ޚަބަރު / ރައީސް އިބްރާހިމް މުހައްމަދު ސޯލިހް

ކުޑަކުދިންގެ ހައްގުތަކާ ގުޅޭ ދެ ގާނޫނެއް ރައީސް ތަސްދީގުކުރައްވައިފި

ރައީސް އިބްރާހިމް މުުހައްމަދު ސޯލިހް ވިސްލްބްލޮވާ އެކްޓް ތަސްދީގުކުރައްވަނީ: އެ މަަނިކުފާނު މިއަދު ވަނީ ކުޑަކުދިންގެ ހައްގުތައް ރައްކާތެރިކޮށްދޭ ގާނޫނާއި ކުޑަކުދިންގެ އަދުލްގެ ގާނޫނު ތަސްދީގު ކުރައްވާފައި -- ފޮޓޯ: ރައީސް އޮފީސް

ލަމްޔާ އަބްދުﷲ، މިހާރު

20 ނޮވެމްބަރ 2019 - 22:27

4 comments

ކުޑަކުދިންގެ ހައްގުތަކާ ގުޅޭ ދެ ގާނޫނެއް ރައީސް އިބްރާހިމް މުހައްމަދު ސޯލިހު މިއަދު ތަސްދީގުކުރައްވައިފި އެވެ.

އެ ދެ ގާނޫނަކީ ކުޑަކުދިންގެ ހައްގުތައް ރައްކާތެރިކޮށްދޭ "ޗައިލްޑް ޕްރޮޓެކްޝަން އެކްޓް" އާއި ކުޑަކުދިންގެ އަދުލްގެ ގާނޫނު "ޖުވެނައިލް ޖަސްޓިސް އެކްޓް" އެވެ. އެ ދެ ގާނޫނު މިއަދު ތަސްދީގުކުރެއްވި އިރު މިއަދަކީ ދުނިޔޭގެ ކުޑަކުދިންގެ ހައްގުތަކާ ބެހޭ ދުވަހެވެ.

ޓްވިޓާ މެދުވެރިކޮށް ރައީސް ވިދާޅުވީ ދުނިޔޭގައި އުޅޭ ދެ މިލިއަނެއްހާ ކުޑަކުދިންނަށް ކޮންމެ އަހަރަކު އެކި ވައްތަރުގެ އަނިޔާތައް ލިބެމުންދާ ކަމަށެވެ.

Almost half of the world’s 2 billion children experience violence each year. More needs to be done to protect our children. Which is why today, on the 30th anniversary of the Child Rights Convention, I am proud to ratify two key laws on Child Protection and Juvenile Justice.
— Ibrahim Mohamed Solih (@ibusolih) November 20, 2019

ރައީސް އިބްރާހިމް މުހައްމަދު ސޯލިހު ކުރެއްވި ޓްވީޓެއް

"އެހެން ކަމުން މިއަދު، ދުނިޔޭގެ 30 ވަނަ ކުޑަކުދިންގެ ދުވަހުގައި، ކުޑަކުދިންގެ ހައްގުތައް ރައްކާކޮށްދޭ ގާނޫނާއި ކުޑަކުދިންގެ އަދުލްގެ ގާނޫނު ތަސްދީގު ކުރުމަކީ އަޅުގަނޑު ވަރަށް ފަހުރުވެރިވާ ކަމެއް،" އެ މަނިކުފާނު ވިދާޅުވި އެވެ.

ކުޑަކުދިންގެ ހައްގުތައް ރައްކާތެރިކޮށްދޭ ގާނޫނަކީ ރާއްޖޭގެ ގާނޫނު އަސާސީ އަދި ބައިނަލްއަގްވާމީ މުއާހަދާތަކަށް ރިއާޔަތްކޮށް، ކުޑަކުދިންގެ ހައްގުތައް ކަށަވަރުކުރަން ފާސްކުރި ގާނޫނެކެވެ. މި ގާނޫނުގެ ދަށުން ކުޑަކުދިންގެ ހައްގުތަކާއި އެކުދިންގެ އާއިލާ އާއި މުޖްތަމައުގެ ޒިންމާ ތަފްސީލްކުރުމުގެ އިތުރުން އެ ހައްގުތަށް ލިބޭނެ ނިޒާމުތަކާއި އުސޫލްތައް ބަޔާންކޮށްފައި ވެ އެވެ. އަދި ކުޑަކުދިންނަށް އަޅާނުލާ ނުވަތަ އެ ކުދިންނަށް އިހުމާލުވާ މީހުންނާ މެދު އަޅާނެ ފިޔަވަޅުތައް ވެސް ކަނޑައަޅާފައި ވެ އެވެ.

