ުދިރާސާކުރަން އެމްއެންޔޫ އިން ގްރާންޓު ދިން ބޭފުޅުންނާ އެކު އެ ޔުނިވާސިޓީގެ ބައެއް ވެރިން. -- ފޮޓޯ: އެމްއެންޔޫ
15 އޮކްޓޯބަރ 2019 - 13:08
6 comments
ދިރާސާތައް ކުރުމަށް، ދިވެހިރާއްޖޭގެ ގައުމީ ޔުނިވާސިޓީ (އެމްއެންޔޫ) ގެ މުވައްޒަފުންނަށް ހުޅުވާލި ފުރުސަތުގައި އެކަމަށް ކުރިމަތިލި މީހުންގެ ތެރެއިން ނުވަ މީހަކު ހޮވައި އެ ދިރާސާތަކަށް ބޭނުންވާ ގްރާންޓް އެމްއެންޔޫ އިން މިއަދު ހަވާލުކޮށްފި އެވެ.
އެތަނުގައި ބޭއްވި ރަސްމިއްޔާތެއްގައި ދިރާސާ ގްރާންޓް ހަވާލުކުރި ނުވަ މީހުން ކަނޑައެޅީ މިކަމަށް ކުރިމަތިލާން މިދިޔަ އޭޕްރިލް މަހު ހުޅުވާލުމުން ހުށަހެޅި 10 ޕްރޮޕޯސަލްގެ ތެރެއިންނެވެ.
އެމްއެންޔޫގެ ރިސާޗް ޑިޕާޓްމެންޓްގެ އެސިސްޓަންޓް ޕްރޮފެސަރު، ކުރީގެ ގަވަރުނަރު ފަޒީލް ނަޖީބް ވިދާޅުވީ މިއަދު ދިން ގްރާންޓްތަކުގެ ޖުމުލަ އަދަދު 2.6 މިލިއަން ރުފިޔާ އަށް އަރާކަމަށެވެ. އެއީ 10،000ރ. އާއި 983،000ރ. އާ ދެމެދުގެ ގްރާންޓްތަކެވެ.
އެމްއެންޔޫގެ ރިސާޗް ޑިޕާޓްމަންޓްގެ އެސިސްޓަންޓް ޕްރޮފެސަރު ފަޒީލް ނަޖީބް މިއަދުގެ ރަސްމިއްޔާތުގައި ވާހަކަދައްކަވަނީ -- ފޮޓޯ: އެމްއެންޔޫ
ދިރާސާތައް ފުރިހަމަކުރަން އާންމުގޮތެއްގައި ދީފައި ވަނީ ހަ މަހާއި އެއް އަހަރު ދުވަހާ ދެމެދުގެ މުއްދަތެކެވެ. މި ދިރާސާތައް ފުރިހަމަ ކުރުމަށް ފަހު އެމްއެންޔޫގެ ރިސާޗު ޖާނަލްގައި ޝާއިއުކުރުމުގެ ފުރުސަތު ލިބޭނެ އެވެ. އެމްއެންޔޫގެ ގްރާންޓުގެ އެހީގައި މީގެ ކުރިން ފުރިހަމަކޮށްފައިވާ ބައެއް ދިރާސާތައް ބޭރުގެ ކޮންފަރެންސްތަކުގައި ހުށަހަޅައިފައިވާ ކަމަށާއި، ބޭރު ގައުމުތަކުގެ ޔުނިވާސިޓީތަކުގެ ޖާނަލްތަކުގައި ވެސް ޝާއިއުކޮށްފައި އެބަހުރި ކަމަށް ފަޒީލް ވިދާޅުވި އެވެ.
ދިރާސާކުރުމުގެ ހުއްދަ ދީފައިވާ ޕްރޮޕޯސަލްތަކުގެ ތެރޭގައި ތިމާވެއްޓާއި ތައުލީމާއި ސިއްހަތާ ގުޅޭ ދިރާސާތައް ހިމެނެ އެވެ. އެންމެ ބޮޑު ގްރާންޓެއް ދިނީ އެމްއެންޔޫގެ މެޑިކަލް ސްކޫލްގެ ޑީން ޑރ. ޝީޒާ އަލީ އަށެވެ. އޭނާ ދިރާސާ ކުރައްވަނީ ދަގަނޑުގެ ބާވަތް މަދުވުމުން ތައިރޮއިޑް ބަލި އާންމުވުމާ ގުޅުމެއް ހުރިތޯ ބެލުމަށެވެ. އޭނާ ވިދާޅުވީ މިކަމާ ގުޅޭގޮތުން އެހެން ގައުމުތަކުން ކޮށްފައިވާ ދިރާސާތަކުން ފެންނަ ގޮތުގައި އެ ދެ ކަމުގައި ގުޅުމެއް ހުންނަ ކަމަށް ދައްކަ އެވެ.
