އައިޖީއެމްއެޗްގެ ލޮބީ އޭރިއާ: އިންޑިއާގެ ގައުމީ މިންގަނޑުތަކަށް އެހޮސްޕިޓަލް ފައްތަން އަންނަނީ މަސައްކަތްކުރަމުން.
08 ޖެނުއަރީ 2020 - 16:46
18 comments
އިންޑިއާގައި ސިއްހީ ހިދުމަތާއި ހޮސްޕިޓަލްތަކުގެ ފެންވަރު ވަޒަންކުރާ އިދާރާ އާއި ލެބޯޓްރީތަކުގެ ފެންވަރު ވަަަޒަންކުރާ އިދާރާ އިން ގަބޫލުކުރާ މިންގަނޑަށް އިންދިރާގާންދީ މެމޯރިއަލް ހޮސްޕިޓަލް އެކްރެޑިޓް ކުރުމުގެ މަސައްކަތް ފަށައިފި އެވެ.
އައިޖީއެމްއެޗުން މިއަދު ނެރުނު ބަޔާނެއްގައި ބުނީ އިންޑިއާގެ "ނެޝަނަލް އެކްރެޑިޓޭޝަން ބޯޑް ފޯ ހޮސްޕިޓަލްސް އެންޑް ހެލްތު ކެއާ ޕްރޮޮވައިޑާސް" އާއި ނެޝަނަލް އެކްރެޑިޓޭޝަން ބޯޑް ފޯ ޓެސްޓިން އެންޑް ކެލިބަރޭޝަން އެންޑް ލެބޯޓްރީޒްގެ ގައިޑްލައިންތަކާ އެއްގޮތަށް ފެންވަރު ރަނގަޅުކުރުމުގެ މަސައްކަތް ފަށާފައިވާ ކަމަށެވެ. އެ މައްސަަތް ކުރިއަށް ގެންދަނީ އންޑިއާގެ އެކްމެ ކޮންސަލްޓޭޝަން ނަމަކަށް ކިޔާ ކުންފުންޏެއްގެ އެހީގައި ކަމަށް ވެސް ބުންޏެވެ.
އިންޑިއާގެ އެ ދެ އެކްރެޑިޓޭޝަން ބޯޑުގެ މިންގަނޑުތަކަކީ، އައިޖީއެމްއެޗް ބުނި ގޮތުގައި، ސިއްހީ ހިދުމަތުގެ ފެންވަރު ވަޒަންކުރާ ބައިނަލް އަގުވާމީ ޖަމިއްޔާ، އިންޓަނޭޝަނަލް ސޮސައިޓީ ފޯ ކޮލިޓީ އެންޑް ހެލްތު ކެއާ އިން އެކްރެޑިޓްކޮށްފައިވާ މިންގަނޑުތަކެކެވެ.
ހޮސްޕިޓަލް އެކްރެޑިޓްކޮށް މިންގަނޑުތަަކަށް ފެއްތުމަށް ކުރަން ޖެހޭ ކަންތައްތަކުގެ ތެރޭގައި އެ މިންގަނޑުތަކާ އެއްްގޮތަށް ހިދުމަތްތަކާއި އިކްއިޕްމެންޓް ބެހެއްޓުމާއި ހިދުމަތްތަކާއި މަސައްކަތްތައް އޮޑިޓްކޮށް ބެލެެހެއްޓުން ވެސް ހިމެނެ އެވެ.
އައިޖީއެމްއެޗްގެ ހިދުމަތުގެ ފެންވަރު ރަނގަޅުކޮށް، އާ ހިދުމަތްތައް ތައާރަފް ކުރަން ފަހަކަށް އައިސް އެ ހޮސްޕިޓަލުން އަންނަނީ މަސައްކަތް ކުރަމުންނެވެ. އެގޮތުން ކުރިން ނެތް ބައެއް ދާއިރާތަކުގެ ޑޮކްޓަރުން މިހާރު ވަނީ ގެނެސްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަވާ
22 January 2020
ކުރިޔަށް އޮތް އިންތިހާބުތަކުގައި ވޯޓުހޯދަން މިސަރުކާރުން އިންޑިޔާ މީހުން ކައިރިޔަށް ދިޔުން ބުއްދިވެރި. މިތާ ހިނގާ ހުރިހާ ޕްރޮޖެކްޓެއްގެ ހުރިހާ މަންފާއެއް އެގައުމުގެ ކުންފުނިތަކަށް. ނުވިތާކަށް މިހާރު އެވެރިން އެވަންނަނީ ކުދި ވިޔަފާރި މާކެޓުތަކަށްވެސް.
