ކައުންސިލްތަކުގެ ދައުރު ފަސް އަހަރަށް ބަދަލުކުރަން ފާސްކޮށްފި

ރައްޔިތުންގެ މަޖިލިހުގެ ޖަލްސާއެއްގައި މެމްބަރުން ބައިވެރިވަޑައިގަންނަވަނީ. --- ފޮޓޯ: މަޖިލިސް

މުހައްމަދު ޔާމީން، މިހާރު

03 ޑިސެމްބަރ 2019 - 15:03

ލޯކަަލް ކައުންސިލްތަކުގެ ދައުރު ފަސް އަހަރަށް ބަދަލު ކުރަން ގާނޫނުއަސާސީ އަށް ގެންނަން ހުށަހެޅި އިސްލާހު ރައްޔިތުންގެ މަޖިހުން މިއަދު ފާސްކޮށްފި އެވެ.

މަޖިލިހުގެ ހިތަދޫ އުތުރު ދާއިރާގެ އެމްޑީޕީ މެމްބަރު މުހައްމަދު އަސްލަމް ހުށަހެޅުއްވި ބިލް ފާސްކުރީ ވޯޓުގައި ބައިވެރިވެވަޑައިގެންނެވި 69 މެމްބަރުންގެ އިއްތިފާގުންނެވެ.

ބިލް މަޖިލިހުން ފާސްކުރީ އެއަށް އިތުރު ދެ އިސްލާހެއް ވެސް ލައިގެންނެވެ.

މެދު ހެންވޭރު ދާއިރާގެ މެމްބަރު އަލީ އާޒިމް ހުށަހެޅުއްވި އެއް އިސްލާހުގައި ވަނީ އެ ބިލަށް އަމަލު ކުރަން ފަށާނީ ބިލް ތަސްދީގުކޮށް ސަރުކާރުގެ ގެޒެޓްގައި ޝާއިއުކުރާ ދުވަހުން ފެށިގެން ކަމަށެވެ.

ދެ ވަނަ އިސްލާހަކީ ސިޓީ ކައުންސިލްތަކާއި އަތޮޅު ކައުންސިލްތަކާއި ރަށު ކައުންސިލްތަކަށް މެމްބަރުން އައްޔަން ކުރަންވާނީ ބިލަށް އަމަލު ކުރަން ފެށުމަށް ފަހު ދެން އެންމެ އަވަހަށް ބާއްވާ ކައުންސިލް އިންތިހާބުގައި ކަމަށެވެ.

ގާނޫނުއަސާސީ އަށް ބަދަލު ގެންނަން މަޖިލިހުން ފާސްކުރި އިރު، ކައުންސިލްތަކަށް ބޮޑެތި ބާރުތަކެއް ދީ ލާމަރުކަޒީ ގާނޫނު އިސްލާހު ކުރަން ރައްޔިތުންގެ މަޖިލީހަށް ސަރުކާރުން ވަނީ ބިލެއް ވެސް ހުށަހަޅައިފަ އެވެ. މަޖިލިހުގެ ލާމަރުކަޒީ ކޮމިޓީން އެ ބިލް ދިރާސާކޮށް މިހާރު ވަނީ ތަޅުމަށް ވެސް ފޮނުވައިފަ އެވެ.

ސަރުކާރުން ހުށަހަޅާފައިވާ ގޮތަށް ކައުންސިލްތަކުގެ ދައުރަކީ ފަސް އަހަރު ކަމަށް ހަމަޖެއްސުމަށް މުޅި މަޖިލިހުގެ ކޮމިޓީން ވެސް ނިންމި އެވެ.

މިހާރު ކަނޑައަޅާފައިވާ ގޮތުން ކައުންސިލްތަކުގެ ދައުރަކީ ތިން އަހަރެވެ. ގާނޫނުއަސާސީއަށް ގެނައި އާ ބަދަލު ތަސްދީގުކޮށްފި ނަމަ، ކައުންސިލްތައް ދެން އިންތިހާބު ކުރާނީ ފަސް އަހަރަށެވެ.

ލާމަރުކަޒީ ގާނޫނަށް ހުށަހެޅި އިސްލާހުތަކުގެ ތެރޭގައި ކައުންސިލްތަކުން ވަކިކުރި ބާރުތައް އަލުން އިޔާދަކޮށްދީ ރައްޔިތުންގެ މަންދޫބުންގެ ބައިވެރިވުމާ އެކު ކައުންސިލްތައް ހިންގޭނެ މަގުފަހިކޮށްދޭނެ ކަންކަން ހިމެނެ އެވެ. އޭގެ ތެރޭގައި ކައުންސިލްތައް މާލީ ބާރުވެރިކުރުވުމުގެ ގޮތުން ދައުލަތުގެ އާމްދަނީގެ ފަސް ޕަސެންޓަށް ވާ ފައިސާ ދިނުން ހިމެނެ އެވެ.

ކައުންސިލްތަކުގެ އިހްތިސާސްގައި ނުހިމެނޭ ބިމާއި ފަޅާއި ފަރުގެ ސަރަހައްދުތަކުގެ ކުލީގެ 40 ޕަސެންޓަށް ވާ ފައިސާ، ފިސްކަލް ފޯމިއުލާއެއްގެ ދަށުން ހުރިހާ ކައުންސިލްތަކަށް ބެހިގެންދާ ގޮތަށް ހަމަޖައްސަން ވެސް ބިލްގައިވެ އެވެ.

އަންނަ އަހަރުގެ ބަޖެޓްގައި ކައުންސިލްތަކަށް ދޭނެ މިންވަރެއް ކަމަށް ކަނޑައަޅާފައި ވަނީ 1.6 ބިލިއަން ރުފިޔާ އެވެ.

