ޑރ. އަފްރާޝީމް އަލީ: އޭނާގެ މަރަށް ހަތް އަހަރު ވި އިރު ވެސް އެ މަރުގެ ފަހަތުގައި ތިބި މީހުން ނުހޯދޭ. --ފޮޓޯ/މަޖިލީސް
02 އޮކްޓޯބަރ 2019 - 12:38
12 comments
ދީނީ އިލްމުވެރިޔާ އަދި ރައްޔިތުންގެ މަޖިލީހުގެ އުނގޫފާރު ދާއިރާގެ ކުރީގެ މެމްބަރު ޑރ. އަފްރާޝީމް އަލީ އަވަހާރަކޮށްލައިގެން މިހާތަނަށް ހިންގި ތަހުގީގުތަކުން އެއްވެސް ނަތީޖާއެއް ނެރެވިފައި ނުވާތީ ދެން ވެސް އިންސާފު ލިބިދާނެ ކަމަކަށް ގަބޫލު ނުކުރެވޭ ކަމަށް އާއިލާ އިން މިއަދު ބުނެފި އެެވެ.
އަފްރާޝީމް އަވަހާރަކޮށްލީ ސެޕްޓެމްބަރު 30، 2012 ވަނަ ދުވަހުގެ ރޭ 1:30 ހާއިރު، ދިރިއުޅޭ ހ. ފުންވިލުގެ ސިޑިގޮޅި ކައިރީގަ އެވެ. ކަތިވަޅި އަކުން ބޮލާއި ގައިގެ އެކި ތަންތަނަށް ހަމަލާދީފައިވެ އެވެ.
ހަތް އަހަރު ވި އިރު އެ މަރަށް އިންސާފު ލިބިފައި ނުވާތީ އޭގެ ކަންބޮޑުވުން އާންމުން ވެސް ދަނީ ފާޅުކުރަމުންނެވެ.
އަފްރާޝީމްގެ ބޭބެ އަބްދުއްނާސިރު އަލީ "މިހާރު" އަށް މިއަދު ވިދާޅުވީ މިހާތަނަށް ހިންގީ ނަތީޖާއެއް ނެތް ތަހުގީގުތަކެއް ކަމަށެވެ. އަފްރާޝީމް އަވަހާރަކޮށްލީ ހަތަރު މިލިއަން ރުފިޔާ ހުށަހަޅައިގެން ކަން އާއްމު ކުރި އިރު އެއީ ކޮން ބައެއްތޯ މިހާތަނަށް ހޯދިފައި ނުވުމަކީ ކަންބޮޑުވުމެއް ކަމަށް ވިދާޅުވި އެވެ.
Six years ago, on 2 October 2012, Dr. Afrasheem was brutally murdered. To date, those who committed this heinous crime have not been brought before the law. Was it a religious or politically motivated contract killing?
— Muhammad Aiysh🎈 (@Muhammad_Aiysh) October 1, 2019
Justice delayed is justice denied 😢#JusticeForAfrasheem 🎈 pic.twitter.com/iNxYfOm6WU
އަފްރާޝީމްގެ މަރަށް އިންސާފު ލަސްވެފައިވާ ކަމަށް ބުނެ މީހަކު ކުރި ޓުވީޓެއް.
ނާސިރު ވިދާޅުވި ގޮތުގައި އަފްރާޝީމް އަވަހާރަކޮށްލި ކަމަށް ތުހުމަތު ކުރެވޭ މީހުން ބަންދުކޮށްގެން އުޅުނަސް އިންސާފު ލިބޭނެ ކަމަކަށް ގަބޫލެއް ނުކުރެއްވެ އެވެ. އެ މަރާ ގުޅިގެން ހައްޔަރުކޮށް، ޝަރީއަތް ހިންގާފައި ހުރި ހުސެއިން ހުމާމްއާ ބައްދަލު ކުރެއްވި ކަމަށާއި ހަމަލާދިން ކަމަށް އޭނާ އެއްބަސްވި ކަން ނާސިރު ފާހަގަކުރެއްވި އެވެ.
"ފައިސާ ހަރަދުކުރި މީހުންނާއި އެކަން ކުރި ސަބަބު ނުހޯދި ވަނީ،" އުނގޫފާރު ކައުންސިލްގެ ރައީސް ކަން ވެސް ކުރައްވާ ނާސިރު ވިދާޅުވި އެވެ.
