ކުރީގެ ރައީސް މައުމޫން: އެ މަނިކުފާނަށް ލަފާ ދެއްވުމަށ 12 މީހުން ހިމެނޭ ކޮމެޓީއެއް ވަނީ އެކުލަވާލާފައި
14 ޑިސެމްބަރ 2019 - 21:24
25 comments
މޯލްޑިވްސް ރިފޯމް މޫވްމެންޓް (އެމްއާރުއެމް)ގެ އިންތިގާލީ ރައީސް މައުމޫން އަބްދުލްގައްޔޫމަށް ލަފާ ދެއްވުމަށް 12 ބޭފުޅުންގެ ކޮމެޓީއެއް އެކުލަވާލައިފި އެވެ.
މި މަޝްވަރާ ކޮމެޓީގައި މައުމޫންގެ އަނބިކަނބަލުން ނަސްރީނާ އިބްރާހީމާއި މައުމޫންގެ ސަރުކާރުގައި ވަޒީރުކަން ކުރެއްވި ނަސްރީނާގެ ބޭބޭފުޅު އައްބާސް އިބްރާހީމާއި ކުރީގެ ވަޒީރު އުމަރު ޒާހިރު ވެސް ހިމެނި ވަޑައިގަންނަވަ އެވެ. މި ބޭފުޅުންގެ އިތުރުން އަމީނިއްޔާ ސްކޫލާއި އިމާދުއްދީން ސްކޫލުގެ ވެސް ޕްރިންސިޕަލްކަން ކުރައްވާފައިވާ ވަފާ ވަހީދާއި ފުޓުބޯޅަ ކޯޗު އަލީ ސުޒައިން އާއި ފިލްމީ ތަރި ނިއުމާ މުހައްމަދު ވެސް ހިމެނެ އެވެ.
އެމްއާރުއެމުން ބުނިގޮތުގައި މި ކޮމެޓީގެ މައިގަނޑު މަސައްކަތަކީ ޕާޓީ ކުރިއަރުވައި ތަރައްގީ ކުރުމުގައި، ޕާޓީގެ ރައީސް އަށް ލަފާދެއްވައި މަޝްވަރާ އެރުވުމެވެ.
އެމް.އާރް.އެމް ގެ އިންތިޤާލީ ރައީސް، ރައީސް އަލްއުސްތާޛު މައުމޫން ޢަބްދުލް ޤައްޔޫމް ގެ މަޝްވަރާ ކޮމިޓީ އެކުލަވާލައްވައިފިއެވެ. މި ކޮމިޓީގެ މައިގަނޑު މަސައްކަތަކީ ޕާޓީ ކުރިއަރުވައި ތަރައްޤީކުރުމުގައި، ޕާޓީގެ ރައީސް އަށް ލަފާދެއްވާ މަޝްވަރާ އެރުވުމެވެ. pic.twitter.com/Dgfx5BWVkj
— Maldives Reform Movement (MRM) 🇲🇻 (@MRM_Office) December 14, 2019
ސިޔާސީ ޕާޓީއެއްގެ ގޮތުގައި އެމްއާރުއެމް ރަޖިސްޓްރީ ކޮށްދީފައިވަނީ މިދިޔަ މަހުގެ ތެރޭގަ އެވެ. ޕާޓީގެ އިންތިގާލީ ރައީސަކަށް މައުމޫން އިންތިޚާބު ކުރެއްވި އިރު، ނައިބު ރައީސުންނަކީ އާޓްސް، ކަލްޗާ އެންޑް ހެރިޓޭޖް މިނިސްޓަރު ޔުމްނާ މައުމޫން އަދި އާމިނަތު ނާދިރާ އެވެ.
އެމްއާރުއެމްގެ މަގާމުތަކަށް މީހުން އައްޔަން ކުރުމުގައި އަންހެނުންނަށް އިސްކަން ދޭ ކަމަށް އެ ޕާޓީން ވަނީ ބުނެފަ އެވެ. އެގޮތުން މަޝްވަރާ ކޮމެޓީގެ ދެބައިކުޅަ އެއްބަޔަކީ ވެސް އަންހެނުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލުބްލާ
16 December 2019
އެންމެ ޒުވާނަކުވެސް ނެތް. އަދިވެސް މިޒަމާނުގެ އާ ޚިޔާލު ހުންނަ ޒުވާނުން ކައިރި ކުރާކަށް ނުވޭތަ؟
ފޮނިޓައްޕު ހަސަނު
16 December 2019
ގިނައައިން ތިތިބީ އިހުގެ ރެލީ ތައް.
