އަލިފާނުގެ ހާދިސާގައި ހާލުގައި ޖެހުނު މީހުންނަށް އެހީވާން އެކި ފަރާތްތަކުން ހަދިޔާކުރި ބައެއް ތަކެތި.
22 ސެޕްޓެމްބަރ 2019 - 16:37
11 comments
ހ. ތިލަފުށިގޭގައި ހިންގި ކެމިކަލް ގުދަނުގައި ރޯވެ ހިނގި ހާދިސާގައި ހާލުގައި ޖެހިގެން ރަޖިސްޓްރީ ކުރި މީހުންގެ ތެރެއިން 95 ޕަސެންޓް މީހުންނަށް ވަގުތީ ހިޔާ ހަމަޖައްސައިދީފައިވާ ކަމަށް ނެޝަނަލް ޑިޒާސްޓަ މެނޭޖްމެންޓް އޮތޯރިޓީ (އެންޑީއެމްއޭ) އިން މިއަދު ބުނެފި އެވެ.
އަލިފާނުގެ ހާދިސާގައި ގެއްލުންވި އާއިލާތައް ބަލަހައްޓަމުން އަންނަ ސަރުކާރުގެ ކަމާބެހޭ އިދާރާތަކުން އިއްޔެ އާއްމުކުރި ގޮތުގައި ހާލުގައި ޖެހިގެން 400 އަށް ވުރެ ގިނަ މީހުން ރަޖިސްޓްރީވެފައިވެ އެވެ. މިއަދު ވެސް ގިނަ ބަޔަކު ރަޖިސްޓްރީވެފައިވާތީ މި އަދަދު އިތުރުވުން އެކަށީގެންވެ އެވެ.
އެންޑީއެމްއޭ އިން ބުނީ ރަޖިސްޓްރީވީ މީހުންގެ އަދަދު މިއަދު އާއްމުކުރާނެ ކަމަށެވެ.
އަލިފާނުގެ ހާދިސާގައި ހާލުގައި ޖެހުނު މީހުންނަށް ވަގުތީ ހިޔާ ހަމަޖައްސައިދިނީ ގެސްޓު ހައުސްތަކުންނެވެ. އެ މީހުން ދިރިއުޅުނު ގެތަކަށް ލިބުނު ގެއްލުންތައް މިހާރު އަންނަނީ ދިރާސާކުރަމުންނެވެ. އޭގެފަހުން، އެ މީހުންނަށް މާލީ އެހީއެއް ދޭން ސަރުކާރުން ވަނީ ނިންމައިފަ އެވެ.
މާލޭގައި މިހާތަނަށް ހިނގި އަލިފާނުގެ އެންމެ ބޮޑު ހާދިސާގައި ހަތަރު ގުދަނާއި ހަތް ގެއެއް ވަނީ އަނދައި ހުލިވެފަ އެވެ. އެ ގުދަނުގައި ރޯވި ގޮތެއް އަދި ނޭނގެ އެވެ. އެ ތަހުގީގު ފުލުހުންނާއި އެމްއެންޑީއެފުން އަންނަނީ ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވާލުސޮރު
23 September 2019
ބައެއް ބޭފުޅުންނަށް މޫކައި ސުއިޓްސް ހަމަޖައްސާދިނީ ސަރުކާރުގެ ހަރަދުގަ ތޯ
ބޮޑުމީހާ
23 September 2019
ޒިންމާދާރު ކަމާއިއެކު ތިމައްސަލަ ތަހުގީގުކޮށް ކުރިއަށްއޮތްތާ ތިފަދަ ހާދިސާތައް މަދުކުރުވަން ފިޔަވަޅު އަޅާ. އެންމެ ރަގަޅު ގޮތަކީ މާލެ ނޫން ދެވަނަ ސިޓީއެއް ހަދާ އެތަނަށް މީހުން ބަދަލުކޮށް މާލެ ގުދަނަކަށް ބަދަލުކޮށްލުން
އާދަނުބޭ
23 September 2019
ތިޔަ ހާދިސާގައި ގެއްލުން ނުވާ މީހުންވެސްމަކަރު ހަދަިއގެން އެހީ ހޮދަން އުޅުނު. މީ ބައެއް މީހުންގެ ތެދުވރިކަންހުރި މިންވަރު. ބަޔަކަށް އޮޅުވާލެވުނަސް، ހރުިހާ ކަމެއް ދެނެވޮޑިގެންވާ ފަރާތެއްވާކަމާމެދު ހަނަދާން ހުންނަނަމަ، މިފަދަ އަމަލްތަކުން ދުރުވީސް.