"ތައިރޮއިޑް ހޯމޯން އުފައްދަން ބޭނުންވާ ވަރަށް ބައިވަރު މާއްދާތައް ހުރޭ. އޭގެ ތެރެއިން އެއް މާއްދާ ދަގަނޑުގެ ބަޔަކީ. ދަގަނޑުގެ ބައި މަދުވީމަ ތައިރޮއިޑް ހޯމޯން އުފެއްދުން މަދުވުމަކީ އެކަށީގެންވާ ކަމެއް. ބައެއް ގައުމުުތަކުގެ ދިރާސާތަކުން މިކަން ދައްކާތީ އަޅުގަނޑުމެން ބަލަން ބޭނުންވަނީ މިކަހަލަ ކަމެއް ރާއްޖޭގައި ވެސް އުޅޭކަން،" ޑރ. ޝީޒާ ވިދާޅުވި އެވެ.
މިކަހަލަ ގުޅުމެއް ހުރި ކަން ފެނިއްޖެ ނަމަ، ތައިރޮއިޑަށް މިހާރު ފަރުވާ ދޭ ގޮތް ބަދަލުކުރުން އެކަށީގެންވާ ކަމަށް ވެސް އޭނާ ވިދާޅުވި އެވެ.
ދިރާސާކުރުމުގެ ގްރާންޓް ހޯދަން ހުށަހަޅަން އަހަރަކު ދެ ފަހަރު އެމްއެންޔޫ އިން ހުޅުވާލަ އެވެ. ފަޒީލް ވިދާޅުވީ މިއީ މި އަހަރުގެ ފުރަތަމަ ބުރު ކަމާއި އަދި މި އަހަރު އިތުރު ފުރުސަތެއް ލިބޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަކީމް
15 October 2019
ޑރ ޝަރީޕް އަދި ޑރ ހަސަނަކީ ސަރުކާރުގެ ޕަޕެޓުން! ޔުނިވާރސިޓީގައި ވަރަށް އާދައިގެ ކަންކަން ވަނީ ބޮއްސުންލާފަ! ޑރ ޝަރީޕް އަކީ އެކްޓިވިސްޓެއް! ފެކަލްޓީ އޮފް އެޑިޔުކޭޝަން ގަ ވަނީ ހުސް ފިތުނަ! ނެތި މޮށުން
ރާއްޖެތެރޭ މީހާގެ ބަސް
15 October 2019
ގްރާންޓް ނަގައިގެން ރާއްޖެތެރެއަށް އައިސް ސަރުކާރުގެ މުވައްޒަފުންނާއި އޮފީސްތައް މިކަމަށް ބޭނުން ނުކުރެއްވުން އެދެން.
ޢައްޔޫ
15 October 2019
ޙަސަން ޙަމީދަކީ ޗާންސެލަރ އެކަމަކު ހިންގުމުގައި ބައިވެރިވާ ތަން މިފެންނަނީ.
ތަރަބެ
15 October 2019
ދިވެހިންގެ އަމިއްލަ އެދުން ބޮޑު ކަމާ ގުޅޭ ދިރާސާ އެއް ކޮށްބަލަ.
ކަރީމުއްދީން ބާޝާ
15 October 2019
ތާކުންތާކުން ނުޖެހޭ ރިސާޗުނުުކުރާތީ. މިސާލަކަށް މިފަދަ ދިރާސާތައް ކޮށްބަލަ. 1. މިހާތަނަށް މިސަރުކާރުން ކިހާލާރިއެއް ދިރުވާލައިފި. 2. ދިވެހިންގެ ކިތައް މީހުން ބޯގޮވާފައި ހުންނަނީ. 3. ދިވެހިރާއްޖޭގެ ޑިމޮކުރަސީގެ އައްޕައަކީ ކާކު؟ އަމީނު؟ މައުމޫނު؟ ނަޝީދު؟
ޖާޗާ
15 October 2019
ތަރައްގީ ނުވާ ސިކުނޑިތައް ގިނަކަން ތިކަހަލަ ކޮމެންޓުތަކުން ހާމަވޭ.