"މި ދުނިޔެ އިން ނުވިޔަސް އިންސާފު ލިބޭނެ ދުވަހެއް އަންނާނެ."
6 years ago
— waddey (ވައްޑެ) 🎈 (@WaddeyAli) October 1, 2019
Today marks 7 years to the brutal murder of Dr. Afrasheem, no justice until today!
Justice delayed is justice denied..#JusticeForAfrasheem pic.twitter.com/dozu27H7gP
އަފްރާޝީމްގެ މަރަށް އިންސާފު ހޯދައިދިނުމަކީ މި ސަރުކާރުގެ ވައުދެކެވެ. ރައީސް އިބްރާހިމް މުހައްމަދު ސޯލިހް އުފެއްދެވި ކޮމިޝަނުން އެ މައްސަލައިގެ ފުނަށް ވާސިލްވާން ކުރާ މަސައްކަތަށް މަރުހަބާ ދަންނަވާ ކަމަށް ނާސިރު ވިދާޅުވި އެވެ. އެކަމަކު އެ ތަހުގީގުން ވެސް އިންސާފަށް ވާސިލްވުން އޮތީ ދުރުގައި ކަމަށް ގަބޫލުކުރެއްވޭ ކަމަށް ވިދާޅުވި އެވެ.
"އިންސާފު ހޯދޭނެ ކަމުގެ ނަމުގައި ކުރައްވާ މަސައްކަތާ އަޅުގަނޑުމެން ދެކޮޅެއް ނޫން، ނެތީ އުއްމީދެއް،" ނާސިރު ވިދާޅުވި އެވެ.
މަރުތަކުގެ ހަގީގަތް ހޯދަމުން އަންނަ ރިޔާސީ ކޮމިޝަނުން ބުނެފައިވާ ގޮތުގައި އަފްރާޝީމްގެ މަރުގެ ފަހަތުގައި ވެސް ތިބި މީހުން މިހާރު ވަނީ ހޯދިފަ އެވެ. އެ ތަހުގީގާ ގުޅޭ ރިޕޯޓެއް ރައީސްއާ މިހާރު ހިއްސާކޮށްފައި އޮތް ކަން ވެސް ކޮމިޝަނުން ވަނީ ހާމަކޮށްފަ އެވެ.
އަފްރާޝީމްގެ މަރަށް އިންސާފު ނުލިބި އާއިލާ މާޔޫސްވެފައި ތިބި އިރު ކޮމިޝަނުން ބުނެފައި ވަނީ އަފްރާޝީމާއި ނޫސްވެރިޔާ ރިލްވާން އަދި ބްރޮލަގަރު ޔާމީން ރަޝީދުގެ އާއިލާ އަށް އިންސާފު ހޯދައިދެވޭނެ ކަމުގެ ފުރިހަމަ ޔަގީންކަން އެބައޮތް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަންޑޭލާ
02 October 2019
ދިވެހިން ހައްދައިގެ ވެރިކަން ހޯދި ސަރުކާރެއްމީ.
ނުރަބޯ
02 October 2019
ތިކަމުގައި ބައިވެރިވި މީހުންގެ ވަކީލަކަށް ސޫދު މެން އުޅެފަ. ދެން ކޮން އިންސާފެއް ހޯދައިދެވޭނީ.
މިހާރުވެސް
02 October 2019
މިއީ އާދައިގެ މެރުމެއްނޫން. މީގެ އަޑީގައި ތިބި އަތްވެސް މަދެއްނޫން. އެހެން ނޫން ނަމަ މިކަން މިހާރު ނިމިއްޖެއީސް.
ތިރިބެ
02 October 2019
މި ދުނިޔެއަކު އަމުދުން މިދައުމުގަ ލިބޭނެ ކަމައްވިސްނާނީ މޮޔައިން
ސައި
02 October 2019
ކޮ ބާތޯ އަ ބުދުއްﷲރިޔާޒު އފުރާސީމުގެ މަރުގެ ހަގީގަތް ބުނެދޭ ވަގުތު އަދިވެސް ނުޖެހެނީތޯ
ލާމު!
03 October 2019
ކޮއިފުޅާ ޢަބްދުﷲ ރިޔާޒަށް ޙަޤީޤަތް ހާމަކުރާކަށް ނުކެރޭނެ! ސަބަބަކީ ޤާތިލުންގެ އަތުގައި މިވަގުތު ބާރުހުރީ!