ރަށުމީހާ
15 December 2019
މީސަރުކާރުން ލާރިހުސްކުރަން ތައްޔާރުކުރާ ޕާޓީއެއް.
ރިހިރޭ
15 December 2019
ތި ޓީމުގައި އެބަހުރިތަ އެފަދަ ލަފާއެއް ދެވޭނެ ވަރުގެ ބޭފުޅެއް؟. ސިޔާސީގޮތުން ޕާރޓީއެއް ކުރިއަރުވަން ބޭނުންވާ ލަފާ ވިއްޔާ ތިޔަ ހޯއްދަވަނީ. އެހެންވެ ހަމަ މިހެން ހިތަށް އެރީ. ލަފާ ދެވޭނީ އެކަމުގެ އިލްމާއި ތަޖުރިބާ ހުރި ބޭފުޅުންނަށް ވިއްޔާ.
އިނބިލީހާ
15 December 2019
ޒައީމު މޮޔަވެތްޖެދޯ
އަދަދު
15 December 2019
12 އެއީ މަހަކު މީހަކު އެކަން ކުރާނެތީތަ؟
އަލީ ރާޖާ
15 December 2019
ކޮބޭ އަނީސާ، ސީނާ ޒާހިރު، އަބްރަޝީދް ހުސައިން، ދުންޔާ، ޔުމްނާ، ނަދީމް، ޝުއައިބް، ފާރިޝް، އަދި ނާޒިރާ. މިމެން ނެތި ތިޔާ ކޮމިޓީއެއް ކަމަކު ނުދާނެ.
ސަރަކަގުޑި
15 December 2019
ނަސްރީނާވެސް............ދެން މިވަރަށް ސަޅި ވާނީ....އެންމެ ފައްކާ ހަމަ، ތޭންކްސް އޭ ބުނެލަން އޮތީ. އެންމެ ޒުވާނެއް ތިރާގައިނީ. ދެންހުސް ގައުމިއްޔާތު އަދަބިއްޔާތާއި އިސްތިގްލާލް ކުރިއެރުވި ބޭފުޅުން ފެންނަނީ. އުޖާލާ މުސްތަގްބަލަކަށް އެދެން.
ކައްލާ
15 December 2019
އެއްދުވަސްވަރެއްގައި ސިވިލް ސަރވިސް އިން ބުނި ސިވިލް ސަރވަންޓަކަށް ޕާޓީއެއްގެ މަގާމެއް އަދާ ނުކުރެވޭނެއޭ. މިހާރު ހުއްދަވީތޯ
ބޮޑުމީހާ
15 December 2019
މައުމޫނަށް ލަފާ އަރުވަންޏާ މިހަބަރު ސިޔާސީ ހަބަރަކަށް ނުވޭ. ތިގޮތަށް މައުމޫން ގޭގެ ކައްކަން 12 މީހުން އުޅޭ ކިޔާފަވެސް ހަބަރެއް ލިޔަންވީ
ވަހީދު
15 December 2019
ރައީސް ނަޝީދުގެ ވެރިކަން ހަފުސްކޮށްލި، 2013ގެ އިންތިޚާބު ވެސް ހަފުސްކޮށްލި، ރައީސް ޔާމީންގެ ވެރިކަން ހަފުސްކޮށްލަން މަޖްލީހުގެ 12 މެންބަރުންގެ ގޮނޑިގެއްލުވާލި، ސްޕްރިމްކޯޓުން އަމުރެއް ނެރިގެން އެތަނުގެ އަގު ވައްޓާލި، އެމްޑީޕީއަށް ބައިއަތު ހިފައި ކޮއްކޮ ޔާމީނު ވެރިކަމުން ބޭލުވި، ފަހުން ތިމާއަށް އަމުރު ނެރެދިން ސްޕްރީމްކޯޓުގެ ގާޒިީންނަށް ލޮޓިދިން. މިވަރުގެ މީހަކަށް ދޭންޖެހޭ ނަސޭހަތެއް އޮންނާނެބާ؟