ބޮޑުތަކުރުފާނު މަގުގައި މަރާމާތުގެ މަސައްކަތެއް ކުރަނީ: މާލޭގެ މަގުތައް ރަނގަޅު ފެންވަރަށް ހެދުމުގެ މަޝްރޫއެއް ވަނީ އެކުލަވާލާފައި. --ފޮޓޯ/މިހާރު
20 ނޮވެމްބަރ 2019 - 11:34
22 comments
މާލޭގެ މަގުތަކުގައި ދިމާވެފައިވާ ފެންބޮޑުވުމުގެ މައްސަލަ ހައްލުކޮށް ޒަމާނީ ފެންވަރަށް މަގުތައް ތަރައްގީކޮށް ތަރުތީބުކުރުމުގެ މަޝްރޫއެއް ކުރިއަށް ގެންދަން ރައީސް އިބްރާހިމް މުހައްމަދު ސޯލިހް ނިންމަވައިފި އެވެ.
މިގޮތަށް ނިންމެވީ، މާލޭ ސިޓީ ކައުންސިލުން އެކުވަލާވި "ސްޓްރީޓް ސްކޭޕިން ޑިވެލޮޕްމަންޓް ޕްލޭނާ" ގުޅޭގޮތުން ނެޝަނަލް ޕްލޭނިން މިނިސްޓްރީން ހުށަހަޅާފައިވާ ކަރުދާހަށް ވަޒީރުންގެ މަޖިލީހުގައި އިއްޔެ މަޝްވަރާ ކުރެއްވުމަށް ފަހު އެވެ.
މާލޭގެ މަގުތައް ތޮއްޖެހި، ހިނގާ މީހުންނާއި ދުއްވާ އެއްޗިއްސަށް ދިމާވަމުންދާ ތަކުލީފަށް ގިނަ ހައްލުތަކެއް އެ ޕްލޭންގައި ހިމަނާފައިވެ އެވެ. އޭގެތެރޭގައި ޕާކިން މައްސަލަ އަށް ހައްލު ހޯދުމާއި ބަސް ދަތުރުތަކާއި މަގުތައް ފެހިކުރުމާއި ފައިމަގުގައި ހިނގާފައި އުޅޭނެ ދުވަހެއް ހަމަޖެއްސުން ފަދަ ގިނަ ބަދަލުތައް ހިމެނެ އެވެ.
ރައީސް އޮފީހުން ބުނީ އެ ޕްލޭނާ އެއްގޮތަށް މަގުތަކަށް ބަދަލު ގެންނަން ފެށުމުން އާއްމުންނަށް ލުއި ފަސޭހަތަކެއް ލިބޭނެ ކަމަށެވެ. އެންމެ ބޮޑު ލުޔެއްގެ ގޮތުގައި ފަހާގަކޮށްފައި ވަނީ، ވެހިކަލް ޕާކުކުރުމުގެ މައްސަލަ އަށް ހައްލު ލިބުނެވެ.
މީގެއިތުރުން، ފެން ހިނދުމުގެ ނިޒާމާއި ޑީވޯޓަރިން އާއި މުވާސަލާތީ ހިދުމަތްތައް ފޯރުކޮށްދިނުމަށް ބޭނުންކުރާ ނަރުތަކާއި ކަރަންޓާއި ނަރުދަމާ ނިޒާމާއި ފެނުގެ ނިޒާމުފަދަ ޔޫޓިލިޓީގެ ޚިދުމަތްތައް ވެސް އިތުރަށް ރަނގަޅު ކުރާ ގޮތަށް ވަނީ ހަމަޖައްސައިފަ އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުގައި ވެސް މާލޭގެ މަގުތައް ރަނގަޅު ފެންވަރަކަށް ހެދުމުގެ މަޝްރޫއެއް ކުރިއަށް ގެންދިޔަ އެވެ. އެ މަޝްރޫއުގައި 13 މަގެއް މަރާމާތުކުރަން ހަމަޖައްސައި ބޮޑުތަކުރުފާނުމަގުގައި ވަނީ ތާރު އަޅައިފަ އެވެ. އަދި މަޖީދީ މަގުގެ ގާތައް ނަގައި ރަނގަޅު ފެންވަރަކަށް ހެދި އެވެ. ހައްލު ނުހޯދުނީ ފެންބޮޑުވުމުގެ މައްސަލަ އަށެވެ.
މަގުތައް އޭރު މަރާމާތުކުރީ ފެން ހިންދުމުގެ ނިޒާމު ވެސް ރަނގަޅުކޮށްގެންނެވެ. ތިން ފިޔަވައްސަކަށް އެ މަޝްރޫއު ކުރިއަށް ގެންދިޔައިރު ވެސް، ވިއްސާރަ ދުވަސްތަކުގައި އެންމެ ކުރިން ވެސް ފެންބޮޑުނުވާ ވަރަށް ބައެއް މަގުތަކުގައި ފެންބޮޑުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒުވާނާ.
20 November 2019
އެއީކީއްކުރަން ފޫޓަކައް ފެންހައްދާފަ މަސްލާފަ ބަހައްޓާ ހުރިހާ މަގެއްގަ
މައިހާ
20 November 2019
2018 ވަނަ އަހަރު މާލޭގެ ފެން ހިންދުމަށް 40 މިލިއަން ރުފިޔާ ކަނޑައެޅި އެފައިސާ ޚަރަދުކުރި ގޮތެއް ކޮބައިތޯ ސުވާލުކުރަން ޖެހޭ މަގުތައް މުއިއްޒު ވެފަ
ޖޯކު
20 November 2019
ކީއްކުރަން ކުރާކަމެއްތަމީ. ކުރީޒަމާނުގަ އޮންނަގޮތަށް ގާނާޅާ މަގުތައް ބަހައްޓަބަލަ. މަގު ހެދިޔަސް ފެންހިކެނީކީނޫން. ވަޅުގަޑުތައްމަދީކީނޫން. ޒަމާނީ ފެންވަރޭ ކިޔާފަ ދެފަހަރަކު ބިންގަނޑު އެއްވަރު ކޮއްލާފަ ހަމަ އެގާތައް އަތުރާލަނީ.
