60،000ރ. އިން މަތީގެ އާމްދަނީން ޓެކްސް ނަގަން ކޮމިޓީން ފާސްކޮށްފި

ރައްޔިތުންގެ މަޖިލިހުގެ ޖަލްސާއެއް ހިނގަމުން ދަނީ. --- ފޮޓޯ: މަޖިލިސް

މުހައްމަދު ޔާމީން، މިހާރު

27 ނޮވެމްބަރ 2019 - 16:27

އިންކަމް ޓެކްސް ނަގާ އާމްދަނީގެ އެންމެ ދަށް ސީލިންގެ ގޮތުގައި 60،000ރ. ކަނޑައެޅުމަށް ރައްޔިތުންގެ މަޖިލިހުގެ މުޅި ކޮމިޓީން މިއަދު ފާސްކޮށްފި އެވެ.

ސަރުކާރުގެ ފަރާތުން، އުނގޫފާރު ދާއިރާގެ މެމްބަރު މުހައްމަދު ވަހީދު މިދިޔަ މަހު ހުށަހެޅުއްވި އެ ބިލް އެންމެ ފުރަތަމަ ހުށަހެޅި އިރު އޮތީ އިންކަމް ޓެކްސް ދައްކަން ޖެހޭނީ މަހެއްގެ މައްޗަށް އާމްދަނީ 40،000ރ. އަށް ވުރެ އިތުރުވާ ބައިންނެވެ. އެކަމަކު، މުޅި މަޖިލިސް ކޮމިޓީން ވަނީ ޓެކްސް ނެގުމަށް ކަނޑައަޅާފައިވާ ބްރެކެޓުތައް މަތިކޮށް އަދި ޓެކްސް ނަގާ ޕަސެންޓް ވެސް ކުޑަކޮށްފަ އެވެ.

އިންކަމް ޓެކްސް ނެގުމަކީ މި ސަރުކާރުގެ ވައުދެކެވެ.

ކުރީގެ ރައީސް އަދި މަޖިލިހުގެ ރައީސް މުހައްމަދު ނަޝީދު ވެސް އިންނަވާ އެކޮމިޓީން އެގޮތަށް ފާސް ކުރި އިރު، މި އަހަރު ބޭއްވި މަޖިލީހުގެ އިންތިހާބު ދުވަސްވަރު އާންމުކުރި ސަރުކާރު ކޯލިޝަންގެ އެންމެ ބޮޑު ޕާޓީ، އެމްޑީޕީގެ "އެޖެންޑާ 19" ގެ ސިޔާސަތުގެ ދަށުން އިންކަމް ޓެކްސް ނަގާނީ މަހަކު 60،000ރ. އަށް ވުރެ ބޮޑު އާމްދަނީއެއް ލިބޭ މީހުންގެ އަތުން ކަމަށް ބުނެ އެކަން އާންމުކޮށްފައިވެ އެވެ.

މަޖިލިހުގެ ކޮމިޓީން ނިންމީ މަހެއްގެ މައްޗަށް 60،000ރ. އާއި 100،000ރ. ރުފިޔާއާ އާ ދެމެދުގެ އާމްދަނީއެއް ލިބޭ މީހުންގެ އަތުން ޓެކުހުގެ ގޮތުގައި ނަގާނީ އާމްދަަނީގެ 5.5 ޕަސެންޓު ކަމަށެވެ. ކުރިން ބިލްގައި އޮތީ މަހެއްގެ މައްޗަށް 40،000ރ. އިން ފެށިގެން 60،000ރ. އާ ހަމައަށް އާމްދަނީ ލިބޭ މީހުންގެ އަތުން އިންކަމް ޓެކްސްގެ ގޮތުގައި ނަގަން ވާނީ އަށް ޕަސަންޓު ކަމަށެވެ.

