ކުރީގެ ނައިބު ރައީސް އަދީބު: އޭނާގެ ޖަލު ހުކުމް މިއަދު ތަންފީޒުކޮށް ނިމުނަސް އިތުރު ބަންދު އަމުރެއް އެބައޮތް ކަމަށް ވަކީލުން ބުނޭ -- ފޮޓޯ/މިހާރު
03 ޖެނުއަރީ 2020 - 17:34
32 comments
ކުރީގެ ނައިބު ރައީސް އަހުމަދު އަދީބުގެ މައްޗަށް އިއްވާފައިވާ ތިން މަހާއި 18 ދުވަހުގެ ޖަލު ހުކުމް މިއަދު ތަންފީޒުކޮށް ނިމޭ ގޮތަށް އޮތަސް، އެމަނިކުފާނު ޝަރީއަތް ނިމެންދެން ބަންދުކުރަން ނެރެފައިވާ އެހެން އަމުރެއް އޮތުމުން އެއްކޮށް މިނިވަން ނުވާނެ ކަމަށް ވަކީލުން ބުނެފި އެވެ.
އަދީބު، ތިން މަހާއި 18 ދުވަހަށް ޖަލަށްލާން މިދިޔަ އަހަރުގެ ސެޕްޓެމްބަރު މަހު ކްރިމިނަލް ކޯޓުން ހުކުމްކުރީ އެ ކޯޓުގެ އަމުރެއްގެ ދަށުން އޭނާ ފުރުން މަނާ ކޮށްފައި ވަނިކޮށް، ފިއްލަވައިގެން ރާއްޖެ އިން ބޭރަށް ވަޑައިގަންނަވަން އެމަނިކުފާނު މަސައްކަތްޕުޅު ކުރެއްވި މައްސަލައިގަ އެވެ. އަދީބަށް އެ ހުކުމް އައީ، ދައުލަތުން ކުރި، ގާނޫނު ހިންގުމަށް ހުރަސް އެޅުމުގެ ދައުވާ ސާބިތުވުމުންނެވެ. އަދި ފަހުން ދައުލަތުން ވަނީ ޚިޔާނާތުގެ އިތުރު ދައުވާތަކެއް ވެސް އެމަނިކުފާނުގެ މައްޗަށް އުފުލައިފަ އެވެ.
އަދީބުގެ ވަކީލް މަހްފޫޒް ސައީދު މިއަދު ވިދާޅުވީ، ތިން މަހާއި 18 ދުވަހުގެ ޖަލު ހުކުމް މިރޭ 12:00 އަށް ތަންފީޒުކޮށް ނިމޭނެ ކަމަށެވެ. އެކަމަކު އެ ހުކުމް ތަންފީޒުކޮށް ނިމޭ ދުވަހުން ފެށިގެން، އަދީބުގެ ޝަރީއަތް ނިމެންދެން ބަންދުގައި ބަހައްޓަން މިދިޔަ މަހު ކްރިމިނަލް ކޯޓުން އަމުރު ކޮށްފައިވާ ކަމަށް މަހްފޫޒު ވިދާޅުވި އެވެ. އެގޮތަށް އަމުރުކުރީ ފަހުން އަދީބުގެ މައްޗަށް ކުރި ޚިޔާނާތުގެ ދައުވާތަކާ ގުޅިގެން ކަމަށް ވެސް ވަކީލު ވިދާޅުވި އެވެ.
އެކަމާ ގުޅިގެން ކަރެކްޝަންސްގެ ބަހެއް ލިބޭ ގޮތެއް ނުވި އެވެ.
އަދީބު ޖަލަށްލާން ހުކުމް ކުރިޔަސް، އެމަނިކުފާނުގެ ސިއްހީ ހާލަތު ހުރިގޮތުން އަދިވެސް ހުންނެވީ ގޭ ބަންދަށް ބަދަލުކޮށްފަ އެވެ.
އަދީބުގެ މައްޗަށް ފަހުން ދައުލަތުން ކުރީ ހަތް ދައުވާ އެކެވެ. އެއީ ޚިޔާނާތްތެރިވުމުގައި ބައިވެރިވުމުގެ ދެ ދައުވާ އާއި މަނީ ލޯންޑްރިންގެ ދެ ދައުވާ އަކާއި މަގާމުގެ ނުފޫޒު ބޭނުން ކޮށްގެން ނާޖާއިޒް ފައިދާ ހޯދުމުގެ ދައުވާ އަކާއި މަގާމުގެ ނުފޫޒު ބޭނުން ކޮށްގެން ނާޖާއިޒް ފައިދާ ހޯދައި ދިނުމުގެ ދައުވާއެއްގެ އިތުރުން ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމުގެ ދައުވާ އެކެވެ.
