އެމްޑަބްލިއުއެސްސީގެ ޝޯރޫމް ހުޅުވުމަށް މިރޭ ބޭއްވި ރަސްމިއްޔާތުގައި މިނިސްޓަރު ތޯރިގްް ވާހަކަ ދައްކަވަނީ.-- ފޮޓޯ: ނިޝާން އަލީ/ މިހާރު
28 ސެޕްޓެމްބަރ 2016 - 23:36
70 comments
ސަރުކާރުން ހިންގާ ތަރައްގީގެ މަޝްރޫއުތައް ކުރިއަށް ގެންދިއުމަށް، ކުރިއަށް އޮތް ލޯކަލް ކައުންސިލްތަކުގެ އިންތިޚާބުގައި ކައުންސިލްތަކުގެ މެޖޯރިޓީ ޕީޕީއެމަށް ދޭންޖެހޭ ކަމަށް ތިމާވެއްޓާ ބެހޭ މިނިސްޓަރު ތޯރިގް އިބްރާހިމް މިރޭ ވިދާޅުވެއްޖެ އެވެ.
އެމްޑަބްލިއުއެސްސީ އިން މާލޭގައި ޝޯރޫމެއް ހުޅުވުމަށް ބޭއްވި ރަސްމިއްޔާތުގައި މިނިސްޓަރު ތޯރިގް ވިދާޅުވީ ރައީސް އަބްދުﷲ ޔާމީން ވެރިކަމަށް ވަޑައިގެންނެވިއިރު، ފެނުގެ ނިޒާމް ގާއިމްކޮށްފައިވަނީ އެންމެ ފަސް ރަށެއްގައި ކަމަށެވެ. އެ ހިދުމަތް އޭރު ލިބެމުން ދިޔައީ އާބާދީގެ 25 ޕަސެންޓަށް ކަމަށް އޭނާ ވިދާޅުވި އެވެ. އަދި ނަރުދަމާގެ ނިޒާމް ގާއިމްކޮށްފައިވަނީ 30 ރަށެއްގައި ކަމަށްވާއިރު، އެ ހިދުމަތް އޭރު ލިބެމުން ދިޔައީ އާބާދީގެ 37 ޕަސެންޓަށް ކަމަށް ވެސް މިނިސްޓަރު ވިދާޅުވި އެވެ.
ނަމަވެސް ރައީސް ޔާމީންގެ ވެރިކަމުގައި މިދިޔަ ދެ އަހަރާއި ބައިގެ ތެރޭގައި އިތުރު 10 ރަށެއްގައި ފެނުގެ ނިޒާމް އަދި އެހެން 10 ރަށެއްގައި ނަރުދަމާގެ ނިޒާމް ގާއިމްކޮށްފައިވާ ކަމަށް ތޯރިގް ވިދާޅުވި އެވެ. އަދި ވިދާޅުވީ ސަރުކާރުގެ އަމާޒަކީ ފަސް އަހަރުގެ ތެރޭގައި އާބާދީގެ 75 ޕަސެންޓަށް ފެނާއި ނަރުދަމާގެ ހިދުމަތް ދިނުން ކަމަށް އޭނާ ވިދާޅުވި އެވެ.
"މިއީ ވަރަށް ބޮޑު، ވަރަށް ބާރަށް ކުރަންޖެހޭ މަސައްކަތްތަކެއް. އެހެން ނަމަވެސް މި މަސައްކަތް މިދަނީ ކުރެވެމުން،" ތޯރިގް ވިދާޅުވި އެވެ.
އެމްޑަބްލިއުއެސްސީގެ ޝޯރޫމް ހުޅުވުމަށް މިރޭ ބޭއްވި ރަސްމިއްޔާތުގައި، މިނިސްޓަރު ތޯރިގް އިބްރާހިމާއި އެމްޑަބްލިއުއެސްސީގެ އެމްޑީ ފަޒުލް އަދި ރައްޔިތުންގެ މަޖިލިހުގެ ޕީޕީއެމްގެ ބައެއް މެމްބަރުންނާއި ސަރުކާރުގެ ބައެއް އިސްވެރިން.---ފޮޓޯ: ނިޝާން އަލީ/މިހާރު
އޭނާ ވިދާޅުވީ މި މަސައްކަތްތައް ކުރިއަށް ގެންދިއުމަށް ރައްޔިތުން ވެސް މުހިންމު ކަންތައްތަކެއް ކުރަން ޖެހޭ ކަމަށެވެ. އެގޮތުން، އަންނަ ޖެނުއަރީ 14 ގައި ބާއްވާ ލޯކަލް ކައުންސިލްތަކުގެ އިންތިޚާބުގައި ސަރުކާރަށް މެޖޯރިޓީ ދޭންޖެހޭ ކަމަށް އޭނާ ވިދާޅުވި އެވެ. އަދި ހުރިހާ ކައުންސިލެއްގެ މެޖޯރިޓީ ވެސް ސަރުކާރު ހިންގާ ޕީޕީއެމަށް ލިބޭނެ ކަމަށް ޔަގީންކުރައްވާ ކަމަށް ވެސް މިނިސްޓަރު ވިދާޅުވި އެވެ.
