ޕްލޭނިން މިނިސްޓަރު މުހައްމަދު އަސްލަމް މަޖިލިހުގައި މިއަދު ވާހަކަ ދައްކަވަނީ. --- ފޮޓޯ: މަޖިލިސް
25 ނޮވެމްބަރ 2019 - 11:18
16 comments
ރާއްޖޭގެ އެއާޕޯޓުތައް ހިންގަން ބޭރުގެ އެއްވެސް ބަޔަކަށް ދިނުމުގެ ވިސްނުން އަދި ނެތް ކަމަށް ޕްލޭނިން މިނިސްޓަރު މުހައްމަދު އަސްލަމް، ރައްޔިތުންގެ މަޖިލިހުގައި މިއަދު ވިދާޅުވެއްޖެ އެވެ.
ނ. މާފަރު އެއާޕޯޓާ ބެހޭ ގޮތުން މަނަދޫ ދާއިރާގެ އެމްޑީޕީ މެމްބަރު ހާރޫން ރަޝީދު ކުރެއްވި ސުވާލުގެ ޖަވާބުގައި އަސްލަމް ވިދާޅުވީ ބޭރު ބަޔަކު ރާއްޖޭގެ އެއާޕޯޓަކާ ކައިރިވެއްޖެ ނަމަ ދިވެހިންގެ ތެރެއިން ބަޔަކު "ވަރަށް ބިރުނަގާ" ކަމަށެވެ. އެ ސަބަބަށްޓަކައި ބޭރުގެ ބަޔަކަށް އެއާޕޯޓުތައް ހިންގަން ދޭން ބޭނުން ނުވާ ކަމަށް މިނިސްޓަރު ވިދާޅުވި އެވެ.
"އަޅުގަނޑުމެންގެ ނިންމުމަކަށް ވީ ބޭރުގެ ބަޔަކަށް އެއްވެސް އެއާޕޯޓެއް، ހިންގުމަށް، އޮޕަރޭޓް ކުރަން ހަވާލު ކުރުމަކީ އަޅުގަނޑުމެން ބޭނުންވާ ކަމެއް ނޫނޭ،" އަަސްލަމް ވިދާޅުވި އެވެ.
ނަމަވެސް އޭނާ ވިދާޅުވީ މިހާރު އެ ސިޔާސަތު ތަންފީޒު ކުރަމުން ދިޔަޔަސް، ގައުމުގެ ހާލަތު ބަދަލުވާ ވަރަކަށް ސިޔާސަތު ވެސް ބަދަލުވާނެ ކަމަށެވެ.
"މިއަދުގެ ހާލަތުގައި ހިންގެން އޮތް ސިޔާސަތަކީ އެއީ،" އަސްލަމް ވިދާޅުވި އެވެ.
އޭނާ ވިދާޅުވި ގޮތުގައި މާފަރު އެއާޕޯޓު އޮޕަރޭޓް ކުރާނީ އައިލެންޑް އޭވިއޭޝަނުންނެވެ.
އެއާާޕޯޓްތަކާ ބެހޭ ސުވާލު އައީ ބ. ކިހާދު އާއި ކުޑަރިކިލު އަދި ދޮންފަނު ބަނދަރު ހެދުމާ ބެހޭ ގޮތުން ކެންދޫ ދާއިރާގެ ޖުމްހޫރީ ޕާޓީގެ މެމްބަރު އަލީ ހުސެއިން ކުރެއްވި ސުވާލަށް ޖަވާބު ދެއްވުމަށް ފަހު، އަސްލަމާ ސުވާލުކުރަން މެމްބަރުންނަށް ލިބިވަޑައިގެންނެވި ފުރުސަތުގަ އެވެ.
އެމްޑީޕީގެ ފުރަތަމަ ވެރިކަމުގައި، އަސްލަމް ހައުސިން މިނިސްޓަރަކަށް ހުންނެވި އިރު، ވެލާނާ އިންޓަނޭޝަނަލް އެއާޕޯޓް، އިންޑިއާގެ ޖީއެމްއާރަށް 25 އަހަރަށް ކުއްޔަށް ދިނެވެ. އެކަމަކު އޭރުގެ އިދިކޮޅު ފަރާތްތަކުގެ ނުރުހުން ބޮޑުވެ، އާާންމުންގެ ޕްރެޝަރު، މިހާރުގެ ރައްޔިތުންގެ މަޖިލިހުގެ ރައީސް އަދި ކުރީގެ ރައީސް މުހައްމަދު ނަޝީދަށް ކުރިމަތިވެވަޑައިގަތެވެ.
