ކުޅުދުއްފުށީގައި ސިޓީ ކައުންސިލެއް އިންތިޚާބު ކުރުމުގެ މަސައްކަތް ފަށައިފިން: އީސީ

ްއިލެކްޝަންސް ކޮމިޝަންގެ ރައީސް އަހްމަދު ޝަރީފާއި ނައިބު ރައީސް އަކްރަމް: ކުޅުދުއްފުށީގެ ދާއިރާތައް ވަރަށް އަވަހަށް އިއުލާންކުރާނެ ކަމަށް އީސީން ބުނޭ.

ފަޒީނާ އަހުމަދު، މިހާރު

31 ޑިސެމްބަރ 2019 - 15:00

3 comments

ހދ. ކުޅުދުއްފުއްޓަށް މާދަމާ އިން ފެށިގެން ސިޓީއެއްގެ ދަރަޖަ ދޭން ރައީސް އިބްރާހިމް މުހައްމަދު ސޯލިހް ނިންމާފައިވާތީ އެ ރަށުގައި ސިޓީ ކައުންސިލެއް އިންތިޚާބު ކުރުމުގެ މަސައްކަތް ފަށާފައިވާ ކަމަށް އިލެކްޝަންސް ކޮމިޝަން (އީސީ) ން މިއަދު ބުނެފި އެވެ.

އެ ކޮމިޝަނުން ކުރި ޓުވީޓެއްގައި ބުނީ ކުޅުދުއްފުށި، ސިޓީއަކަށް ބަދަލުކުރުމާ ގުޅިގެން އެ ރަށުގައި ދެން އިންތިޚާބު ކުރާނީ ސިޓީ ކައުންސިލެއް ކަަމަށެވެ. އަންނަ އޭޕްރީލް މަހުގައި އޮންނަ ލޯކަލް ކައުންސިލްތަކުގެ އިިންތިޚާބަށް އިލެކްޝަންސް ކޮމިޝަނުން ތައްޔާރުވަމުން އަންނަ އިރު، ކުރިން ނިންމާފައި އޮތީ ރަށު ކައުންސިލެއް އިންތިޚާބު ކުރާށެވެ.

ސިޓީއެއްގެ ދަރަޖަ ލިބުމާ އެކު ތަފާތަކީ ކުޅުދުއްފުށީގައި ވެސް މޭޔަރަކު އިންތިޚާބު ކުރަން ޖެހުމެވެ. އެ ކައުންސިލްގައި ދެން ހިމެނިވަޑައިގަންނަވާނީ މޭޔަރަކާއި އަންހެން ދެ ކައުންސިލަރުންނާ އެކު ޖުމްލަ ހަތް ބޭފުޅުންނެވެ. ކުރިން ވެސް ކައުންސިލްގައި ތިއްބެވީ ހަތް މެމްބަރުންނެވެ.

"ކުޅުދުއްފުށީގެ އިންތިޚާބު ދެން ކުރިއަށް ގެންދަން ޖެހޭނީ އެ ރަށް ދާއިރާތަކަކަށް ބަހައިގެން. އެ މަސައްކަތްތައް އިލެކްޝަންސް ކޮމިޝަނުން އެ ފެށީ. ލަސްނުވެ ދާއިރާތައް ކަނޑައަޅާނެ،" ކޮމިޝަންގެ ނައިބު ރައީސް އަހްމަދު އަކްރަމް ވިދާޅުވި އެވެ.

ކުޅުދުއްފުށީގެ އާބާދީ 10،000 އަށް އެރީ މިދިޔަ އަހަރުގެ ނޮވެމްބަރު މަހު އެވެ. ގާނޫނު ބުނާގޮތުން، އެ އަދަދަށް މީހުން ހަމަވެއްޖެ ނަމަ ސިޓީއެއްގެ ދަރަޖަށް ދެވޭނެ އެވެ. އެ ރަށް ސިޓީ އަކަށް ހެދުމަކީ މި ސަރުކާރުގެ ވައުދެކެވެ.

މި އަހަރުގެ ކައުންސިލް އިންތިޚާބު އިލެކްޝަންސް އިން ތައްޔާރީތައް ފެށިއިރު، އެ ރަށް ސިޓީއަކަށް ބަދަލުނުކޮށްގެން ބަޔަކު ހިތްހަމަނުޖެހުންފާޅުކުރި އެވެ.

ކުޅުދުއްފުށީގެ އިތުރުން ރާއްޖޭގެ ސިޓީ ތަކަކީ މާލެ އާއި އައްޑޫ އަދި ފުވައްމުލަކެވެ.

ކައުންސިލް އިދާރާ ހދ. ކުޅުދުއްފުށި އިލެކްޝަންސް ކޮމިޝަން ރައީސް އިބްރާހިމް މުހައްމަދު ސޯލިހް ގުޑް ގަވަނެންސް

3 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައްޔުބެ

31 December 2019

ކީއްކުރަން ބަހާ ދާއިރާ ތަކެއްތަ؟ ހުރިހާ ކައުންސިލަރުން ހޮވަންވާނީ އެންމެންގެ ވޯޓުން. އަންހެން ދާއިރާ ފިރިހެން ދާއިރާ ހަދައިގެން ނުވާނެ. ސިޓީގެ ދިވެހިނަމަކަށް މާރަށް ކަހަލަ ނަމެއް ކިޔާފައި ދަރަޖަކުރަމާ. މޭޔަރު ނުކިޔަ ދިވެހިކޮށްލާފައި ބޮޑުކަތީބު، ކުޑަކަތީބު ކިޔަމާ. އެކަމަކު އަބަދު އިވެނީ އިސްލާމްދީނާއި ދިވެހިބަހާއި ސަގާފަތާއި ތިމާވެއްޓާއި އިންސާނީ ޙައްޤާއި ހަމަހަމަކަމުގެ ވާހަކަ. އެކަމަކު އަމަލުން ދިމާ އިދިކޮޅު.