ހައްޔަރުކުރި މަންނާން މިއާ: އޭނާ ހައްޔަރުކުރީ އިމިގްރޭޝަންގެ ގާނޫނާ ޚިލާފުވެ ގެސްޓު ހައުސްއެއް ހިންގި މައްސަލައިގައި.
01 ޑިސެމްބަރ 2019 - 22:48
29 comments
މާލޭގައި ގަވާއިދާ ޚިލާފަށް ގެސްޓު ހައުސްއެއް ހިންގައި އެތަނުގައި 100 އަށް ވުރެން ގިނަ ބިދޭސީން ތޮއްޖައްސައިގެން ގެންގުޅުނު މައްސަލައިގައި ބަންގްލަދޭޝް މީހަކު ހައްޔަރުކޮށްފި އެވެ.
އިމިގްރޭޝަނުން ބުނީ މަންނާން މިއާ، 29، ހައްޔަރުކުރީ މިދިޔަ މަހުގެ 21 ގައި ފުލުހުންނާ އެކު ހިންގި އޮޕަރޭޝަނެއްގައި ކަމަށެވެ. އިމިގްރޭޝަންގެ ގާނޫނާ ޚިލާފު އަމަލުތަކެއް އޭނާ ހިންގާފައިވާ ކަމަށް ތުހުމަތު ކުރެ އެވެ.
އިމިގްރޭޝަނުން އާއްމުކޮށްފައިވާ އެ އޮޕަރޭޝަންގެ ވީޑިއޯ އިން ފެންނަ ގޮތުގައި ބިދޭސީމީހާ ހިންގި ގެސްޓު ހައުސްއަކީ އިންސާނުން ދިރިއުޅެން އެކަށީގެން ނުވާ ތަނެކެވެ. އިމާރާތުގެ ބޮޑު ބައި ހަދާފައި ހުރީ ޓިނު ޖަހައިގެންނެވެ.
Immigration aai @PoliceMv gulhigen hingi “routine inspection” ehgai Immigrationge Qanoonaa hilaaf vegennaai, qavaaidhaa hilaafah registry nukoh guest house hingamun dhiumaai gulhigen, bidheysee aku vanee Immigrationge belumuge dhashah genevifa.#RayyithungeHidhumathuga#Gulhigen pic.twitter.com/t8UrlzB6QR
— Maldives Immigration (@ImmigrationMV) December 1, 2019
އޮޕަރޭޝަނާ ގުޅޭ ގޮތުން އިމިގްރޭޝަނުން އާއްމުކޮށްފައިވާ ވީޑިއޯ.
އެތަނުގެ ތެރޭގައި 90 އަކަފޫޓުގެ 11 ކޮޓަރި ހުރި އިރު، ހުރިހާ ތަނެއްގައި ވެސް ވަނީ ބިދޭސީން ނިދަން އަށިތައް ހަދައިފަ އެވެ. މިތަންތަން ހަދާފައި ހުރީ ދަގަނޑު ހޮޅި އާއި ލަކުޑި ބޭނުންކޮށްގެންނެވެ. އެތަނުގައި ސާފުތާހިރުކަން ކުޑަ އިރު، ވައިދައުރުވާ ގޮތެއް ވެސް ނެތެވެ. ފާޚާނާތަކުގެ ހާލަތު ދަށެވެ.
އިމިގްރޭޝަނުން މި އޮޕަރޭޝަންގައި އަތުލައިގަތީ އެންމެ މީހެކެވެ. މިފަދަ ގިނަ ގެސްޓު ހައުސްތައް ބިދޭސީން މާލޭގައި ހިންގަ އެވެ. ބައެއް ތަންތަނުގައި ބިދޭސީން ނިދަނީ، ދަންފަޅި ބަހައިގެންނެވެ.
އިމިގްރޭޝަނުން ބުނިގޮތުގައި ގަވާއިދާ ޚިލާފަށް ހިންގި ގެސްޓް ހައުސްގައި ތިބި އެންމެން ގާނޫނީ އިމުގެ ތެރެއަށް ވަންނަން މިހާރު ވަނީ ފުރުސަތު ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޗސދޗފ
02 December 2019
ކޮބާ ގޭގެ ވެރިމީހާ؟ ކިހާ ވަރަކަށް ކުއްޔަށް ދިނީ؟
ވަހީދު
02 December 2019
އެއޮތް މީހުން ގިނަ އިންޑިއާގައި ވެސް ބިދޭސް އުޅޭ ނޫޅޭގޮތް ދެނެގަނެވޭ.
