މާލޭ ސިޓީ ކައުންސިލްގެ ބައެއް މެންބަރުން ނޫސްވެރިންގެ ބައްދަލުވުމެއްގައި: --ފޮޓޯ: މިހާރު
04 ޑިސެމްބަރ 2019 - 08:59
25 comments
މާލެ ސިޓީ ކައުންސިލަށް 19 ކައުންސިލަރުންނާއި އައްޑު އަށް 11 ކައުންސިލަރުން އަދި ފުވައްމުލަކަށް ހަތް ކައުންސިލަރުން އިންތިހާބުކުރަންޖެހޭ ގޮތަށް އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނަށް އިސްލާހު ހުށަހަޅައިފި އެވެ.
ސަރުކާރުގެ ފަރާތުން ހުޅުމާލެ ދާއިރާގެ އެމްޑީޕީގެ މެމްބަރު އަލީ ނިޔާޒް ހުށަހެޅުއްވި ބިލް، ލާމަރުކަޒީ ކޮމިޓީން ދިރާސާ ކުރި އިރު، ބޮޑެތި ބަދަލުތަކެއް ބިލަށް ވަނީ ގެނެސްފަ އެވެ. ކޮމިޓީގެ ރިޕޯޓު މަޖިލިހުގެ ތަޅުމަށް ފޮނުވާފައިވާ އިރު، އަންނަ ހޮނިހިރު ދުވަހު މަޖިލިސް ޗުއްޓީ އަށް ދިއުމުގެ ކުރިން ބިލް ފާސްކުރާނެ ކަމަށް ބެލެވެ އެވެ.
ކޮމިޓީން ގެނައި އެންމެ މުހިންމު އެއް ބަދަލުގެ ގޮތުގައި ބުނެފައި ވަނީ އާބާދީ 10،000 އާއި 30،000 ދެމެދުގެ ސިޓީއެއް ނަމަ ހަތް ކައުންސިލަރުން އެ ސިޓީއެއްގައި ތިބެން ޖެހޭނެ ކަމަށެވެ.
ސިޓީއެއްގައި ނަމަ، ސިޓީގައި ރަޖިސްޓަރީ ކުރެވިފައިވާ އާބާދީގެ އަދަދަކީ 30،000 މީހުންނާއި 60،000 މީހުންނާ ދެމެދު ނަމަ 11 ކައުންސިލަރުން އިންތިހާބުކުރަން ޖެހޭނެ ކަމަށް ބިލްގައިވެ އެވެ. އަދި ސިޓީއެއްގައި ރަޖިސްޓަރީ ކޮށްފައިވާ އާބާދީގެ 60،000 އަށް ވުރެ އިތުރު ނަމަ، 19 ކައުންސިލް މެމްބަރުން އިންތިހާބު ކުރަން ޖެހޭނެ ކަމަށް ވެސް ބިލްގައިވެ އެވެ.
ރާއްޖޭގައި ސިޓީގެ ދަރަޖަ ދީފަ އޮތީ މާލެ އާއި އައްޑު އާއި ފުވައްމުލަކަށެވެ.
ރައްޔިތުންގެ މަޖިލިހުގެ ލާމަރުކަޒީ ކޮމިޓީގެ ބައްދަލުވުމެއް ކުރިއަށް ދަނީ. ---
ބިލް މަޖިލިހުން ފާސްކޮށް، ރައީސް އިބްރާހިމް މުހައްމަދު ސޯލިހް ތަސްދީގު ކުރައްވައިފި ނަމަ، މާލެ އަށް އިންތިހާބު ކުރަން ޖެހޭނީ 19 ކައުންސިލަރުންނެވެ. ގާނޫނުގައި މިހާރު އޮންނަ ގޮތުން އެ ކައުންސިލަށް އިންތިހާބު ކުރަނީ 13 ކައުންސިލަރުންނެވެ. އަދި އައްޑު އަށް 7 ކައުންސިލަރުން އިންތިހާބު ކުރަން ޖެހެ އެވެ. ގާނޫނުގައި މިހާރު އޮންނަ ގޮތުން އައްޑޫގައި ތިބީ ހަތް ކައުންސިލަރުންނެވެ.
