިކޮށްފި އެވެ.
ފޮރިން މިނިސްޓަރު އަބްދުﷲ ޝާހިދު ޗައިނާ އަށް ކުރައްވަމުން ގެންދަވާ ދަތުރުގައި ބައިނަލްއަގުވާމީ ފެންވަރުގެ ސްޓޭޑިއަމެއް އަޅަން ޝައުގުވެރިވީ ޗައިނާގެ ވަރުގަދަ ކުންފުނިތަކުގެ ތެރޭގައި ހިމެނޭ ޗައިނާ މެޝިނަރީ އިންޖިނިއަރިން ކޯޕަރޭޝަން (ސީިއެމްއީސީ) އިންނެވެ.
މި އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ ފޮރިން މިނިސްޓްރީގެ ސްޓޭޓް މިނިސްޓަރު އަހުމަދު ޚަލީލެވެ. އަދި ސީއެމްއީސީގެ ފަރާތުން ސޮއި ކުރެއްވީ އެކުންފުނީގެ ޑެޕިއުޓީ ޖެނެރަލް މެނޭޖަރު އަދި ރާއްޖޭގެ ސީއެމްއީސީ އޮފީހުގެ ރެޕްރެޒެންޓޭޓިވް މރ. ލިއު ޝިއައޯޑާ އެވެ.
ފޮރިން މިނިސްޓްރީން ބުނީ އެއްބަސްވުމުގެ ދަށުން ހަތަރު މަސް ދުވަހުގެ ތެރޭގައި މަޝްރޫއާ ގުޅޭ އެންމެހައި ދިރާސާކޮށް އެ ކުންފުނިން ލިޔެކިޔުންތައް ދިވެހި ސަރުކާރަށް ހުށަހަޅަން ޖެހޭނެ ކަމަށެވެ.
ސީއެމްއީސީއަކީ ރާއްޖޭގައި ތަރައްގީގެ ބޮޑެތި މަޝްރޫއުތަކެއް ކުރިން ހިންގި ކުންފުންޏެކެވެ. އެ ކުންފުނިން މީގެ ކުރިން ވަނީ ހުޅުމާލެ އާއި ރާއްޖޭގެ ދެކުނުގެ އަށް ރަށެއްގައި 1500 ހައުސިން ޔުނިޓް އަޅައިފަ އެވެ.މި މަޝްރޫއުގެ ދަށުން ސީއެމްއީސީ އިން އެންމެ ގިނަ ފްލެޓް އެޅީ ހުޅުމާލޭގަ އެވެ. ހުޅުމާލޭގެ ފުރަތަމަ ފިޔަވަހީގައި އެ ކުންފުނިން ވަނީ 704 ހައުސިން ޔުނިޓް އަޅައިފަ އެވެ.
ސްރީ ލަންކާގެ ކުންފުންޏަކާ ގުޅިގެން ސީއެމްއީސީން ދަނީ މާލެ އަތޮޅުގެ ތިން ފަޅެއް ހިއްކައިގެން ރިސޯޓް ތަރައްގީކުރުމުގެ 150 މިލިއަން ޑޮލަރުގެ މަޝްރޫއެއް ވެސް ހިންގަމުންނެވެ.
ހުޅުމާލޭގައި ބައިނަލްއަގުވާމީ ފެންވަރުގެ ސްޓޭޑިއަމެއް އަޅަން ޗައިނާ އިން ނިންމި އިރު، ގަލޮޅު ދަނޑު ތަޅާލައި ހުޅުމާލޭގައި އާ ސްޓޭޑިއަމެއް އެޅުމަށް ފައިސާ ހޯއްދަވަން މަސައްކަތް ކުރަމުން އަންނަ ކަމަށް ކުޅިވަރާ ބެހޭ ވަޒީރު އަހުމަދު މަހްލޫފް ދާދި ފަހުން ވަނީ ވިދާޅުވެފަ އެވެ.
ކުރިން އެތުލެޓިކްސް އާއި ކްރިކެޓަށް ވެސް ގަލޮޅު ދަނޑު ބޭނުންކުރި ނަމަވެސް ދެހާހުގެ އަހަރުތަކުން ފެށިގެން ދަނޑު މުޅިން ވެސް ބޭނުންކުރަނީ ފުޓްބޯޅަ އަށެވެ. އެކަމަކު މިނިވަން ދުވަހުގެ ހަރަކާތްތައް ބޭއްވުމަށާއި ބައެއް މިއުޒިކް ޝޯ ތަކަށް އަދިވެސް ދަނޑު ދޫކުރެ އެވެ.
ބޭރުގެ އެހީ ހޯދައިގެން ފުޓްބޯޅަ ސްޓޭޑިއަމެއް އެޅުމުގެ މަސައްކަތް ފެށި އިރު، މި ސަރުކާރުން ވަނީ ހުޅުމާލޭގައި މަތީ ފެންވަރުގެ ކްރިކެޓް ސްޓޭޑިއަމެއް އަޅަން އިންޑިއާގެ އެހީ ހޯދައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލުބީ
21 September 2019
ބޭނުމެއްނޫން ކްރިކެޓް ދަނޑެއް. ކްރިކެޓް ކުޅެނީ މިގައުމުގެ 100 އެއްހާ މީހުން. ފުޓުބޯޅަ ކުޅޭ 2 ލައްކަ ވަރަކަށް މީހުން. އިންޑިއާއިން އަހަރެމެން ލޮލުގަ އަނދުން އަޅުވަން އުޅޭނެކަމެއް ނެތް. ދިވެހިން މާ ހޭލުންތެރި މިހާރު.