ނަޝީދުގެ ވެރިކަން ވެއްޓުމަށް ފަހު، ރައީސްކަމާ ހަވާލުވެވަޑައިގެންނެވި އެމަނިކުފާނުގެ ނައިބު މުހައްމަދު ވަހީދުގެ ސަރުކާރުން ޖީއެމްއާރުގެ އެއްބަސްވުން އުވާލި އެވެ. ޖީއެމްއާރުން ސިންގަޕޫރުގެ އާބިޓްރޭޝަނަށް ދިއުމުން ބަދަލެއްގެ ގޮތުން 217 މިލިއަން ޑޮލަރު (4 ބިލިއަން ރުފިޔާ) ދޭން ނިންމި އެވެ. އަދި އެ ނިންމުން އައިއިރު ވެރިކަމުގައި ހުންނެވި ރައީސް އަބްދުﷲ ޔާމީންގެ ސަރުކާރުން ވަނީ އެ ފައިސާ ދައްކައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބިރިހިންބެއްޔާ
25 November 2019
"ބޭރުގެ އެއްވެސް ބަޔަކަށް ދިނުމުގެ ވިސްނުން އަދި ނެތް ކަމަށް" ވިދާޅުވީމާ ފަހުން އެކަން ހިގާފާނެ ކަމުގެ ބިރު އެބައޮތްތާ. ދިނަސް ހެޔޮ. އެކަމަކު އެ އަންނަބަޔަކު ބޭނުން ގޮތަކަށް ހަދަން ދޫކުރުން އެއީ ގޯސްގޮތަކަށްވާނީ. އޭރުންވާނީ ޖީއެމްއާރު މީހުން ހެދިހެން އެމީހުންގެ ނަފަޔަށް ހުރިހާކަމެއް ހަދާ މުއްދަތު ހަމަވާއިރު ރަން ފުޑުފުޑުވެފައި އޮތުން.
މާރިޔާ
25 November 2019
އެމިރޭޓްސް، އިއްތިހާދު ފަދަ ބިޔަ އެއަރލައިން ތަކުން މާފަރު ހިންގަން ތައްޔާރަށް އޮއްވާާ، މޯލްޑިިވިއަން މާފަަރު ދިނުން، ހަރުކަށި އިބާރާތުން ކުށްވެރިކުރަން. މީ ސީދާ އަސްލަމްމެން ރާވައިގެން ނ އަތޮޅު މީހުންނަށް ދިން ދެރައެއް
ރަދުން
25 November 2019
އަތޮޅު ރައްޔިތުންނަށް ސީދާ ފައިދާވާގޮތަށް، ބޭރުގެ ބޮޑެތި ފްލައިޓްތަށް ގެނެވޭ ވަރު ބަޔަކަށް ތިޔަންތަން ހިންގަން ހަވާލު ކުރަންޖެހޭނީ.
ަވަޖުދީ
25 November 2019
ޖީއެމްއާރަށް ދެއްކި 217 މިލިޔަން ޑޮލަރުން ޔާމީން އެއްވެސް ވަރެއް ނުނަގާ ދެއްތޮ.
ރާއްޖެ
25 November 2019
ތިލަފުށީގައި އަޅާ ސީޕޯޓް ދެނީ. ޢަސްލަމް އެބުނީ ތެދެއް.
މާފަރު
25 November 2019
މާފަރު އެއަރ ޕޯރޓަކީ ސީދާ ބޭރުބަޔެއްގެ އިންވެސްޓްމެންޓެއް . އަޑުއިވޭގޮތުގައި އަބްދުއްﷲ ޝާހިދުއަށް 5ލައްކަ ޑޮލަރު ނުދީގެން އެމީހުން ގެ އިންވެސްޓްމެންޓް ފުޑާލީ ، މީ ހަމަ ކަނޑައެޅިގެން ދިވެހިންނަށް ލިބުނު ނުވަތަ ދިން ދެރައެއް ، އަސްލަމްގެ ވާހަކައިން ދޭހަވަނީ ޖެއްސުމެއް ކޮއްލިހެން ،،، އަދި ދުވަހެއް ކުރިޔަށް އޮތްކަން ހަދާންކުރާތި
ޒިލް
25 November 2019
މާފަަރު އެއަރޕޯޓް ހިންގުމުގެ ގާާބިލްކަން މޯލްޑިވިއަން އަކު ނެތް. ތިތަން ހިންގަން ޔޫ.އޭ.އީއަށް ދިނުމަށް ނ،އަތޮޅު ރައްޔިތުން ތާއިދުކުރޭ
ރާނީ
25 November 2019
ތީ ހަމަ ސީ ދާ ދިވެހިންނަށް ކުރި މަލާމާތެއް !
ޝޮކްތެރަޕީ
25 November 2019
ބަޔަކަ އޮޅުވާލިޔަސް އަސްލަކީ އައްޑޫ އިޔާޕޯޓާ ކަނޑުގެ ބަދަރު އިންޑިޔާއަ ހެޔޮއަގުގާ ވިއްކާލުން. މިކަން މިކުރަނީ އަސްކަރީ ޕްލޭނެއްގެ ދަށޫން.
އަރުވާލި އާދަނުގެ ސިޔާސީ ހާސަރު
25 November 2019
އަތޮޅެއްގައި އޮތިއްޔާ އޮތް މީހުން ނޫޅޭ ގިނަރަށް ރަށް ރިސޯޓް ހަދަން ބޭރުމީހުންނަށް ފަޅުވެސް ދިނުން އޯކޭ. އެއަރ ޕޯޓެއް ދިނުން ( ނޮޓް ) އޯކޭ. ވަޒީރު އާއި ވަޒީރުގެ ސަރުކާރު ހާދަހާ ބިރެކޭ ދެއްތޮ ތިޔަ ކަމުގައި ތިޔަ ގަންނަނީ. 2008 އެމް ޑީ ޕީ ސަރުކާރަށް 7 ފެބްރުއަރީ އައީ ގެނައީ ގެނެވި ދިޔައީ އެހެން ވެގެން ކަމަށް ހީފުޅުވެ ބިރުފުޅު ގަތުމަކީ ( އަޑީ ދައުލަތު ) ( އަދިރި ) ދައުލަތު ޒާތު މަފްހޫމްއެށް ނޫންތޯ؟؟؟؟