ބިލްގައި ކުރިން އޮތް ގޮތުން 60،000ރ. އާއި 100،000ރ. އާ ދެމެދުގެ އާމްދަނީއެއް ލިބޭ ނަމަ 10 ޕަސެންޓް އަދި 100،000ރ. އަށް ވުރެ ބޮޑު އާމްދަނީއެއް ލިބޭ މީހުން 15 ޕަސެންޓްގެ އިންކަމް ޓެކްސްއެއް ދައްކަން ޖެހޭނެ އެވެ. އެކަމަކު، މިހާރު ބިލަށް ގެނައި ބަދަލުގެ ސަބަބުން 100،000ރ. އާއި 150،000ރ. އާ ދެމެދުގެ އާމްދަނީ ލިބޭ މީހުންގެ އަތުން ނެގުމަށް ހަމަޖެހިފައި ވަނީ އަށް ޕަސަންޓެވެ.

މީގެ އިތުރުން 100،000ރ. އަށް ވުރެ ގިނައިން އާމްދަނީ ލިބޭ ފަރާތްތަކުގެ އަތުން ޓެކުހުގެ ގޮތުގައި 15 ޕަސެންޓް ނަގަން ބިލުގައި ވީނަމަވެސް އެމްޑީޕީގެ ހުށަހެޅުމަކީ 150،000ރ. އާއި 200،000ރ. އާ ދެމެދުގެ އަމްދަނީއެއް ލިބޭ މީހުންގެ އަތުން 12 ޕަސެންޓުގެ ޓެކްސް ނެގުމަށެވެ.

އެގޮތަށް ހުށަހެޅުއްވީ އެމްޑީޕީގެ ޕާލަމެންޓްރީ ގްރޫޕްގެ ލީޑަރު އަދި މެދުހެންވޭރު ދާއިރާގެ އަލީ އާޒިމެވެ.

ސަރުކާރުން ކަނޑައަޅާފައިވާ އުސޫލުން އިންކަމް ޓެކްސް ދައްކަން ޖެހޭ މީހުންގެ އަދަދު އުޅޭނީ ގާތްގަނޑަކަށް 6،000 ގަ އެވެ. ރާއްޖޭގައި 40،000ރ. އާއި 60،000ރ.އާ ދެމެދުގެ އާމްދަނީއެއް ލިބޭ މީހުންގެ އަދަދަކީ ގާތްގަނޑަކަށް 2،600 އެވެ. އެކަމަކު، 60،000ރ. އިން މަތީގެ އާމްދަނީން ޓެކްސް މަޖިލިހުން ފާސްކޮށްފި ނަމަ، ޓެކްސްގެ ގޮތުގައި ދައްކަން ޖެހޭ މީހުންގެ އަދަދެއް އަދި ސާފެއް ނުވެ އެވެ.

ދިވެހި ސަރުކާރު ރައްޔިތުންގެ މަޖިލިސް މަޖިލީހުގެ މެމްބަރުން ޓެކްސް އާމްދަނީން ނަގާ ޓެކްސް

24 ކޮމެންޓް, 54 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މިމްބަރު

28 November 2019

ރެކިގަތީ ދޯ؟ ތި މެންބަރުންނަށް ލިބޭ އިނާޔަތްތައް މަދުކުރޭ! އިނާޔަތްތައް ހައްޤުވާވަރަށް މަސައްކަތް ނުކުރެވޭ ބަޔަކަށް ކީއްކުރަން ދޭ އެއްޗެއް! ތިތާ ނެތް ރަނގަޅު އެކަކުވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޫހީ

28 November 2019

ނެތް މިތާކު އުޅެވެން ބުރަ މަސައްކަތްކޮށެގެން ހޯދާ ފައިސާކޮޅު ފެލާލައިގެން ގައުމު ހިންގަން. ބަލަ އަހަރުމެން ތި ޓެކްސް ދެއްކީމަ ހިލޭ ކުނި އުކައިދޭތަ ހިލޭ ބޭސްފަރުވާ ކޮށްދެންތަ ހިލޭ ޓްރާންސޯޓް ދެންތަ ހިލޭ ކަރަންޓް ދެންތަ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔު

28 November 2019

ގައުމު އަންނިއާ ހަވާލު ކޮއްފަ ދާންވީ. މިތާގަ ނެށް އުޅެވޭކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރޭ

28 November 2019

މައުމޫނުގެ ވެރިކަމަށްފަހު އަބަދުވެސް ޓެކުސްނަގައިގެން ގައުމު ހިންގަން އުޅޭ ވާހަކަ ނުން ވާހަކައެއް ނުފެނޭ .ފުރަތަމަ މިޓެކުސް ނަކާފައިސާރައްޔަތުން ނަށް ލިބޭނެ ކަންކަން ކުރެވޭނެނަމަ މާރަނގަޅު ވާނެ. ޓެކުސް ނެގޭމީހާއަށް ކުރިއެމުމެއް ލިބޭނެ ކަމެން ނެތި ހަމަ ޓެކުސް ނެގުން އެއީ ހަމަޖެހޭކަމެއްބާ.ރައްޔަތުން ކުރިއަށް ދާނެ ކަންކަން ދައްކާފަ ޓެކުސް ނަގާނަމައޭހިތަން އަރާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުވާނާ.

27 November 2019

ޜިސޯޓު މުވައްޒަފެއްގެ މުސާރަ 12.000 ރުފިޔާ ކަނޑައަޅަން ނުކެރުނު ބައެއްތީ ދެންނުދޭނަން ވޯޓެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފުލައިލާ

28 November 2019

ރިސޯޓު މުވައްޒަފުންގެ މުސާރަ ކީއްކުރަން 12 ހާހުގައި ބަހައްޓަންވީ 1 މިލިއަންއަށް ހެދިއްޔާ މާރަގަޅެއްނު؟ ކޮއްކޯ، މިއިން ކޮންމެ ކަމަކީ އިގްތިސޯދަސް އޭގެ އެތައް އަސަރެއް ކުރާނެ ކަމެއް. ސަރުކާރަށް ފައިސާ ޗާޕުކޮށްގެން ކޮންމެ މަހަކަ ކޮންމެ މީހެއްގެ މުސާރަ 1 މިލިއަނަށްވެސް ހެދިދާނެ. ދެން ވާނެ ގޮތް އިގޭތަ؟ ފައިސާގެ އަގު ވެއްޓި ތަކެތީގެ އަބު ބޮޑުވާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓެކުސް

27 November 2019

އާމްދަނީ އޭ ތިކިޔަނީ، ގްރޮސް އިންކަމް ތޯ ނޫނީ ނެޓް އިންކަމް ތޯ.. ނެޓް އިންކަމް ވެއްޖިއްޔާ ތި ބްރެކެޓް ބޮޑު ކޮށްގެން މަޖިލިސް މެމްބަރުން ވެސް ޓެކްސް ދައްކާކަށް ނުޖެހޭނެ ދެއްތޯ. ނެޓް އިންކަމް އަށް 40،000 ލިބޭނީ ވަރަށް މަދު ބަޔަކަށް. ނެޓް އިންކަމް 40،000ރ އިން މަތިން ޓެކްސް ނެގުން ރަނގަޅީ. އެއީ ހުރިހާ ހަރަދެއް ކަނޑާފަ 40،000ރފ ސޭވް ކުރެވޭ މީހަކަށް ޓެކްސް ދައްކައިން ގެއްލުމެއް ނުވާނެ. އެހެން ގައުމު ތަކުގަ އިންކަމް ޓެކްސ ނަގަނީ ނެޓް އިންކަމް އިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Sham KL

