14 ޑިސެމްބަރ 2019 - 15:57
35 comments
ބައެއް ހިދުމަތްތަކާ އެކު އައްޑޫގެ އާ ހޮސްޕިޓަލްގެ ހިދުމަތްތައް މާދަމާ އާންމުކޮށް ދޭން ފަށަން ނިންމާފައިވާތީ އެކަމުގެ އެންމެ ފަހުގެ ތައްޔާރީތައް ކުރިއަށްދާ ގޮތް ހެލްތު މިނިސްޓަރު އަބްދުﷲ އަމީން މިއަދު ބައްލަވާލައްވައިފި އެވެ.
އައްޑޫގައި ހެދި އިކްޓޯރިއަލް ކޮންވެންޝަން ސެންޓަރު (އީސީސީ) ހޮސްޕިޓަލަކަށް ބަދަލުކޮށް، ހުޅުވަން ތައްޔާރުވަމުން އަންނަ އިރު، މިއީ މާލެ ސަރަހައްދު ފިޔަވައި ރާއްޖޭގައި ސަރުކާރުން ހުޅުވާ ރާއްޖޭގެ ދެވަނަ ޓާޝަރީ ހޮސްޕިޓަލެވެ.
ސަތޭކަ އެނދުގެ ހޮސްޕިޓަލެއްގެ ގޮތުގައި ތަރައްގީކޮށްފައިވާ އައްޑޫ އާ ހޮސްޕިޓަލުން މާދަމާ ހިދުމަތްދޭން ފަށާ އިރު، ފުރަތަމަ ދޭނެ މައިގަނޑު ހިދުމަތްތަކުގެ ތެރޭގައި ހިމެނެނީ އޯޕީޑީ، ލެބޯޓަރީ، އެކްސްރޭ އަދި ފިޒިއޮތެރަޕީގެ ހިދުމަތެވެ.
މި ހޮސްޕިޓަލަކީ ކުރިއަށް އޮތް ތަނުގައި ވަރަށް ގިނަ ހިދުމަތްތަކެއް ތައާރަފުވެގެން ދާނެ ހޮސްޕިޓަލެކެވެ. ހޮސްޕިޓަލުގައި ބޮޑު އޮޕަރޭޝަން ތިއޭޓާ ކޮމްޕްލެކްސް އާއި އިމަޖެންސީ ތިއޭޓަރެއްގެ އިތުރުން ހޮސްޕިޓަލެއްގައި ހިމެނޭ ޒަމާނީ ސިއްހީ ހުރިހާ ވަސީލަތެއް އެބަހުއްޓެވެ.
އޭގެ ތެރޭގައި ކާޑިއޮލޮޖީ ޑިޕާޓްމަންޓަކާއި ރޭޑިއޮލޮޖީ އާއި ޑަޔަލިސިސް ޔުނިޓަކާއި އެންޑޯސްކޯޕީ އާއި ސައިކޭޓްރިކް ޑިޕާޓްމަންޓެއް އަދި ސައިކޭޓްރިކް މީހުންނަށް ޚާއްސަ ވޯޑެއް ވަނީ ހަދައިފަ އެވެ. މީގެ އިތުރުން، ކުޑަކުދިންނަށް ޚާއްސަ އެންއައިސީޔޫއަކާއި އައިސޮލޭޝަން ހަތަރު ވޯޑާއި މޯޗަރީއެއް ވެސް ވަނީ ހަދައިފަ އެވެ.
ސްޕީޗް ތެރަޕީ އާއި ދަތުގެ ސާޖަރީ އާއި ލޮލަށް ލޭޒާގެ ފަރުވާ ދިނުމުގެ ޚިދުމަތް ވެސް، ހިތަދޫގައި މީހުން އަލަށް އާބާދުވާ ސަރަހައްދުގައި ހުރި ހޮސްޕިޓަލުން ލިބޭނެ އެވެ.