ބިލްގެ ސަބަބުން ފުވައްމުލަކަށް ހަތް ކައުންސިލަރުން އިންތިހާބުކުރަން ޖެހޭނެ އެވެ. ފުވައްމުލަކުގައި މިހާރު ތިބީ ތިން ކައުންސިލަރުންނެވެ. ލާމަރުކަޒީ ގާނޫނަށް ކޮމިޓީން ގެނައި އިސްލާހުގައި ބުނެފައިވަނީ ކޮންމެ ސިޓީއެއްގައި ވެސް އެއް އަންހެން ކައުންސިލަރަކު ހުރުން ލާޒިމް ކަމަށެވެ.
މީގެ އިތުރުން، ބިލްގައި ވަނީ ރަށު ކައުންސިލުތަކުގެ ރައީސުންނާއި ސިޓީތަކުގެ މޭޔަރުން އިންތިހާބުކުރާނީ ރައްޔިތުންގެ ވޯޓުން ކަމަށް ކަނޑައަޅަން ހިމަނައިފަ އެވެ. ގާނޫނުގައި މިހާރު އޮންނަ ގޮތުން ކައުންސިލުތަކުގެ ރައީސުންނާއި މޭޔަރުން ހޮވަނީ ކައުންސިލަރުންގެ މެދުގައި ނަގާ ސިއްރު ވޯޓަކުންނެވެ.
ބިލްގައި ވަނީ ސިޓީ ކައުންސިލާއި ރަށު ކައުންސިލާއި އަތޮޅު ކައުންސިލްތަކުގެ ޒިންމާތަކާއި މަސްއޫލިއްޔަތުތަކާއި ވާޖިބުތައް ވަކިވަކިން ތަފްސީލްކޮށްދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ ސޯލިހު
04 December 2019
އެމްޑީޕީ އަށް ސިޔާސީ މީހުން އިތުރުކުރުމުގެ ބޭނުމުގައި މާލެ އަށް ކައުންސިލަރުން އިތުރުކުރަނީ ދެއްތޯ. ވިއްސާރަ ކޮޅެއްވެހިލާ އިރަށް މުޅިމާލެ ފެންބޮޑުވަނީ މާލޭގެ ހުރިހާ ކާނުތަކެއް އެހުރީ ވެލި އެޅިފުރިފައި. މި މީހިންކަށް ނޭންގޭ ކާނު ސާފުކުރީމާ ކަމެއް ފެންހިންދޭނީ. ކައުންސިލަރުން އުޅުއްވަނީ މިހާރު ނޫހުގަ ކޮމެންޓެއް މޮޅަށް ލިޔެލެވޭތޯ. މާލޭގެ ރައްޔިތުންނަށް އެއްވެސް ކަމެއް ކޮށް ނުދެވޭ، ދެން ކީއްކުރަންތޯ މާލެ އަށް މި މީހުން ހޮވަންވީ
ހަސަން ސަޢީދު
04 December 2019
ދިވެހި ރައްޔިތުންގެ ޓެކްސްފައިސާއިން މުސާރަދީފަ އަތުންފައިން ކަމެއް ނުކޮށްތޮބޭނެ އެކްޓިވިސްޓުންނަށް މަޤާމު އިތުރުކުރުން ފިޔަވައި ރައްޔިތަކަށް ތިޔަ ކަމުން ކުރާނޭ އެއްވެސް ފައިދާއެއް ނެތެވެ
އަހުމަދު ޒ
04 December 2019
ކައުންސިލަރުންވެސް މަދު ކުރަންވީ، ކަމިސަންތައްވެސް މަދު ކުރަންވީ، މަޖްލިސް މެމްބަރުންވެސް މަދު ކުރަންވީ. ބަޖެޓު ދެކޮޅުނުޖެހުމުން ޙަރަދު ކުޑަކުރަންޖެހޭ އެބަ، ސަރުކާރު ވަޒީފާ އުފައްދާކަށް ނުޖެހޭ ހުރިހާ ރައްޔިތުންނަށް އެހެންނޫނީ ބޭރުންމީހުން ލައިގެންތާ ކުންފުނިތަކާ ހޮޓާތަކާއި ފިހާރަތައްހިންގޭނީ ، ދިވެހިން ސަރުކާރުވަޒީފާ ތަކުަގައި ބޭރުމީހުން އާންމު ވިޔަފާރިތަކުގައި ދެން ރައީސް ސަލާންޖަހާނީ ބަޖެޑު ސަޕޯޓަށް ދެއްތޯ ؟
ޝައީން
04 December 2019
މަގަށް ކުނއަޅާމީހުންނާއި ދޭތެރޭ އެއްވެސް ފިޔަވަޅެއް ނޭޅޭ.