މި ގާނޫނުގައި ކުޑަކުދިންނަށް 35 ހައްގެއް ކަށަވަރުކޮށްދީފައިވާ އިރު، ކުޑަކުދިންގެ ޒިންމާ އާއި މައިންބަފައިންގެ ޒިންމާ އާއި ދައުލަތާއި އެހެނިހެން ފަރާތްތަކުގެ ޒިންމާތައް ވެސް ކަނޑައަޅާފައި ވެ އެވެ.

ކުޑަކުދިންގެ ސިއްހަަތާއި ފަރުވާ އަށް ވަރަށް ބޮޑު އަހައްމިޔަތުކަމެއްދީ، އެ ކުދިންނަށް ވެކްސިން ދިނުން މި ގާނޫނުގައި ލާޒިމްކޮށްފައި ވެ އެވެ. އަދި ދުޅަހެޔޮ ސިއްހަތެއްގައި ހުރުމަށާއި ބަލިތަކުން ސަލާމަތްވުމަށް ވެކްސިން ޖެހުމަކީ މައިންބަފައިންގެ ޒިންމާއެއް ކަމާއި އެ ވެކްސިން ޖެހުމަށް އިއުތިރާޒް ކުރުމުގެ ހައްގު މައިންބަފައިންނަށް ލިބިގެން ނުވާ ކަމަށް ވެސް ކުޑަކުދިންގެ މި ގާނޫނުގައި ބުނެފައި ވެ އެވެ.

ކުޑަކުދިންގެ އަދުލްގެ ގާނޫނަކީ، ބޮޑެތި މީހުންނަށް ދޭ އަދަބުތަކާއި ހިލާފަށް ކުޑަކުދިންނަށް އެކަށީގެންވާ ފަދަ އަދުލްގެ ނިޒާމެއް އެކުލަވާލަން ތަސްދީގުކުރި ގާނޫނެކެވެ.

Kudakudhin ge hagguthah rakkaatheri kurumuge 2 billah Unicef in maruhabaa kiyaifi

The most trusted news source in the Maldives

Mihaaru

މި ދެ ގާނޫނު މަޖިލީހުން ފާސްކުރުމުން ޔުނިސެފް އިން ވަނީ މިދިޔަ ހުކުރު ދުވަހު ރާއްޖެ އަށް މަރުހަބާ ވެސް ކިޔާފަ އެވެ. ރާއްޖެ އަށް ޔުނިސެފުން ކަނޑައަޅާފައިވާ ރެޕްރެޒެންޓޭޓިވް ޑރ. މުނީރު ސަފީލްދީން ޓްވިޓާ މެދުވެރިކޮށް ވިދާޅުވީ ރާއްޖޭގެ ހުރިހާ ކުޑަ ކުދިންނަށް މަރުހަބާ ދަންނަވާ ކަމަށެވެ.

ކުޑަކުދިން ޔުނިސެފް ރައީސް އިބްރާހިމް މުހައްމަދު ސޯލިހް ކުޑަކުދިންގެ ހައްގުތައް

4 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޙުބަސާނަ

21 November 2019

ޤައުމުވަނީ ފަޤީރުތޯ ނޫނީ ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

900 ޑިގުރީ

21 November 2019

މަރުހަބާ ރާއްޖޭގެ ހުރިހާ ކުޑަކުދިން އަދި ރައީސް ސާލިހު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަހޯބަރާ

21 November 2019

މިދިވެހި ގައު މުގައި މިހާރު ވެރިއަކު ހުރިކަ މުގެ އިހުސާސެއް ނުކުރެވޭ.. ދޭތެރެއަކުން ކޮން މެވެސް ސުރުހީއެއް އަޅާލަނިިިިިިިިިިިިކޮށް ވެރިކަން ކުރެވުނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާހާ

21 November 2019

ވެރިޔަކު ހުރި ކަމުގެ އިހްސާސްވަނީ މަގުމަތި ހަލަބޮލިކޮށް ކްރައިމް ރޭޓް އިތުރުވެ ކަރަޕްޝަން އިތުރުވީމަބާ؟ނޫނީ ދެއިރު ދެދަޅައަށް ރޭޑިއޯ ޚިޠާބުދީ މަގުމަތީގައިގައި މުޒާހަރާކުރީމަބާ؟