"އެހެން މިދަންނަވާ ސަބަބަކީ އަޅުގަނޑުމެންގެ ސަރުކާރުން، ރައީސް އަބްދުﷲ ޔާމީންގެ ސަރުކާރުން، އަޅުގަނޑުމެންގެ ޓާގެޓަށް ވަރަށް ބޮޑެތި މަސައްކަތްތަކެއް ކުރައްވަމުން އެ ކަންތައްތައް ކާމިޔާބުކުރައްވަމުން އެ ގެންދަވަމުން ދާތީ،" ތޯރިގް ވިދާޅުވި އެވެ.
އެމްޑަބްލިއުއެސްސީގެ ޝޯރޫމް މިރޭ ހުޅުވައި ދެއްވުމަށް ފަހު، އެތަނުގައި ހުރި ބައެއް ތަކެތި ތިމާވެއްޓާ ބެހޭ މިނިސްޓަރު ތޯރިގް އަދި އެމްޑަބްލިއުއެސްސީގެ އެމްޑީ ފަޒުލް ބައްލަވައިލައްވަނީ.---ފޮޓޯ: ނިޝާން އަލީ/މިހާރު
އޭނާ ވިދާޅުވި ގޮތުގައި ސަރުކާރުން ހިންގާ މަޝްރޫއުތަކަށް ވަރަށް ބޮޑެތި ގޮންޖެހުންތަކެއް އެބަހުއްޓެވެ. އަދި އިދިކޮޅު ފަރާތްތަކުން އެ ގޮންޖެހުންތައް ސަރުކާރަށް ކުރިމަތި ކުރުވާ ކަމަށް މިނިސްޓަރު ވިދާޅުވި އެވެ. އެގޮތުން މިހާރު އެންމެ ބޮޑަށް ފާހަގަކުރެވެނީ ކޮމަންވެލްތް މިނިސްޓީރިއަލް އެކްޝަން ގްރޫޕް (ސީމެގް)ގެ ރަސްމީ އެޖެންޑާގައި ރާއްޖެ ހިމެނުމާ ގުޅިގެން ފިއްތުންތައް ކުރިމަތިކުރުން ކަމަށް ތޯރިގް ވިދާޅުވި އެވެ.
"އެ ކަންކަމާ ހާސްވާނެ ކަމެއް ނެތް. ކުރިއެރުން ދުވަހަކަށް ވުރެ ދުވަހެއް ދާނީ ކުރިއަށް. ކުރިއެރުމަަކަށް ބަދަލެއް ނާންނާނެ،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަޒީލު
17 October 2016
އަހަރެމެނެް މި ތިބީ ސަރުކަތު ހިންގާ ޕާޓީއަށް އެންމެ މެންބަރެއްވެސް ނުދޭން ފޫގަޅައިގެންނެވެ. އެއީ މި ސަރުކާރުން އެއާޕޯޓުއަޅައިދޭނެނކަމަށް ބުނެ އެތަކެއް ހެއްލުންތެރި ވާހަކަތަކެއް ދައްކައި އަދި އަދަށް ދާންދެން ވެސް އެކަމުގެ ކޮޅުމައްޗެއް ނު ދެއްކިޔަތީއެވެ. މި އެއާޕޯޓު ބާއްވާފައި ތިޔަ އަޅާނީ އެހެން އެހެން އެއާޕޯޓެކެވެ. އެންމެ ފަހުން މި އެއާޕޯޓު އަޅާން އޮތް ރަށް ފަޅުރަށެއްގެ ގޮތުގައި އިއުލާނުކޮށް ވަރުވާޔަށް ވެސް ދިނީއެވެ. އެހެންވީމާ، ތޔަކަން ކުރާކަށް ލާހިކެއްނޫނެވެ. އެންމެ ގޮނޑިއެއްވެސް ﷲގެ ރަޙުމަތާއެކު ތިޔަ ކޮޅަށް ދިޔަކަ ނުދޭނަމެވެ.