އަދީބުގެ މައްޗަށް ކުރިން ތިން މައްސަލައެއްގައި 33 އަހަރުގެ ޖަލު ހުކުމެއް ވެސް އިއްވި އެވެ. އެކަމަކު ފަހުން ހައި ކޯޓާއި ސުޕްރީމް ކޯޓުން ވަނީ އެ ހުކުމްތައް ބާތިލްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފައިސާ
05 January 2020
އަދީބުގެ ފައިސާގޯންޔަށް މިސަރުކާރުގެ ވެރިންވެސް އަތްބޭނި. އަދީބަށް މާބޮޑުގޮތެއް ނުހެދޭނެ.
އަބްދުއްالله
05 January 2020
ކޮން ރަށަކު މަނިކުފާނެއްތަ މިއީ؟ އައްޑޫ ހުވަދޫ ފަރާތުގަ އުޅޭ މަނިކުފާނެއްތަ؟
ޢަމާނި
04 January 2020
ޝަމީމުވެސް ފުލުހުންގެ ދަށުވެފަ، ބިޝާމް ވެސް އެގޮތައް ކަންތައް ކުރީ، ތި އަދީބު ގެވެސް އެގްރިމަންޓާ ހިލާފައް ދައުވާ ކޮށްފަ ހުރީ !! މިފަހަރު ބަދަލެއް ނައިއްސިއްޔާ މަވެސް ޕީޖީ އޮފީހުން ކެނޑޭނަން
ބޮޑުމީހާ
04 January 2020
އެމްއެމްޕީއާރުސީގެ ހިޔާނާތުގައި ހިމެނެނީ ޔާމީނާއި އަދީބުތޯ. ކޮބާތަ ފައިސާ ނެގި 200 މީހުންގެ ލިސްޓް. ކޮބާތަ ޑޮލަރު ގަތް މީހުން.
ރިމާނާ
04 January 2020
މީހުން މަރާ ހަރުކަށި މީހުން ވެސް އެތިބީ ދޫކޮށްފަ އެކަމު ހުކުމެއް ނެތަސް އަދީބު ހަމަ ބަންދުގަ!
ލޮނުމެދުފަޓާސް
04 January 2020
ޔާމީނުއާ އަދީބުއާ ދެމީހުންނަކީ ދިގުމުއްދަތަކަށް ޖަލަށް ލާފަ ބައިތިއްބަން ޖެހޭ ދެމީހުން، ފަންސަވީހަކަށް އަހަރު ރަނގަޅުވާނެ، ކަރަޕްޝަނާ ފަސާދައަށް އަރައިގަތުމަކީ ކިހާވަރެއްގެ އަދަބެއް ލިބޭނެކަމެއްކަން ދެންތިބި މީހުނަށް އިހުސާސުކުރެވޭނީ އޭރުން.
ރަމީޒާ
04 January 2020
އަދީބު އަށް ވީމަ ވާނުވާވެސް އޯކޭ، ދޫނިދޫ ޖަލުގަ ހަތަރު އަހަރުވަންދެން އަނިޔާ ކުރީމަވެސް އޯކޭ. އެމްއެމްޕީއާރުސީގެ ހިޔާނާތުގައި ނުޖެހޭ މީހެއް ނެތް، އެކަމަކު ޔާމީނު އަދީބު ދެން ޒިޔަތު، އެ ނިމުނީ ތީ ވާވަރަކީ އިންސާފް ގެ ނަމުގަ
އެޖެންޑާނ19
04 January 2020
މަވެސް މިހުރީ ތިޔަގޮތަށް ޖަލުހުކެއްގައި ގޭގެ. މިނިވަންކަމާއެކު ހުރިހާކަމެއް ކުރެވޭ.
ގޯސް
04 January 2020
ގިނައިން ކޭވަރަކަށް އަދަބު ލުއިވެ އިއްޒަރްތެރި ވެވޭނެ. ތިޔަ އަދީބަކީ 50 އަހަރު ޖަލުގައި އޮންނަންޖެހޭމީހެއް. އޭނާގެ ބާރުހުރިއިރު ނުކުރަނީ ކޮންކޮށެއް.
ފައްކާ
04 January 2020
ގިނައިން ކޭވަރަކަށް އަދަބު ލުއިވާނެ.
އެސަރުކާރު
04 January 2020
ހުކުމެއް އަޔަސް ނަޔަސް ގޭގަ ތިހެން ހުރެވޭތީ ކިހާ ރަގަޅު މި ސަރުކާރުގަ. ކިތަންމެ ބޮޑު ކުށެއްކުރިކަމަށް ގައުމު އެންމެން ކުރިމަތީ ފަލީހަތްވިއަސް މި ސަރުކާރުގަ އަދީބު ޖަލުގަ ނުހުންނާނެ. ވަކި މީހަކު ޖަލަށްލާން އެހީވެދިނުމުން ލިބޭ ހަދިޔާއަކީ ޖަލަށް ދާން ނުޖެހުން.