އިކޮނޮމިކް މިނިސްޓަރު ފައްޔާޒު އިސްމާއިލް-- ފޮޓޯ: ރައީސް އޮފީސް
03 އޮކްޓޯބަރ 2019 - 21:36
10 comments
ރާއްޖޭގައި ވަޒީފާ ބޭނުންވާ އެކަމަކު ވަޒީފާ ހަމަނުޖެހޭ މީހުންގެ މައުލޫމާތު އެއްކުރުމަށްޓަކައި މި މަހުގެ ފަހުކޮޅު ޖޮބް ސެންޓަރުގެ ނަމުގައި އޮންލައިން ޕޯޓަލެއް ހުޅުވާނެ ކަމަށް އިކޮނޮމިކް މިނިސްޓަރު ފައްޔާޒް އިސްމާއިލް މިއަދު ވިދާޅުވެއްޖެ އެވެ.
ކްރޮސްރޯޑްސް ގައި މިއަދު ފެށި މޯލްޑިވްސް ޓޫރިޒަމް ކޮންފަރެންސް ގައި ފައްޔާޒު ވިދާޅުވީ މި ޕޯޓަލްގައި، ވަޒީފާ ބޭނުންވާ މީހުންނަށް ރަޖިސްޓަރީ ވެވޭނެ ކަމަށެވެ. އަދި ރަޖިސްޓަރީވާ އިރު ވަޒީފާގެ ތަޖުރިބާ އާއި ތައުލީމީ ފެންވަރާ ގުޅޭ މައުލޫމާތު ހިމެނޭނެ ކަމަށް އޭނާ ވިދާޅުވި އެވެ.
"އެ އަށް ފަހު ވަޒީފާ ދިނުމުގައި ޕޯޓަލްގައި ރަޖިސްޓާވާ މީހުންނަށް އިސްކަން ދެވޭނެ. މި ޕޯޓަލްގެ އެހީގައި ސްކިލްޑް މީހުންނަށް ދާއިރާތަކުން ވަޒީފާ ދެވޭނެ،" މިނިސްޓަރު ވިދާޅުވި އެވެ.
އޭނާ ވިދާޅުވި ގޮތުގައި، އެކި ދާއިރާތަކަށް ބޭނުންވާ ބިދޭސީން ގެންގުޅުމުގައި ކަނޑައަޅާފައިވާ ރޭޝިއޯތައް ވެސް ޕޯޓަލް މެދުވެރިކޮށް މުރާޖައާ ކުރާނެ އެވެ. އަދި ވިދާޅުވީ، އަމާޒަކީ މިޑްލް މެނޭޖްމެންޓާއި ޓޮޕް މެނޭޖްމެންޓްގެ ވަޒީފާތައް ގިނަ ދިވެހިންނަށް ލިބުން ކަމަށެވެ.
ރާއްޖޭގައި ފަންނީ މީހުން ބޭނުންވާ ދާއިރާތައް ވަރަށް ގިނަ ކަމަށާއި އޭގެ ތެރޭގައި ޓޫރިޒަމް ދާއިރާގައި ވެސް ދިވެހި ފަންނީ މީހުން ބޭނުންވާ ކަމަށް ފައްޔާޒް ވިދާޅުވި އެވެ. އެގޮތުން ފަންނީ މީހުން އިތުރުވާ އަދި މަދުވާ ދާއިރާތައް ބަލަމުންދާ ކަމަށް އޭނާ ވިދާޅުވި އެވެ.
ފައްޔާޒް ވިދާޅުވި ގޮތުގައި ވަޒީފާ ނެތް މީހުންނަށް ވަޒީފާތައް ހޯދައި ދިނުމުގައި ކުރީގެ ސަރުކާރުތަކުން އެހާ ސީރިއަސްއެއް ނޫނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ ރާޖާ
05 October 2019
އިއްޔެގެ ނިމުނު ކޮންފަރެންސުން ކަލޭމެންގެ މަކަރުވެރި ރޭވުން އަމިއްލަ އަނގައިން ބުނެދީފަ އެއޮތީ. ތީގަ ރަޖިސްޓްރީވެފަ ނެތިއްޔާ މާނައަކީ ދެވެހިން ނެތީޔޯ އެދާއިރާތަކަށް ދެން ތިމަންނަމެންނަށް އޭރުން ބޭރުމީހުންގެ ކޯޓާ އިތުރުކޮށްދެވޭނެޔޭ އެދާއިރާތަކަށް. ޔަގީނާ ގާތަށް އެނގޭ ތިޔައިގަ ރަޖިސްޓްރީ ވާން ނުދާނެކަން މެޖޯރިޓީ ކުދިންނެއް. އެހިސާބުން އަނެއްކާވެސް ބޭރުމީހުންގެ ކޯޓާ ކަލޭމެން އިތުރުކޮށްދޭނެ ދިވެހިން ނެތޭ ކިޔާފަ. މަކަރުވެރި ނާގާބިލް ސަރުކާރު
ރޫހީ
05 October 2019
ތިޔަކުން ވާނެ އެއްވެސް ފައިދާއެއް ނޯންނާނެ ، ކްރޮސްރޯޑުގަ ނިމުނު ކޮންފަރެންސްގަ ކަލޭމެން ބުނެފަ އެއޮތީ ތިމަަންނަމެންގެ ނެތޭ ވިސްނުމެއް ރިސޯޓްތަކުގެ ބޭރު މީހުން ދިވެހިންގެ ރޭޝިއޯ ބަދަލުކުރުމެއް. މާނައަކީ ދިވެހިން %45 ބޭރުމީހުން %55 (މިހާރު އޮތް ގޮތަށް) ކުރިއަށް ގެންދާނަމޭ.