ނަގިލި
21 September 2019
ބުރެޒިލް ޗައިނާ ފަދަ ބޮޑެތި ގައުމުތަކުގައިވެސް ބޮޑެތި ސްޓޭޑިއަމްތައް ބޭނުމެއް ނުހިފި ބޭނުންނުކުރެވި ވީރާނާވަމުން އެދަނީ. 15 އަހަރުން އެއްފަހަރު ސާފުގޭމު މެޗެއް ކުޅެލަން ތިވަރުކަންތަކަށް ފައިސާ ބޭކާރުކުރުމަކީ ހަމަޖެހޭ ކަމެއްނޫން، ތިއަށްވުރެ މުހިންމު ކަންކަން އެބަހުރި. ތިޔައީ މާލޭމީހުން ރަށުގެ މަލަމަތި ރީތިކުރަން ކުރާކަންކަން.
ޕަންކް
21 September 2019
ތިބުނާ ގައުމުތަކުގެ ހުރޭ ބައިވަރު ސްޓޭޑިއަމް. ދިވެހި ރާއްޖޭގަ ނެތޭ އެންމެ ސްޓޭޑިއަމެއްވެސް. ގަލޮޅު ދަނޑުވެސް ނުރައްކަލޯ. އެހެންވީމަ ބޭނުންވޭ ސްޓޭޑިއަމެއް.
ފޛބި
21 September 2019
ކޮންމެ ސަރުކާރަމުން ވެސް ޖަހަނީ ސަލާން.ނިކަން ގަތަރު ފަދަ ގައުމަކަށް ހަދާބަލަ.
ހުސޭނުބޭ
21 September 2019
ބައްލަވާ ދަރިންގެ ދަރިންވެސް ދަރުވާލީތޯ. މަޖްލީހުގެ ރައީސްވެސް އެ ވިދާޅުވަނީ ޗައިނާގެ ލޯނުތައް ކަޑައޭ. ތިޔަ ބޭފުޅުންވެސް ކުރިން ވިދާޅުވީ ހަމަ އެހެން. ޗައިނާއިން ލޯނު ނަގައިގެން ގައުމު ވިއްކާލައިފިއޭ. 10 މަސްދުވަހުގެ ސަރުކާރަށް އަދިވެސް ވިދާޅެއް ނުވެވޭ ބުރިޖް އެޅުމަށްފަހު ޗައިނާއަށް ދިން ތަނެއް. އެކަމަކު ހޮލިކޮޕްޓަރ ބަލަހައްޓަން 10 މީހުންނާއި 3 އޭކަރުގެ ބިމެއް ދޭން ޖެހިއްޖެ. ތިޔަ ބޭފުޅުން ކުރަންވީމަ ހުރިހާ ކަމެއް އޯކޭ. ތީތި ކަޑައޭ ބުރޯ
ގައުމީލޯބި
20 September 2019
ތީއެއްވެސް ތާކުންތާކު ޖެހޭކަމެއްނޫން. މާލޭގަ ގެދޮރުގެ ދަތިކަން ތިބި އެތަކެއްފަރާތްތަކެއް ތިއްބަ ތީ ބިމުންނާއި މުދަލުން ކުރެވޭ ވަރަށްބޮޑު އިސްރާފެއް. ގެދޮރުއަޅައިދީ އެތަނަށް މީހުންވައްދާ. މާލޭ ސްޓޭޑިއަމަށްވެސް މެޗެއްބަލާލަން އެއް ސިޑިބަރި ފުރޭވަރަށްވެސް މީހުން ނިވަދޭ. 5 އަހަރުން އެއްއަހަރު މީހުން ވަދެލާ ތަނެއް ހެދުންތޯ މުހިންމީ؟ ގެދޮރުބިނާކޮށްދިނުންތޯ މުހިންމީ؟؟ ވިސްނާ! ރައްޔިތުންގެ ފައިސާ އިސްރާފު ނުކުރޭ!
މިލިޓަރީ
20 September 2019
އިންޑިޔާއަ ކަމެއްކޮނުދެވޭނެ ރައްޖެއަކީ އިންޑިޔައައްވުރެ މުސްސަދި ޤައުމެ އެމީހުންގެ ބޭނުމަކީ ރާއްޖެ ހިފުން. ދިވެހިން ވިސްނަވާ. ޗައިނާޔާ ގުޅުން ބަދަހި ކުރުން ވަރައްމުހިމްމު.
ހައްގުބަސް
20 September 2019
އެމްމެ ފަހުން ރައިސް ޔާމިންގެ ތަސައްވަރު މިސަރުކާރުންވެސް އެއްބަސްވީ.
ވަތަން އިސްކުރަންޖެހޭ
20 September 2019
އަޅުގަނޑުމެން އަބަދުވެސް މިބުނަނީ އިންޑިޔާއާ ދުރައްޖެހޭށެ. ރާއްޖެއަ ހެޔޮއެދޭ ޤައުމުތަކާ ގުޅިގެން ރާއްޖެ ތަރައްގީ ވާނީ. އަދި ނަޝީދުގެ އުދަގުލުން އެމްޑީޕީ ސަލާމައްކުރަން ޖެހިފަ މިއޮތީ.
ތެދުވެރިޔާ
20 September 2019
ޗައިނާޔައް ބަވާފަ މި ސަރުކާރު ކީއްމިކުރަނީ.
މަންޑޭލާ
20 September 2019
ރާއްޖެއަ ހެލިކަޕްޓަރެ ހަދިޔާއަކަ ދިފަ އިންޑިޔާ ސިފައިން އެތިބެނީ. އެމީހުން ފައިބަން ނުނީމަވެސް ނުފޭބި. މީ އިންޑިޔާގެ ފެންވަރަކީ. އިންޑިޔާ ސިފައިން ބާލާ. ޗައިނާޔާ ގުލިގެން ރައްޖެތަރައްގީ ވާނީ.