ދާދިފަސް
11 October 2016
ދެންހުރިއެތިކޮޅުވެސް ދަމައިގަންނަންތޯ ކައުންސިލްތައް ދޭންވީ. ރައްޔިތުންގެ މަޖްލިސް ދިނީމާ މާލިއްޔަތާއި ފަޅުރަށްތައް ދިރުވާލީ. ކައުންސިލްތައް ދިނީމާ ދިރިއުޅޭ ރައްތައް ކަންނޭގޭ ދިރުވާލާނީ.
އުމަރު
30 September 2016
ތިގޮތަށް މަޖިލިހުގެ މެޖޯރިޓީވެސް ސަރުކާރަށްދިން، އެކަމަކު ތޯރިގާއި ސަރުކާރުގެ ކުންފުނިތަކަކުން ކޮމެޓީތަކަށް ޖަވާބްދާރީވާންވެސް ވަޑައިނުގަންނަވާ، އެހެންކަމުން މެޖޯރިޓީދީގެން ރައްޔިތުންނަށް ފައިދާއެއްނެއް، ރައްޔިތުންގެ ލާބައާއި މަންފާއަށް މަސައްކަތެއްނުކުރޭ
ނެޝަނަލިސްޓް
30 September 2016
ސަރުކާރުން މަށްރޫއްތައް ހިންގަނީކީ ކައުންސިލްތަކާ ގުޅިގެން ހެނެއް ހިޔެއްނުވޭ! ހަމަ ގައިމުވެސް މާލޭގައި ހެދި ރަނިންގް ޓްރެކް ހުޅުވި ތަނަށް ސިޓީ ކައުންސިލް މެންބަރުންނަށް ދައުވަތު ނުދޭވާހަކަ އަޑު އެހީން!
ޙަސަންދީ
29 September 2016
ގެނެސްގެން ތިޔައުޅޭ ސިސްޓަމް ތެރެއިން ތިކަން އޮތީ ނިމިފަ ދެން ކޮން އަދުނެއްތޯ ތިޔަ އަޅުވަނީ ދިނަސް ނުދިނަސް ހެވޭތޯ ތިޔަވިދާޅުވަނީ
ޒަމާން
29 September 2016
ނަރުދަމާ އެޅުމަކީ އަސާސީ ހިދުމަތެއް!މެޖޯރިޓީ އޮތަސް ނެތަސް އެކަންކަން ކޮއްދޭންޖެހޭނެ.
ނިހާދު
29 September 2016
ސަރުކާރާއި މަޖިލިސް އަދި ހުރިހައި މިނިވަން މުއައްސަސާ އެއް ލިބުނީމަ ކައުންސިލް ތަކުގެ ބާރު ޤާނޫނާއި ޙިލާފަށް ކަނޑުވާލި ބަޔަކަށް ދެން ކޮން މެޖޯރިޓީ އެއް ތޯ؟ ރައްޔިތުން ތިބީ ހާލުގައި ކަމާއި ނުތަނަވަސް ކަމުގައި ކަން ދެއްކުމަށް ކައުންސިލް މެޖޯރިޓީ އިދިކޮޅު ފަރާތްތަކަށް ދިނުމަކީ މުހިއްމު ކަމެއް!
ޝާތިރު
29 September 2016
ނުޖެހޭ ދޭކަށް ނުވެސް ދޭނަން.. މޮޔަފުޅުވީތޯ؟
ހުސެން
29 September 2016
ތިކުރަނީ މަޖުބޫރެއްތަ. ނޫނީ އިންޒާރެއްތަ. ނޭނގެނީތަ. ވޯޓުގެ ވާރު އޮންނާނީ ރައްޔިތުމީހާ އަތުކަމެއް. ސަރުކާރަށް ވޯޓުދޭން ވާޖިބުވިޔަސް ދިނިއްޔާނު.
އަހުމަދު
29 September 2016
ތިބޭފުޅާ ވިދާޅުތިވަނީ ކައުންސިލްގެ ފުރިހަމަ އަޢުލަބިއްޔަތު ސަރުކާރައް ލިބެންޖެހޭ ކަމަެއް، އަޅުގަނޑުމެން މިބުނަނީ މެހޯރިޓީ ކީއްކުރަންތޯ އެއްވެސް އ ންތިޚާބެއްގައި ސަރުކާރައް ވޯޓު އިތުރައް ނުދެވޭނެވާހަކަ..