އިއްޒުއްދީންގެ ނަމުގައި ކިޔަވައިދޭން ފަށާ އެމްއީއެސްގެ ކުރީގެ އިމާރާތް.--
09 ނޮވެމްބަރ 2019 - 12:28
26 comments
ކުރީގެ އެމްއީއެސް ހިންގި އިމާރާތުގައި އަންނަ އަހަރު އަލަށް ކިޔަވައިދޭން ފަށާ އިއްޒުއްދީން ސްކޫލަށް ޕްރިންސިޕަލެއް ހޯދަން އިއުލާނުކޮށްފި އެވެ.
އެ ސްކޫލްގެ ޕްރިންސިޕަލަކަށް ވާން ބޭނުންވާ ބޭފުޅުން އެކަމަށް އެދި ހުށަހެޅުމުގެ އެންމެ ފަހު ތާރީޚަކީ އެޑިއުކޭޝަން މިނިސްޓްރީން ބުނިގޮތުގައި މި މަހުގެ 20 އެވެ. އޭގެ އިތުރުން އިއްޒުންދީން ސްކޫލަށް ޑެޕިއުޓީ ޕްރިންސިޕަލަކާއި އެޑްމިނިސްޓްރޭޓަރަކު ހޯދަން ވެސް ވަނީ ހުޅުވާލައިފަ އެވެ.
އެޑިއުކޭޝަން މިނިސްޓްރީގެ ޑިރެކްޓާ ޖެނެރަލް އިބްރާހިމް ރަޝީދު ވިދާޅުވީ އިއްޒުއްދީން ސްކޫލަށް ބޭނުންވާ އެކި ވަޒީފާތަކަށް ފުރުސަތު ހުޅުވައިލަމުން އަންނަ ކަމަށެވެ. ސްކޫލްގެ ކިޔެވުން ފެށެންވާ އިރަށް ހުރިހާ މަގާމަކަށް މީހުން ނަގައި ހަމަވާނެ ކަމަށް އޭނާ ވިދާޅުވި އެވެ.
ޕްރިންސިޕަލުންގެ މުސާރަ ތަފާތު އެކި ރޭންކުތަކަށް ކަނޑައަޅާފައިވަނީ އެކި ވަރަށެވެ. އެންމެ މަދުން ލިބެނީ އެމްއެސް 2 އަށެވެ. މުސާރައިގެ ގޮތުގައި 6،295ރ. އަދި ސާވިސް އެލަވަންސްގެ ގޮތުގައި 2،500ރ. ހިމަނާފައި ވެ އެވެ. އެންމެ ބޮޑު މުސާރަ އީއެކްސް 6 އަށް ކަނޑައަޅާފައިވާއިރު އެ ރޭންކަށް މުސާރައިގެ ގޮތުގައި 15،560 އަދި އެލަވަންސް އަށް 2،500ރ. ލިބޭނެ އެވެ.
އިއްޒުއްދީން ސްކޫލުގައި އެންމެ ފުރަތަމަ ކިޔަވައިދޭން ފަށާނީ ގްރޭޑު 1-6 އަށެވެ. އެ އަށް ފަހު ކޮންމެ އަހަރަކު ގްރޭޑެއް ތައާރަފް ކުރަމުން ގްރޭޑް 10އާ ހަމައަށް ކިޔަވައިދޭނެ އެވެ.
އެއްދަންފަޅި އަށް ކިޔަވައިދޭ އެ ސްކޫލުން ޖާގަ ހޯދަން މިހާރު ވަނީ ހުޅުވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސްވެފަ
10 November 2019
އިހަކަށްދުވަހު ސަރުކާރުގެ އެންމެ ފުރަތަމަ އިންޓަނޭޝަނަލް ސްކޫލްގެ ޕްރިންސިޕަލް އެ އިސްތިއުފާދިނީ... ކަމާ ގުޅޭތަ؟
ބޮޑުމީހާ
10 November 2019
ކޮބާތަ ބޮޑުކުރަން ބުނި މުސާރަ؟
އައިޝަތު ޝިހާމް
10 November 2019
ތެޅި ގަނެގެން އެއްދަންފަޅި އެއްދަންފަޅި ކިޔާފައި ތިޔަހެން ހުރިހާ ބޭނުން ނުފުދޭ ވަސީލަތްތައް ނެއް ބާ އިމާރާތެއް ސްކޫލެއް ފެށުމުން އެ ސްކޫލަށް ފޮނުވާ ކުދިންނަށް ހާދަ ބޮޑު ނާ އިންސާފެކެވެ. އަދިވެސް ވިސްނަވަން ގޮވާލަން
ކަޓޭ
10 November 2019
ގަހާ؟
ހަސަދު
10 November 2019
ޕުރިންސިޕަލް އަކަށް 25،000 ނުޖެހޭ، ލެކްޗަރަރ އަކަށް 20،000 ނުޖެހޭ. ސިޔާސީ ކޮންމެ މީހަކަށް މީގެ 3 ޕުރިންސިޕަލުން ގެ މުސާރަ. ޕުރިންސިޕަލުން އަދި ލެކްޗަރަރ އިން ނިކުތީ ޔިވަރުސިޓީ ތަކުން. ބޮޑުވީ ރަނގަޅު އަޚުލާގުގައި، ވައްކަށް ފަދަ ކަންކަމާ ދެކޮޅު. ވިސްނާލަން ޖެހޭ މައްސަލަ އެއް. ހައްލެއް ނެތް. ޕޮލިސީ މެކަރުންނަކީ އަމިއްލަ ޖީބު ނޫން އެހެން ކަންކަމަށް ވިސްނާ ބަޔެއްނޫން.