ނެޑް
20 November 2019
ޖޯކު ބުރޯ ބަލަގަ ތިޔަ ބުނާ ޒަމާނުގައި މީހުން އުޅުނީ ފައިމަގުގައި ނޫނީ ބައިސްކަލުގައި. އޭރުވެސް މަދު ކާރެއް އުޅޭއިރު ސްކޫލް ޔުނިފޯރމަށް ޗަކަ ބުރުވާފައި ދޭ.
ތަރައްގީކުރަންފެނޭ!
20 November 2019
ޒަމާނީ ފެންވަރަށް އަތާ އަނގަޔާދިމާވާގޮތައް ތަރައްގީކުރަންފެނޭ!
ބޮޑުމީހާ
20 November 2019
ބަލަ މި މާލެ ނޫންގޮތެއް ހޯދަދީބަލަ
އޮނަރަބްލް އަފީފު ދީދީ
20 November 2019
މާލޭގެތޮއްޖެހުމާއި، ޓްރެފިކް ބުޅަލުގެނަޖިހުންބަލިފެތުރުމާއި، ބޯހިޔާވަހިކަންފަތުރާ ކުލީއަޅުވެތިކަމުން ރައްޔިތުންމިންޖުކުރުމާއި، މަގުމަތީގައިފެންބޮޑުވުމާއި، އަލިފާނުގެޙާދިސާތައްމަދުކުރުމަށާއި، ކުޑަކުދިންނަށާއި މުސްކުޅިންނަށްކުރާ ޖިންސީއަނިޔާހުއްޓުވާ ގުޅުންބަދަހިއާއިލާތަށްއުފެއްދުމަށް، ޤައުމީފުދުންތެރިކަންއިތުރުކުރުމަށް ދިވެހިންގެކަންނެތްކަންފިލުވުމަށްޓަކާ ރާއްޖޭގެވެރިކަން ލ. ގަމަށް ނުވަތަ އައްޑޫސިޓީއަށް ބަދަލުކުރުމަށް މަޖިލީހުންނިންމާންޖެހޭ.
ޖާބިރު
20 November 2019
މާލެއަކީ ދިވެހިރައްޔިތުންނަށް ދިމާވެފައިވާ ބޮޑު މުސީބާތެއް. މާލެ ނޫން ތަނެއް ނެތިގެން އުޅޭކަހަލަ. ރާއްޖޭގެ ރައްރަށުގަ މީހުން އުޅެނީ ހާދަހާ ހާލުގައޭ.
ފަންސޫރު
20 November 2019
ތިޔާގޮތަށް މަޖިލީސް އިންތިހާބާ ދިމާކޮށް މަސްވެރިންގެ ޕާކުގައި ޓާމިނަލެއްވެސް އެޅި އާހިރަތުގަ އެތަންވީ ފާހާނާބަރިއަކަށް
ކޮތަނބިރި
20 November 2019
ކ.މާލޭ މަގުހެދުމުގެ މަޝްރޫއަކީ މައުމޫނު ދައުރުގަ ރާއްޖޭގެ ހުރިހާ ރައްޔިތުންގެ ބަންޑާރަ ފައިސާއިން ހަމައެކަނި އޭނަގެ ރަށަށް ޓީވީއާއި ފޯނުގެ ހިދުމަތްދީގެން އުޅުނުއިރު އެބީދައިން ހިންގި މަޝްރޫއެއް. އޭގެފަހުން ކޮންމެ 2 އަހަރަކުން މަތިމައްޗަށް މަޝްރޫއު އެބަހިންގާ. ރަށުގެ އެންމެ ހަނި ގޯޅިގަނޑަށްދާންދެން ގާއެތުރިއިރު 30 އަހަރުވެގެން ރައްޔިތުން ނިކުމެ ވެރިކަމުން ވައްޓާފަ ބެލިއިރު އެހެން އެއްވެސް ރަށެއްގެ މަގެއްގައި ގާބުރިއެއްހިސާބުވެސް އަޅާފަނެތް.
ކޮބާހޭ
20 November 2019
ސޯލިޙް ވެރިކަން ހޯދަންވެގެން އަހަރުމެނަށް ދެއްކިވާހަކަ މަތިން ހަދާން އެބަހުރިތޯ ؟ އައްޑޫގައި ސާފުބޯފެނެއް ނަރުދަމާއެއްނެތް. އަހަރުމެންގެ ތެރޭގައި މިތަނުގައި ތިބެގެން އާމްދަނީ ހޯދާނެ މަސައްކަތެއް ކުރެވެކަށްނެތް. ގަމުގެ އެއަރޕޯޓް ތަރައްޤީ ކޮށްދިނުމެއްނެތި ސަރުކާރުން ބުނަނީ 200000 އެނދު ހަމަކުރީމައޭ ފަތުރުވެރިކަން ހިގައި ގަންނާނީ. މިއީ އަޖާއިބެއްނޫންތަ ؟ އަހަރުމެން މުޅިން އެއްކޮށް ދޫކޮށްލާންވީނު ތިހެން ނަހަދަ.