ޝާހިދުގެ ދަތުރަކީ އިތުބާރު އުފައްދަން ލިބުނު ފުރުސަތެއް: ޗައިނާ

ޗައިނާގެ ފޮރިން މިނިސްޓްރީގެ ތަރުޖަމާނު ގެން ޝުއާން ނޫސްވެރިންނާ ވާހަކަ ދައްކަވަނީ.--- ފޮޓޯ: ޗައިނާގެ ފޮރިން މިނިސްޓްރީ

މުހައްމަދު ނަސީމް، މިހާރު

22 ސެޕްޓެމްބަރ 2019 - 11:26

ރާއްޖޭގެ ފޮރިން މިނިސްޓަރު އަބްދުﷲ ޝާހިދު މިދިޔަ ހަފުތާގައި ޗައިނާ އަށް ކުރެއްވި ދަތުރަކީ ދެ ގައުމުގެ ދެމެދުގައި އިތުބާރު އުފައްދަން ލިބުނު ފުރުސަތެއް ކަމަށް ޗައިނާ އިން ބުނެފި އެވެ.

ޗައިނާގެ ފޮރިން މިނިސްޓްރީގެ ތަރުޖަމާން ގެން ޝުއާން މިދިޔަ ހުކުރު ދުވަހު ބޭއްވި ނިއުސް ކޮންފަރެންސްގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން ވިދާޅުވީ "ރާއްޖޭގެ އާ ސަރުކާރުގެ ފޮރިން މިނިސްޓަރު" ޗައިނާ އަށް ކުރެއްވި ދަތުރަކީ ރާއްޖެ އާއި އެ ގައުމާ ދެމެދު އޮތް ގުޅުން އިތުރަށް ކުރިއަރުވަން އެޅުނު ފާހަގަކޮށްލެވޭ ފަދަ ފިޔަވަޅެއް ކަމަށެވެ.

"ދިވެހިރާއްޖެ އަކީ ޗައިނާގެ އެކުވެރި އަވަށްޓެރިއެއް. އަދި ތަރައްގީގެ މުހިއްމު ބައިވެރިއެއް. އެއް ގައުމުން އަނެއް ގައުމަށް އިހުތިރާމްކުރާ ގޮތުގައި އަދި އެއް ގައުމުން ދައްކާ ވާހަކަ އަނެއް ގައުމުން ބަަލައިގަންނަ އަދި އެއް ގައުމުގެ މަސްލަހަތު އޮންނަ ކަންކަމުގައި އަނެއް ގައުމުން އެހީތެރިވާ ގޮތުގައި އޮތް ދެ ގައުމު،" މިދިޔަ އަހަރުގެ ނޮވެމްބަރު 17 ގައި ވެރިކަމާ ހަވާލުވި މި ސަރުކާރުގެ ފޮރިން މިނިސްޓަރުގެ ހައިސިއްޔަތުން ޝާހިދު ޗައިނާ އަށް ކުރެއްވި ދަތުރާ ގުޅޭ ގޮތުން ޝުއާން ވިދާޅުވި އެވެ.

ކުރީގެ ރައީސް އަބްދުﷲ ޔާމީންގެ ވެރިކަމުގައި ރާއްޖެ އާއި ޗައިނާގެ ގުޅުން އާދަޔާ ޚިލާފަށް ރަނގަޅު ވުމުން، މިހާރު ވެރިކަމުގައި ތިބި ފަރާތަތްކުން ބޮޑެތި ފާޑުކިޔުންތަކެއް އަމާޒުކުރި އެވެ. ޗައިނާ އިން އޭރު ރާއްޖެ އަށް ދިން ލޯނު ތަކުގެ ސަބަބުން ރާއްޖެ އަށް ގެއްލުންވާނެ ކަމަށް ވެސް އޭރެ ވާހަކަ ދެއްކި އެވެ. ލޯނުގެ މައްސަލައިގައި ކިޔަމުން ދިޔަ ފާޑުކިއުންތަކުގެ ސަބަބުން ދެ ގައުމުގެ ގުޅުން ހީނަރުވާނެ ކަމަށް ކުރިން ބެލެވުނެވެ.

Gulhun badhahi kurumuge 3 MOU ehga Raajje-China soi koffi

The most trusted news source in the Maldives

Mihaaru

މިނިސްޓަރު ޝާހިދު ޗައިނާ އަށް ކުރެއްވި ރަސްމީ ފުރަތަމަ ދަތުރު ނިންމަވައިލެއްލީ އިއްޔެ އެވެ.

