މަޝްވަރާތަކުގައި ޕީޕީއެމުން ބައިވެރިވާނީ ފާރިސް އާއި ވައްޑެ

ފާރިސް (ކ) އަދި ވައްޑެ: މަޝްވަރާތަކުގައި ޕީޕީއެމުން ބައިވެރިވާނީ މި ދެ ބޭފުޅުން -- ފޮޓޯ: މަޖިލިސް

އާމިނަތު ޝިފްލީން، މިހާރު

03 އޮކްޓޯބަރ 2016 - 16:43

ސަރުކާރުން އިސްނަގައިގެން ބާއްވާ ސިޔާސީ ޕާޓީތަކުގެ މަޝްވަރާތަކުގައި ޕީޕީއެމް ތަމްސީލް ކުރައްވާނީ، އެ ޕާޓީގެ ކައުންސިލް މެމްބަރު އަހުމަދު ފާރިސް މައުމޫނާއި ތުލުސްދޫ ދާއިރާގެ މެމްބަރު މުހައްމަދު ވަހީދު އިބްރާހީމް (ލޯޔަރު ވައްޑެ) ކަމަށް ޕީޕީއެމުން ނިންމައިފި އެވެ.

ފާރިސް އާއި ވައްޑެ އަކީ ވެސް ސަރުކާރުގެ ބައެއް ސިޔާސަތުތަކާ މެދު ހިތްހަމަޖެހިވަޑައިނުގަންނަވާތީ، ފާޅުގައި ފާޑުވިދާޅުވަމުން ގެންދަވާ ދެ ބޭފުޅުންނެވެ. އެންމެ ފަހުން ފާރިސް އާއި ވައްޑެ ރަތަށް އެރީ، މިއިން ދުވަހަކު ވެސް ކާޑުގެ އަގު ބޮޑުކުރާ މިންވަރަށް އެތަކެތީގެ އަގު ސަރުކާރުން ބޮޑުކުރި މައްސަލައިގަ އެވެ.

ސަރުކާރު ހިންގާ މައި ޕާޓީ، ޕީޕީއެމްގެ ޑެޕިއުޓީ ސެކްރެޓަރީ ޖެނެރަލް އަބްދުލް އަލީމް މިއަދު ވިދާޅުވީ މަޝްވަރާތަކުގައި އެ ޕާޓީން، ދިއްގަރު ދާއިރާގެ މެމްބަރު ފާރިސް އާއި ވައްޑެ ބައިވެރިކުރުމަށް، ޕީޕީއެމްގެ ރައީސް މައުމޫން އަބްދުލް ގައްޔޫމް މިއަދު ނިންމަވާފައިވާ ކަމަށެވެ.

މައުމޫން މިހެން ނިންމެވި ނަމަވެސް ފާރިސް އަކީ ކައުންސިލްގެ މެމްބަރެއް ކަމަށް ރައީސް އަބްދުﷲ ޔާމީނަށް ތާއީދު ކުރާ އެ ޕާޓީގެ މެމްބަރުން ގަބޫލެއް ނުކުރެ އެވެ.

މައުމޫނާއި ޔާމީނަށް ތާއީދު ކުރާ މެމްބަރުންގެ މެދުގައި ދެ ފެކްޝަނެއް އުފެދިފައިވާއިރު، ތްރީ ލައިން ވިޕާ ހިލާފުވި މައްސަލައެއްގައި ފާރިސް ޕީޕީއެމުން ވަކިކުރުމަށް ސުލޫކީ ކޮމެޓީން ވަނީ ނިންމައިފަ އެވެ. އެކަމަކު އެކަން ޕާޓީގެ އޮފީހަކުން ގަބޫލެއް ނުކުރެ އެވެ.

މަޝްވަރާތަކުގައި މީގެ ކުރިން ޕީޕިއެމް ތަމްސީލް ކުރެއްވީ އެ ޕާޓީގެ ޕާލިމަންޓްރީ ގުރޫޕުގެ ލީޑަރު އަހުމަދު ނިހާން ހުސެން މަނިކެވެ.

ސިޔާސީ ޕާޓީތަކާއެކު މަޝްވަރާ ކުރުމަށް ކޮމަންވެލްތް މިނިސްޓީރިއަލް އެކްޝަން ގްރޫޕް (ސީމެގް) އިން އަންގާފައިވާއިރު މި މަޝްވަރާތަކުގައި އިދިކޮޅު އެމްޑީޕީންނާއި އަދާލަތު ޕާޓީންނާއި ޖުމްހޫރީ ޕާޓީން ވަނީ ބައިވެރިވާން ނިންމައިފަ އެވެ.