އައްޑޫ އިކްޓޯރިއަލް ހޮސްޕިޓަލްގެ ނަން ދޭން ނިންމާފައިވާ މި ހޮސްޕިޓަލަކީ ސައޫދީ ފަންޑް ފޯ ޑިވެލޮޕްމަންޓާއި އޯޕެކް ފަންޑް ފޮ އިންޓަނޭޝަނަލް ޑިވެލޮޕްމަންޓް (އޮފިޑް) އިން ދީފައިވާ 171 މިލިއަން ރުފިޔާގެ ލޯނެއްގެ އެހީގައި ހަދާފައިވާ ހޮސްޕިޓަލެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދާއިރާ
15 December 2019
ޢަމީން ގެ މައިގަނޑު މަސައްކަތަކީ ޕޯޑިއަމް ތަކުގަ ނު އުފުލޭވަރުގެ ބޮޑެތި ވާހަކަ ދެއްކުން އަހަރުމެން މި އުޅެނީ ވަރަށް ކުދި ކުދި އާދާއިގެ ކަންކަންވެސް 5 އާދޭސް ކުރާތާ 5,6 ވާއިރު ނުވެގެން މަޖުލިސްގަ ސުވާލެއް ކޮއްލީމަ ދޭ ޖަވާބުވެސް ދަނީ އެނދާ ބިތާ ދޭތެރެއިން, އެއްވެސް ގުޅުމެއް ނުހުރޭ އަވަހަށް އެހެން މީހަކު ލައިގެންވެސް ކުރިޔަށް މި އޮތް 4 އަހަރު ކަންކަން ރަނގަޅު ކުރެވޭތީ ބެލުން ރަނގަޅުވާނެ
ސަފީރު
15 December 2019
އާންމު ސިކުނޑިއަކަށް އެހާ މޮޅު ޖަވާބުތަކެއް ފަހުމެއް ނުވާނެ. އެކޮއެ ދެރަ ނުވޭ. އަމީންވަރުގެ ބުއްދިއެއް ކޮންމެ ކޮންމެ މީހަކަށް ލިބިގަނެއް ނުވޭ.
ތެދުބަސް
15 December 2019
އަމީން މީ ވަރަށް ނާގާބިލް ބޭފުޅެއް މިމަޤާމަށް. މިޔަށްވުރެން ހިންގުންތެރި ޤާބިލްބޭފުޅަކާ ހެލްތުމިނިސްޓްރީ ހަވާލުކޮށްދެއްވާ. އަލަށް ޙިދުމަތްރަނގަޅުކުރަން ކުރެވުނު ކަމެއްނެތް. އައިޖީއެމް ހޮސްޕިޓަލްގެ ހާލު ބަލިމީުންނަށް ވުރެންދެރަ. ކިރިޔާ ޑޮކްޓަރު ކަމުގެ ސެޓްފިކެޓް ލިބިފަ ތިބި މީހުންތިބެނީ. އަހަރުމެންގެ ދަރިން ގޮވައިގެން ދިޔައިމަ ޕްރެޟާ ޗެކްކޮލަންނޭގޭ، މުޅިންވެސް ލަފަޔަށް ބޭސްދެނީ. އަމިއްލަޔަށް ފަރުވާފައްޓަން ނޭގޭ. އެހާރުންކުރު ދިވެހި ޑޮކްޓަރުން...
ޒާހިރުބެ
15 December 2019
ޔާމީން ކޮރަޕްޝަން ހިނގޭވަރު މަދުވެގެން އައިޖީއެމްއެޗްވެސް އޮތީ ހެލްތު މިނިސްޓްރީ މެންޑޭޓުން ނަގާ ރައީސް އޮފީހުގެ ބެލުމުގެ ދަށަށް ގެނެސްފައި. އަމީންއަށް ތިކަމުގައި ކަމެއް ކޮށްދެވޭނީ މިނިސްޓްރީ މެންޑޭޓުތެރެއަށް އައިޖީއެމްއެޗް އަލުން ވައްދައިގަނެއް ނޫންތަ!
ސިނާމޯ
15 December 2019
ދެން ރިބަން ކަންޑާފަ ބުނޭ މިސަރުކާރުގެ ބުރަ މަސައްކަތޭ.. އޭރުން ތަރައްގީ ގެނައިމޭ ބުނެވޭނެ. ރައީސް ޔާމީން ހެދިޔޭ ބުނާމީހުން ދެން ޖަލައްލާ
އިސްމާލު
15 December 2019
ޝުކުރިއްޔާ ރައީސް ޔާމީން!!!