ކައުންސިލް އިދާރާ ދިވެހި ސަރުކާރު ރައްޔިތުންގެ މަޖިލިސް ރަށު ކައުންސިލް މަޖިލީހުގެ މެމްބަރުން އަތޮޅު ކައުންސިލް ސިޓީ ކައުންސިލް ލާމަރުކަޒީ ހިންގުން

8 ކޮމެންޓް, 13 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަންނަ

04 December 2019

10 އަހަރަށް ހުރިހާ އިންތިޚާބެއް ހަދައިފައި އެއް ދައުރު ކުރިމަތި ލެވޭ ގޮތް ހެދީމަ މާރަގަޅު ވާނެ! ދެވަނަ ފަހަރަށް ކުރިން ހުރި މީހާ ނޫޅޭނެ އޭރުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބޭ

03 December 2019

މިހުރިހައި އިންތިހާބެއް އެއްދުވަސް ވަރެއްގައި ބާވާގޮތަށް ގާނޫނު އިސްލާހް ކޮއްދީބަލަ، ރައީސުންނާ، މަޖްލިސް މެންބަރުންނާ ކައުންސިލަރުން ވެސް ހިމަނާގެން، މިހާރު މިއޮންނަގޮތުން 5 އަހަރުގެ ޓާމެއްގައި ދެއަހަރު މިދަނީ މިކެންޕޭނެއްގެ ކަންތަކުގައި ގައުމު އޮންނަނީ ހުއްޓިފައި، އަދި ވެރިކަން ބަދަލް ވުމާއެކު ހޮވޭސަރުކާރަކުން އަނެއްދުވަހު ސަރުކާރާ ހަވާލްވާގޮތަށްވެސް ފާސްކޮއްދީބަލަ، އެހެންނޫނީ މިވާގޮތަކީ ފެއިލްވާ ސަރުކާރުން ކަންކަން ފަސްއަޅައި ފޮރުވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެންދެރި

03 December 2019

ކައުންސިލަރުންނަށް ކުރިމަތިލެވޭނެ ޝަރުތެއް ކަނޑަ އަޅާ ބަލާށެވެ. ގިނަ އީ ތައުލީމއ ނެތް އެކްޓިވިސްޓުންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބީޓްރޫޓު

03 December 2019

މަޖިލިސް އަދި ކައުންސިލް އިންތިހާބު އެކު އެކީގަ ބޭއްވުން ކިހިނެއް ވާނެތޯ؟ ވަރަށް ބޮޑު ހަރަދަކުން ސަލާމަތް ވާނެ އޭރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޖީބާ، ރ.ވާދޫ

03 December 2019

އެއްގޮތަކުން މިއީ ވަރަށް ރަގަޅު އިސްލާހެއް. މީގައި ދެރަވަނީ އަހަރެމެން ރަށް ރ.ވާދޫ ކަހަލަ ރަށްތަކުގައިވެސް އަދިވެސް ވެރިކަން ކުރަމުން އަންނަނީ އެއްބަޔަކު ގަބުޅި ކަތީބުންގެ އުސޫލުން. މިހާރުވެސް މަޤާމުގައި 09 އަހަރުވީ ކައުންސިލަރުން ތިބީ. އެއްވެސް ބަދަލެއް މިމީހުންނަށް ނާދޭ. އިސްލާޙްގައި ކައުންސިލަރެއްގެ މަޤާމުގައި ހުރެވޭނެ އުމުރުވެސް ކަނޑައަޅާފައި އޮތުމަކީ ރަަގަޅުކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުތުފީ

03 December 2019

ރަގަޅު ނިންމުމެއް. ކައުންސިލުގެ އިންތިޚާބާއި ރައްޔިތުންގެ މަޖިލިސް އިންތިޚާބް އެކުއެކީގަ ބާއްވަންވީ. ގިނަ އިންތިޚާބު ބޭއްވުމަކީ ދައުލަތުންނާއި، އިންތިޚާބުތަކުގައި ބައިވެރިވާ މީހުންގެ އަތުންވެސް ބޮޑު ހޭދައެއް ކުރަންޖެހޭކަމެއް. ކައުންސިލް އިންތިޚާބު، މަޖިލިސް އިންތިޚާބާ އެކުއެކީ ބާއްވަން، މިހާރުގެ ކައުންސިލް ގެ ދައުރު ދަންމާލަންވީ، ނޫނީ ދެން އިންތިޚާބުކުރާ ކައުންސިލް ގެ ދައުރު ކުރުކޮށް، 2024 ގަ އޮންނަ މަޖިލިސް އިންތިޚާބާ އެކީ ބާއްވަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބުރުލް ސަލީމް

03 December 2019

މީތި ކަޑަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިލާވަޅު

03 December 2019

ކައުންސިލްތަކަކީ އުވާލަންފެވީތަންތަން ، ކުރީގެ ސިސްޓަމް މާރަގަޅުކަމައް ތަޖުރިބާއިން ފެންނަނީ ކައުންސިލް މެންބަރުން އެކަކު އަނެކަކައް ތިބެނީ ކަނޑި ނަގައިގެން މިވަރުން ކިހިނެއް ކަމެއްކުރާނީ، ވިޔަފާރިއެއް ކުރަން ދިޔަޔަސް ފެންނަނީ މިމީހުން ޒުވާބުކުރާތަން ތިމަންނަމެންގެ ސަރުކާރުގަ ކަމެއް ނުވީމަ ކަލޭމެންގެ ސަރުކާރުގަވެސް ކަމެއްވިޔަކަ ނުދޭނަމޭ މިއީ އަޅޫގނޑު ވިޔަފާރިކުރަން ރައްރަށުގެ ކައުންސިލްތަކާ ބައްދަލުކުރުމުން ފެނުނުކަންކަން