ސިޔާސީ ދިވެހި ސަރުކާރު ޕީޕީއެމް ފާރިސް މައުމޫން ސިޔާސީ ޕާޓީތަކުގެ މަޝްވަރާތައް ރައީސް މައުމޫން އަބްދުލްގައްޔޫމް މުހައްމަދު ވަހީދު އިބްރާހިމް (ވައްޑެ)

18 ކޮމެންޓް, 103 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެދުރުބެ

04 October 2016

ފާރިޝް އަކީ ސަރުކާރުގެ ވިސްނުމާއި ދުރުވިސްނުމެއް ގެންގުޅުއްވާ ބޭފުޅެއް. އެހެންވީމާ ކަމަކު ނުދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

04 October 2016

ހުނ.... މިޖެހުނީ ކޮންތާކު!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމަދު

03 October 2016

މިޚަބަރު ފުރިހަމަ ވީސް ސަރުކާރުން މިމަޝްވަރާތައް ވިލަރެސް ކުރައްވާ ބޭފުޅެއްގެ ކުރެން އައްސަވާލައްވައިގެން، ވެރިކަން ކުރާ ޕާޓީން ފޮނުވާ 2 މެމްބަރުންނާ މެދު ޝައްކުތަކެއް އުފެދިފައިވޭތޯ...! އަދި ޕީޕީއެމް ގެ ޕީޖީ ގްރޫޕު ކުރެންވެއް އެއްޗެއް އައްސަވާލެއްވި ނަމަ ރަނގަޅުވީސް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހޭ

03 October 2016

ޕޕމގެ ސަރުކާރަށް ނިސްބަތްނުވާ ދެމީހަކާ ވާހަކަ ދައްކާއިގެން ގެނެވޭނެ ހައްލެއް ނުފެނޭ. ޔާމީންގެ މަންދޫބަކާ ވާހަކަ ދެއްކުން މާ މުހިންމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދު

03 October 2016

މިކިޔާ "މަޝްވަރާ ބައްދަލުވުމަކީ" އިދިކޮޅި ޕާޓީ ތަކާއި ސީދާ ސަރުކާރާއި ދެމެދު އޮންނަންޖެހޭ ބައްދަލުވުމެއް! އެހެންވީމަ ސަރުކާރުގެ ފަރާތުން ރަގަޅުވާނީ ސީދާ ރައީސް ޔާމީން އަދި ނާއިބު! އެހެން ނޫންނަމަ ޔާމީން ބުނެފާނެ ތިޔަ ބައްދަލުވުމަކަށް ތިމަންނަ ނުދަމޭ، ޒިންމާ ވާކަށް ނުޖެހޭނެއޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަތާ / މެދު ޕްރޮވިންސް

04 October 2016

އަބުދުއަށް ސަލާމް" މަޝްވަރާ ބައްދަލުވުމުގައި ބައިވެރި ވުމަށް ރައީސްވަނީ ޓީމެއް ފޮނުވާފައި އެހެންވީމައި ރައީސްގެ ނިންމުމާއި ބަސް އެތާގައި އިއްވާނެ ބަޔަކު އެތިބީ ހިމެނިފައި ދެން އޮތީ ޕާޓީތަކުެ ފަރާތުން ބައިވެރިވާ މީހުންގެ ވާހަކަ އެހެންވީމާ ޕީޕީެމް އިން ރައީސްގެ މަޝްވަރާއާއިއެކު އެޕާޓީގެ ވިސްނުން ޙިއްސާކުރުމަށް އެހެން ޓީމެއް އޮތުމަކީ އެއްވެސް މައްސަލައެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެކުނު ފަޑިޔާރު

03 October 2016

ޕާރޓީން ހޮވުނު ރައީސް އެކަހެރިކޮށް ޕާރޓީން ކަންކަން ނިންމުމަކީ އެބުނާ ޑިމޮކޮރަސީއެއް ނޫން. އަދި ކޮށްގެންވާނެ ކަމެއްނޫން. އެނިންމުން ޕާރޓީގެ މެމްބަރުންގެ މެދުގައި މަގްބޫލް ނުވާނެ.. ކުރުކޮށް ބުނާ ނަމަ އެއީ ރައީސް އެކަހެރިކޮށް ކުރެވިގެންވާނެ ކަމެއްނޫން. އަދި ފާރިސް މައުމޫނަކީ ދިވެހީންގެ މެދުގައި އަދި ޕާރޓީގެ ތެރޭގައި މަގްބޫލު ޝަޚުސިއްޔަތެއްނޫން. ޕީޕީއެމްގެ އެކަހެރި ސިޔާސަތުގެ ތިނިންމުމަކީ އަމިއްލަ އަށް ފޭހުނު އިލޮށި އަމިއްލަ ލޮލަށް ހެރުމާ އެއްފަދަ ސިޔާސަތެއް. ވަރަށްސަލާމް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫސަ

04 October 2016

އެހެންވެއްޖެއްޔާ ނެރެންވީނު ޕީއޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަސްމަންޒަރު

03 October 2016

ރައީސް އަލްއުސްތާޒް މައްމޫން އަބުދުލްގައްޔޫމް ޕީޕީއެމް ސަރުކާރެއްގައި ކާޑުގެ އަގުބޮޑު ނުކުރައްވާނޭ ވިދާޅުވެލެއްހި ހިސާބުން އެނގެނީ މިސަރުކާރަށް ރައީސް މައްމޫންގެ ތާއީދު ނެތްކަން އެހެންގޮތެއް ހޯއްދަވަން އުޅުއްވާކަން ޔަޤީން މިވީ،