ސާޖިދު ނަދި އަދުވާލާ
04 December 2019
މަމިބުނީ މީހަކު އަޅެފަހެ ހޭބައްޔެއް ނުވާނެތަ؟ ކަލޭމެން މަޖިލިސް މެންބަރުން ތިޔަ އުޅެނީ ހޭދެބައިވެގެންތަ؟ އެހެންޏާފަހެ ރައްޔިތުންނަށް ޖެހިފައޮތް ބޮޑު އާފާތެއް!
ކޮވެލި
04 December 2019
މާލެއަށް މީހަރަށްވުރެންވެސް ކައުންސިލަރުން މަދު ކުރަންވީއެވެ. ކައުންސިލަރުންނަކީ ކުންފުނިތަކުގެ ބޯޑު މެމްބަރުން ފަދަ ޕޮލިސީ އެކުލަވާލާ ބައެކެވެ. މާލޭ ސިޓީގެ ކައުންސިލަރުން މިހާރުވެއް އެއްގަލަކަށް ނާރައިގެން މާލޭ މުނިސިޕަލް ކަންކަން މިވަނީ ނުވެފައެވެ. މީހުން ގިނަވިވަރަކަށް ކޯޅުން ގިނަވާނެއެވެ.
އަލިބެއްޔާ!
04 December 2019
ފޯއްމުލަކަށް 3، އައްޑޫއަށް 5، މާލެއަށް 7 އޯކޭ. ބޮޑު މުސާރަދީފަ އަތްނަގަން މަގިނަ މީހުން ތިބޭކަށް ނުޖެހޭ.
ވަދީ
04 December 2019
މިފަހަރު މޭޔަރު ކަމައް އައްޑޫ ނިޒާރު!
އޮނަރަބްލް އަފީފު ދީދީ
04 December 2019
ތިއިން އެކަކުނެތަސް "މާލޭގެކަންކަން ބާރަށްކުރިއަށްދާނެ" ކަންކަށަވަރު. # މޭޔަރުންނަށާއި އަތޮޅު ކައުންސިލަރުންނަށް "ވަޒީރުންނަށް އާދޭސް ކުރުން ނުޖެހޭގޮތަށް" ވެސް ހަދާންޖެހޭ. # އެގޮތުން ތިލަދުންމަތިން ފާދިއްޕޮޅަށް ނޯތުޕްރޮވިންސް، ކ. ޢަތޮޅުން (މާލެވެސްހިމަނައި) ދާލަށް ސެންޓްރަލް، އަދި ކޮޅުމަޑުލުން އައްޑުއަށް ސަދާރން ޕްރޮވިންސްތައާރަފްކޮށް މަޖިލީހުގެރުހުމާއިއެކު 3 ސަރަހައްދަށް ރައީސްއައްޔަންކުރައްވާ ޤަވަރުނަރެއް ކޮންމެޕްރޮވިންސެއްގައިބަހައްޓާންޖެހޭ.
ތެދެއް.
04 December 2019
މަޖިލީހުގެ ރުހުމާއި އެކު ރަައީސް އައްޔަން ކުރައްވާ ޤަވަރުނަރަކު ސަރަހައްދު ތަކުގައި ހުރުމުން ސަރަހައްދު ތަކުގައި ހިގާ ކަންކަމުގެ ފުރިހަމަ ތެދު މައުލޫމާތު ވަގުތުން ވަގުތަށް ރައީސަށް ލިބިވަޑައިގަންނަވާނެ. ތިއީ ރަނގަޅު މޮޅު ގޮތެއް.
ކައުންޓަރު
04 December 2019
މިކަހަލަ ކޫސަނި ކަންކަމަށް ހުރިހާ ލާރިޔެއް ހަމަ އިސްރާފުވެގެން މިދަނީ. މިއީ ގެއްލިގެންދާ ފުރުސަތުތަކެއް ތަރައްޤީއަށް. މި އުޅެނީ ޤައުމު ހިނގައިނުގަނެވިގެން. އުޅޭއިރު މި ފެންނަނީ އެޑްމިނިސްޓްރޭޓިވް ބައި ބޮޑުކުރާތަން، އެމީހުން ޒިންމާ އަދާކުރެވޭނެ ވަސީލަތެއް ނެތަސް.