އަލީ ރާޖާ
05 October 2019
ރިޒޯޓްތަކުގަ ހުރިހާ މަތީ މަގާމްތަކުގަ އިންޑިއާ ލަންކާ ފިލޕީންސް މީހުން މުޅި އާއިލާ ގެނެސްގެން މިލިއަނުން ޑޮލަރު ބޭރުކުރަނީ. ދިވެހި ސޮރު ފިހިގަނޑު ހިފައިގެން ނޫނީ ޓްރޭ އަތަށް ލައިގެން 250 ޑޮލަރަށް މުޅި އުމުރު ދުއްވާލަނީ.
ސަރުދާރު
04 October 2019
ވަޒީފާ ނުލިބެނީ ޑިގުރީ ހަދައިގެންތިބި މީހުނަށް. އެ ވަޒީފާތަކުގައި މިވަގުތު ތިބީ އިންޑިއާ ލަންކާ އަދި ފިލިޕީންސްމީހުން. އެމީހުން ބޭރުކުރޭ އެމީހުންގެ ފެމިލީތަކާއިއެކު.
އަޅިބެ
05 October 2019
ހެޔޮކޮށް ތިބުނީ. ރިޒޯޓްތަކުގަ އެޗްއާރު ކޮންޓްރޯލް ކުރަނީ ފިލިޕީންސް އަދި ނޭޕާލް މީހުން. ލަންކާ އިންޑިއާ މީހުން ބަދިގެ، އިންޖިނިއަރިންގް އަދި ފައިނޭންސްގެ މަތީ މަގާމުތަކުގަ. މިމީހުންގެ މުޅި އާއިލާ ގެނެސްގެން ރިޒޯޓްތަކުގެ ހުރިހާ މަތީ މަގާމްތައް ފުރާލާފަ. ބަލާނެ ސަރުކާރެއް އޮތީކީ ނުން.
މައްޗަށް
04 October 2019
އެއްވެސް ކަމެއް ހައްލު ނުވާނެ ތެޅިލާފަ ފޫވެއްޓޭނެ
މަބޭނުމީ ވަޒީރުކަން
04 October 2019
މަށަކަށް ނުލިބޭ ދުވަހަކު ވަޒީރުކަމެ މަބޭނުމީ ވަޒީރެއްގެ މަގާމު ލިބޭނެގޮތެ ހައްދަވާދެއްވާ.. ﷲއައްޓަކާ ސަދަގާތްކޮށް ހެޔޮކަންތަކުރާފަދައިން ވަޒީރުކަންވެސް މިސަރުކާރުގެ ވަޒީރުން އަދާކުރަނީ 70ހާސްރުފިޔާގެ މުސާރަނަގަމުން. ވަރަށްދެރަވަރު ވަރަށް ނިކަމެތި ހިތާމަވެރިކޮށް މަސައްކަތްކުރާ މުއައްޒިފުންތިބި ވުޒާރާއެއްގަ..
ޖޮބްސް
04 October 2019
މަޖުބޫރެއް ނުކުރެވޭނެ ވަޒީފާ އަދާކުރާކަށް! އެމީހަކު ދާހިތްވެގެން ދާންބޭނުންވެގެން ކުރަންއޮންނަކަމެއް ވަޒީފާ އަދާކުރުމަކީ.
ޢިބޫ
04 October 2019
ކާކުތަ މަޖުބޫރު ކުރަނީ.. ރަނގަޅަށް ހަބަރު ކިޔާބަލަ. ލޮލް ރަނގަޅު އެއްގޮތެއްވެސް ނޯވޭ ބައެއް މީހުނަށް..
ދާނުކުރާމީހުންނޭ
04 October 2019
ވަޒީފާ އަދާނުކުރާމީހުންނޭ ކިޔާބަލަ