28 November 2019

އާއމުދަނީއޭ އޮތުމުން އޭގެ މާނަޔަކީ ގުރޮސް އިންކަން އެވެ. ރައްޖޭގަވެސް ޓެކްސްބިނާކުރާ އަލްދަނީ ވާނީ ގުރޮސް އިންކަމް. ދެންހުނާނީ އެއިންކަނޑާލެވޭނެކަަށް ގާނޫންނހުއްދަކުރާ މަދުބާވަތެއް، މިސާލު ޕެންށަނަށް ދެއްކިފައިސާގެތެރެއިން ބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވެދުން ސަލާމަށްފަހު

27 November 2019

ހަޤީހަތުގަ ޕަސެންޓްތައް ކުޑަ އަދި ބޭންޑުތައް މަތި. އެކަމަކު އަލަށް ފުރަތަމަ ފަހަރަށް ވީމަ އޯކޭތާ ތިވަރުވެސް ނަގާތީ. ފަހުން އަދި 40،000ރ އިން މައްޗަށް ނަގާ ގޮތަށް ހެދިދާނެތާ. ކުއްލިއްކަށް ނަގަން ފެށީމަ މެދު ފަންތީގެ ވިޔަފާރި ވެރިންނަށްވެސް ދަތިވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީރާޖާ

27 November 2019

ތި ބަދަލުގެ ސަބަބުން އިތުރުވާ ޑެފިސިޓް ފޫބައްދާނެ ގޮތެއްވެސް މަޖިލީހުން ބުނެދޭންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލިއޮނެ

28 November 2019

އިންކަމް ޓެކްސް ނެގީމަ ކޮން ޑެފިސިޓެއް އަންނަން ޖެހެނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢާޣާ

28 November 2019

ލިއޮނެ އަށް ސާބަސް. އެބުނީ އެބަދަލުގެ ސަބަބުން ދައުލަތަށް ލިބޭ އާމްދަނީ މަދުވެ، ދަރަނި ދައްކަން ހުރި ފައިސާ މަދުވުމުން ޑެފިސިޓްވާ ވާހަކަ. ޓެކްސް ނެގީމަ ޑެފިސިޓް ވެއެކޭނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

27 November 2019

އިންކަމްޓެކްސް ޤާނޫނާއިއެކު ޤާނޫނުތަންފީޒު ކުރުމަށާއި ޓެކުހުންބދައުލަތަށް ލިބެންޖެހޭ ސައްޙަ އަދަދު ނުވަތަ ރެވެނިއު ހިމާޔަތްކޮށް ހޯދުމުގެ ބާރު ޤާނޫނުތަކަށް ދޭންޖެހޭ. # މިގޮތުން ރިސޯޓެއް، ފަޅުއޮނޑިފަހަރު، ގެސްޓް ހައުސްއާއި ދަނޑުބިންތައް، އެޕާޓްމަންޓްތަކާއި ފިހާރަ ގުދަން އަދި އޮފީސްފަދަ ތަންތަން ކުއްޔަށްދިނުމާއި ހިފުމުގެ އެއްބަސްވުން މަދަނީ ކޯޓްގައި ރެޖިސްޓްރީ ކުރުން ޓެކްސް ޤާނޫނުގެ ދަށުން ލާޒިމް ކުރާންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޝްރަފު

27 November 2019

3 މަސްދުވަހުން މީހުން އަހުލުވެރިކޮށް ތިޔަ ސިސްޓަމް ޤާޢިމުކުރަން ވާން ޖެހޭ ތައްޔާރީތަށް ވެވޭނެބާ؟ މީގެ ތެރޭގައި އެކައުންޓްތައް އުފެއްދުމާ، ލިޔެކިޔުން ތަރުތީބު ކުރުމާ މިފަދަ އެތައް ކަމެއް ހިމެނޭނެ! އަދި މީރާ ތިޔަ ކަމަށް ތައްޔާރުވުމާ ރަޖިސްޓްރީ ކުރުން ފަދަ ކަންތައްވެސް!