ހާމިދު ޝާހިދު
09 November 2019
ސިޓީލައިގެން މިތިބީ. މިދިޔަ ބުރާސްފަތި ދުވަހުވެސް އެޑިއުކޭޝަނަށް ދިޔައީން. ޖަވާބެއް ނުލިބުނު. ފަސްޓްކަމް ފަސްޓް ސަރވް އުސޫލުން މިކަން ކުރިއަށް ދާކަމަށްވަނީނަމަ، ރެޖިސްޓްރީކުރަން އެދި ހުށަހަޅާ މީހުން ހުށަހެޅެމުންދާ ތަރުތީބު އޮންލައިކޮށް ފެންނަން އޮންނަނަމަ. ވަރަށް ރަނގަޅުވީސް.
ސޯޅަ
09 November 2019
ބޮއި ހަލާކު!
ހަމީދޫ
09 November 2019
އިއުލާން ނުކޮށް ވެސް އިބްރާއަށް ދޭން ފެނޭ....ތިޔަ ސްކޫލް އިމާރާތްހޯދަން ވަރަށް މަސައްކަތްކޮށްފި..
ޤާސިމް
09 November 2019
އޮފީސް ހިންގުމުގެ އެލަވަންސް 4000/- ފޯން އެލަވަންސް -/400 ފިކްޑް އޯޓީ -/3000 ޕްލަސް އާއެކު ޖުމްލަ ޑިގްރީ ހަދައިގެން ހުންނަ ޕްރިންސިޕަލަކަށް ޖެހޭނެ 25000ރ އަށް ވުރެން ކުޑަ ނޫން އަދަދެއް ގެއަށް ގެންދަން. މައުލޫމާތު ހޯދާލިނަމަ ރަނގަޅު މިލިޔުން ލިޔުމުގެ ކުރިން.
ޕްރިންސިޕަލް
10 November 2019
އޮފީސް ހިންގަން އެލަވަންސް ލިބުނީ ކޮން ޕްރިންސިޕަލަކަށް? 25 ހާސް ލިބޭ ނަމަ މިހާލުގައި އުޅޭކަށް ނުޖެހޭނެ 24 ގަޑިއިރު އަވަދި ނެތި. ބަންދެއް ހިކުރެއް ހޮނިހިރެއް ނެތި.
ސައުދު
10 November 2019
އޮފީސް ހިންގުމުގެ އެލަވަންސެއް ނޯންނާނެ. ޑިގްރީ ހަދާފަ ހުންނަ ޕްރިންސިޕަލަކަށް 25000 މުސާރަ ނުޖެހޭނެ. އެވަރު ޖެހޭނީ ވަގަށް ނަގަން.
ޔާސިރު
09 November 2019
މާލޭގައި އިތުރު ސްކޫލުތައް އެޅުމުގެ ބަދަލުގައި ތިޔަ ސްކޫލު އަޅަންވީ ބޮޑުތިލަދުންމަތީގަ. އާބާދީ މާލެއަށްވުރެ ބޮޑުވާނެ. މަކަރުވެރި ރޭވުމަކުން ހ.އ ހ.ދ ށ ނ އަތޮޅަށް ބައިބައިކޮށްފަ އޮތީ. އެގޮތަށް މާލެވެސް ކ.އ ކ.ދ ކ.ޑ މިގޮތަށް ބަހައިފިއްޔާ އާބާދީ ކުޑަވާނެ.