ބޮޑުމީހާ
15 December 2019
އިމާރާތްތައް ނެތިގެންތަ ފަރުވާ ނުލިބެނީ. އައިޖީއެމްއެޗް ގެ 25 ބުރީގެ އިމާރާތެއް އެބަހުރި. ވަސީލަތްތައް ކިތަންމެ ގިނަވިޔަސް ހިންގަން ނޭގެންޏާ ދެން ކުރާނެ ކަމެއްނެތް.
ކޮސްގޮވާ
15 December 2019
އައްޑޫ އެއްވެސް ރައްޔިތަކު ނޫޅޭ ތި ހަސްފަތާލު ހުޅުވާތީ އުފަލުން. ހިތަދޫ ރައްޔިތުންދިރިއުޅޭ ސަރަހައްދާއި އެހާ ދުރު، ގުޅިފައިވާ ރަށްރަށުގެ މީހުންނަށް ދަތުރުކޮއްފައި އައްނަން އުދަގޫ އަދި ވަށައިގެން ވާ ކުޅިއެއްގެ ތެރޭގައި ހަދާފައިވާ ތަނެއްގައި ތިތަންހުރުމަކުން ލިބޭނެ ފަސޭހައެއްނެތް. ތިތަން ޔުނިވަރސިޓީއަކަށް ހެދިނަމަ ރަގަޅުވީސް.
ނޯޝުކުރު
15 December 2019
މާލެ ދިއުމަށްވުރެ ތުރާލީތަ އެތަނަށް ދާން؟ އިމަރޖެންސީގަ އަވަހަށް ހޮސްޕިޓަލަކަށް ދާންޖެހިއްޖެނަމަ ތިޔަ ތަނުގެ ބޭނުން އެނގޭނެ.
އަލީ އިބްރާހިމް
15 December 2019
ކޮމެންޓްކުރާމީހުނަށް ނޭގެނީތަ އަމީން އިނދެގެން އުޅެނީ އައްޑުކަނބަލަކާކަން. އެހެންވީމައެއް ނުން އެހާވަރަކުން އައްޑުއާހެދި އުޅެނީ. ވެދާނެނުން އަނޑޫ ކުއްޖަކާ އިނދެގެންއުޅޭތީކަމަށް ތިހާ ހީވާގިވެގެން ހިންގުންތެރިވެގެން އުޅެނީ
ހޭއަރާ
15 December 2019
ކޮމަންޓް ކުރާމީހުން ތިބީ ހޭބަލިވެފަ.
އަލީ އަހުމަދު
15 December 2019
މިނިސްޓަރ އަމީންވަރެއް ހަމަނެތް. މި ހަގީގަތެއް ބަދަލެއްނުވާމެ. ޢޭނާ ކުރަންދިމާކޮށްފި ކަމެއްވިއްޔާ ކުރާނެ. ހެލްތުސެކްޓަރ އިން މިފެންނާ ކުރިއެރުމަކީ އެކަން
ނަސީމާ މުހަމަދު
15 December 2019
ހެލްތު ސެކްޓަރއަށް ރަގަޅު ޕްރޮގްރެސް އައިސްފައިވާކަން ހުޅުވާލެވިފައިވާ ހިތެއްއޮންނަ ކޮންމެ މީހަކު ގަބޫލުކުރާނެ. އައްޑޫ ހޮސްޕިޓަލް ހުޅުވުން މެކުހައްޖެހުނީ ސީދާ މިނިސްޓަރ އަމީންގެ އިންވޯލްމަންޓުންކަން އަޅުގަނޑަށް އެގޭ. އެތަން ތަޅުވަތަޅުވާ ތިއްބާ ސީދާ އަމީން މިކޮޅަށް އައިސްގެން މިކަން ވަކިދުވަހަކަށް ނިންމަންވެގެން ހިފައިގަތީ. ޢަމީންގެ ހީވާގިކަން ހަމަ އިމްޕްރެސްވޭ.