ފޮރިން މިނިސްޓްރީން ބުނީ ދަތުރު ނިންމަވައިލެއްވުމުގެ ކުރިން ޗައިނާގެ ސްޓޭޓް ކައުންސިލާ ވާންޔީއާ އެކު ޝާހިދު ބޭއްވެވި ބައްދަލުވުމުގައި ދެ ގައުމުގެ ގުޅުން އިތުރަށް ބަދަހިކުރުމާ ބެހޭ ގޮތުން މަޝްވަރާ ކުރެއްވި ކަމަށެވެ.

ޝާހިދުގެ ދަތުރުގައި ރާއްޖެ އާއި ޗައިނާ އިން ތިން އެއްބަސްވުމެއްގައި ސޮއިކުރި އެވެ.

އެމްއޯޔޫތަކުގައި ސޮއިކުރެއްވުމަށް ޗައިނާގައި ބޭއްވި ރަސްމިއްޔާތުގައި މިނިސްޓަރު ޝާހިދު ވިދާޅުވީ އެ އެމްއޯޔޫތަކުގެ ސަބަބުން ދެ ގައުމުގެ ގުޅުން އިތުރަށް ބަދަހިވާނެ ކަމަށެވެ.

ޗައިނާ އަބްދުﷲ ޝާހިދު (ކުރީގެ ފޮރިން މިނިސްޓަރު) ފޮރިން މިނިސްޓްރީ ރާއްޖެ-ޗައިނާ ޑިޕްލޮމެސީ ފޮރިން އިންވެސްޓްމަންޓަސް ފޮރިން މިނިސްޓަރު

5 ކޮމެންޓް, 9 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހާމިދު ޝާހިދު

22 September 2019

ޝާހިދަށް ޕޮކެޓް ބޮޑުވާވަރަކަށް، ޗައިނާ އަދި މާ ރަނގަޅު ވެގެންދާނެ. އިސާހިތަކުން، "ސިލްކު ރޫޓް" ވެސް ކަމު ހިނގައިދާނެ، ކުރީ ސަރުކާރުން ފައްޓަން އުޅުނު "ފްރީ ޓްރޭޑް" ހަރަކާތްތައްވެސް ފެށިގެން ހިނގައިދާނެ. އެންމެ ފަހުން، ބޮޑު ދަރަންޏއް ނުބަލާ، ބޮޑެތި މަޝްރޫޢުތައްވެސް ގެންނަން ފަށާނެ. ބްރިޖް، ސްޓޭޑިއަމް، ހައުސިންގ، ރޯޑް ކޮންސްޓްރަކްޝަން. ނަންވާނީ ރައީސް ޔާމީން..!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖައްސާތި

22 September 2019

ޝާހިދުގެ ދަތުރަކީ އިތުބާރު އުފައްދަން ލިބުނު ފުރުސަތެއް ކަމަށް ޗައިނާ އިން ބުނާނަމަ ޗައިނާ އިން ލާރޖް ކޮށް ލޯން ނަގައިގެން ކުރިއަށް ގެންދަންވީއޭ އެއްގޮތަކަށް ވެސް އެނޫން ގޮތެއް މީގައި އޮވެގެން ނުވާނެއޭ މިކަން ލާރޖް ކޮށް ޖައްސަންވީއޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑާޑާފިޒު

22 September 2019

ކޮބާތަ ދަރަނީގެ ވާހަކަ؟ ވޯޓް އަނބުރާލި އެންމެ މުހިއްމު ވާހަކައާ އަޅާނުލައި ހަނާކުރި ފޯއް ކޮޅަކުން ރަގަޅު ދުފުންގަނޑެއް ދުފާލުން ކަހަލަ ކަމެއް ހަމައެކަނި މި ކޮށްލީ. ރައްޔިތުން ޖަވާބު ބޭނުމެއްނުވޭތަ ޗައިނާއަށް ގައުމު ދަރުވާލި ވާހަކައާ ބެހޭ ގޮތުން؟ ބިރުން ފިތްކަނޑައިގެން ގޮސް ތިބެ އިބޫ ކިޔާ މީހަކަށް އެތައް ބަޔަކު ވޯޓްލީ އެހާ މުހިއްމު ސަބަބު ކޮބާތަ؟