އިލެކްޝަންސް ކޮމިޝަންގެ ރައީސް ޝަރީފް ވާހަކަ ދައްކަވަނީ: ރަށްވެހިކަން ބަދަލުކުރަން ބޭނުންވާ ފަރާތްތަކުން މިމަހުގެ 15 ވަނަ ދުވަހުގެ ކުރިން އެ ބަދަލެއް ގެނައުމަށް އެ ކޮމިޝަނުން އެދޭ -- ފޮޓޯ/މިހާރު
07 ޖެނުއަރީ 2020 - 12:20
2 comments
އަންނަ ލޯކަލް ކައުންސިލް އިންތިޚާބާ ގުޅިގެން ރަށްވެހިކަން ނުވަތަ އެޑްރެސް ބަދަލުކުރަން ބޭނުންވާ މީހުން މި މަހުގެ 15 ވަނަ ދުވަހުގެ ކުރިން ރަށްވެހިކަން ބަދަލުކޮށް، އައިޑީކާޑު ހަދައި ނިންމުމަށް އިލެކްޝަންސް ކޮމިޝަނުން އެދެފި އެވެ.
އިލެކްޝަންސް ކޮމިޝަނުން ކުރި އިއުލާނެއްގައި ބުނީ ކައުންސިލް އިންތިޚާބާއި އަންހެނުންގެ ތަރައްގީ އަށް މަސައްކަތްކުރާ ކޮމެޓީގެ އިންތިޚާބުގައި ވޯޓު ދިނުމުގެ ހައްގު ލިބިފައިވާ މީހުންގެ ރަޖިސްޓްރީ އެކުލަވާލައި، ފައިނަލް ކުރުމުގެ މަސައްކަތް އެ ކޮމިޝަނުން މިހާރު ކުރަމުން އަންނަ ކަމަށެވެ. އެހެންވެ، ރަށްވެހިކަން ނުވަތަ އެޑްރެސް ބަދަލުކުރަން ބޭނުންވާ މީހުން މި މަހުގެ 15 ވަނަ ދުވަހުގެ ކުރިން އެ ބަދަލެއް ގެނެސް، އައިޑީކާޑު ހަދައި ނިންމުމަށް ވަނީ އެދިފަ އެވެ.
އެ އިއުލާނުގައިވާ ގޮތުން، ވޯޓުލާ މީހުންގެ ރަޖިސްޓްރީ އަށް މިމަހުގެ 15 ގެ ފަހުން އެއްވެސް ބަދަލެއް ގެނައުމުގެ ފުރުސަތެއް ނޯންނާނެ އެވެ.
އޭޕްރީލް މަހު ބާއްވާ ކައުންސިލްތަކުގެ އިންތިޚާބުގައި 980 ކައުންސިލަރުން އިންތިޚާބު ކުރާއިރު، އަންހެނުންގެ ތަރައްގީ އަށް މަސައްކަތްކުރާ ކޮމެޓީތަކަށް ވެސް 929 މެމްބަރުން އިންތިޚާބު ކުރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
07 January 2020
ރާއްޖޭގެ ކޮންމެ ރަށެެއްގައި 5 މީހުންގެ ކައުންސިލެއް ހަދައިގެން ހިންގަން އުޅުމަކީ ޚަރަދު ބޮޑު ދިގުމުއްދަތުގައި ކުރެވިދާނެ ކަމެއް ކަމަށް ނުފެނޭ. އޭގެ ބަދަލުގައި މިސާލަކަށް 5000 މަތީ ކޮންމެ އާބާދީއަކަށް ކައުންސިލެއް އުފެއްދުން ރަގަޅު. 5000 ދަށުގެ އާބާދީތައް ސީދާ މިނިސްޓްރީގެ ބެލުމުގެ ދަށުން ގެންދެވިދާނެ.
ވަލީމާ
07 January 2020
އިލެކްޝަނުން އެންގިޔަސް ކައުންސިލުންނާއި ރަޖިސްޓްރީ ކުރާ ތަންތަނުން އަވސް ނުވޭ...އައިޑީ ހެދޭ އަވަހަށް..އެކަކު އެހެން ކަންކަން އެތައް ދުވަހެއް ނަގާ.