ދަރުމަ
23 September 2019
ސަރުކާރަކަށް ބަލާއިރުލަސް.
ފުންއަސަރު
23 September 2019
ވަގުތީހިޔާއަކީ ކޮބައިކަން ނޭނގޭ ބަޔަކަށް ވަގުތީހިޔާ ހަމަޖައްސައިދިނަސް، އެހަމަޖައްސައިދިނީ ވަގުތީހިޔާކަމެއް ނޭނގޭނެ. ނިކަމެތިވެ ހާލުގާ ޖެހިފާވާ ވަގުތުވެސް ކޮންމެމީހަކުވެސް ބޭނުންމިވަނީ ރެސޯޓް ކޮޓަރިތައް. މޫކައި، ހޮޓެލްޖެން، ފަދަ އަގުބޮޑުތަންތަނުގަ ނޫނީ ނިދޭކަމަކަށްނުވޭ. އެފަދަ ތަންތަނުން ކޮޓަރި ނުލިބުނީމާ ދެންމިވަނީ ވަގުތީ ހިޔާ ނުލިބުނުކަމަށް. ބައެއްގެ ހިތްމޮޅުވިޔަސް، މިދެން ބޮޑުވަރު.
ފުންއަސަރު
23 September 2019
ކޮންމެ ކަމެއް އެންމެ ފަސޭހައިން ކޮށްލުމމަކީ އެހާ ފަސޭހަ ކަމަކަށް ނުވާނެ. ވަގުތީހިޔާއެކޭކިޔަސް، ސްކޫލެކޭކިޔަސް، އެބަޔަކަށް އެތަނަކުން އަސާސީބޭނުންތައް ފުއްދެންޏާ އެއީކީ ކަންކަން ހަމަޖެހިފާ ނެތުމެއްނޫން. ވިސްނާލަބަލަ އެރޭވެސް އެއްބަޔަކު ކަންކުރިގޮތް. ހާލުގާޖެހުމީހުން ނަންނޯޓުކުރާށޭބުނީމާ، ހާލުގާޖެހުނުގެޔަށްވަދެއުޅެމީހުންވެސް ނަންނޯޓުކުރީ. އެއާއިލާތަކުގެ ރަށްރަށުގާއުޅޭމީހުންވެސް ނަންނޯޓުކުރީ. މީކީވެސް ކަންކަން ކުރަންވާނޭ ގޮތެއްނޫން.
ކުލިޕްއާރޓު
22 September 2019
95 ޕަސެންޓޭ ކިޔަން ލަދު ނުގަނޭތަ.. ތިޔަ ދައްކަނީ އެންމެ 400 އެއްހާ މީހުންގެ ވާހަކައޭ.. ހާހުން ހާހުންނެއް ނޫނޭ މީހުން ހާލުގަޖެހިގެން އުޅެނީ.. ކީއްވެތަ 400 މީހުންނައް ވަގުތީ ހިޔާ ހަމަ ޖައްސަން 3 ހަތަރު ދުވަސް ނަަގަންވީކީއެއް.
ނާނާާނާނާ
22 September 2019
އެމީހުން ނަމަ ބުނާނެ ކަލޭމެން އަމިއްލައަށް ތިކަން ކުރާށޭ! ސަރުކާރަކާބެހޭ ކަމެއްނޫނޭ!
ހަލީމްބެ
22 September 2019
ކަނޑައެޅިގެން ދޮގެއް. އަދިވެސް ހާލުގައި ތިބި އާއިލާ އެބައުޅޭ. ރަޖިސްޓަރކޮށްފައި އެކަމަކު ނުގުޅާ
ޑާޑާފިޒް
22 September 2019
ތި ވާނީ ބާކީ 5 ޕަސެންޓްގަ ހިމެނޭ ބައެއް ކަމަށް.
ކިއްލިބާޝާ
22 September 2019
ސަރުކާރުން އެހީދޭންޖެހޭނެ. އެކަމަކު ބަލަންވާނެ އެއްވެސްބައެއްގެ އިހުމާލެއް މިކަމުގައި އޮތްތޯ.