ޣަދުރޭ
02 October 2019
ޢަފްރާޝިމްގެ މަރަށް އިންސާފްލިބޭނީ ކިހިނެތްތަ އެކަމުގައި 500 ވީޑިއޯ އާއި އެތަށް ބައިވަރު އޯޑިޔޯ ހިފައިގެން އުޅޭ މީހާ އެހެރީ ގޮސް މަޖުލިސް ގޮނޑީގައި. ވަގުތު ޖެހޭނީ ކޮންއިރަކުންބާ؟؟؟؟
ލުތުފީ
02 October 2019
7 އަހަރު ފާއިތުވީމަ، އިންސާފު ލިބޭނެކަމަށް ކުރެވޭނީ ކޮން އުއްމީދެއްތޯ! ކުރީގެ ސީޕީ އަބްދުﷲ ރިޔާޒް ކޮބާތޯ! 5 ކޮބާތޯ 5 އަހަރު ވެރިކަންކުރެއްވި ރައީސް ޔާމީން. މިއިން އެއްވެސް މީހެއްގެ އެއްވެސް ޒިންމާއެއް ހަމަނެތީތޯ!
ހުވަދޫ ޑޮކް
02 October 2019
މިއީ ވަރަށް ހިތާމަ ހުރިކަމެއް!! އަދުގެ ސަރުކާރު ރައްޔިތުންނަށް ވި ވަޢުދުތަކުގެ ތެރޭގައި ހިމެނޭ ގޮތްނޭނގޭ މަރުތަކުގެ ހަޤީޤަތް ރައްޔިތުންނާއި ހަމައަށް ލަސްނުކޮށް ތިލަކޮށްދެއްވާނެ ކަމަށް! އަދި އެ އާއިލާތަކަށް އަދުލުވެރިކަމާއި އެކު އިންސާފް ހޯއްދަވައި ދެއްވާނެކަމަށް! ކުރީގެ ރައީސް އިސްތަށިފުޅުގައި ނާޅުވާ ވިޔާނުދާ އެއްކަމެއްވެސް ނެތް! އެ ހަގީގަތާއި ޚިލާފް ވާހަކަތަށް ވިއްކައިގެން ވެރިކަން ހޯއްދެވި ބޭފުޅުންގެ ޢަމަލުތައް މިހިރަގޮތުން ރައްޔިތުން މާޔޫސް !
ހަނުހުންނަ މީހާ1
02 October 2019
ކޮމެންޓް މުޅިންގޯހަކީއެއްނޫން ޑިސްލައިކެއްދިނީ ކޮމެންޓްގެ ބައެއް ގޯސްކަމުން. ކުރީގެ ރައީސްއަކީ ރައްޔިތުންގެ ލާރީގައި ބޮޑުތަނުން ޖެހިފަހުރި މީހެއް އަދި އަނިޔާވެރިކޮށް ވެރިކަންކުރި ފަރުދީ ހައްގުތައްހަނުކޮށް ބިރުވެރިކަމެއްގެ ތެރޭ މީހުން ބަހައްޓައިގެން ވެރިކަން ކުރި ބޭފުޅެއް.
ހަސަބު
02 October 2019
ހުރިހާ ނުބައެއް ހަދަނީ އެއްބަޔަކު، އެމީހުން މުލުން ލުހެލައިގެން ނޫނީ ދުވަހަކުވެސް ކަމެއް ހައްލު ނުވާނެ. މިހާރު މިވާގޮތަކީ ރުފިޔާ އެއްފުށުން އަހެއް ފުށަށް ޖަހަނީ. ކިތަންމެވަރަކަށް ފުށްފުށުންޖެހިއަސް ރުފިޔާ ބަދަލު ނުވާނެ.
އިސްމާލްކަލޭފާނު
02 October 2019
ޑިމޮކުރަސީގައި އިންސާފު ލިބޭނީ ހަމަ ރުއްގިބަ ޔަކަށް. މާނައަކީ މެޖޯރިޓީއަށޭ ބަލާނީ އިންސާފުގައިވެސް. މަގުމަތީގެ ހަރަކާތްތައް ދައްކާނުލެވެންޏާ ޑިމޮކުރަސީއެއްގައި އިންސާފެއް ނުލިބޭނެ. ސަބަބަކީ ބައިމަދުކަމަކީ ޑިމޮކިރަސީގެ އަސާސުތަކިގެތެރެއިބަ އަސާސަކަށް ނުވާތީ.