އައިޖޭ
02 December 2019
ތިޔަ ތަނުގަ 100 މީހުން ބޭތިއްބީ ގަދަކަމުންތަ؟ ތިޔަ ތަން ކުއްޔަސް ހިފައިގެން އުޅެނީ ހަމ ތިޔަ ބަންގްްލަދޭޝް މީހަ؟ ދިވެއްސެއްގެ އަތެއް ނެތް؟ ތިޔަ ތަނުގެ ވެރިފަރާތެއްވެސް އުޅޭނ ެދޯ
އަހައްމަދޫ
02 December 2019
ތިކަހަލަ ކިތައް ތަން. އަޅާލާނޭ މުއައްސަސާއެއްނެތް. މިކަހަލަ އެންމެތަނެއްގެ ވާހަކަ ނޫހަށް އަރުވާލީމަ އެމައްސަލަ ހައްލުވީ.
އަބްލީ
02 December 2019
މަންނާނު ކިޔާފިއްޔާ ނުވާނެ ރަނގަޅެއް.
ހިއުމަންޓްރެފިކް
02 December 2019
ކަރަންކާ މަގު ކިލިސްފަރުގެޔާ ބުރަކި ގެޔާ ވައިޓްސްޓްރީމާ ސްނޯޑްރޮޕާ އަދިވެސް ބައެއް ގޭގޭގަ އެބަ އުޅޭ 1000 ވަރަކަށް މީހުން. މި ދައްކަނީ 10 ފޫޓު ފުޅާ 100 ފޫޓު ދިގު ކުޑަ މަގެއްގެ ވާހަކަ. މި މަގުން ހިނގާފަ ދާއިރު ތަންތަނުން ދުވާ ވަހުން އިނގޭ އެމީހުން އުޅޭ ހާލު.
ސަހަރު
02 December 2019
ކުދިން ބަހައްޓާ ގޭގެވެސް މި ގޮތަށް ހިންގާ. ޖެންޑާ މިނިސްޓަރުގެ ސަމާލުކަމަށް ގެންނަން ޖެހޭ ކަމެއް
ސިމްޕަލް
02 December 2019
ދިރިއުޅެން އެކަށީގެން ނުވާ ތަންތަން ފާހަގަ ކުރާ މިންގަޑެއް ރާއްޖޭގައި އޮވޭބާ؟ ބައެއް ގައުމު ތަކުގައި ހުރޭ އަކަ ފޫޓުން ކަޑައަޅައި އެތަނެއްގައި އެންމެ ގިނައިން ނިދޭނެ މީހުންގެ އަދަދާއި، އެތަނުގައި ހުންނަން ޖެހޭ ފާޚާނާގެ އަދަދާއި، ވައި ދައުރުވާނެ ނިޒާމް ހުންނަން ޖެހޭނެ ގޮތް ކިޔައިދީފައި.
ބަނާނާ
02 December 2019
މިކަހަލަ އެތައް ސަތޭކަ ތަ ނެއް ފާޅުގައި ހި ންގާކަ ން ނޭގެ ނީ އިމިގްރޭޝަ ން އާ މިކަ ން ބަލަ ން ޖެހޭމީހު ން ނަށް އެކަ ނި.
ދޮންމަނިކެ
02 December 2019
ލަދުކޮބާ އަހަރެމެން ދިވެހީންގެ ގެރިބަކަރިހެން ގިއްކިޔާފަ މަސައްކަތްކޮށް މި ދިވެހި ބިން އާރާސްތު އެކޮށްދެނީ އެމީހުން ދިވެއްސަކު މިހާރު ނުހުންނާނެ ކުޑަމިނުން އެޅިގަލެއް އުފުއްލާލަން ކެރޭ ބާޒާރުކޮށްލަން ކެރޭ.. މިއީ ހަގީގަތް
ނެކްސްޓް
02 December 2019
ގަވާއިދާ ހިލާފަށް އުޅެ ބަންގާޅީން ގިނަ ވީމަ ތިކަން ހައްލުވާނެތަ؟