ހަލޯ
09 January 2020
މިހާރުވެސް އިންޑިއާގެ ދަށް ފަންތީގެ ހޮސްޕިޓަލެއްގެ ފެންވަރެއް ނޫންތަ އެތަނުގައި ހުންނަނީ.. އެތަނުގަ އުޅޭ ބައެއް އިންޑިއާ ސްޓާފުން ހީވަނީ ހަމަ އެމްޑީޕީ އެކްޓިވިސްޓުންހެން ޔާމީން ވެރިކަމުގަ ޔާމީނަށް ބެވިއިރު. ބްރެއިންވޮޝްކޮށްލާފަ ތިބެނީ ރަގަޅަށް. އެއިން މީހަކާ ވާހަކަ ދައްކާލެވުނީމަ އެނގެނީ އެކްޓިވިސްޓްވެފަ ތިބޭ ވަރު. ރަހްމަތްތެރިކަމުގެ ގޮތުން ދެފަހަރަކު ވާހަކަ ދައްކާލެވުނުކަމުން ހީވީ އެންޓި-ޔާމީން ކެމްޕޭނެއްގެ އުޅޭ މީހަކާ ވާހަކަ ދެއްކޭހެން.
ޒައި
09 January 2020
މީ ނަމަކަށް ކުރާކަމެއް. އައި އެސް އޯ 1589 އަކީ ދުނިޔެ ގަބޫލުކުރާ ލެބޯޓްރީ ސްޓެންޑަރޑް. ކިއިއްވެގެތޯ އައި އެސް އޯ އެކްރެޑިޓޭޝަން އަކށްނުދާންވީ. އެންމެ ފެންވަރު ރަނގަޅު އިކުއިޕްމެންޓްސް، ހުރިއިރު އިންޑިޔާގެ ތާރޑްޕާރޓީ ކޮމްޕެނީަކުން މިކަން ކުރުމަކީ ދެރަކަމެއް. އިންޑިޔާއަށް އައި އެސް އޯ ފެންވަރަށް ހިދުމަތް ނުދެވޭތީ އެމީހުން އަމިއްލަޔަށް ހަދައިގެން އުޅޭ ބޮޑީއެއް އެއީ. މީިއީ ބޮޑު ވެއްޓާުމެއް. އަދި ޔަގީންކަމެއްނެތް ކަމެއެއް
ލޮލްސް
09 January 2020
އިންޑިޔާ އޭ؟ ލޮލްސް! ޔޫ.އެސް ނުވަތަ ޔޫކޭ ފަދަ ތަރައްޤީވެފައިވާ ޤައުމަކުން އެކްރެޑިޓް ކޮށްލަބަލަ ތި ތަނުގެ ފެންވަރު އެނގޭނީ އޭރުންނެއްނު!
ޣަފު
09 January 2020
30 އަހަރައްވުރެ ގިނަ ދުވަސްވީ ކުރި އެރުމެއްނެތް ހޮސްޕިޓަލެއް ތީ. ޢެކަމަކު ދަރުމަވަންތަ ފެނުމާ އެކު ނިދިން ހޭލެވި ދިވެހިންނައް ވިސްނިދާނެތީ، މި ލިބުނު ރަނުގެ ފުރުސަތު ބޭނުންކޮށް ދިވެހިން ވާ ވައްދައި ގުނބޯ ހައްދައިގެން ކެވޭތޯ ބަލަނީ.
ޢަނީ
09 January 2020
ޑޮކްޓަރު ނައިސްގެން 2 ގަޑިއިރު މިހަފްތާގަ ތިތާގަ އިނިން. އެކްރެޑިޓު ކުރާވަރު އަދި ނުވޭ.
ބޮޑުމީހާ
09 January 2020
ކޮންމެކަމެއްގަވެސް ބަލާތި ގޮސް އެމީހުންގެ ފައިބުޑަށް ވެއްޓޭތޯ! މިހުރިހާ ދުަވހު ދެއްކީ ދޮންމީހުންގެ ވާހަކަ. މިކަހަލަ ކަމެއް ކުރަންވީމަ ދޮންމީހުން ހަދާންނެތޭ. ދީނީ ކަމެއް ވިއްޔާ ދޮންމީހުން އުޅެންޖެހޭގޮތަށް އުޅެން ވަކާލާތުކުރާނެ
އަލީމްބެ
09 January 2020
ދޮންމީހުންނައަވުރެ މިރޮނގުގައި އިންޑިއާއަކީ މާކުރީގަ އުޅޭބައެއް، އެމެރިކާ، ޔޫކޭގަވެސް އެންމެ ކުރީގައި އުޅެނީ އިންޑިއާ ޑޮކްޓަރުން
ފައިވް
09 January 2020
އިންޑިއާ ކިތަންމެ ކުރީގައި އުޅުނަސް ދަހިވެތިކަން މާ ބޮޑީ. އެހެން ނޫނީ އެމީހުންގެ ބެކްޔާޑްކަމަށްވާ ދިވެހިރާއްޖޭގެ ސިއްހީ ޚިދްމަތް ކުރިއަރުވައި އެގައުމަށް ދާންނުޖެހޭނެ ގޮތް ހަދައިދޭނެތާ ކޮން ދުވަހެއް. އެކަމު ހަގީގަތަކީ އިންޑިއާއިން ބޭނުންނުވޭ އެގައުމަށް ދިވެހިންގެ ފަރާތުން އެލިބޭ ސިއްހީ ދާއިރާގެ ފައިދާ ހުއްޓޭކަށް. މިގައުމުގައި ތިބެގެން އެގައުމުން ލިބޭނެ ޚިދުމަތްތައް ފަހިވާނެގޮތް ހަދައިނުދެނީ އެހީވުމުގައި އިޚްލާސްތެރިކަމެއްނެތީމަ.
ކަންބޮޑުވޭ
08 January 2020
ވަސީލަތްތައް ގިނަކަމުގައި ވީނަމަވެސް، ރާއްޖެއާއި އަޅާ ބަލާއިރު އިންޑިޔާއަކީ ހުރިހާ ކަމެއްގައިވެސް ޚިދުމަތް ދިނުމުގެ ފެންވަރު ވަރަށް ދަށް ޤައުމެއް. ކަން މިހެން އޮތް އިރު އިންޑިޔަން ސްޓޭންޑަރޑް އަށް އެކްރެޑިޓް ކުރުމުގެ އަޑީގައި ކޮންމެވެސް އެހެން ކަމެއް ފޮރުވިފައި ވާނޭ ކަމުގައި ޤަބޫލުކުރެވޭ. އައިއެސްއޯ ފަދަ ބައިނަލް އަޤުވާމީ ގޮތުން ޤަބޫލުކުރާ ސްޓޭންޑަރޑް އަކާ ދިމަލަށް ނުދާންވީ ކީއްވެ؟
އައިސްތު
09 January 2020
އުނގަށް ވެއްޓިފައި އޮތްލެއް ބޮޑުކަމުން
އަހުމަދުބޭ
08 January 2020
ކީއްވެގެންތަ ކޮންމެހެން އިންޑިއާގެ އެކްރެޑިޓޭޝަން ބޯޑުގެ މިންގަނޑުތަކަށް ތިޔަފައްތަނީ ކީއްވެގެންތަ އިންޓަނޭޝަނަލް ސޮސައިޓީ ފޯ ކޮލިޓީ އެންޑް ހެލްތު ކެއާ އިން އެކްރެޑިޓް މިންގަނޑުތަކަށް ނުފެންތޭންވީ؟ ތިޔަކަން ބަލައިގަންނަށް ވަރަށް އުނދަގޫ ވައްތަރީ އެކްމެ ކޮންސަލްޓޭޝަން އަށް ޑީލްއެއްދޭން އިންޑިޔާއިން އަންގައިގެން ކުރާކަމަކާ؟
އައިސްތު
09 January 2020
ވައްތަރީތަ؟ މަށަށް ހަމަ ޔަގީން ތިޔަކަން. އިންޑިއާއަށް މުޅި ގައުމުވެސް ޑީލް އަކަށް އަދި ދޭނެ މިމީހުން ވެރިކަމުގައި ތިބިއްޔާ. އަހުމަދުބޭމެން ވޯޓުލައިގެން ގެނައި ސަރުކާރު ދޯ؟
ޖޮންގޯ
08 January 2020
ތިދިޔައީ ތިތާގެ ދުވަސްވެސް!